ಭಾರತದಲ್ಲಿ ಪೆಟ್ರೋಲ್ ಪಂಪ್‌ಗಳಲ್ಲಿ ವಾಹನ ಚಾಲಕರನ್ನು ವಂಚಿಸುವ ಅನೇಕ ಘಟನೆಗಳು ನಡೆದಿವೆ. ಬಹುತೇಕ ಸಂದರ್ಭಗಳಲ್ಲಿ, ಪೆಟ್ರೋಲ್ ಬಂಕ್ ಹಗರಣಗಳು ಆಗ್ಗಿಂದಾಗ್ಗೆ ಹೊರಬರುತ್ತಲೇ ಇರುತ್ತವೆ. ಕೆಲ ಕಡೆಗಳಲ್ಲಿ ಕೆಲವರು ವೀಡಿಯೋ ಕೂಡ ಮಾಡಿಕೊಂಡು ಸೋಶಿಯಲ್ ಮೀಡಿಯಾಗಳಲ್ಲಿ ಅಪ್‌ಲೋಡ್ ಮಾಡುತ್ತಾರೆ. ವಾಸ್ತವವಾಗಿ, ಪೆಟ್ರೋಲ್ ಬಂಕ್ ಹಗರಣದ ಅನೇಕ ಘಟನೆಗಳು ವೀಡಿಯೊದಲ್ಲಿ ದಾಖಲಾಗಿವೆ. ಇದೇ ರೀತಿಯ ಘಟನೆಯೊಂದು ಇದೀಗ ವರದಿಯಾಗಿದ್ದು ಪೆಟ್ರೋಲ್ ಬಂಕ್ ಒಂದರಲ್ಲಿ 50 ಲೀಟರ್ ಸಾಮರ್ಥ್ಯದ ಟ್ಯಾಂಕ್ ನಲ್ಲಿ 57 ಲೀಟರ್ ಇಂಧನ ತುಂಬಿದ ಘಟನೆ ನಡೆದಿದೆ. ಕಾರಿನಲ್ಲಿ ಕೂತಿದ್ದ ಜಡ್ಜ್ ಪೆಟ್ರೋಕ್ ಬಂಕ್ ಅನ್ನೇ ಸೀಲ್ ಮಾಡಿದ್ದಾರೆ.
ಈ ಘಟನೆ ಮಧ್ಯಪ್ರದೇಶದ ಭೋಪಾಲ್‌ನಲ್ಲಿ ನಡೆದಿದೆ. ಹೈಕೋರ್ಟ್ ನ್ಯಾಯಾಧೀಶರ ಕಾರು ಪೆಟ್ರೋಲ್ ಪಂಪ್‌ನಲ್ಲಿತ್ತು. ನ್ಯಾಯಾಧೀಶರ ಚಾಲಕನು ಕಾರಿನ ಟ್ಯಾಂಕ್‌ಗೆ ಪೆಟ್ರೋಲ್ ತುಂಬಲು ಪೆಟ್ರೋಲ್ ಪಂಪ್ ಸಿಬ್ಬಂದಿಗೆ ಕೇಳಿದನು. ಹಿಂದಿನ ಸೀಟಿನಲ್ಲಿ ಕುಳಿತಿದ್ದ ನ್ಯಾಯಾಧೀಶರು ಬಿಲ್ ನೋಡಿದರು ಮತ್ತು ಪೆಟ್ರೋಲ್ ಬಂಕ್ ಸಿಬ್ಬಂದಿ 50 ಲೀಟರ್ ಸಾಮರ್ಥ್ಯವಿರುವ ಕಾರಿಗೆ 57 ಲೀಟರ್ ಇಂಧನವನ್ನು ತುಂಬಿರುವುದನ್ನು ನೋಡಿ ಶಾಕ್ ಆದರು.
