ಈ ವಿಶಿಷ್ಟ ಶಂಖವು 1931 ರಲ್ಲಿ ಪೈರಿನೀಸ್ ಪರ್ವತಗಳ ಮಾರ್ಸೌಲಸ್ ಗುಹೆಯಲ್ಲಿ ಸಿಕ್ಕಿತ್ತು. ತಜ್ಞರು ಇದನ್ನು ಫ್ರಾನ್ಸ್‌ನ ನ್ಯಾಚುರಲ್ ಹಿಸ್ಟರಿ ಮ್ಯೂಸಿಯಂ ಆಫ್ ಟೋಉಲೋಉಸ್ ನಲ್ಲಿ ಅಧ್ಯಯನಕ್ಕಾಗಿ ಇಟ್ಟರು. ಅಂದಿನಿಂದ ಯಾರೂ ಅದನ್ನು ಊದಿ ಅದರೊಳಗಿನ ಶಬ್ದವನ್ನ ಕೇಳಿರಲಿಲ್ಲ. ಅಲ್ಲಿಯವರೆಗೆ ಈ ಶಂಖದಿಂದ ಯಾವ ಶಬ್ದ ಹೊರಬರುತ್ತದೆ ಎಂಬುದನ್ನೂ ಜನರು ಮರೆತು ಹೋಗಿದ್ದರು.
ಈ ಶಂಖವು ನೋಡೋಕೆ ಥೇಟ್ ಮಾನವ ತಲೆಬುರುಡೆಯಂತೆ ಕಾಣುತ್ತದೆ. ಇದರಲ್ಲಿ ಕೆಲ ಕೆತ್ತನೆಗಳನ್ನು ಸಹ ಮಾಡಲಾಯಿತು, ಆದರೆ ಈ ಶಂಖ ಸಾವಿರಾರು ವರ್ಷಗಳಷ್ಟು ಪುರಾತನವಾಗಿರುವ ಕಾರಣ ಅದರ ಮೇಲಿನ ಕೆತ್ತನೆಗಳು ಅಳಿಸಿಹೋಗಿವೆ. ಶಂಖದೊಳಗೆ ಪೇಂಟಿಂಗ್ಸ್ ಗಳನ್ನ ಕೂಡ ಮಾಡಲಾಗಿದೆ
ಇದರೊಳಗಿನಿಂದ ಒಳ್ಳೆಯ ಶಬ್ದ ಬಂದರೂ ಬರಬಹುದು ಎಂಬ ಕಾರಣಕ್ಕೆ ಶಂಖವು ಸ್ವಲ್ಪಮಟ್ಟಿಗೆ ಒಡೆಯಲಾಗಿತ್ತು. ಇದು ಸಾಮಾನ್ಯ ಶಂಖಗಳಿಗೆ ಹೋಲಿಸಿದರೆ ಇದು ಸ್ವಲ್ಪ ಹೆಚ್ಚೇ ಮಡಚಲ್ಪಟ್ಟಿದೆ.
90 ವರ್ಷಗಳ ನಂತರ ಈ ಶಂಖವನ್ನು ನುಡಿಸಲು ಪ್ರೊಫೆಷನಲ್ ಹಾರ್ನ್ ಪ್ಲೇಯರ್ ಗಳನ್ನ ಕರೆಸಲಾಯಿತು. ಈ ವ್ಯಕ್ತಿಯು ಶಂಖದಲ್ಲಿ ಗಾಳಿಯನ್ನು ಊದಿದ ತಕ್ಷಣ, ಅದರ ಒಳಗಿನಿಂದ ಒಂದು ದೊಡ್ಡ ಶಬ್ದ ಹೊರಬಂದಿತು. ಇದರಿಂದ ಹೊರಬಂದ ಸ್ವರದಲ್ಲಿ ಮೂರು ನೋಟ್ಸ್ ಸಿ, ಸಿ-ಶಾರ್ಪ್ ಮತ್ತು ಡಿ ಹೊರಬಂದವು. ಅದರ ಸುಮಧುರ ಧ್ವನಿ ಎಲ್ಲರನ್ನೂ ಒಮ್ಮೆ ಆಶ್ಚರ್ಯಚಕಿತರನ್ನಾಗಿ ಮಾಡಿತು.
