ಬಾಲಿವುಡ್ ನಟ ಶಾರುಖ್ ಖಾನ್ ಅಭಿನಯದ ‘ಪಠಾಣ್’ ಚಿತ್ರದ ‘ಬೇಷರಂ ರಂಗ್’ ಹಾಡಿನ ವಿವಾದ ಮುಂದುವರಿದಿದೆ. ‘ಬೇಷರಂ ರಂಗ್’ ಹಾಡಿನಲ್ಲಿ ದೀಪಿಕಾ ಪಡುಕೋಣೆ ಕೇಸರಿ ಬಿಕಿನಿಯನ್ನು ಧರಿಸಿರುವ ದೃಶ್ಯವು ದೇಶದಲ್ಲಿ ಭಾರೀ ಆಕ್ರೋಶಕ್ಕೆ ಕಾರಣವಾಗಿದೆ, ಅದರ ನಂತರ ಸೆನ್ಸಾರ್ ಮಂಡಳಿಯೂ ಅದನ್ನು ಬದಲಾಯಿಸಲು ಚಲನಚಿತ್ರ ನಿರ್ಮಾಪಕರಿಗೆ ನಿರ್ದೇಶನ ನೀಡಿದೆ. ಅದೇ ಸಮಯದಲ್ಲಿ ಇದೀಗ ಪಾಕಿಸ್ತಾನದ ಗಾಯಕ ಸಜ್ಜದ್ ಅಲಿ ‘ಪಠಾಣ್’ ಚಿತ್ರದ ‘ಬೇಷರಂ ರಂಗ್’ ಹಾಡಿನ ಬಗ್ಗೆ ತಕರಾರು ತೆಗೆದಿದ್ದಾರೆ. ಹಾವಭಾವದಲ್ಲಿ ‘ಬೇಷರಂ ರಂಗ್’ ಹಾಡನ್ನು ಕೃತಿಚೌರ್ಯ (ಕದ್ದಿದ್ದಾರೆ) ಮಾಡಲಾಗಿದೆ ಎಂದು ಆರೋಪಿಸಿದ್ದಾರೆ. ಅವರ ಪ್ರಕಾರ, ‘ಬೇಷರಂ ರಂಗ್’ ಅವರ 26 ವರ್ಷ ಹಳೆಯ ‘ಅಬ್ ಕೆ ಹಮ್ ಬಿಛಡೆ’ ಹಾಡನ್ನು ಹೋಲುತ್ತದೆ ಎಂದಿದ್ದಾರೆ.
ಈ ಬಗ್ಗೆ ತಮ್ಮ ಇನ್ಸ್ಟಾಗ್ರಾಮ್ ಅಕೌಂಟ್ ನಲ್ಲಿ ವಿಡಿಯೋ ಶೇರ್ ಮಾಡುವ ಮೂಲಕ ತಿಳಿಸಿದ್ದಾರೆ. ಅವರು ತಮ್ಮ ಟೈಟಲ್ ನಲ್ಲಿ ಹೀಗೆ ಬರೆದಿದ್ದಾರೆ, “ಚಿತ್ರದ ಹೊಸ ಹಾಡನ್ನು ಕೇಳಿದ ನಂತರ, ಅದು ನನಗೆ 26 ವರ್ಷಗಳ ಹಿಂದೆ ಬಿಡುಗಡೆಯಾದ ನನ್ನ ‘ಅಬ್ ಕೆ ಹಮ್ ಬಿಛಡೆ’ ಹಾಡನ್ನು ನೆನಪಿಸಿತು. ಎಂಜಾಯ್ ಮಾಡಿ” ಎಂದಿದ್ದಾರೆ.