ಅವರ ಕಾರಿನ ಫ್ಯೂಲ್ ಟ್ಯಾಂಕ್ ಕೇವಲ 50 ಲೀಟರ್ ಇಂಧನದ ಸಾಮರ್ಥ್ಯ ಹೊಂದಿದೆ. ಹಾಗಿದ್ದಮೇಲೆ ಹೆಚ್ಚುವರಿ ಏಳು ಲೀಟರ್ ಹೇಗೆ ತುಂಬಲು ಸಾಧ್ಯ?ನ್ಯಾಯಾಧೀಶರು ಹೇಳುತ್ತಾರೆ. ನ್ಯಾಯಾಧೀಶರು ಸ್ಥಳೀಯ ಆಡಳಿತಾಧಿಕಾರಿಗಳನ್ನು ಕರೆಸಿದರು ಮತ್ತು ಪ್ರಾಥಮಿಕ ವಿಚಾರಣೆಯ ನಂತರ ಸರ್ಕಾರಿ ಅಧಿಕಾರಿಗಳು ಪೆಟ್ರೋಲ್ ಪಂಪ್ ಅನ್ನು ಸೀಲ್ ಮಾಡಿತು. ಈ ಪ್ರದೇಶದಲ್ಲಿನ ಎಲ್ಲಾ ಪೆಟ್ರೋಲ್ ಪಂಪ್‌ಗಳನ್ನು ಪರಿಶೀಲಿಸಲು ಜಿಲ್ಲಾ ನಿಯಂತ್ರಕರು ಪ್ಯಾನಲ್‌ನ್ನ ರಚಿಸಿದ ನಂತರವೇ ಪೆಟ್ರೋಲ್ ಪಂಪ್ ತೆರೆಯಲಿವೆ. ಪ್ಯಾನಲ್ ವಿತರಣಾ ಸಲಕರಣೆಗಳನ್ನು ಪರಿಶೀಲಿಸುತ್ತದೆ ಮತ್ತು ಸಲಕರಣೆಗಳ ಮಾಪನಾಂಕ ನಿರ್ಣಯವನ್ನು ಸಹ ಪರಿಶೀಲಿಸುತ್ತದೆ. 14 ಸದಸ್ಯರ ಸಮಿತಿಯು ಭವಿಷ್ಯದಲ್ಲಿ ಪೆಟ್ರೋಲ್ ಪಂಪ್‌ಗಳನ್ನು ಸಹ ಮೇಲ್ವಿಚಾರಣೆ ಮಾಡಲಿದೆ.
ನ್ಯಾಯಾಧೀಶರು ಈ ಹಗರಣ ಕಂಡು ಸ್ಥಳೀಯ ಅಧಿಕಾರಿಗಳಿಗೆ ತಪಾಸಣೆಗೆ ಕರೆದರು. ಆದರೆ ಸಾಮಾನ್ಯ ಜನರು ಇಂತಹ ಹಗರಣಗಳನ್ನು ಬಯಲಿಗೆಳೆದು ಈ ರೀತಿಯ ಕ್ರಮ ಕೈಗೊಳ್ಳುವುದು ಕಷ್ಟ. ಪೆಟ್ರೋಲ್ ಪಂಪ್‌ಗಳಲ್ಲಿ ಅಧಿಕಾರದಲ್ಲಿರುವವರು ಮಾತ್ರ ಇಂತಹ ಕ್ರಮಗಳನ್ನು ಕೈಗೊಳ್ಳಬಹುದು.
