ಕಂಗಾಲಾಗಿರುವ ಪಾಕಿಸ್ತಾನವು ತನ್ನ ಆರ್ಥಿಕತೆಯನ್ನು ಉಳಿಸಲು ಭಿಕ್ಷೆ ಬೇಡುತ್ತಿದೆ. ಪಾಕಿಸ್ತಾನದ ಜನರು ಒಂದೊಂದು ರೊಟ್ಟಿಗಾಗಿ ಪರಿತಪಿಸುತ್ತಿದ್ದಾರೆ. ಅತ್ತ ಪ್ರಧಾನಿ ಶಹಬಾಜ್ ಷರೀಫ್ ವಿಶ್ವದಿಂದ ಆರ್ಥಿಕ ಸಹಾಯವನ್ನು ಕೋರುತ್ತಿದ್ದಾರೆ. ಇದೀಗ ಷರೀಫ್ ಅವರು ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ ಮಾತುಕತೆ ನಡೆಸುವ ಇಚ್ಛೆ ವ್ಯಕ್ತಪಡಿಸಿದ್ದಾರೆ. ಭಾರತದೊಂದಿಗೆ ಮೂರು ಬಾರಿ ಯುದ್ಧ ಮಾಡಿ ಪಾಕಿಸ್ತಾನ ತಕ್ಕ ಪಾಠ ಕಲಿತಿದೆ. ಇದು ನಮಗೆ ದರಿದ್ರ ಬಡತನ ಮತ್ತು ನಿರುದ್ಯೋಗವನ್ನು ಮಾತ್ರ ನೀಡಿದೆ ಎಂದಿದ್ದಾರೆ.
ಅಲ್ ಅರೇಬಿಯಾ ನ್ಯೂಸ್ ಚಾನೆಲ್‌ಗೆ ನೀಡಿದ ಸಂದರ್ಶನದಲ್ಲಿ ಶೆಹಬಾಜ್ ಷರೀಫ್ (Pakistan PM Shehbaz Sharif) ಈ ಮಾತನ್ನ ಹೇಳಿದ್ದಾರೆ. ಅವರು ಮಾತನಾಡಿ, “ಭಾರತ ಮತ್ತು ಪಾಕಿಸ್ತಾನ ನೆರೆಹೊರೆಯವರು. ನಾವು ಭಾರತದೊಂದಿಗೆ ಮೂರು ಯುದ್ಧಗಳನ್ನು ಮಾಡಿದ್ದೇವೆ. ಇದರಿಂದ ನಮಗೆ ದರಿದ್ರ ಬಡತನ ಮತ್ತು ನಿರುದ್ಯೋಗ ಮಾತ್ರ ಸಿಕ್ಕಿದೆ. ನಾವು ನಮ್ಮ ಪಾಠವನ್ನು ಕಲಿತಿದ್ದೇವೆ ಮತ್ತು ಈಗ ನಾವು ಶಾಂತಿಯಿಂದ ಬದುಕಲು ಬಯಸುತ್ತೇವೆ” ಎಂದರು.
ಷರೀಫ್ ತಮ್ಮ ಮಾತನ್ನ ಮುಂದುವರಿಸುತ್ತ, “ಶಾಂತಿ ಮತ್ತು ಪ್ರಗತಿಗೆ ನಾವು ನಮ್ಮ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳುವುದು ಅವಶ್ಯಕ. ನಾವು ಬಡತನವನ್ನು ಕೊನೆಗೊಳಿಸಲು ಬಯಸುತ್ತೇವೆ. ಸಮೃದ್ಧಿ ಮತ್ತು ಪ್ರಗತಿಯನ್ನು ಬಯಸುತ್ತೇವೆ. ನಮ್ಮ ಜನರಿಗೆ ಶಿಕ್ಷಣ, ಆರೋಗ್ಯ ಮತ್ತು ಉದ್ಯೋಗವನ್ನು ಒದಗಿಸಬೇಕು. ಮದ್ದುಗುಂಡುಗಳು ಮತ್ತು ಶಸ್ತ್ರಾಸ್ತ್ರಗಳಿಗಾಗಿ ನಮ್ಮ ಸಂಪನ್ಮೂಲಗಳನ್ನು ವ್ಯರ್ಥ ಮಾಡಲು ನಾವು ಬಯಸುವುದಿಲ್ಲ” ಎಂದರು.