Sajjad Ali Posted a video in which he is singing his 25 years old song "Ab Ke Hum Bicchre'
He thinks that there's a similarity between the #Pathan song #besharamrung and Ab Ke Hum Bicchre'
Do you agree? #sajjadali #singer #plagiarism #copysong pic.twitter.com/Qaxtq3eflz— CCZDigital (@cczdigital) December 30, 2022
ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡ ವೀಡಿಯೊದಲ್ಲಿ, ಪಾಕಿಸ್ತಾನಿ ಗಾಯಕ, “ನಾನು ಯೂಟ್ಯೂಬ್‌ನಲ್ಲಿ ಕೆಲವು ಹಳೆಯ ಚಲನಚಿತ್ರ ಸಂಗೀತವನ್ನು ಕೇಳುತ್ತಿದ್ದೆ, ಆಗ ನನ್ನ 25-26 ವರ್ಷ ಹಳೆಯ ‘ಅಬ್ ಕೆ ಹಮ್ ಬಿಛಡೆ, ತೊ ಕಭೀ ಖ್ವಾಬೋ ಮೆ ಮಿಲೆ’ ಹಾಡು ನೆನಪಿಸಿಕೊಂಡೆ” ಎಂದಿದ್ದಾರೆ. ಇದರ ನಂತರ, ಗಾಯಕ ತನ್ನ ಅಭಿಮಾನಿಗಳಿಗೆ ಸಂಪೂರ್ಣ ಹಾಡನ್ನು ಹಾಡಿ ತೋರಿಸಿದರು. ಪಾಕಿಸ್ತಾನಿ ಗಾಯಕ ಸಜ್ಜದ್ ಅಲಿ ಅವರ ಹಾಡನ್ನು ಕೇಳಿದ ನಂತರ, ಅವರ ಅಭಿಮಾನಿಗಳು ಶಾರುಖ್ ಖಾನ್ ಮತ್ತು ಅವರ ‘ಪಠಾಣ್’ ಚಿತ್ರದ ‘ಬೇಷರಾಮ್ ರಂಗ್’ ಹಾಡಿಗೆ ತಮ್ಮ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ.
ಒಬ್ಬ ಯೂಸರ್ ಕಮೆಂಟ್ ಮಾಡುತ್ತ, “ಬೇಷರಂ ರಂಗ್ ಹಾಡು ಸಜ್ಜಾದ್ ಅಲಿಯವರ ಮ್ಯೂಸಿಕ್ ಕಂಪೋಸಿಷನ್‌ನ ಮೇಲೆಯೇ ಆಧರಿಸಿದೆ. ಭಾರತದ ಜನ ಪಾಕಿಸ್ತಾನಿ ಹಾಡುಗಳನ್ನ ಕದಿಯುತ್ತಾರೆ ಹಾಗು ಮೂಲ ಹಾಡಿಗೆ ಕ್ರೆಡಿಟ್ ಕೂಡ ಕೊಡಲ್ಲ” ಎಂದಿದ್ದಾರೆ. ಮತ್ತೊಬ್ಬ ಯೂಸರ್, “ಇದು ಥೇಟ್ ಬೇಷರಂ ರಂಗ್ ಹಾಡಿನಂತೆಯೇ ಇದೆ” ಎಂದಿದ್ದಾರೆ.
ಶಮ್ಮಿ ಎಂಬ ಯೂಸರ್, “ಇದು ಮಹಾನ್ ಶೆಹನಶಾಹ್ ಗಝಲ್ ಮೆಹದಿ ಹಸನ್ ಸಾಬ್ ರವರ ಘಜಲ್” ಎಂದು ಹೇಳಿದರೆ, ತನ್ವೀರ್ ಅಹಮದ್, “ಪಠಾಣ್ ಮೂವಿಯಲ್ಲಿ ಬೇಷರಂ ರಂಗ್, ಆದರೆ ನೀವು ಗ್ರೇಟ್ ಸರ್” ಎಂದು ಕಮೆಂಟ್ ಮಾಡಿದ್ದಾರೆ.
ಇದಕ್ಕೂ ಮೊದಲು, ಸೋಶಿಯಲ್ ಮೀಡಿಯಾಗಳಲ್ಲಿ ಅನೇಕ ಯೂಸರ್ ಬೇಷರಂ ರಂಗ್ ಹಾಡಿನ ಸಂಗೀತವನ್ನು ಮಕೆಬಾ (Makeba) ಅವರ ಹಾಡಿನಿಂದ ಕದ್ದಿದ್ದಾರೆ ಎಂದು ಹೇಳಿದ್ದರು. ಯೂಸರ್ ಗಳು ಬೇಷರಮ್ ರಂಗ್ ಮತ್ತು ಮಕೆಬಾ ಹಾಡುಗಳ ತುಣುಕುಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದರು, ಫಿಲಂ ಮೇಕರ್ ಮಕೇಬಾ ಹಾಡುಗಳನ್ನು ಕದಿಯುತ್ತಿದ್ದಾರೆ ಎಂದು ಆರೋಪಿಸಿದ್ದರು.
