ನವದೆಹಲಿ: ಕಳೆದ ಹಲವು ದಿನಗಳಿಂದ ಬಾಲಿವುಡ್‌ಗೆ ಹಣೆಬರಹ ಕೆಟ್ಟಂತಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಬಾಲಿವುಡ್ ಮತ್ತು ಅದಕ್ಕೆ ಸಂಬಂಧಿಸಿದ ಕೆಲವರ ವಿರುದ್ಧ ಜನರು ಬಾಯ್‌ಕಾಟ್ ಅಭಿಯಾನ ನಡೆಸುತ್ತಿದ್ದಾರೆ. ಮೈಕ್ರೋ-ಬ್ಲಾಗಿಂಗ್ ಸೈಟ್ ಟ್ವಿಟರ್‌ನಲ್ಲಿ ನಡೆಯುತ್ತಿರುವ ಈ ಬಾಯ್‌ಕಾಟ್ ಅಭಿಯಾನದ ಪರಿಣಾಮವು ಇತ್ತೀಚೆಗೆ ಬಿಡುಗಡೆಯಾದ ಅನೇಕ ಚಲನಚಿತ್ರಗಳ ಮೇಲೆ ಕಂಡುಬಂದಿದೆ. ಈ ಚಿತ್ರಗಳ ಬಗ್ಗೆ ಮಾತನಾಡುವುದಾದರೆ, ಕಳೆದ ತಿಂಗಳು ಆಗಸ್ಟ್ 11 ರಂದು ಅಮೀರ್ ಖಾನ್ ಅವರ ‘ಲಾಲ್ ಸಿಂಗ್ ಚಡ್ಡಾ’, ಅಕ್ಷಯ್ ಕುಮಾರ್ ಅವರ ಚಿತ್ರ ‘ರಕ್ಷಾ ಬಂಧನ’ ಮತ್ತು ತಾಪ್ಸಿ ಪನ್ನು ಅವರ ‘ದೊಬಾರಾ’ ಬಿಡುಗಡೆಯಾಗಿದ್ದವು. ಈ ಮೂರೂ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಸೋಲು ಕಂಡಿವೆ. ನಟ ಅಮೀರ್ ಖಾನ್ ಕೂಡ ಲಾಲ್ ಸಿಂಗ್ ಚಡ್ಡಾ ಚಿತ್ರಕ್ಕಾಗಿ ತೆಗೆದುಕೊಂಡ ಶುಲ್ಕವನ್ನು ಹಿಂದಿರುಗಿಸುವುದಾಗಿ ಘೋಷಿಸಿದ್ದರು.
ಅದೇ ಸಮಯದಲ್ಲಿ, ಈಗ ಒಂದು ದಿನದ ಹಿಂದೆ ಅಂದರೆ ನೆನ್ನೆ ನಟ ರಣಬೀರ್ ಕಪೂರ್ ಮತ್ತು ನಟಿ ಆಲಿಯಾ ಭಟ್ ಅಭಿನಯದ ಬ್ರಹ್ಮಾಸ್ತ್ರ ಚಿತ್ರ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಿದೆ. ಬಿಡುಗಡೆಗೂ ಮುನ್ನವೇ ಬ್ರಹ್ಮಾಸ್ತ್ರ ಚಿತ್ರದ ಬಗ್ಗೆ ಜನ ಸಿಟ್ಟಿಗೆದ್ದಿದ್ದರು. ಜನರು ಕೂಡ ಈ ಚಿತ್ರವನ್ನು ಬಾಯ್‌ಕಾಟ್ ಮಾಡುವಂತೆ ಮನವಿ ಮಾಡಿದ್ದರು. ಹಾಗಾದರೆ ಚಿತ್ರದ ಮೊದಲ ದಿನದ ಕಲೆಕ್ಷನ್ ಹೇಗಿತ್ತು ಮತ್ತು ಚಿತ್ರವು ಬಾಯ್‌ಕಾಟ್ ಬಿಸಿಯ ನಡುವೆ ತನ್ನ ಛಾಪು ಮೂಡಿಸಲು ಸಾಧ್ಯವಾಯಿತೇ? ಅಥವಾ ಇಲ್ಲವೇ ಎಂಬುದನ್ನು ನೋಡೋಣ ಬನ್ನಿ.
ಚಿತ್ರದಲ್ಲಿ ಯಾರ‌್ಯಾರಿದಾರೆ?