ಪ್ರಧಾನಿ ಮೋದಿಯವರೊಂದಿಗೆ ಮಾತನಾಡಲು ಉತ್ಸುಕತೆ ಬಯಸುತ್ತಿರುವ ಪಾಕಿಸ್ತಾನದ ಪ್ರಧಾನಿ, “ಪ್ರಧಾನಿ ನರೇಂದ್ರ ಮೋದಿಯವರಿಗೆ ನಾನು ಈ ಸಂದೇಶವನ್ನು ನೀಡಲು ಬಯಸುತ್ತೇನೆ, ಕುಳಿತು ಮಾತನಾಡೋಣ. ನಮ್ಮದು ಪರಮಾಣು ಶಕ್ತಿಯ ದೇಶ. ಈಗ ಯುದ್ಧ ನಡೆದರೆ ಯಾರು ಉಳಿಯುತ್ತಾರೆ ಎಂಬುದು ಯಾರಿಗೂ ಗೊತ್ತಿಲ್ಲ. ಕಾಶ್ಮೀರ ಸೇರಿದಂತೆ ಎಲ್ಲಾ ವಿಷಯಗಳ ಬಗ್ಗೆ ಪ್ರಾಮಾಣಿಕ, ಗಂಭೀರ ಮತ್ತು ಸಂವೇದನಾಶೀಲ ಮಾತುಕತೆ ನಡೆಸಲು ನಾನು ಬಯಸುತ್ತೇನೆ” ಎಂದರು.
شهباز شريف رئيس وزراء #باكستان: خضنا ثلاث حروب مع #الهند والنتيجة كانت المزيد من البؤس والبطالة والفقر.#مقابلة_خاصة @layal_alekhtiar@CMShehbaz pic.twitter.com/NmysTFE40y
— العربية برامج (@AlArabiya_shows) January 16, 2023
ಮಾನವ ಹಕ್ಕುಗಳ ಉಲ್ಲಂಘನೆಯ ಆರೋಪಗಳನ್ನು ಷರೀಫ್ ಕಟುವಾಗಿ ತಿರಸ್ಕರಿಸುತ್ತ ಅಂತಹ ಘಟನೆಗಳನ್ನು ನಿರ್ಲಕ್ಷಿಸಲಾಗುವುದಿಲ್ಲ ಎಂದು ಹೇಳಿದರು. ಸಂದರ್ಶನದಲ್ಲಿ ಅವರು, “ನಮ್ಮಲ್ಲಿ ಎಂಜಿನಿಯರ್‌ಗಳು, ವೈದ್ಯರು ಮತ್ತು ನುರಿತ ಕಾರ್ಮಿಕರಿದ್ದಾರೆ. ಎರಡೂ ದೇಶಗಳು ಅಭಿವೃದ್ಧಿ ಹೊಂದಲು ದೇಶದಲ್ಲಿ ಸಮೃದ್ಧಿ ಮತ್ತು ಶಾಂತಿಯನ್ನು ತರಲು ನಾವು ಅವುಗಳನ್ನು ಬಳಸಲು ಬಯಸುತ್ತೇವೆ. ಈಗ ನಾವು ಶಾಂತಿಯಿಂದ ಮತ್ತು ಪ್ರಗತಿಯಲ್ಲಿ ಬದುಕುತ್ತೇವೆಯೇ ಅಥವಾ ಪರಸ್ಪರ ಜಗಳವಾಡುತ್ತೇವೆಯೇ ಎಂಬುದು ನಮಗೆ ಬಿಟ್ಟದ್ದು” ಎಂದರು.
