ಕಳೆದ 30 ವರ್ಷಗಳಿಂದ ರೈಲಿನಲ್ಲಿ ಪ್ರಯಾಣಿಸುವ ಪ್ರಯಾಣಿಕರಿಗೆ ತಣ್ಣೀರು ನೀಡಿ ನೀರಿನ ದಾಹ ತಣಿಸುತ್ತಿದ್ದಾಳೆ ಈ 97 ವರ್ಷದ ವೃದ್ಧ ಮಹಾತಾಯಿ

ಗ್ವಾಲಿಯರ್, ಮಧ್ಯಪ್ರದೇಶ:

ಸಾರ್ವಜನಿಕ ಸೇವೆಯ ಬಯಕೆ ಇದ್ದರೆ, ವಯಸ್ಸು ಎಂದಿಗೂ ಅಡ್ಡಿಯಾಗುವುದಿಲ್ಲ ಮತ್ತು ಈ ಮಾತು 97 ವರ್ಷದ ಸರಳಾ ತ್ರಿಪಾಠಿ ಯವರಿಗೆ ಸಂಪೂರ್ಣವಾಗಿ ಹೊಂದಿಕೊಳ್ಳುತ್ತದೆ. ಕಳೆದ 30 ವರ್ಷಗಳಿಂದ ರೈಲ್ವೇ ನಿಲ್ದಾಣದಲ್ಲಿ ರೈಲಿನಲ್ಲಿ ಪ್ರಯಾಣಿಕರಿಗೆ ತಣ್ಣೀರು ಪೂರೈಸುತ್ತಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರು ಕೂಡ 2019 ರಲ್ಲಿ ತಮ್ಮ ‘ಮನ್ ಕಿ ಬಾತ್’ ಕಾರ್ಯಕ್ರಮದಲ್ಲಿ ಸರಳಾ ತ್ರಿಪಾಠಿ ಅವರ ಈ ವಯಸ್ಸಿನಲ್ಲೂ ಅವರ ಉತ್ಸಾಹ ಮತ್ತು ಲವಲವಿಕೆಯನ್ನು ಶ್ಲಾಘಿಸಿದ್ದರು. ರೈಲು ನಿಲ್ದಾಣದಲ್ಲಿ ದಿನಕ್ಕೆ ಎಂಟು-ಎಂಟು ಗಂಟೆಗಳ ಕಾಲ ಸೇವೆಯೊಂದಿಗೆ ಕಳೆಯುವ ಸರಳಾಜಿಗೆ ಈ ಕೆಲಸದಿಂದ ತೃಪ್ತಿ ಸಿಗುತ್ತದೆಯಂತೆ. ಅಷ್ಟೇ ಅಲ್ಲ ಸಮಯ ಸಿಕ್ಕಾಗಲೆಲ್ಲಾ ವಿದ್ಯಾಭ್ಯಾಸ, ಸ್ವಚ್ಛತೆಗಾಗಿಯೂ ಇವರು ದುಡಿಯುತ್ತಾರೆ. ಅನೇಕ ಸಂಸ್ಥೆಗಳಿಗೆ ಮಾರ್ಗದರ್ಶಿಯಾಗಿಯೂ ಕಾರ್ಯನಿರ್ವಹಿಸುತ್ತಿದ್ದಾರೆ.

