ವಿಶ್ವದ ಅತ್ಯಂತ ಜನಪ್ರಿಯ ಪಾಡ್‌ಕಾಸ್ಟರ್‌ಗಳಲ್ಲಿ ಒಬ್ಬರಾದ ಜೋ ರೋಗನ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಅನ್ನು ಪೋಸ್ಟ್ ಮಾಡಿದ್ದಾರೆ, ಅದರ ಮೂಲಕ ಅವರು ‘ಕಲಿಯುಗ’ ಮತ್ತು ಹಿಂದೂ ಧರ್ಮದ ಬಗ್ಗೆ ಮಾತನಾಡಿದ್ದಾರೆ. ಇದರಲ್ಲಿ ಅವರು ಪ್ರಸ್ತುತ ರಾಜಕೀಯ ಅಸ್ಥಿರತೆ ಮತ್ತು ಸಾಂಕ್ರಾಮಿಕ ಬಿಕ್ಕಟ್ಟಿನ ಹಂತವನ್ನು ವಿವರಿಸಿದ್ದಾರೆ. ಇದರೊಂದಿಗೆ, ಪ್ರಸ್ತುತ ನಾವು ನೋಡುತ್ತಿರುವ ಹುಚ್ಚುತನವು ಎಂದಿಗೂ ಮುಗಿಯದ ಪ್ರಕ್ರಿಯೆ ಎಂದು ಅವರು ಹೇಳಿದ್ದಾರೆ.
ಜೋ ರೋಗನ್ ಪ್ರಸಿದ್ಧ ಮೀಮ್ ಒಂದನ್ನ ಹಂಚಿಕೊಂಡಿದ್ದಾರೆ, ಇದರಲ್ಲಿ ಶಕ್ತಿಯುತ ಜನರು ಒಳ್ಳೆಯ ಸಮಯವನ್ನು ತರುತ್ತಾರೆ ಹಾಗು ಒಳ್ಳೆಯ ಸಮಯಗಳು ಜನರನ್ನು ಶಕ್ತಿಹೀನರನ್ನಾಗಿ ಮಾಡುತ್ತದೆ. ನಂತರ ದುರ್ಬಲ ಜನರು ಕಷ್ಟದ ಸಮಯವನ್ನು ತರುತ್ತಾರೆ ಮತ್ತು ನಂತರ ಕಷ್ಟದ ಸಮಯಗಳು ಶಕ್ತಿಯುತ ಜನರನ್ನು ತರುತ್ತವೆ ಎಂದು ಹೇಳಲಾಗಿದೆ. ಅವರ ಈ ಮೀಮ್ ರಾಜಕೀಯ ದಿಕ್ಸೂಚಿಯ ಸ್ವರೂಪವನ್ನು ತೋರಿಸುವ ಪೋಸ್ಟ್ ಆಗಿದೆ.
ಈ ಮೀಮ್‌ನ್ನ ಹಂಚಿಕೊಂಡಿರುವ ರೋಗನ್ ಇನ್‌ಸ್ಟಾಗ್ರಾಮ್‌ನಲ್ಲಿ, “ನಾವು ಕಲಿಯುಗದಲ್ಲಿದ್ದೇವೆ. ಸಂಘರ್ಷದ ಯುಗ ಇಂದು ನಾವು ನೋಡುತ್ತಿರುವ ಅರಾಜಕತೆಯ ಬಗ್ಗೆ ಸಾವಿರಾರು ವರ್ಷಗಳ ಹಿಂದೆಯೇ ಹಿಂದೂ ಧರ್ಮದಲ್ಲಿ ತಿಳಿಸಲಾಗಿದೆ. ನಾಗರೀಕತೆಗಳು ಊಹಿಸಬಹುದಾದ ಚಕ್ರಗಳಲ್ಲೇ ಚಲಿಸುತ್ತವೆ ಮತ್ತು ನಾವು ಚಾರ್ಟ್‌ನ ಕೆಳಗಿನ ಎಡಭಾಗದಲ್ಲಿರುತ್ತೇವೆ.” ಎಂದು ಬರೆದುಕೊಂಡಿದ್ದಾರೆ
ರೋಗನ್ ಮುಂದೆ ಬರೆಯುತ್ತ, “ನಿಮ್ಮ ಸುತ್ತಲಿನ ಪ್ರಪಂಚದ ಹುಚ್ಚುತನದಿಂದ ನಿಮ್ಮನ್ನು ನೀವು ಎದ್ದು ನಿಲ್ಲಲು ನಿಮ್ಮ ಕೈಲಾದಷ್ಟು ಪ್ರಯತ್ನಿಸಿ, ಆದರೆ ಈ ಹುಚ್ಚು ಅನಂತ ಪ್ರಕ್ರಿಯೆಯ ಭಾಗವಾಗಿದೆ ಎಂದು ಅರ್ಥಮಾಡಿಕೊಳ್ಳಿ” ಎಂದಿದ್ದಾರೆ.
