ಪ್ರಧಾನಿ ನರೇಂದ್ರ ಮೋದಿ ಅವರು 10 ದಿನಗಳಲ್ಲಿ ಎರಡನೇ ಬಾರಿಗೆ ಇಂದು (ಡಿಸೆಂಬರ್ 23, 2021) ತಮ್ಮ ಸಂಸದೀಯ ಕ್ಷೇತ್ರ ವಾರಾಣಸಿ ತಲುಪಿದ್ದಾರೆ. ಇಲ್ಲಿ 870 ಕೋಟಿ ರೂ.ಗಳ 22 ಅಭಿವೃದ್ಧಿ ಯೋಜನೆಗಳನ್ನು ಸಾರ್ವಜನಿಕರಿಗೆ ಸಮರ್ಪಿಸಿದರು. ಈ ಯೋಜನೆಗಳ ಪೈಕಿ ಪಿಂಡರಾ ದ ಕರಾಖಿಯಾಂವ್ ನಲ್ಲಿ ಅಮುಲ್ ಪ್ಲ್ಯಾಂಟ್ ಅಡಿಪಾಯವನ್ನು ಸಹ ಒಳಗೊಂಡಿವೆ. ಇದಲ್ಲದೇ ಈ ಅವಧಿಯಲ್ಲಿ 20 ಲಕ್ಷಕ್ಕೂ ಹೆಚ್ಚು ಜನರಿಗೆ ‘ಘರೌನಿ’ ಕೂಡ ವಿತರಿಸಲಾಗಿದೆ.
Varanasi | PM Narendra Modi inaugurates 22 developmental projects worth over Rs 870 crores in his parliamentary constituency
He also lays foundation stone for 'Banas Dairy Sankul', & distributes rural residential rights record ‘Gharauni’ pic.twitter.com/Rbh2zKFk6s
— ANI UP/Uttarakhand (@ANINewsUP) December 23, 2021
ಈ ಕಾರ್ಯಕ್ರಮದ ವೇಳೆ ಪ್ರಧಾನಿ ನರೇಂದ್ರ ಮೋದಿ ಅವರು ‘ಮಹಾದೇವ’ ನಾಮಸ್ಮರಣೆ ಮಾಡುವ ಮೂಲಕ ಭಾಷಣ ಆರಂಭಿಸಿದರು. ಸ್ಥಳೀಯ ಭಾಷೆಯಲ್ಲಿ ನೆರೆದಿದ್ದ ಲಕ್ಷಾಂತರ ಜನರಿಗೆ ನಮಸ್ಕರಿಸುತ್ತಾ ಇಂದಿನ ದಿನ ಐತಿಹಾಸಿಕ ಎಂದು ಬಣ್ಣಿಸಿದರು. ಅಲ್ಲದೆ ಮಾಜಿ ಪ್ರಧಾನಿ ಚೌಧರಿ ಚರಣ್ ಸಿಂಗ್ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಿದರು.
पीएम श्री @narendramodi वाराणसी, उत्तर प्रदेश में विभिन्न विकास परियोजनाओं का शिलान्यास एवं लोकार्पण करते हुए। #यूपी_में_श्वेत_क्रांति
https://t.co/TGhHJHnNkO— BJP (@BJP4India) December 23, 2021
ಗೋವು, ಗೋವರ್ಧನನ್ನು ಪೂಜನೀಯ ಎಂದು ಬಣ್ಣಿಸಿದ ಪ್ರಧಾನಿ, “ಕೆಲವರಿಗೆ ಇದು ಅಪರಾಧವಾಗಬಹುದು, ಆದರೆ ನಮಗೆ ಅದು (ಗೋವು) ತಾಯಿ, ಅದು ಪೂಜಿತವಾಗಿದೆ. ನಮ್ಮ ದೇಶದ 8 ಕೋಟಿ ಜನರ ಜೀವನ ನಡೆಸುತ್ತಿರುವುದು ಇಂತಹ ಜಾನುವಾರುಗಳಿಂದಲೇ ಎಂಬುದನ್ನು ಗೇಲಿ ಮಾಡುವ ಜನರು ಮರೆಯುತ್ತಾರೆ. ಇಂದು ಭಾರತವು ಪ್ರತಿ ವರ್ಷ ಸುಮಾರು 8.50 ಲಕ್ಷ ಕೋಟಿ ರೂಪಾಯಿ ಮೌಲ್ಯದ ಹಾಲನ್ನು ಉತ್ಪಾದಿಸುತ್ತಿದೆ. ಈ ಮೊತ್ತವು ಭಾರತದಲ್ಲಿ ಉತ್ಪಾದಿಸುವ ಗೋಧಿ ಮತ್ತು ಅಕ್ಕಿಯ ಬೆಲೆಗಿಂತ ಹೆಚ್ಚು” ಎಂದರು.
