ಬೆಂಗಳೂರು: ಭಾರತ ತಂಡದ ಮಾಜಿ ನಾಯಕ ರಾಹುಲ್ ದ್ರಾವಿಡ್, ಅದೆಷ್ಟೋ ಯುವ ಕ್ರಿಕೆಟಿಗರಿಗೆ ಸ್ಫೂರ್ತಿಯಾಗಿದ್ದಾರೆ. ಇವರನ್ನು ಆದರ್ಶವಾಗಿ ಸ್ವೀಕರಿಸಿರುವ ಆಟಗಾರರಿಗೆ ಲೆಕ್ಕವಿಲ್ಲ. ವೃತ್ತಿಜೀವನಕ್ಕೆ ನಿವೃತ್ತಿ ಹೇಳಿ 9 ವರ್ಷಗಳ ಕಳೆದರೂ ದ್ರಾವಿಡ್ ಅಭಿಮಾನಿಗಳ ಸಂಖ್ಯೆ ಮಾತ್ರ ಕುಂದಿಲ್ಲ. ಇದೀಗ ಕೋಚಿಂಗ್ನತ್ತ ಗಮನಹರಿಸಿರುವ ದ್ರಾವಿಡ್, ಯುವ ಕ್ರಿಕೆಟಿಗರಿಗೆ ತಮ್ಮ ತಂತ್ರಗಳನ್ನು ಹೇಳಿಕೊಡುತ್ತಿದ್ದಾರೆ. ದ್ರಾವಿಡ್ ಮಾತು ಕೇವಲ ಕ್ರಿಕೆಟಿಗರಿಗೆ ಮಾತ್ರವಲ್ಲ, ಇತರ ಕ್ರೀಡೆಯ ಕ್ರೀಡಾಪಟುಗಳು ಕೂಡ ಸ್ಫೂರ್ತಿಯಾಗಿ ಸ್ವೀಕರಿಸುತ್ತಾರೆ. ಅದೇ ರೀತಿ ವಲ್ಡ್ ರೆಸ್ಲಿಂಗ್ ಇಂಟರ್ಟೈನ್ಮೆಂಟ್ (WWE) ದಿಗ್ಗಜ ಜಾನ್ ಸೀನಾಗೆ ದ್ರಾವಿಡ್ ಅವರೇ ಸ್ಫೂತಿರ್ಯಂತೆ..
ಸೇ ಡಿ ಗಾಗಿ ಆಡಬಾರದು, ಗೌರವ ಹಾಗೂ ಹೆಮ್ಮೆಗಾಗಿ ಆಡಬೇಕು ಎಂದು ದ್ರಾವಿಡ್ ಹೇಳಿದ ಮಾತೇ ಡಬ್ಲ್ಯುಡಬ್ಲ್ಯುಇ ದಿಗ್ಗಜನಿಗೆ ಸ್ಫೂರ್ತಿಯಾಗಿದೆ. 2017ರಲ್ಲಿ ಜಾನ್ ಸೆನಾ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದರೂ ಇಂದಿಗೂ ಈ ಪೋಸ್ಟ್ ಚಾಲ್ತಿಯಲ್ಲಿರುವುದು ವಿಶೇಷ. ದ್ರಾವಿಡ್ ಫೋಟೋ ಜತೆಗೆ ಕೋಟ್ ಹಂಚಿಕೊಂಡಿದ್ದರು. ಬಹುತೇಕ ಮಾಧ್ಯಮಗಳಲ್ಲಿ ಈ ಮಾತು ಚರ್ಚೆಯಾಗಿರುವುದು ವಿಶೇಷ. ಇನ್ಸ್ಟಾಗ್ರಾಂನಲ್ಲಿ ಸುಮಾರು 15.1 ಮಿಲಿಯನ್ ಹಿಂಬಾಲಕರನ್ನು ಹೊಂದಿರುವ ಸೆನಾ, ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್, ಸ್ಟಾರ್ ಅಮಿತಾಭ್ ಬಚ್ಚನ್, ರಣವೀರ್ ಸಿಂಗ್ ಪೋಸ್ಟ್ಗಳನ್ನು ಶೇರ್ ಮಾಡಿದ್ದಾರೆ.
ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ ಮುಖ್ಯಸ್ಥರಾಗಿರುವ ಕನ್ನಡಿಗ ರಾಹುಲ್ ದ್ರಾವಿಡ್, ಮುಂಬರುವ ಶ್ರೀಲಂಕಾ ಪ್ರವಾಸಕ್ಕೆ ಭಾರತ ಎರಡನೇ ಸ್ಥರದ ತಂಡಕ್ಕೆ ಕೋಚ್ ಆಗುವ ಸಾಧ್ಯತೆಗಳಿವೆ. ದ್ರಾವಿಡ್ 2014ರಲ್ಲಿ ಮೊದಲ ಬಾರಿಗೆ ರಾಷ್ಟ್ರೀಯ ತಂಡದೊಂದಿಗೆ ಕಾರ್ಯನಿರ್ವಹಿಸಿದ್ದರು.
'You play for respect & pride' – When John Cena shared Rahul Dravid's inspirational quote on Instagramhttps://t.co/gPwKgvG1tQ pic.twitter.com/FKYFwXLl9a
— Times Now Sports (@timesnowsports) May 30, 2021
ಮುಂದಿನ ಸುದ್ದಿ: ಜಗತ್ತಿನ ಶ್ರೀಮಂತ ಕ್ರಿಕೆಟ್ ಮಂಡಳಿ ಯಾವುದು?
ವಿಶ್ವದ ಕ್ರಿಕೆಟ್ ಲೋಕದ ಶ್ರೀಮಂತ ಕ್ರಿಕೆಟ್ ಮಂಡಳಿ ಯಾವುದು? ಯಾವ ಬೋರ್ಡ್ನ ವರ್ಷದ ವಹಿವಾಟು ಹೆಚ್ಚಿದೆ? ಕ್ರಿಕೆಟ್ ಎಂಬ ಜಂಟಲ್ಮೆನ್ ಗೇಮ್ನಲ್ಲಿ ಯಾವ ಕ್ರಿಕೆಟ್ ಬೋರ್ಡ್ ಹೆಚ್ಚು ಆದಾಯ ಗಳಿಸ್ತಿದೆ? ಹೀಗೆ ಸಾಕಷ್ಟು ಪ್ರಶ್ನೆಗಳು ಕ್ರಿಕೆಟ್ ಅಭಿಮಾನಿಗಳನ್ನ ಕಾಡೋದು ಸಹಜ. ಆ ಇಂಟರೆಸ್ಟಿಂಗ್ ಪ್ರಶ್ನೆಗೆ ಉತ್ತರ ಇಲ್ಲಿದೆ ಓದಿ.
World’s Most Followed ಕ್ರೀಡೆಗಳಲ್ಲಿ ಕ್ರಿಕೆಟ್ ಕೂಡ ಒಂದು. ಫುಟ್ಬಾಲ್, ರಗ್ಬಿ, ಟೆನಿಸ್, ಬ್ಯಾಡ್ಮಿಂಟನ್ ನಡುವೆಯೇ ಈ ಜಂಟಲ್ಮೆನ್ ಗೇಮ್ ವಿಶ್ವದಾದ್ಯಂತ ತನ್ನ ಸ್ಥಾನಮಾನ ವಿಸ್ತರಿಸಿಕೊಂಡಿದೆ. ಕ್ರಿಕೆಟ್ ಇಷ್ಟರ ಮಟ್ಟಿಗೆ ಫೇಮಸ್ ಆಗೋದಕ್ಕೆ ಕಾರಣ, ಕ್ರಿಕೆಟ್ ಮಂಡಳಿಗಳು ಹೂಡುವ ಬಂಡವಾಳ. ಹೀಗಾಗಿ ಪಂದ್ಯ-ಪಂದ್ಯಕ್ಕೂ, ಸರಣಿ-ಸರಣಿಗೂ ಕೋಟಿ ಕೋಟಿ ಸಂಪಾದಿಸುವ ಮಂಡಳಿಗಳು, ಹಣದ ಹೊಳೆಯನ್ನೇ ತನ್ನ ಖಜಾನೆಗೆ ತುಂಬಿಕೊಳ್ತಿವೆ. ಜಾಹೀರಾತು-ಪ್ರಾಯೋಜಕತ್ವ ಸೇರಿದಂತೆ ವಿವಿಧ ಮೂಲಗಳಿಂದ ಮಂಡಳಿಗಳು ವಾರ್ಷಿಕವಾಗಿ ಸಾವಿರಾರು ಕೋಟಿ ಗಳಿಸುತ್ತಿವೆ.