ಅನೇಕ ಪುರಾತತ್ತ್ವಜ್ಞರು ಈ ಶಂಖದ ಬಗ್ಗೆ ಇನ್ನೂ ಸಂಶೋಧನೆ ನಡೆಸುತ್ತಿದ್ದಾರೆ. ಇದರ ವಿಶಿಷ್ಟ ಡಿಸೈನ್ ಉತ್ತಮ ಸಂಗೀತ ವಾದ್ಯ (ಮ್ಯೂಸಿಕಲ್ ಇನ್ಸ್ಟ್ರುಮೆಂಟ್) ವಾಗಿದೆ. ಪುರಾತತ್ವಶಾಸ್ತ್ರಜ್ಞರ ಪ್ರಕಾರ, 18 ಸಾವಿರ ವರ್ಷಗಳ ಹಿಂದಿನ ನಾಗರಿಕತೆಯಲ್ಲಿ, ಈ ಶಂಖವನ್ನು ಧಾರ್ಮಿಕ ಆಚರಣೆ ಅಥವಾ ಖುಷಿಯಾಚರಣೆಗಾಗಿ ಮಾತ್ರ ನುಡಿಸಲಾಗುತ್ತಿತ್ತು ಎಂದು ಹೇಳುತ್ತಾರೆ.
ಪುರಾತತ್ತ್ವಜ್ಞರಿಗೆ ಮೊದಲು ಈ ಶಂಖವನ್ನು ಲವಿಂಗ್ ಕಪ್ ಆಗಿ ಬಳಸುತ್ತಿದ್ದರೆಂದು ಭಾವಿಸಿದ್ದರು, ಆದರೆ ನಂತರ ಅವರು ಇದನ್ನು ಸಂಗೀತ ಸಾಧನವಾಗಿ ಮಾತ್ರ ಬಳಸುತ್ತಿದ್ದರು ಎಂಬ ತೀರ್ಮಾನಕ್ಕೆ ಬಂದರು.
ಈ ಶಂಖದ ವಿಶೇಷ ವಿನ್ಯಾಸ ಎಲ್ಲರ ಗಮನವನ್ನೂ ಸೆಳೆದಿದೆ. ಇದು ನೋಡಲು ತುಂಬಾ ಆಕರ್ಷಕವಾಗಿದೆ. ಇದು ಈಗ ತುಂಬಾ ಹಳೆಯದಾಗಿದೆ, ಆದರೆ ಅದನ್ನು ನಿರ್ಮಿಸಿದಾಗ, ಅದರ ಲುಕ್ ನೋಡಲು ಅದೆಷ್ಟು ಆಕರ್ಷಕವಾಗಿರಬಹುದೆಂದು ತಜ್ಞರು ಆಶ್ಚರ್ಯಚಕಿತರಾಗಿದ್ದಾರೆ.
ಇದನ್ನೂ ಓದಿ:
1200 ವರ್ಷಗಳ ಹಿಂದೆ ಮುಳುಗಿ ಹೋಗಿದ್ದ ರಹಸ್ಯಮಯ ಊರು ಪತ್ತೆ; ಅನೇಕ ಪ್ರಾಚೀನ ಮೂರ್ತಿಗಳ ಅವಶೇಷಗಳನ್ನು ಕಂಡು ದಂಗಾದ ವಿಜ್ಞಾನಿಗಳು..!
ಪ್ರಕೃತಿಯ ವಿಸ್ಮಯವನ್ನ ಮನುಷ್ಯನಿಂದ ಭೇ-ದಿ-ಸಲು ಸಾಧ್ಯವಿಲ್ಲ. ಪ್ರಕೃತಿಯ ವಿ-ರು-ದ್ಧ ತೆರಳುವ ಯಾವ ದುಸ್ಸಾಹಸಕ್ಕೆ ಕೈ ಹಾಕಿದರೂ ಅದು ಫಲಿಸಲು ಸಾಧ್ಯವೇ ಇಲ್ಲ. ತನ್ನ ಮಡಿಲಲ್ಲಿ ಪ್ರಕೃತಿಯು ಸಾಕಷ್ಟು ರಹಸ್ಯಗಳನ್ನ ತನ್ನ ಗರ್ಭದಲ್ಲಿ ಅಡಗಿಸಿಕೊಂಡಿದ್ದು ಅಂತಹ ರಹಸ್ಯಗಳ ಬಗ್ಗೆ ಮಾನವ ತಲುಪಲು ಅಸಾಧ್ಯದ ಮಾತೇ ಸರಿ. ಆದರೂ ಮನುಷ್ಯ ತಾನು ಇಂತಹ ಅಗೋಚರ, ವಿಸ್ಮಯ ರಹಸ್ಯಗಳ ಕುರಿತಾಗಿ ಅಧ್ಯಯನ, ಶೋಧ ನಡೆಸುತ್ತಲೇ ಇರುತ್ತಾನೆ. ಹೌದು ಇದೀಗ ಅಂತಹ ರಹಸ್ಯಮಯ ಜಾಗವೊಂದು ಪತ್ತೆಯಾಗಿದ್ದು ಜಗತ್ತನ್ನೇ ಅಚ್ಚರಿಗೊಳಪಡಿಸಿದೆ.
