ಹಿರಿಯ ನಟ ಅನಂತ್ ನಾಗ್ ರವರಿಗೆ ಬೆಂಬಲ ಸೂಚಿಸಿದ ರಾಕಿಂಗ್ ಸ್ಟಾರ್ ಯಶ್: ವಿಷ್ಯ ಏನ್ ಗೊತ್ತಾ?

ಕೇಂದ್ರ ಸರ್ಕಾರ ಸಾಧಕರಿಗೆ ನೀಡುವ ಪದ್ಮ ಪ್ರಶಸ್ತಿಗೆ ತಕ್ಕ ಸಾಧಕರನ್ನ ಸೂಚಿಸುವಂತೆ ಸಾರ್ವಜನಿಕರಿಗೆ ಆಯ್ಕೆ ಮಾಡುವ ಅವಕಾಶ ನೀಡಿದ ಬೆನ್ನಲ್ಲೇ ಹಿರಿಯ ನಟ ಅನಂತ್ನಾಗ್ ಅವರಿಗೆ ಪದ್ಮ ಪ್ರಶಸ್ತಿ ನೀಡುವಂತೆ ಸ್ಯಾಂಡಲ್ವುಡ್ನ ಹಲ ನಟರು ಸಾಮಾಜಿಕ ಜಾಲತಾಣದಲ್ಲಿ ಅಭಿಯಾನ ಶುರು ಮಾಡಿದ್ದಾರೆ. ಇದಕ್ಕೆ ಪೂರಕವಂತೆ, ರಾಕಿಂಗ್ ಸ್ಟಾರ್ ಯಶ್ ಕೂಡ ಸಾಥ್ ನೀಡಿದ್ದಾರೆ.

ಹೌದು ರಾಕಿಂಗ್ ಸ್ಟಾರ್ ಯಶ್ ಕೂಡ ಈ ಅಭಿಯಾನಕ್ಕೆ ಬೆಂಬಲ ನೀಡಿದ್ದು ಅನಂತ್ನಾಗ್ ಅವರಿಗೆ ಪದ್ಮ ಪ್ರಶಸ್ತಿ ನೀಡುವುದಕ್ಕೆ ತಮ್ಮ ಬೆಂಬಲ ಸೂಚಿಸಿದ್ದಾರೆ. ತಮ್ಮ ಟ್ವಿಟರ್ ಖಾತೆಯಲ್ಲಿ ಅನಂತ್ನಾಗ್ ಅವರಿಗೆ ಪದ್ಮ ಪ್ರಶಸ್ತಿ ನೀಡುವಂತೆ ಬರೆದುಕೊಂಡಿರುವ ಯಶ್ ‘ಅಭಿನಯ ಅನ್ನೋದು ವರ್ತನೆ’.. ಚಿಕ್ಕವಯಸ್ಸಿನಲ್ಲಿ ಅವ್ರ ಕಾಮಿಡಿಗಳನ್ನ ನೋಡಿ ಸುಮಾರು ನಕ್ಕಿದ್ದೇವೆ, ಅವ್ರು ಅಳೋದನ್ನ ನೋಡಿ, ನಾವು ಅತ್ತಿದ್ದೇವೆ. ದೆವ್ವದ ಸಿನಿಮಾಗಳಲ್ಲಿ ಅವ್ರು ನಟಿಸಿರೋದನ್ನ ನೋಡಿ ನಾವು ಸುಮಾರ್ ಸಲ ಹೆದರಿಕೊಂಡಿದ್ದೀವಿ. ನನಗೆ ಯಾವಾಗ್ಲೂ ಒಂದು ಆಸೆಯಿತ್ತು, ಆವ್ರು ಮಾಡೋ ಸಿನಿಮಾದಲ್ಲಿ ನನ್ನದು ಒಂದು ಪಾತ್ರ ಮಾಡ್ಬೇಕು. ನನಗೆ ‘ಎವರ್ಗ್ರೀನ್’ ಅನ್ನೋ ಪದಕ್ಕೆ ಇವರೇ ಉದಾಹರಣೆ. ಅವ್ರು, ಮುಂಚೆ ಮಾಡಿರೋ ಸಿನಿಮಾಗಳಿಗೂ ಈಗ ಮಾಡಿರೋ ಸಿನಿಮಾಗಳನ್ನ ನೋಡಿದ್ರೆ ಯಾವುದೇ ರೀತಿಯ ಸಣ್ಣ ವ್ಯತ್ಯಾಸವೂ ಇಲ್ಲ. ಅವ್ರು ಅದೆಷ್ಟೇ ಭಾಷೆಗಳಲ್ಲಿ ನಟಿಸಿರಬಹುದು, ಆದ್ರೆ ಅವ್ರು ಯಾವತ್ತಿದ್ರೂ ಕರ್ನಾಟಕದ ಆಸ್ತಿ. ಅನಂತ್ನಾಗ್ ಬರೀ ನಟನಲ್ಲ, ಅವ್ರು ಅತ್ಯದ್ಭುತ ನಟ. ಇವರಿಗಿಂತ ಅದ್ಭುತ ನಟ ಪದ್ಮ ಪ್ರಶಸ್ತಿ ಪಡೆಯೋದಕ್ಕೆ ಯಾರಿದ್ದಾರೆ’ ಅಂತ ಬರೆದುಕೊಂಡಿದ್ದಾರೆ ಯಶ್.

ಈ ಹಿಂದೆ ನಟ, ನಿರ್ದೇಶಕರಾದ ರಕ್ಷಿತ್ ಶೆಟ್ಟಿ ಹಾಗೂ ರಿಶಬ್ ಶೆಟ್ಟಿ ಸೋಷಿಯಲ್ ಮೀಡಿಯಾದಲ್ಲಿ ಈ ಅಭಿಯಾನ ಆರಂಭಿಸಿದ್ದಾರೆ. ಅಭಿಯಾನಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು #ananthnagforpadma ಹ್ಯಾಷ್ಟ್ಯಾಗ್ ಬಳಸುವ ಮೂಲಕ ಅನಂತ್ನಾಗ್ ಅವರಿಗೆ ಪದ್ಮ ಪ್ರಶಸ್ತಿ ನೀಡುವುದಕ್ಕೆ ಬೆಂಬಲ ಸೂಚಿಸಿದ್ದಾರೆ.