ಜಂಟಲ್ಮೆನ್ ಗೇಮ್ನಲ್ಲಿ ಬಿಸಿಸಿಐ ಬಿಗ್ಬಾಸ್,
BCCI ವಾರ್ಷಿಕ ವರಮಾನ ಬರೋಬ್ಬರಿ 3,730 ಕೋಟಿ
ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ ಅಂದರೆ ಬಿಸಿಸಿಐ ವಿಶ್ವದ ಕ್ರಿಕೆಟ್ ಲೋಕದ ಶ್ರೀಮಂತ ಮಂಡಳಿ. ಅತ್ಯಂತ ಶ್ರೀಮಂತ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದಿರುವ ಬಿಸಿಸಿಐನ ವಾರ್ಷಿಕ ವರಮಾನ, 3,730 ಕೋಟಿ ರೂಪಾಯಿ ಅಂದರೆ ನಂಬಲೇಬೇಕು. ಗಳಿಕೆಯ ವಿಚಾರದಲ್ಲಿ ಯಾವ ಬೋರ್ಡನ್ನೂ ತನ್ನ ಮುಂದಕ್ಕೆ ಬಿಟ್ಟುಕೊಂಡಿರದ BCCI, ರಾಷ್ಟ್ರೀಯ ಸರಣಿಗಳನ್ನಷ್ಟೇ ಅಲ್ಲ, ವಿಶ್ವದ ಶ್ರೀಮಂತ ಲೀಗ್ IPL ಅನ್ನು ಆಯೋಜಿಸುವ ಖ್ಯಾತಿ ಕೂಡ ಪಡೆದಿದೆ.
ಹಣಕಾಸು ಗಳಿಕೆಯಲ್ಲಿ ಕ್ರಿಕೆಟ್ ಆಸ್ಟ್ರೇಲಿಯಾಗೆ 2ನೇ ಸ್ಥಾನ
ಕ್ರಿಕೆಟ್ ಆಸ್ಟ್ರೇಲಿಯಾದ ವಾರ್ಷಿಕ ವರಮಾನ, ಬಿಸಿಸಿಐಗಿಂತ 887 ಕೋಟಿ ಕಡಿಮೆ. ಕ್ರಿಕೆಟ್ ಹುಟ್ಟಿದಾಗಿನಿಂದ ಆಸ್ಟ್ರೇಲಿಯಾ ಅದರ ಭಾಗವಾಗಿದೆ. ಅಂದಿನಿಂದ ಈವರೆಗೂ ಕ್ರಿಕೆಟ್ ಲೋಕದಲ್ಲಿ ದರ್ಬಾರ್ ನಡೆಸಿದ ಆಸಿಸ್ ಬೋರ್ಡ್ನ ವಾರ್ಷಿಕ ಆದಾಯ 2,843 ಕೋಟಿ ರೂಪಾಯಿ. ಆಸಿಸ್ ಮಂಡಳಿ ಕೂಡ ಬಿಬಿಎಲ್ ಆಯೋಜಿಸಿ, ವರ್ಷದಿಂದ ವರ್ಷಕ್ಕೆ ಇನ್ಕಮ್ ಜಾಸ್ತಿ ಮಾಡಿಕೊಳ್ತಿದೆ.