ಅಯನ್ ಮುಖರ್ಜಿ (Ayan Mukherji) ನಿರ್ದೇಶನದ ಈ ಚಿತ್ರ ಬ್ರಹ್ಮಾಸ್ತ್ರ ಒಂದು ದಿನ ಮುಂಚಿತವಾಗಿ ಅಂದರೆ ಸೆಪ್ಟೆಂಬರ್ 9 ರಂದು ಬಿಡುಗಡೆಯಾಗಿದೆ. ಅಯಾನ್ ಮುಖರ್ಜಿ ಅವರು ತಮ್ಮ ಸುಮಾರು 8 ವರ್ಷಗಳನ್ನು ಈ ಚಿತ್ರಕ್ಕೆ ನೀಡಿದ್ದು, ಚಿತ್ರದ ವಿಮರ್ಶೆಗಳು ಮತ್ತು ಕಲೆಕ್ಷನ್ ವರದಿಗಳ ನಂತರ, ಅವರ ಶ್ರಮವು ಹೆಚ್ಚಿನ ಪ್ರಮಾಣದಲ್ಲಿ ಯಶಸ್ವಿಯಾಗಿದೆ ಎಂದು ತೋರುತ್ತದೆ. ದೊಡ್ಡ ಬಜೆಟ್‌ನಲ್ಲಿ ತಯಾರಾಗಿರುವ ಈ ಚಿತ್ರದಲ್ಲಿ ಹಲವು ದೊಡ್ಡ ನಟರಿದ್ದಾರೆ. ಅವರ ಬಗ್ಗೆ ಮಾತನಾಡುವುದಾದರೆ, ರಣಬೀರ್ ಕಪೂರ್ (Ranbir Kapoor), ಆಲಿಯಾ ಭಟ್ (Aliya Bhatt), ದಕ್ಷಿಣ ಚಲನಚಿತ್ರ ನಟರಾದ ನಾಗಾರ್ಜುನ (Nagarjun), ಅಮಿತಾಬ್ ಬಚ್ಚನ್ (Amitabh Bacchan), ಶಾರುಖ್ ಖಾನ್ (Shahrukh Khan) ಮತ್ತು ಮೌನಿ ರಾಯ್ (Mouni Roy) ಇದ್ದಾರೆ.
ಕಳೆದ ಹಲವು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಚಿತ್ರ ಬಾಯ್‌ಕಾಟ್ ಕ್ಯಾಂಪೇನ್‌ಗೆ ಗುರಿಯಾಗಿತ್ತು. ಇತ್ತೀಚೆಗಷ್ಟೇ ತೆರೆಕಂಡ ಉಳಿದ ಚಿತ್ರಗಳಂತೆ ಈ ಸಿನಿಮಾದ ಮೇಲೂ ಬಾಯ್‌ಕಾಟ್ ಪರಿಣಾಮ ಕಾಣಿಸುತ್ತದೆ ಎಂಬ ನಂಬಿಕೆ ಇತ್ತು. ಮೊದಲ ದಿನದ ಗಳಿಕೆ ಕಂಡರೂ ಅದರ ಪ್ರಭಾವ ಚಿತ್ರದ ಮೇಲೆ ತೋರಿಸಿರುವುದು ತೀರಾ ಕಡಿಮೆಯಂತೆ. ಬಾಕ್ಸ್ ಆಫೀಸ್ ಇಂಡಿಯಾದ ವರದಿಯ ಪ್ರಕಾರ, ಚಿತ್ರವು ಮೊದಲ ದಿನ ಸುಮಾರು 35-36 ಕೋಟಿ ವ್ಯವಹಾರ ಮಾಡಿದೆ. ಅದೇ ಸಮಯದಲ್ಲಿ, ಈ ಚಿತ್ರವು ದಕ್ಷಿಣದ ಜನರ ಪ್ರೀತಿಯನ್ನೂ ಪಡೆದುಕೊಂಡಿದೆ. ಅಲ್ಲಿ ಚಿತ್ರ 9-10 ಕೋಟಿ ವ್ಯಾಪಾರ ಮಾಡಿದೆ. ಒಂದು ರೀತಿಯಲ್ಲಿ ರಜೆ ರಹಿತವಾಗಿ ಬಿಡುಗಡೆಯಾಗಿ ಚಿತ್ರ ಮಾಡಿರುವ ಅದ್ಭುತ ಕಲೆಕ್ಷನ್ ಇತಿಹಾಸ ಸೃಷ್ಟಿಸುವಂತಿದೆ. ಮುಂದಿನ ದಿನಗಳಲ್ಲಿ ಈ ಚಿತ್ರವೂ ಜನರಿಂದ ಅದೇ ಪ್ರೀತಿಯನ್ನು ಪಡೆಯುತ್ತದೆಯೇ ಅಥವಾ ಇಲ್ಲವೇ ಎಂಬುದನ್ನು ಕಾದು ನೋಡಬೇಕಿದೆ.
