ಡಬಲ್ ಮಾಸ್ಕ್ ಎಂದರೇನು? ಯಾಕೆ ಇದನ್ನ ಹಾಕಬೇಕು ಹಾಗು ಯಾವ ಮಾಸ್ಕ್ ಮೇಲೆ ಯಾವ ಮಾಸ್ಕ್ ಧರಿಸಬೇಕು? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್

ದೇಶದಲ್ಲಿ ಕೊರೊನಾ ಸೋಂಕಿನ ಸಂಖ್ಯೆ ಸ್ವಲ್ಪ ಪ್ರಮಾಣದಲ್ಲಿ ಕಡಿಮೆಯಾಗಿದೆ. ಆದ್ರೆ ಅಪಾಯ ಮುಂದುವರೆದಿದೆ. ಸಾವಿನ ಸಂಖ್ಯೆ ನಿರಂತರವಾಗಿ ಏರಿಕೆಯಾಗ್ತಿದೆ. ಕೊರೊನಾ ನಿಯಂತ್ರಣಕ್ಕೆ ಮಾಸ್ಕ್ ಅನಿವಾರ್ಯವಾಗಿದೆ. ಹಿಂದೆ ಬಟ್ಟೆ ಮಾಸ್ಕ್ ಧರಿಸುವಂತೆ ಸಲಹೆ ನೀಡಲಾಗಿತ್ತು. ಆದ್ರೀಗ ತಜ್ಞರು ಡಬಲ್ ಮಾಸ್ಕ್ ಗೆ ಸಲಹೆ ನೀಡ್ತಿದ್ದಾರೆ.

ಡಬಲ್ ಮಾಸ್ಕ್ ಅಂದ್ರೆ ಎರಡು ಮಾಸ್ಕ್ ಧರಿಸೋದು ನಿಜ. ಆದ್ರೆ ಯಾವ ಯಾವ ಮಾಸ್ಕ್ ಧರಿಸಬೇಕೆಂಬ ಪ್ರಶ್ನೆ ಉದ್ಬವವಾಗುತ್ತದೆ. ಏಕೆಂದ್ರೆ ದೇಶದಲ್ಲಿ ಸಾಕಷ್ಟು ಮಾಸ್ಕ್ ಇದೆ. ಸರ್ಜಿಕಲ್ ಮಾಸ್ಕ್, ಕಾಟನ್ ಮಾಸ್ಕ್, ಎನ್-95 ಮಾಸ್ಕ್ ಸೇರಿದಂತೆ ಸಾಕಷ್ಟು ಮಾಸ್ಕ್ ಇದೆ. ಅದ್ರಲ್ಲಿ ಯಾವ ಎರಡು ಮಾಸ್ಕ್ ಧರಿಸಬೇಕು ಎಂಬುದು ಜನರಿಗೆ ಗೊತ್ತಿರಬೇಕು.

ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಡಬಲ್ ಮಾಸ್ಕ್ ತಯಾರಿಸುವುದು ಹೇಗೆ? ಅದ್ರ ಸರಿಯಾದ ಮಾರ್ಗ ಯಾವುದು ಎಂಬ ಬಗ್ಗೆ ಟ್ವೀಟ್ ಮಾಡಿದೆ. ಡಬಲ್ ಮಾಸ್ಕ್ ಗಾಗಿ ಮೊದಲು ಸರ್ಜಿಕಲ್ ಮಾಸ್ಕ್ ಧರಿಸಬೇಕು. ಅದ್ರ ಮೇಲೆ ಮತ್ತೊಂದು ಬಿಗಿಯಾದ ಬಟ್ಟೆ ಮಾಸ್ಕ್ ಧರಿಸುವಂತೆ ಸಲಹೆ ನೀಡಲಾಗಿದೆ.

