ದೇಶ ವಿದೇಶಗಳಲ್ಲಿ ಸೂಪರ್ಹಿಟ್ ಆಗಿರುವ ಕಾಂತಾರ ಸಿನಿಮಾ ವೀಕ್ಷಿಸಲು ಹೋದ ಮುಸ್ಲಿಂ ಯುವಕನನ್ನು ಅವರದೇ ಸಮುದಾಯದ ಕೆಲವರು ತಡೆದಿದ್ದಾರೆ. ಯುವಕ ಇದನ್ನ ವಿರೋಧಿಸಿದಾಗ ಆತನ ಮೇಲೆ ಹ-ಲ್ಲೆ ನಡೆಸಲಾಗಿದೆ. ಈ ಕುರಿತ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಈ ಸಂಬಂಧ ಪೊಲೀಸರಿಗೆ ದೂರು ನೀಡಲಾಗಿದೆ.
ಪ್ರಕರಣವು ಕರ್ನಾಟಕದ ದಕ್ಷಿಣ ಕನ್ನಡ ಜಿಲ್ಲೆಯ ಸುಳ್ಯ ಪಟ್ಟಣಕ್ಕೆ ಸಂಬಂಧಿಸಿದಾಗಿದೆ. ಮೊಹಮ್ಮದ್ ಇಮ್ತಿಯಾಝ್ ಅವರು ಬುಧವಾರ (ಡಿಸೆಂಬರ್ 7, 2022) ರಿಷಬ್ ಶೆಟ್ಟಿಯವರ ಸೂಪರ್ಹಿಟ್ ಚಲನಚಿತ್ರ ಕಾಂತಾರವನ್ನು ವೀಕ್ಷಿಸಲು ಪುತ್ತೂರಿನ ಸಂತೋಷ್ ಚಿತ್ರಮಂದಿರಕ್ಕೆ ಹೋಗಿದ್ದರು. ಮೊಹಮ್ಮದ್ ಇಮ್ತಿಯಾಝ್ ಜೊತೆ ಒಬ್ಬ ಹುಡುಗಿಯೂ ಇದ್ದಳು. ಇದೇ ವೇಳೆ ಮುಸ್ಲಿಂ ಸಮುದಾಯದ ಕೆಲವರು ಅವರಿಬ್ಬರನ್ನೂ ತಡೆದು ಹ-ಲ್ಲೆ ನಡೆಸಿದ್ದಾರೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ಗುಂಪಿನ ಜನರು ಇಮ್ತಿಯಾಜ್ ಜೊತೆ ವಾಗ್ವಾದ ನಡೆಸುತ್ತಿರುವುದು ಕಂಡು ಬಂದಿದೆ. ಇದೇ ವೇಳೆ ಜೊತೆಗಿದ್ದ ಯುವತಿಯೊಂದಿಗೂ ಕೆಲವರು ವಾಗ್ವಾದ ನಡೆಸಿದ್ದಾರೆ. ವಿಷಯ ಉಲ್ಬಣಗೊಂಡಾಗ ಸಂತೋಷ್ ಸಿನಿಮಾ ಹಾಲ್ ಮಾಲೀಕರು ಪೊಲೀಸರಿಗೆ ದೂರು ನೀಡಿದ್ದಾರೆ. ಅದೇ ಸಮಯದಲ್ಲಿ, ಮತ್ತೊಂದು ವರದಿಯ ಪ್ರಕಾರ, ವೀಡಿಯೊ ವೈರಲ್ ಆದ ನಂತರ, ಪೊಲೀಸರು ಪ್ರಕರಣದ ಬಗ್ಗೆ ಮಾಹಿತಿ ಪಡೆದು ದೂರು ದಾಖಲಿಸಲು ಜೋಡಿಗೆ ಮನವೊಲಿಸಿದರು.