ವಿಶ್ವಕ್ಕೆ ಕ್ರಿಕೆಟ್ ಪರಿಚಯಿಸಿದ ಸೃಷ್ಟಿಕರ್ತರಿಗೆ ಮೂರನೇ ಸ್ಥಾನ
ಜಗತ್ತಿಗೆ ಕ್ರಿಕೆಟ್ ಎಂಬ ಜಂಟಲ್ಮೆನ್ ಗೇಮ್ ಪರಿಚಯಿಸಿದ ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್, 3ನೇ ಸ್ಥಾನದಲ್ಲಿರೋದು ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ. ಕ್ರಿಕೆಟ್ ಅನ್ನೋ ಕ್ರೀಡೆಯನ್ನ ಸೃಷ್ಟಿಸಿ ಜಗತ್ತನ್ನ ಆಳ್ತಿದ್ದ ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿಯ ವಾರ್ಷಿಕ ಆದಾಯ 2,135 ಕೋಟಿ ರೂಪಾಯಿ. ಇದು ಆಸಿಸ್ ಮಂಡಳಿಗಿಂತಲೂ ₹708 ಕೋಟಿ ಕಡಿಮೆ. ಸದ್ಯ ತನ್ನ ಆದಾಯವನ್ನ ಡಬಲ್ ಮಾಡ್ಕೊಳ್ಳೋದಕ್ಕೆ ಮುಂದಾಗಿರೋ ಇಂಗ್ಲೆಂಡ್, ಹಂಡ್ರೆಡ್ ಲೀಗ್ ಟೂರ್ನಿ ಆಯೋಜನೆಗೆ ಮುಂದಾಗಿದೆ.
ಪಾಕ್ಗೆ ನಾಲ್ಕನೇ ಸ್ಥಾನ, ಐದರಲ್ಲಿ ಜಾಗ ಪಡೆದ ಬಾಂಗ್ಲಾ
ಕ್ರಿಕೆಟ್ನಲ್ಲಿ ಬೆಸ್ಟ್ ಪರ್ಫಾಮೆನ್ಸ್ ನೀಡ್ತಿರೋ ನ್ಯೂಜಿಲೆಂಡ್-ಸೌತ್ ಆಫ್ರಿಕಾ ತಂಡಗಳು, ನಂತರದಲ್ಲಿ ಸ್ಥಾನದಲ್ಲಿರುತ್ತವೆ ಅಂದುಕೊಂಡಿದ್ರೆ, ನಿಮ್ಮ ಊಹೆ ತಪ್ಪು. ಮುಂದಿನ ಸ್ಥಾನದಲ್ಲಿರೋದು ಪಾಕಿಸ್ತಾನ ಮತ್ತು ಬಾಂಗ್ಲಾದೇಶ. ಭಾರತ, ಆಸಿಸ್, ಇಂಗ್ಲೆಂಡ್ ನಾಲ್ಕಂಕಿ ವರಮಾನ ಪಡೀತಿದ್ರೆ, ಈ ಎರಡು ಕ್ರಿಕೆಟ್ ಮಂಡಳಿಗಳು ಮೂರಂಕಿ ಆದಾಯ ಪಡೀತಿವೆ. 4ನೇ ಸ್ಥಾನದಲ್ಲಿರೋ ಪಾಕ್ 811 ಕೋಟಿ ಮತ್ತು 5ನೇ ಸ್ಥಾನದಲ್ಲಿ ಇರುವ ಬಾಂಗ್ಲಾ 802 ಕೋಟಿ ಸಂಪಾದನೆ ಮಾಡ್ತಿವೆ. ಕಿವೀಸ್, ಹರಿಣಗಳು, ಕೆರಿಬಿಯನ್ನರನ್ನೇ ಹಿಂದಿಕ್ಕಿರುವ ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿ, ನಿಜಕ್ಕೂ ಆಶ್ಚರ್ಯ ಹುಟ್ಟಿಸಿದೆ.