ಈ ದಿನಗಳಲ್ಲಿ ಪಾಕಿಸ್ತಾನದಲ್ಲಿ ಹಿಟ್ಟಿಗಾಗಿ ಹಾಹಾಕಾರ ಸೃಷ್ಟಿಯಾಗಿದೆ. ಜನರು ಒಂದೊಂದು ರೊಟ್ಟಿಗೂ ಕಚ್ಚಾಡುತ್ತಿದ್ದಾರೆ. ಸಬ್ಸಿಡಿ ದರದ ಹಿಟ್ಟಿನ ಕಾಲ್ತುಳಿತದಲ್ಲಿ ಸಾಕಷ್ಟು ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಪಾಕಿಸ್ತಾನದ ಹಲವು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಅಲ್ಲಿನ ಜನರು ತಮ್ಮ ಬ್ಯಾಗ್‌ಗಳನ್ನು ತೆರೆದು 1 ಕೆಜಿ ಹಿಟ್ಟಿಗೆ ಸರತಿ ಸಾಲಿನಲ್ಲಿ ನಿಂತಿರುವುದನ್ನು ಕಾಣಬಹುದು. ಅದೇ ಸಮಯದಲ್ಲಿ, ಅಂಗೈಗಳಿಂದ ಅಳತೆ ಮಾಡಿದ ನಂತರ ಹಿಟ್ಟನ್ನು ಅವನ ಚೀಲಕ್ಕೆ ಸುರಿಯಲಾಗುತ್ತಿದೆ.
Pakistan में लोग अपनी झोली फैलाकर… 1kg आटा नाप-नाप के अपनी झोली में डलवा रहे हैं…
#PakistanEconomy #Pakistan #Pakistani pic.twitter.com/zw0pWL77rk
— Jyot Jeet (@activistjyot) January 14, 2023
ಅಷ್ಟೇ ಅಲ್ಲ ಹಿಟ್ಟಿಗಾಗಿ ಜನರು ಒಬ್ಬರನ್ನೊಬ್ಬರು ತಳ್ಳಿಕೊಂಡು ಚರಂಡಿಗೆ ತಳ್ಳುತ್ತಿರುವ ವಿಡಿಯೋಗಳೂ ವೈರಲ್ ಆಗಿವೆ. ಇದಲ್ಲದೇ ಈ ಹಿಂದೆ ಪಾಕಿಸ್ತಾನದ ಸೆಕ್ಯೂರಿಟಿ ಗಾರ್ಡ್‌ಗಳು ಟ್ರಕ್‌ಗಳಲ್ಲಿ ಎಕೆ 47 ನೊಂದಿಗೆ ಹೋಗಿ ಹಿಟ್ಟನ್ನು ಜನರಿಗೆ ಹಂಚುತ್ತಿದ್ದಾರೆ. ಈ ವೇಳೆ ಹಿಟ್ಟನ್ನ ಜನ ಲೂಟಿ ಮಾಡಬಾರದು ಎಂಬ ಕಾರಣಕ್ಕೆ ಗುಂಡು ಹಾರಿಸುತ್ತಿರುವ ವಿಡಿಯೋ ಕೂಡ ವೈರಲ್ ಆಗಿದೆ.
Pakistan में आटे के लिए लोग एक दूसरे को धक्का मार मार के नाले में गिरा रहे हैं…#PakistanEconomy #Pakistan pic.twitter.com/xMIRASuf8J
— Jyot Jeet (@activistjyot) January 11, 2023
ಪ್ರಸ್ತುತ ಪಾಕಿಸ್ತಾನದ ಕರಾಚಿಯಲ್ಲಿ ಹಿಟ್ಟಿನ ಬೆಲೆ 140-160 ಕೆಜಿ ಇದ್ದರೆ, ಇಸ್ಲಾಮಾಬಾದ್ ಮತ್ತು ಪೇಶಾವರದಲ್ಲಿ 10 ಕೆಜಿ ಹಿಟ್ಟು ಕೆಜಿಗೆ 1500 ರೂ. ಮಾರಾಟವಾಗುತ್ತಿದೆ. 20 ಕೆಜಿಯ ಹಿಟ್ಟು 2800ಕ್ಕೆ ಲಭ್ಯವಿದೆ. ಖೈಬರ್ ಪಖ್ತುಂಖ್ವಾದಲ್ಲಿಯೂ ಹಿಟ್ಟಿನ ಬೆಲೆ ಗಗನಕ್ಕೇರುತ್ತಿದೆ. ಅಲ್ಲಿ 20 ಕೆ.ಜಿ ಹಿಟ್ಟು 3100ಕ್ಕೆ ಮಾರಾಟವಾಗುತ್ತಿದೆ. ಹದಗೆಟ್ಟ ಪರಿಸ್ಥಿತಿಯನ್ನು ಸ್ಥಿರಗೊಳಿಸಲು ಸರ್ಕಾರಕ್ಕೂ ಸಾಧ್ಯವಾಗುತ್ತಿಲ್ಲ.