ಡಿಸೆಂಬರ್ 29, 2022 ರಂದು, ಸೆಂಟ್ರಲ್ ಬೋರ್ಡ್ ಆಫ್ ಫಿಲ್ಮ್ ಸರ್ಟಿಫಿಕೇಶನ್ (CBFC) ಅಧ್ಯಕ್ಷರಾದ ಪ್ರಸೂನ್ ಜೋಶಿ ಅವರು ಶಾರುಖ್ ಖಾನ್ ಅವರ ‘ಪಠಾಣ್’ ಚಿತ್ರದ ನಿರ್ಮಾಪಕರಿಗೆ ಚಿತ್ರದ ಹಾಡುಗಳನ್ನು ಒಳಗೊಂಡಂತೆ ಹಲವಾರು ಬದಲಾವಣೆಗಳನ್ನು ಮಾಡಲು ನಿರ್ದೇಶನ ನೀಡಿದ್ದರು. “CBFC ಸೃಜನಶೀಲತೆಯನ್ನು ಉತ್ತೇಜಿಸಲು ಮತ್ತು ಪ್ರೇಕ್ಷಕರ ಭಾವನೆಗಳ ನಡುವೆ ಸಮತೋಲನವನ್ನು ಸಾಧಿಸಲು ಮತ್ತು ಅದಕ್ಕೆ ಅನುಗುಣವಾಗಿ ವಿವಾದಕ್ಕೆ ಪರಿಹಾರವನ್ನು ಕಂಡುಕೊಳ್ಳುವ ಗುರಿಯನ್ನು ಹೊಂದಿದೆ. ನಮ್ಮ ಸಂಸ್ಕೃತಿ ಮತ್ತು ನಂಬಿಕೆಯು ವೈಭವಯುತ, ಸಂಕೀರ್ಣ ಮತ್ತು ಸೂಕ್ಷ್ಮವಾಗಿದೆ ಎಂದು ನಾನು ಪುನರುಚ್ಚರಿಸಲು ಬಯಸುತ್ತೇನೆ. ನಾವು ಜಾಗರೂಕರಾಗಿರಬೇಕು” ಎಂದಿದ್ದರು.
ಸತ್ಯ ಮತ್ತು ವಾಸ್ತವದಿಂದ ಗಮನವನ್ನು ಬೇರೆಡೆಗೆ ತಿರುಗಿಸುವ ಅಂತಹ ಯಾವುದೇ ಕಥೆ-ಕಥೆಯ ಮೂಲಕ ಅದನ್ನು ವ್ಯಾಖ್ಯಾನಿಸಬಾರದು ಎಂದ ಜೋಶಿ ಮುಂದೆ ಮಾತನಾಡುತ್ತ, “ನಾನು ಮೊದಲೇ ಹೇಳಿದಂತೆ, ಫಿಲಂ ಮೇಕರ್ಸ್ ಮತ್ತು ಪ್ರೇಕ್ಷಕರ ನಡುವೆ ನಂಬಿಕೆಯನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ಈ ನಿಟ್ಟಿನಲ್ಲಿ ಮೇಕರ್ಸ್ ಕೆಲಸ ಮಾಡಬೇಕು” ಎಂದಿದ್ದರು. ನಿರ್ದೇಶಕ ಸಿದ್ಧಾರ್ಥ್ ಆನಂದ್ ಅವರ ಚಿತ್ರ ‘ಪಠಾಣ್’ ಜನವರಿ 25, 2023 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ಶಾರುಖ್ ಜೊತೆಗೆ ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಮುಖ್ಯ ಪಾತ್ರದಲ್ಲಿದ್ದಾರೆ.