ಯುವಕ ಮತ್ತು ಯುವತಿ ವಿದ್ಯಾರ್ಥಿಗಳಾಗಿದ್ದು, ಕೇರಳದ ಕೆವಿಜಿ ಸಂಸ್ಥಾನ್ ಎಂಬ ಕಾಲೇಜಿನಲ್ಲಿ ಓದುತ್ತಿದ್ದಾರೆ ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಇಬ್ಬರೂ ಸಂತೋಷ್ ಥಿಯೇಟರ್ ನಲ್ಲಿ ಸಿನಿಮಾ ನೋಡಲು ಬಂದಿದ್ದರು. ಹಿಜಾಬ್ ಧರಿಸಿದ್ದ ಹುಡುಗಿಯನ್ನು ನೋಡಿದ ಪಕ್ಕದಲ್ಲಿದ್ದ ಅಂಗಡಿಯವನು ಮುಸ್ಲಿಂ ಯುವಕನನ್ನು ತಡೆದ. ಇದಾದ ನಂತರ ಅನೇಕರು ಬಂದು ಇಬ್ಬರನ್ನೂ ಚಿತ್ರ ನೋಡುವಂತೆ ಧಮಕಿ ಹಾಕಿದ್ದಾರೆ.
ದಾ-ಳಿ-ಕೋರರು ಕಾಂತಾರ ಚಿತ್ರ ನೋಡುವ ಮೂಲಕ ಹಿಂದೂ ಸಂಸ್ಕೃತಿಯನ್ನು ಬೆಂಬಲಿಸುತ್ತಿದ್ದೀರ? ಎಂದು ಥಳಿಸಿದ್ದಾರೆ ಎಂದು ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ಯುವಕ ತಿಳಿಸಿದ್ದಾನೆ. ಈ ಘಟನೆ ಮತ್ತು ವಿವಾದದ ನಂತರ ಯುವಕ ಮತ್ತು ಯುವತಿ ಇಬ್ಬರೂ ಚಿತ್ರವನ್ನು ನೋಡದೆ ಥಿಯೇಟರ್‌ನಿಂದ ಹಿಂತಿರುಗಿದರು. ಸಂತ್ರಸ್ತ ಯುವಕ ಬಂಟ್ವಾಳ ತಾಲೂಕಿನ ಬಿ ಮೂಡ ಗ್ರಾಮದ ನಿವಾಸಿಯಾಗಿದ್ದಾನೆ.
ಸುಳ್ಯ ಪೊಲೀಸ್ ಠಾಣೆಯ ಸಬ್ ಇನ್ಸ್‌ಪೆಕ್ಟರ್ ಪ್ರಕಾರ, ಘಟನೆಯ ಬಗ್ಗೆ ನಮಗೆ ಸಾಮಾಜಿಕ ಜಾಲತಾಣಗಳ ಮೂಲಕ ತಿಳಿದು ಬಂದಿದೆ. ಯುವಕ ಯುವತಿ ದೂರು ನೀಡಲಿಲ್ಲ, ಆದರೆ ನಾವು ಅವರನ್ನ ಟ್ರ್ಯಾಕ್ ಮಾಡಿ ದೂರು ದಾಖಲಿಸಲು ಹೇಳಿದೆವು. ಅವರ ದೂರಿನ ಆಧಾರದ ಮೇಲೆ, ನಾವು ಎಫ್‌ಐಆರ್ ದಾಖಲಿಸಿದ್ದೇವೆ ಮತ್ತು ನಾವು ಶಂಕಿತರ ಹುಡುಕಾಟದಲ್ಲಿದ್ದೇವೆ ಎಂದು ತಿಳಿಸಿದ್ದಾರೆ.
ಪೊಲೀಸರು ಆರೋಪಿಗಳ ವಿರುದ್ಧ ಭಾರತೀಯ ದಂಡ ಸಂಹಿತೆಯ (ಐಪಿಸಿ) ಸೆಕ್ಷನ್ 341, 323 (ಹ-ಲ್ಲೆ), 504 (ಉದ್ದೇಶಪೂರ್ವಕ ಅವಮಾನ) ಮತ್ತು 506 (ಕ್ರಿಮಿನಲ್ ಬೆದರಿಕೆ) ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