ನಿಮಗೆ ನಂಬಲು ಅಸಾಧ್ಯವೆನಿಸಬಹುದು, 1200 ವರ್ಷಗಳ ಹಿಂದೆ ಕಣ್ಮರೆಯಾಗಿ ಹೋಗಿದ್ದ ಈಜಿಪ್ಟಿನ ಒಂದು ದೊಡ್ಡ ಊರು ಸಮುದ್ರದಲ್ಲಿ ಮುಳುಗಡೆಯಾಗಿ ಅಲ್ಲೊಂದು ಊರಿತ್ತು ಅನ್ನೋ ನಿಶಾನೆಯನ್ನೇ ಅಳಿಸಿ ಹಾಕಿತ್ತು. ಪುರಾತತ್ವ ವಿಜ್ಞಾನಿಗಳ ಸಾಕಷ್ಟು ಪರಿಶ್ರಮದ ಬಳಿಕ ಭೂಮಧ್ಯೆ ಸಾಗರದ ಗರ್ಭದಲ್ಲಿ ಮಲಗಿದ್ದ 1200 ವರ್ಷಗಳಷ್ಟು ಹಳೆಯದಾದ ಪುರಾತನ ನಗರವಾಗಿದ್ದ ಹೆರಾಕಲೊಯೋನ್ ನ ಅವಶೇಷಗಳನ್ನು ಜಗತ್ತಿನೆದುರು ತರಲು ಸಫಲರಾಗಿದ್ದಾರೆ.
ಸಮುದ್ರದಾಳದಲ್ಲಿ ನಗರವೊಂದು ಮುಳುಗಡೆಯಾಗಿದೆ ಅನ್ನೋದರ ಕುರಿತಾಗಿ 2000 ನೆ ಇಸವಿಯಲ್ಲಿಯೇ ಫ್ರಾನ್ಸ್ ಪುರಾತತ್ವವಾದಿ ಮಾಹಿತಿಯನ್ನ ನೀಡಿದ್ದರು. ಇದಾದ ಬಳಿಕದ ಹಲವಾರು ವರ್ಷಗಳ ಕಠಿಣ ಪರಿಶ್ರಮದ ಬಳಿಕ ಕೊನೆಗೂ ಸಮುದ್ರದಾಳದಲ್ಲಿ ಮುಳುಗಿ ಹೋಗಿದ್ದ ಊರಿನ ಒಂದೊಂದೇ ಅವಶೇಷಗಳು ಸಿಗಲಾರಂಭಿಸಿವೆ. ಈಜಿಪ್ಟಿನ ಐತಿಹಾಸಿಕ ಕಥೆಗಳಲ್ಲಿ ಈ ಬಂದರು ನಗರಿನ ಕುರಿತಾಗಿ ಹಾಗು ಈ ಊರಿನ ಸೌಂದರ್ಯದ ಕುರಿತು ಸಾಕಷ್ಟು ವರ್ಣನೆಗಳು ಕಾಣಸಿಗುತ್ತವೆ ಆದರೆ 1200 ವರ್ಷಗಳ ಹಿಂದೆಯೇ ಇದರ ಅಸ್ತಿತ್ವೇ ಸಮುದ್ರದಲ್ಲಿ ಮುಳುಗಿಯಾಗಿತ್ತು. ಸಮುದ್ರರಾಜ ಈ ನಗರವನ್ನ ಆಪೋಷಣ ತೆಗೆದುಕೊಂಡು ಬಿಟ್ಟಿದ್ದ.