ಮೊದಲಿನಿಂದಲೂ ಸಮಾಜ ಸೇವೆಯಲ್ಲಿ ತೊಡಗಿಸಿಕೊಂಡಿದ್ದಾರೆ ಸರಳಾ ತ್ರಿಪಾಠಿ

ಗ್ವಾಲಿಯರ್‌ನ ಗಾಂಧಿ ನಗರದಲ್ಲಿ ವಾಸಿಸುತ್ತಿರುವ ಸರಳಾ ತ್ರಿಪಾಠಿ ಅವರ ದಿವಂಗತ ಪತಿ ವಿಷ್ಣುವಲ್ಲಭ ತ್ರಿಪಾಠಿ ಅವರು ಎಜಿ (ಅಕೌಂಟೆಂಟ್ ಜನರಲ್ ಆಫ್ ಇಂಡಿಯಾ) ಕಚೇರಿಯಲ್ಲಿ ಉದ್ಯೋಗಿಯಾಗಿದ್ದರು. ಸರಳಾ ತ್ರಿಪಾಠಿ ಅವರು ಮೊದಲಿನಿಂದಲೂ ಸಮಾಜ ಸೇವೆಯಲ್ಲಿ ತೊಡಗಿಸಿಕೊಂಡವರು. ಗ್ವಾಲಿಯರ್‌ನಲ್ಲಿ ಇವರು ಎಲ್ಲರಿಗೂ ಚಿರಪರಿಚಿತರು, ಆದರೆ 2019 ರಲ್ಲಿ ದೀಪಾವಳಿಯ ದಿನದಂದು ಪ್ರಧಾನಿ ನರೇಂದ್ರ ಮೋದಿ ಸರಳಾ ತ್ರಿಪಾಠಿಯವರನ್ನ “ಮನ್ ಕಿ ಬಾತ್” ನಲ್ಲಿ ಪ್ರಸ್ತಾಪಿಸಿದಾಗ ಅವರ ಆದರ್ಶಪ್ರಾಯ ಕಾರ್ಯವು ದೇಶಾದ್ಯಂತ ಗುರುತಿಸಲ್ಪಟ್ಟಿದೆ. ಸೇವಾ ಮನೋಭಾವವಿದ್ದರೆ, 97 ರ ವಯಸ್ಸಿನಲ್ಲೂ ಚಿಕ್ಕವರಂತೆ ಕಾಣುತ್ತಾರೆ. ಸರಳಾ ತ್ರಿಪಾಠಿ ಅವರು ಗ್ವಾಲಿಯರ್‌ನ ಸಂಸ್ಥೆಯೊಂದರಿಂದ ಮದರ್ ತೆರೆಸಾ ಪ್ರಶಸ್ತಿಯನ್ನು ಸಹ ಪಡೆದಿದ್ದಾರೆ. ಪ್ರಧಾನಿ ಮೋದಿಯವರಿಂದ ಪಡೆದ ಪ್ರಶಂಸೆಯ ನಂತರ ಅವರ ಉತ್ಸಾಹವೂ ಹೆಚ್ಚಾಯಿತು.

ನೀರು ಪೂರೈಕೆ ಅಭಿಯಾನ ಆರಂಭವಾದದ್ದು ಹೀಗೆ:

ಅದು 1993ರ ವಿಷಯ. ಸರಳಾ ತ್ರಿಪಾಠಿ ಪ್ರವಾಸದಿಂದ ಹಿಂತಿರುಗಿದ್ದರು. ಬೇಸಿಗೆಯಲ್ಲಿ ಪ್ರಯಾಣಿಸುತ್ತಿದ್ದಾಗ ರೈಲ್ವೆ ನಿಲ್ದಾಣದಲ್ಲಿ ಕುಡಿಯುವ ನೀರು ಸಿಗುವುದೇ ದೊಡ್ಡ ಸಮಸ್ಯೆ ಎಂದು ಮನಗಂಡರು. ಬೇಸಿಗೆಯಲ್ಲಿ ನೀರಿಗೆ ಹಾಹಾಕಾರ ಉಂಟಾಗಿದ್ದು, ರೈಲು ತಪ್ಪಿ ಹೋಗುವ ಭೀತಿಯಿಂದ ಪ್ರಯಾಣಿಕರು ನೀರು ತುಂಬಿಸಿಕೊಳ್ಳಲು ಇಳಿಯಲೂ ಸಾಧ್ಯವಾಗುತ್ತಿರಲಿಲ್ಲ. ಮರುದಿನವೇ ಅವರು ಗ್ವಾಲಿಯರ್ ರೈಲು ನಿಲ್ದಾಣವನ್ನು ತಲುಪಿದರು. ಇಲ್ಲಿ ಪಂಜಾಬಿ ಪರಿಷತ್ ಸದಸ್ಯರು ನೀರು ಪೂರೈಸುತ್ತಿದ್ದರು. ಸರಳಾ ತ್ರಿಪಾಠಿ ಕೂಡ ಅದೇ ದಿನದಿಂದ ಪರಿಷತ್ತಿಗೆ ಸೇರಿ ನೀರು ಕೊಡಲು ಆರಂಭಿಸಿದರು. ಈ 30 ವರ್ಷಗಳಲ್ಲಿ ಪರಿಷತ್ತಿನ ಅನೇಕ ಅಧ್ಯಕ್ಷರು ಬದಲಾದರು, ಹೊಸ ಸದಸ್ಯರು ಬಂದರು ಹೋದರು, ಆದರೆ ಸರಳಾ ತ್ರಿಪಾಠಿ ಅವರು ನಿಸ್ವಾರ್ಥ ಸೇವೆಯನ್ನು ಮಾಡುತ್ತಿದ್ದಾರೆ.