ಈ ಮೊದಲು ಸಚಿವರೊಬ್ಬರು ಒಂದು ಪೆಟ್ರೋಲ್ ಬಂಕ್ನ್ನ ಸೀಲ್ ಮಾಡಿದ್ದರು
2021 ರಲ್ಲಿ ನಡೆದ ಮತ್ತೊಂದು ಘಟನೆಯಲ್ಲಿ, ಗುಜರಾತ್‌ನ ಸೂರತ್‌ನಲ್ಲಿರುವ ಪೆಟ್ರೋಲ್ ಬಂಕ್ನ್ನ ಸೀಲ್ ಮಾಡಲು ಮಾಡಲು ಸಚಿವರು ಆದೇಶಿಸಿದ್ದರು. ಈ ಹಗರಣವನ್ನು ರಾಜ್ಯದ ಕೃಷಿ, ಇಂಧನ ಮತ್ತು ಪೆಟ್ರೋಕೆಮಿಕಲ್ಸ್ ಸಚಿವ ಶ್ರೀ ಮುಖೇಶ್ ಪಟೇಲ್ ರೆಡ್ ಹ್ಯಾಂಡ್ ಆಗಿ ಹಿಡಿದಿದ್ದರು. ಪೆಟ್ರೋಲ್ ಪಂಪ್ ಸೂರತ್ ನಗರದ ಜಹಾಂಗೀರ್‌ಪುರ ಪ್ರದೇಶದಲ್ಲಿದೆ ಮತ್ತು ಇದು ಖಾಸಗಿ ಒಡೆತನದ ಕಂಪನಿ ನಯಾರಾ ಅವರ ಔಟ್‌ಲೆಟ್ ಆಗಿದೆ. ಸ್ವತಃ ಪೆಟ್ರೋಲ್ ಪಂಪ್ ಹೊಂದಿರುವ ಮತ್ತು ಓಲ್ಪಾಡ್ ಕ್ಷೇತ್ರದ ಶಾಸಕರಾಗಿರುವ ಪಟೇಲ್ ಅವರು ತಮ್ಮ ಕ್ಷೇತ್ರದಲ್ಲಿರುವ ಪೆಟ್ರೋಲ್ ಪಂಪ್ ಬಗ್ಗೆ ಸಾಕಷ್ಟು ದೂರುಗಳನ್ನು ಸ್ವೀಕರಿಸಿದ್ದರು.
ಗ್ರೌಂಡ್ ರಿಯಾಲಿಟಿ ತಿಳಿಯಲು, ಭಾನುವಾರ ಪಟೇಲ್ ಅವರು ಸಾಮಾನ್ಯ ನಾಗರಿಕರಂತೆ ತಮ್ಮ ಖಾಸಗಿ ವಾಹನದಲ್ಲಿ ಪೆಟ್ರೋಲ್ ತುಂಬಿಸಲು ಪೆಟ್ರೋಲ್ ಪಂಪ್‌ಗೆ ಬಂದರು. ಇಂಧನ ತುಂಬುವ ಮಷೀನ್ ನ ಸರಿಯಾಗಿ ಕಾರ್ಯನಿರ್ವಹಿಸುತ್ತಿಲ್ಲ ಎಂದು ಅವರು ಕಂಡುಕೊಂಡರು. ಈ ಬಗ್ಗೆ ಸಿಬ್ಬಂದಿಯನ್ನು ಕೇಳಿದಾಗ, ಯಂತ್ರದ ಇನ್ನೊಂದು ಬದಿಯಲ್ಲಿರುವ ಡಿಸ್ಪ್ಲೇ ಸ್ಕ್ರೀನ್‌ನ್ನ ನೋಡಲು ಆತ ಹೇಳಿದ.
ಅನುಮಾನಗೊಂಡ ಸಚಿವರು, ಸೂರತ್‌ನ ಜಿಲ್ಲಾಧಿಕಾರಿ ಶ್ರೀ ಆಯುಷ್ ಓಕ್ ಅವರನ್ನು ಪೆಟ್ರೋಲ್ ಪಂಪ್‌ಗೆ ತಪಾಸಣಾ ತಂಡವನ್ನು ಕಳುಹಿಸಲು ಕರೆ ನೀಡಿದರು. ಪಂಪ್ ಅನ್ನು ತಲುಪಿದಾಗ, ಜಿಲ್ಲಾ ಸರಬರಾಜು ಇಲಾಖೆ ಮತ್ತು ಮಾಪನ ಇಲಾಖೆಯ ತಂಡಗಳು ಪಂಪ್‌ನಲ್ಲಿ ಬಳಸಲಾದ ಪೈಪ್ ಗಳನ್ನ ತಪ್ಪಾಗಿ ಕ್ಯಾಲಿಬರೇಟ್ ಮಾಡಿರುವುದು ಕಂಡುಬಂದಿತ್ತು. ಬಳಿಕ ಆ ಪೆಟ್ರೋಲ್ ಬಂಕ್ನ್ನ ಸೀಲ್ ಮಾಡಲಾಗಿತ್ತು.