ಆದರೆ ಇದೀಗ ಸಮುದ್ರದ ಒಳಗೆ ಸಿಕ್ಕ ಈ ಊರಿನ ಹುಡುಕಾಟ ನಡೆಸಿದಾಗ ಭಿನ್ನ ವಿಭಿನ್ನ ವಿಷಯಗಳ ಸತ್ಯಾಸತ್ಯತೆ ಹೊರಬರಲಿವೆ. ಸುದ್ದಿ ಮೂಲಗಳ ಪ್ರಕಾರ ಅಬೂಕರ್ ಘಾಟಿಯ ಅಲೆಕ್ಸೋಂಡ್ರಿಯಾ ದ ಹತ್ತಿರದ ಭೂಮಧ್ಯೆ ಸಾಗರದ ಸಮುದ್ರದಾಳದ 30 ಅಡಿ ಆಳದಲ್ಲಿ ಶೋಧ ನಡೆಸಿದಾಗ ಈ ನಗರದ ಅವಶೇಷಗಳು ಸಿಗಲಾರಂಭಿಸಿವೆ. ಇದರಿಂದ ಅರ್ಥವಾಗುವ ವಿಷಯವೆಂದರೆ ಬಹುಶಃ ಸಮುದ್ರದಲ್ಲಿ ಸುನಾಮಿ ಬಂದಿದ್ದ ಕಾರಣವಾಗಿ ಈ ನಗರಪ್ರದೇಶ ಸಮುದ್ರದಾಳದಲ್ಲಿ ಮುಳುಗಿ ಹೋಗಿತ್ತು ಅನಿಸುತ್ತೆ.
ಈ ಕುರಿತಾಗಿ ಇದೀಗ ತಯಾರಾಗುತ್ತಿರುವ ಡಾಕ್ಯುಮೆಂಟರಿ ಫಿಲಂ ಒಂದರಲ್ಲಿ ಸತತ 13 ವರ್ಷಗಳ ಉತ್ಖನನ (Excavation) ನ ಬಳಿಕ ಈ ಊರಿನ ಸಭ್ಯತೆ, ಸಂಸ್ಕೃತಿ, ಪ್ರಾಚೀನತೆಯ ಅನಾವರಣ ಮಾಡಲಾಗಿದೆ. ಸಮುದ್ರದಲ್ಲಿ ಸಿಗುತ್ತಿರುವ ಅವಶೇಷಗಳು, ವಸ್ತುಗಳನ್ನ ನೋಡಿದ ಪುರಾತತ್ವ ವಿಜ್ಞಾನಿಗಳು ಈ ಊರಿ ಕೇವಲ ಅಂತರಾಷ್ಟ್ರೀಯ ಮಟ್ಟದ ವ್ಯಾಪಾರ ವಹಿವಾಟಿನ ಕೇಂದ್ರವಷ್ಟೇ ಅಲ್ಲದೆ ಧಾರ್ಮಿಕವಾಗಿಯೂ ಮಹತ್ವಪೂರ್ಣವಾದ ನಗರವಾಗಿತ್ತು ಎಂದು ಹೇಳುತ್ತಿದ್ದಾರೆ.