ಪ್ರಧಾನಿ ಮೋದಿ ಬಾಯಿಂದ ತನ್ನ ಹೆಸರು ಕೇಳಿ ಪುಳಕಿತರಾದ ಸರಳಾ ತ್ರಿಪಾಠಿ

ಸರಳಾ ತ್ರಿಪಾಠಿ ಮಾತನಾಡುತ್ತ, ಪ್ರಯಾಣಿಕರ ಆಸನದ ಬಳಿ ಹೋಗಿ ನೀರನ್ನು ನೀಡುವ ಕೆಲಸ ನಿಜಕ್ಕೂ ತೃಪ್ತಿ ನೀಡುತ್ತದೆ. ನನ್ನ ಜೀವನವು ಯಾರಿಗಾದರೂ ಉಪಯುಕ್ತವಾಗುತ್ತಿದೆಯಲ್ಲ ಎಂದು ತೋರುತ್ತದೆ. ಪ್ರಧಾನಿ ತಮ್ಮ ಹೆಸರನ್ನು ತೆಗೆದುಕೊಂಡಾಗ, 94 ನೇ ವಯಸ್ಸಿನಲ್ಲಿ ನನಗೆ ನಾನು 25 ವರ್ಷದವಳಂತೆ ಭಾಸವಾಗಿತ್ತು. ಉತ್ಸಾಹ ಇಮ್ಮಡಿಗೊಂಡಿತು. ಈ ವಯಸ್ಸಿನಲ್ಲೂ ಮಾನಸ ಸರೋವರಕ್ಕೆ ಪ್ರಯಾಣ ಬೆಳೆಸಬೇಕು ಎಂಬುದು ನನ್ನ ಇನ್ನೊಂದು ಗುರಿ ಎಂದು ಹೇಳುತ್ತಾರೆ ಸರಳಾ.

ಸರಳಾ ತ್ರಿಪಾಠಿ ನಮ್ಮ ತಂಡದ ಪ್ರಮುಖ ಭಾಗವಾಗಿದ್ದಾರೆ. ಅದನ್ನು ನೋಡಿಯೇ ಪ್ರಯಾಣಿಕರಿಗೆ ನೀರು ಕೊಡುವ ಉತ್ಸಾಹ ನಮ್ಮಲ್ಲಿ ಮೂಡುತ್ತದೆ. ಇದೇ ಕಾರಣಕ್ಕೆ ನಮ್ಮ ಇಡೀ ತಂಡ ಒಂದೆಡೆಯಾದರೆ 97 ವರ್ಷದ ಸರಳಾ ತ್ರಿಪಾಠಿ ಮತ್ತೊಂದೆಡೆ. ಅವಳು ನಮ್ಮ ಯುವ ಸಂಗಾತಿ ಎನ್ನುತ್ತಾರೆ ಅವರ ತಂಡದ ಸದಸ್ಯರು.