ಮಂಡಳಿಗಳ ವಾರ್ಷಿಕ ವರಮಾನ ಮಂಡಳಿ ಆದಾಯ
ಸೌತ್ ಆಫ್ರಿಕಾ 485 ಕೋಟಿ ರೂಪಾಯಿ, ನ್ಯೂಜಿಲೆಂಡ್ 201 ಕೋಟಿ ರೂಪಾಯಿ, ವೆಸ್ಟ್ ಇಂಡೀಸ್ 116 ಕೋಟಿ ರೂಪಾಯಿ, ಜಿಂಬಾಬ್ವೆ 113 ಕೋಟಿ ರೂಪಾಯಿ, ಶ್ರೀಲಂಕಾ 100 ಕೋಟಿ ರೂಪಾಯಿಯಷ್ಟಿದೆ.
ವಾರ್ಷಿಕ ವರಮಾನದಲ್ಲಿ ₹485 ಕೋಟಿ ಪಡೆಯುವ ಸೌತ್ ಆಫ್ರಿಕಾ ಮಂಡಳಿ 6ನೇ ಸ್ಥಾನದಲ್ಲಿದ್ರೆ, ₹201 ಕೋಟಿ ಆದಾಯ ಸಂಗ್ರಹಿಸುವ ನ್ಯೂಜಿಲೆಂಡ್ ಕ್ರಿಕೆಟ್ ಮಂಡಳಿಗೆ 7ನೇ ಸ್ಥಾನ. ಇನ್ನು ₹116 ಕೋಟಿ ಸಂಪಾದಿಸುವ ವಿಂಡೀಸ್ ಕ್ರಿಕೆಟ್ ಮಂಡಳಿಗೆ 8ನೇ ಸ್ಥಾನ ಸಿಕ್ಕಿದ್ರೆ, ವರ್ಷಕ್ಕೆ ₹113 ಕೋಟಿ ದುಡೀತಿರೋ ಜಿಂಬಾಬ್ವೆಗೆ 9ನೇ ಜಾಗ ದಕ್ಕಿದೆ. ಒಂದು ಕಾಲದಲ್ಲಿ ಕ್ರಿಕೆಟ್ನಲ್ಲಿ ರಾರಾಜಿಸ್ತಿದ್ದ ಶ್ರೀಲಂಕಾ ₹100 ಕೋಟಿಯೊಂದಿಗೆ 10ನೇ ಸ್ಥಾನ ಪಡೆದುಕೊಂಡಿದೆ.
ಇದಿಷ್ಟು ಕ್ರಿಕೆಟ್ ಮಂಡಳಿಗಳು ವಾರ್ಷಿಕವಾಗಿ ದುಡಿಯುತ್ತಿರೋ ವರಮಾನ. ಸದ್ಯ ಕೋವಿಡ್ ಎಫೆಕ್ಟ್ ಕ್ರಿಕೆಟ್ ಮೇಲೂ ಬಿದ್ದಿದ್ದು ತಕ್ಕಮಟ್ಟಿಗೆ ಆರ್ಥಿಕ ಮುಗ್ಗಟ್ಟು ಎದುರಿಸುತ್ತಿವೆ. ಹಾಗಾಗಿ ಈಗಾಗಿರುವ ನಷ್ಟವನ್ನ ತುಂಬಿಕೊಳ್ಳಲು ಎಲ್ಲಾ ಕ್ರಿಕೆಟ್ ಮಂಡಳಿಗಳು, ಕೊರೊನಾ ಮಧ್ಯೆಯೇ ಸುರಕ್ಷತತೆಯಿಂದ ಸರಣಿ ಮತ್ತು ಟೂರ್ನಿಗಳ ಆಯೋಜನೆಗೆ ಮುಂದಾಗಿವೆ.