ಸರ್ಜಿಕಲ್ ಮಾಸ್ಕ್ ಇಲ್ಲ ಎನ್ನುವವರು ಎರಡು ಕಾಟನ್ ಮಾಸ್ಕ್ ಗಳನ್ನು ಒಟ್ಟಿಗೆ ಧರಿಸಬಹುದು. ಕೆಲವರು ಸರ್ಜಿಕಲ್ ಮಾಸ್ಕನ್ನು ತೊಳೆಯುತ್ತಾರೆ. ಇದು ಸರಿಯಲ್ಲ. ಎಂದೂ ಸರ್ಜಿಕಲ್ ಮಾಸ್ಕ್ ತೊಳೆಯಬಾರದು ಎಂದು ಸಚಿವಾಲಯ ಹೇಳಿದೆ. ಒಂದು ವೇಳೆ ಡಬಲ್ ಮಾಸ್ಕ್ ಗಾಗಿ ಸರ್ಜಿಕಲ್ ಮಾಸ್ಕ್ ಧರಿಸಿದ್ದರೆ ಅದನ್ನು  ಐದು ಬಾರಿ ಬಳಸಬಹುದು. ಆದ್ರೆ ಒಮ್ಮೆ ಬಳಸಿದ ನಂತ್ರ 7 ದಿನಗಳ ಕಾಲ ಬಿಸಿಲಿನಲ್ಲಿಡಬೇಕೆಂದು ಸಚಿವಾಲಯ ಹೇಳಿದೆ.

ಮಕ್ಕಳು ಮಾಸ್ಕ್ ಧರಿಸಬೇಕೇ? ಈ ಬಗ್ಗೆ WHO ಏನು ಹೇಳುತ್ತೆ?

ಕೊರೋನಾದ ಪರಿಣಾಮ ಮಕ್ಕಳ ಮೇಲೂ ಅತಿಯಾಗಿದೆ. ಕೊರೋನಾದ ಕರಿ ನೆರಳಿನಿಂದ ಮಕ್ಕಳನ್ನು ಸುರಕ್ಷಿತವಾಗಿಡಲು ಪೋಷಕರು ಪರದಾಡುತ್ತಿದ್ದಾರೆ. ಮುಖದ ಮೇಲಿನ ಮಾಸ್ಕ್ ಕೊರೋನಾದಿಂದ ತಪ್ಪಿಸಿಕೊಳ್ಳಲು ಇರುವ ಒಂದೇ ಮಾರ್ಗ. ಆದರೆ ಮಕ್ಕಳು ಈ ಮಾಸ್ಕ್ ಧರಿಸಬೇಕೇ? ಧರಿಸಿದರೂ ಎಂತಹ ಮಾಸ್ಕ ಮಕ್ಕಳಿಗೆ ಸೂಕ್ತ ಎಂಬ ಗೊಂದಲ ಹೆತ್ತವರದ್ದು. ಅದಕ್ಕಾಗಿ ಈ ಲೇಖನದಲ್ಲಿ WHO ಈ ಕುರಿತು ಏನು ಹೇಳುತ್ತೆ ಎಂಬುದನ್ನು ಹೇಳಿದ್ದೇವೆ.

ಮಕ್ಕಳ ಮಾನಸಿಕ ಮನಸ್ಥಿತಿಯ ಅಂಶಗಳನ್ನು ಆಧರಿಸಿ, WHO ಮತ್ತು ಯುನಿಸೆಫ್ ಮಕ್ಕಳಿಗೆ ಮಾಸ್ಕ್ಕ ಕುರಿತು ಈ ಕೆಳಗಿನ ಸಲಹೆ ನೀಡುತ್ತವೆ:

5 ವರ್ಷಕ್ಕಿಂತ ಕೆಳಗಿರುವ ಮಕ್ಕಳು:

5 ವರ್ಷ ಮತ್ತು ಅದಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳು ಮಾಸ್ಕ್ ಧರಿಸುವ ಅಗತ್ಯವಿಲ್ಲ. ಇದು ಮಗುವಿನ ಸುರಕ್ಷತೆ, ಆಸಕ್ತಿ ಮತ್ತು ಮಾಸ್ಕ್ ಬಳಸುವ ಕನಿಷ್ಠ ಸಾಮರ್ಥ್ಯವನ್ನು ಆಧರಿಸಿದೆ. ಏಕೆಂದರೆ ಮಕ್ಕಳಿಗೆ ಅದನ್ನು ನಿರ್ವಹಿಸುವುದು ಅಸಾಧ್ಯ. ಜೊತೆಗೆ ಉಸಿರುಗಟ್ಟಿದ ಅನುಭವವೂ ಆಗಬಹುದು.

6-11 ವರ್ಷ ವಯಸ್ಸಿನ ಮಕ್ಕಳು:

ಈ ವಯೋಮಾನದ ಮಕ್ಕಳು ಮಾಸ್ಕ್ ಬಳಸುವ ನಿರ್ಧಾರವು ಈ ಕೆಳಗಿನ ಅಂಶಗಳನ್ನು ಆಧರಿಸಿರಬೇಕು.