ಯುನೈಟೆಡ್ ಸ್ಟೇಟ್ಸ್‌ನಲ್ಲಿನ ರಾಜಕೀಯ ಧ್ರುವೀಕರಣವು ವಿನಾಶಕಾರಿ ಸ್ಥಿತಿಯನ್ನು ತಲುಪಿದೆ ಮತ್ತು ಪಾಡ್‌ಕ್ಯಾಸ್ಟ್ ಹೋಸ್ಟ್ ಅವರು ಇಷ್ಟವಿಲ್ಲದಿದ್ದರೂ ಸಹ ಅದರಲ್ಲಿ ಶಾಶ್ವತವಾಗಿ ಸಿಲುಕಿಕೊಂಡಿದ್ದಾರೆ. ಜೋ ರೋಗನ್ ಸ್ಪಾಟಿಫೈನಲ್ಲಿ ಪಾಡ್‌ಕ್ಯಾಸ್ಟ್ ಅನ್ನು ಹೋಸ್ಟ್ ಮಾಡುತ್ತಾರೆ ಎಂಬುದು ಗಮನಿಸಬೇಕಾದ ಸಂಗತಿ, ಅದರ ಪ್ರತಿಯೊಂದು ಸಂಚಿಕೆಯಲ್ಲಿ ಲಕ್ಷಾಂತರ ಜನರು ಅದನ್ನು ಕೇಳುತ್ತಾರೆ. ಕಳೆದ ವರ್ಷ US ಅಧ್ಯಕ್ಷೀಯ ಚುನಾವಣೆಯ ಸಂದರ್ಭದಲ್ಲಿ, ರೋಗನ್ ಅಮೇರಿಕಾದ ಅಧ್ಯಕ್ಷ ಸ್ಥಾನಕ್ಕೆ ಬರ್ನಿ ಸ್ಯಾಂಡರ್ಸ್ ಅವರನ್ನು ಬೆಂಬಲಿಸಿದ್ದರು. ಅವರನ್ನು ಎಡಪಂಥೀಯರು ‘ಫಾರ್ ರೈಟ್ ಟ್ರಾನ್ಸ್‌ಫೋಬ್’ ಎಂದು ಕರೆದರು.
ಇತ್ತೀಚೆಗೆ, ಜೋ ರೋಗನ್ ಅವರು ‘ಐವರ್ಮೆಕ್ಟಿನ್’ ತೆಗೆದುಕೊಂಡಿದ್ದರು, ಅದರ ನಂತರ ಅಲ್ಲಿನ ಮುಖ್ಯವಾಹಿನಿಯ ಮಾಧ್ಯಮವು ‘ಹಾರ್ಸ್ ಡೀವರ್ಮರ್’ ಔಷಧವನ್ನು ಸೇವಿಸಿದ್ದಾರೆ ಎಂದು ಸುಳ್ಳು ಆರೋಪ ಮಾಡಿದ್ದವು. ಕೈಲ್ ರಿಟ್ಟನ್‌ಹೌಸ್ ವಿಚಾರಣೆಯ ಸಮಯದಲ್ಲಿ, ಮೇನ್‌ಸ್ಟ್ರೀಮ್ ಮೀಡಿಯಾಗಳು ಸುಳ್ಳುಗಳನ್ನು ಹರಡುತ್ತಿದೆ ಎಂದು ರೋಗನ್ ಆರೋಪಿಸಿದ್ದರು. ಅಲೆಕ್ಸ್ ಜೋನ್ಸ್ ಅವರ ಸ್ನೇಹಿತರಾಗಿದ್ದಕ್ಕಾಗಿ ಅವರು ಎಡಪಕ್ಷಗಳಿಂದ ಬಲವಾಗಿ ಟೀಕಿಸಲ್ಪಟ್ಟಿದ್ದರು.