ಈ ಮೂಲಕ ಅವರು ಹಿಂದುಗಳು ಪವಿತ್ರವೆಂದು ಪೂಜಿಸುವ ಗೋವಿನ ಮಹತ್ವವನ್ನ ಜನರಿಗೆ ತಿಳಿಸಿದರು ಹಾಗು ಭಾರತದಲ್ಲಿ ಕೆಲ ದಿನಗಳಲ್ಲೇ ಗೋಹ#ತ್ಯಾ ನಿಷೇಧ ಜಾರಿಗೆ ತರುವ ಸೂಚನೆಗಳನ್ನ ನೀಡಿದ್ದಾರೆ ಎಂಬುದು ರಾಜಕೀಯ ವಿಶ್ಲೇಷಕರ ಅಭಿಪ್ರಾಯವಾಗಿದೆ. ಮೋದಿ ಸರ್ಕಾರ ಅಧಿಕಾರಕ್ಕೆ ಬಂದಾಗಿನಿಂದ ಈ ಬಗ್ಗೆ ಹಲವಾರು ಬಾರಿ ಚರ್ಚೆ ನಡೆದಿದ್ದು ದೇಶದಲ್ಲಿ ಗೋಹ#ತ್ಯಾ ನಿಷೇಧ ಕಾನೂನು ಜಾರಿಗೆ ತರಬೇಕೆಂದು ದೇಶದ ಬಹುಸಂಖ್ಯಾತ ಜನರು ಒತ್ತಾಯಿಸುತ್ತಲೇ ಬಂದಿದ್ದಾರೆ. ದೇಶದ ರಾಜ್ಯಗಳ್ಲಿರುವ ಬಹುತೇಕ ಬಿಜೆಪಿ ರಾಜ್ಯ ಸರ್ಕಾರಗಳು ಈಗಾಗಲೇ ಈ ಕಾನೂನನ್ನ ಜಾರಿಗೆ ತಂದಿವೆ. ಆದರೆ ಈ ಕಾನೂನು ದೇಶಾದ್ಯಂತ ಜಾರಿಯಾಗಬೇಕು ಎಂಬುದು ಬಹುಸಂಖ್ಯಾತ ಜನರ ಆಗ್ರಹವಾಗಿದೆ.
ಇಂದು ಗೋವಿನ ಮಹತ್ವ ತಿಳಿಸಿದ ಪ್ರಧಾನಿ ಮೋದಿಯವರ ಭಾಷಣ ಹಾಗು ವಿರೋಧಿಗಳ (ಗೋಹ#ತ್ಯೆ ಬೆಂಬಲಿಸುವ ರಾಜಕಾರಣಿಗಳ) ಬಗ್ಗೆ ಉಲ್ಲೇಖಗಳನ್ನ ನೋಡಿದರೆ ಅವರು ಈ ಕಾನೂನನ್ನೂ ಶೀಘ್ರದಲ್ಲೇ ಜಾರಿಗೊಳಿಸಬಹುದು ಎಂದು ಹೇಳಲಾಗುತ್ತಿದೆ.