ಮಗು ಇರುವ ಪ್ರದೇಶದಲ್ಲಿ ಸೋಂಕು ಹರಡುವ ಸಾಧ್ಯತೆ ಹೆಚ್ಚಿದೆಯೇ? ಹಾಗಿದ್ದರೆ ಮಾತ್ರ ಮಾಸ್ಕ್ ಬಳಸಿ.

ಮಕ್ಕಳು ಶಾಲೆ ಅಥವಾ ಇತರ ಸ್ಥಳಗಳಿಗೆ ಭೇಟಿ ನೀಡಿದಾಗ ಬಳಸಿ.

ವಯಸ್ಸಾದವರು ಮತ್ತು ಗಂಭೀರ ಅನಾರೋಗ್ಯ ಸಮಸ್ಯೆ ಇರುವವರ ಜೊತೆ ಮಗು ಮಾತನಾಡುವಾಗ ಮಾಸ್ಕ್ ಬಳಸಿ.

ಮುಖವಾಡಗಳನ್ನು ಹೇಗೆ ಧರಿಸುವುದು, ತೆಗೆಯುವುದು ಮತ್ತು ಸುರಕ್ಷಿತವಾಗಿ ಧರಿಸುವುದು ಎಂಬುದರ ಕುರಿತು ಮಗುವಿಗೆ ಸಾಕಷ್ಟು ವಯಸ್ಕರ ಮೇಲ್ವಿಚಾರಣೆಯಿದ್ದಾಗ ಬಳಸಿ.

12 ವರ್ಷಕ್ಕಿಂತ ಹೆಚ್ಚಿನ ವಯಸ್ಸಿನ ಮಕ್ಕಳು:

ಡಬ್ಲ್ಯುಎಚ್ಒ ಮತ್ತು ಯುನಿಸೆಫ್ 12 ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಮಕ್ಕಳು ವಯಸ್ಕರಂತೆಯೇ ಮಾಸ್ಕನ್ನು ಧರಿಸಬೇಕೆಂದು ಸಲಹೆ ನೀಡುತ್ತಾರೆ. ಸೋಂಕಿತ ವ್ಯಕ್ತಿಯಿಂದ ಅಥವಾ ಇತರರಿಂದ ಕನಿಷ್ಠ 1 ಮೀಟರ್ ದೂರದಲ್ಲಿ ಇರದಿದ್ದಾಗ ಮಾಸ್ಕ ಬಳಸಿ. ಅಲ್ಲಿ ಸೋಂಕು ಹರಡುವ ಸಾಧ್ಯತೆ ಹೆಚ್ಚು.

ಮಕ್ಕಳು ಯಾವ ರೀತಿಯ ಮಾಸ್ಕ್ ಧರಿಸಬೇಕು?:

ಸಾಮಾನ್ಯವಾಗಿ ಉತ್ತಮ ಆರೋಗ್ಯ ಹೊಂದಿರುವ ಮಕ್ಕಳು ವೈದ್ಯಕೀಯೇತರ ಅಥವಾ ಫ್ಯಾಬ್ರಿಕ್ (ಬಟ್ಟೆಯ) ಮಾಸ್ಕ್ ಧರಿಸಬಹುದು. ಇದು ಮೂಲ ರಕ್ಷಣೆಯನ್ನು ಒದಗಿಸುತ್ತದೆ, ಅಂದರೆ ಸೋಂಕಿಗೆ ಒಳಗಾಗಿದ್ದರೆ ಮತ್ತು ಒಳಗಾಗಿರುವುದು ತಿಳಿದಿಲ್ಲದಿದ್ದರೆ ಅದು ಇತರರಿಗೆ ಹರಡದಂತೆ ಮಾಡುತ್ತದೆ.

ಸಿಸ್ಟಿಕ್ ಫೈಬ್ರೋಸಿಸ್, ಕ್ಯಾನ್ಸರ್ ಅಥವಾ ಇಮ್ಯುನೊಸಪ್ರೆಶನ್ನಂತಹ ಆರೋಗ್ಯ ಸಮಸ್ಯೆಯಿರುವ ಮಕ್ಕಳು ತಮ್ಮ ವೈದ್ಯರೊಂದಿಗೆ ಸಮಾಲೋಚಿಸಿ ಮೆಡಕಲ್ ಮಾಸ್ಕನ್ನು ಧರಿಸಬೇಕು. ಇದು ವೈರಸ್ ಹರಡುವುದನ್ನು ನಿಯಂತ್ರಿಸುತ್ತದೆ ಮತ್ತು ರಕ್ಷಣೆ ನೀಡುತ್ತದೆ.