ಮಹಾಭಾರತದ ಕೃಷ್ಣನ ದ್ವಾರಕಾ ನಗರ ಪತ್ತೆ ಮಾಡಿದ್ದ ವಿಜ್ಞಾನಿಗಳು:
ಮಹಾಭಾರತದ ಮೌಸಲ ಪರ್ವದಲ್ಲಿ ದ್ವಾರಕಾ ನಗರಿಯ ವರ್ಣನೆಯಿದೆ. ಅಲ್ಲದೇ ಈ ಕೃಷ್ಣಪುರಿ, ಪ್ರಭಾಸ ಸಮುದ್ರದಲ್ಲಿ ಮುಳುಗಿ ಅಂತ್ಯಕಂಡ ಉಲ್ಲೇಖವೂ ಇದೆ. ಮೌಸಲ ಪರ್ವ ಮತ್ತು ಮಹಾಭಾರತ ಕುರಿತಾದ ಇನ್ನಿತರ ಪುಸ್ತಕಗಳು ವಿದ್ವಾಂಸರ ಗಮನ ಸೆಳೆಯಲು ಯಶಸ್ವಿಯಾಗಿದ್ದವು. ಈ ನಗರಿ ಈಗಿನ ಗುಜರಾತ್ ಅಥವಾ ಮಹಾರಾಷ್ಟ್ರದಲ್ಲಿದ್ದರಬಹುದೆಂಬ ಎಣಿಕೆಗಳೂ ಸೃಷ್ಟಿಯಾಗಿದ್ದವು. ಸಮುದ್ರತಳ ಸೇರಿದ ದ್ವಾರಕೆಯನ್ನು ಹುಡುಕಬೇಕೆಂಬ ಪುರಾತತ್ವ ಇಲಾಖೆಯ ಮಹೋನ್ನತ ಆಸೆಯಿಂದ ಪುರಾತತ್ವ ಇಲಾಖೆ ಮತ್ತು ರಾಷ್ಟ್ರೀಯ ಸಮುದ್ರವಿಜ್ಞಾನ ಇಲಾಖೆ 1955 ರಿಂದ ದ್ವಾರಕೆಯ ಸಂಶೋಧನೆಯಲ್ಲಿ ನಿರತವಾದವು.
ಅದರಲ್ಲೂ ಈ ಪ್ರಯತ್ನದಲ್ಲಿ ಮೇಲುಗೈ ಸಾಧಿಸಿದ್ದು ಭಾರತದ ಖ್ಯಾತ ಪುರಾತತ್ವ ಶಾಸ್ತ್ರಜ್ಞ, ಕನ್ನಡಿಗ ಡಾ. ಶಿಕಾರಿಪುರ ರಂಗನಾಥ್ ರಾವ್ ನೇತೃತ್ವದ ತಂಡ. ದ್ವಾರಕಾಧೀಶ ಮಂದಿರದ ಉಪಸ್ಥಿತಿಯಿಂದ ಪ್ರೇರಣೆಗೊಂಡಿದ್ದ ಮೇಲಿನ ಎರಡೂ ಇಲಾಖೆಗಳು ‘ಸಾಗರ ಪುರಾತತ್ವಶಾಸ್ತ್ರ ಘಟಕ’ವನ್ನು ಸ್ಥಾಪಿಸಿದವು. ಅತ್ಯುತ್ತಮ ಈಜುಗಾರರು, ಫೋಟ್ರೋಗ್ರಾಫರ್‌ಗಳು, ಸಂಶೋಧಕರನ್ನೊಳಗೊಂಡ ತಂಡದ ನೇತೃತ್ವ ರಾವ್ ಅವರ ಹೆಗಲಿಗೇರಿತು.
ಪ್ರತಿಧ್ವನಿ ಸಂಕೇತ ಸಾಧನಗಳು, ನೀರೊಳಗಿನ ಲೋಹ ಶೋಧಕಗಳು ಇತ್ಯಾದಿ ಉಪಕರಣಗಳು ಈ ತಂಡಕ್ಕೆ ಆಸರೆಯಾದವು. ಸಮುದ್ರ ಶೋಧದಲ್ಲಿ ಇವರಿಗೆ ಸಿಕ್ಕ ವಸ್ತುಗಳನ್ನು ಕಾರ್ಬನ್ ಡೇಟಿಂಗ್, ಥರ್ಮೋ ಲ್ಯೂಮಿನಿನ್ಸ್ ಮತ್ತು ಇನ್ನಿತರ ಆಧುನಿಕ ತಂತ್ರಜ್ಞಾನಗಳಿಂದ ಪರೀಕ್ಷಿಸಲಾಯಿತು. 1983 ಮತ್ತು 1990ರಲ್ಲಿ ಅರ್ಧ ಮೈಲು ವ್ಯಾಪ್ತಿಯ ಪುರಾಣಪ್ರಸಿದ್ಧ ದ್ವಾರಕಾನಗರಿಯ ಪತ್ತೆಯಾಯಿತು. ಹೀಗೆ ದೊರೆತ ಅವಶೇಷಗಳು, ಇಂದಿನ ದ್ವಾರಕಾ ನಗರವನ್ನು ತಾಕುವ ಸಮುದ್ರದ ಒಡಲಲ್ಲೇ ಇವೆ.