ವಾರಣಾಸಿಗೆ ಎಲ್ಲಾ ಅಭಿವೃದ್ಧಿ ಯೋಜನೆಗಳ ಉಡುಗೊರೆಯನ್ನು ನೀಡಿದ ಪ್ರಧಾನಿ, ಡೈರಿ ಕ್ಷೇತ್ರವನ್ನು ಬಲಪಡಿಸುವುದು ಸರ್ಕಾರದ ಪ್ರಮುಖ ಆದ್ಯತೆಯಾಗಿದೆ ಎಂದು ತಮ್ಮ ಭಾಷಣದಲ್ಲಿ ಹೇಳಿದರು. 6-7 ವರ್ಷಗಳ ಹಿಂದಿನ ಹಾಲಿಗೆ ಹೋಲಿಸಿದರೆ ದೇಶದಲ್ಲಿ ಹಾಲಿನ ಉತ್ಪಾದನೆ ಶೇ.45ರಷ್ಟು ಹೆಚ್ಚಿದೆ ಎಂದರು. ಇಂದು ಭಾರತವು ವಿಶ್ವದ ಹಾಲಿನ 22% ರಷ್ಟು ಉತ್ಪಾದಿಸುತ್ತದೆ. ಇಂದು ದೇಶಕ್ಕೆ ಹೆಚ್ಚಿನ ಅವಶ್ಯಕತೆಯಿದೆ, ಹೈನುಗಾರಿಕೆ ಕ್ಷೇತ್ರಕ್ಕೆ ಸಂಬಂಧಿಸಿದ ಪ್ರಾಣಿಗಳಿಂದ ಉತ್ಪತ್ತಿಯಾಗುವ ತ್ಯಾಜ್ಯವನ್ನು ಸಹ ಸರಿಯಾಗಿ ಬಳಸಲಾಗುತ್ತದೆ ಎಂದು ಪ್ರಧಾನಿ ಹೇಳಿದರು. ರಾಮನಗರದ ಹಾಲಿನ ಸ್ಥಾವರದ ಬಳಿ ಜೈವಿಕ ಅನಿಲ ವಿದ್ಯುತ್ ಸ್ಥಾವರ ನಿರ್ಮಾಣವು ಅಂತಹ ಒಂದು ಪ್ರಮುಖ ಪ್ರಯತ್ನವಾಗಿದೆ ಎಂದರು.
ಹಳೆ ಕಾಶಿ ವಾರ್ಡ್‌ಗಳ ಪುನರಾಭಿವೃದ್ಧಿಗಾಗಿ ಆರು, ಬೇನಿಯಾಬಾಗ್‌ನಲ್ಲಿ ಪಾರ್ಕಿಂಗ್ ಮತ್ತು ಮೇಲ್ಮೈ ಉದ್ಯಾನವನ, ಎರಡು ಕೊಳಗಳ ಸುಂದರೀಕರಣ, ರಾಮನಾ ಗ್ರಾಮದಲ್ಲಿ ಒಳಚರಂಡಿ ಸಂಸ್ಕರಣಾ ಘಟಕ ಮತ್ತು 720 ನಲ್ಲಿ ಸುಧಾರಿತ ಕಣ್ಗಾವಲು ಕ್ಯಾಮೆರಾಗಳನ್ನು ಒದಗಿಸುವುದು ಸೇರಿದಂತೆ ಅನೇಕ ನಗರಾಭಿವೃದ್ಧಿ ಯೋಜನೆಗಳನ್ನು ಸ್ಮಾರ್ಟ್ ಸಿಟಿ ಮಿಷನ್ ಅಡಿಯಲ್ಲಿ ಪ್ರಧಾನಿ ಉದ್ಘಾಟಿಸಿದರು.
ಪ್ರತಿಪಕ್ಷಗಳ ವಿರುದ್ಧ ವಾಗ್ದಾಳಿ ನಡೆಸಿದ ಪ್ರಧಾನಿ ಮೋದಿ, “ಬಿಜೆಪಿ ಸರ್ಕಾರದ ‘ಸಬ್ಕಾ ಸಾಥ್, ಸಬ್ಕಾ ವಿಕಾಸ್, ಸಬ್ಕಾ ವಿಶ್ವಾಸ, ಸಬ್ಕಾ ಪ್ರಯಾಸ್’ ಮಂತ್ರವನ್ನು ಅವರ (ವಿರೋಧ) ಪಠ್ಯಕ್ರಮದಲ್ಲಿ ಕಾಣದಿಗುವುದಿಲ್ಲ” ಎಂದು ಹೇಳಿದರು.
“ಅವರ ಪಠ್ಯಕ್ರಮ, ಡಿಕ್ಷನರಿ ಮತ್ತು ವಿಷನ್ ಎಲ್ಲವೂ ‘ಮಾಫಿಯಾವಾದ್’ ಮತ್ತು ‘ಪರಿವಾರವಾದ್‌’ಗೆ ಸಂಬಂಧಿಸಿದೆ” ಎಂದು ಮೋದಿ ಹೇಳಿದರು.
सबका साथ, सबका विकास, सबका विश्वास और सबका प्रयास की भाषा भी उनके सिलेबस, उनकी डिक्शनरी से बाहर है।
उनके सिलेबस में, उनकी डिक्शनरी में, उनकी सोच में है- माफियावाद, परिवारवाद।
उनके सिलेबस में है- घरों-जमीनों पर अवैध कब्जा।
– पीएम @narendramodi #यूपी_में_श्वेत_क्रांति pic.twitter.com/NKex2bGNCm
— BJP (@BJP4India) December 23, 2021
