ಟೋಕಿಯೊ ಒಲಿಂಪಿಕ್ಸ್ ಜಾವೆಲಿನ್ ಥ್ರೋದಲ್ಲಿ ಚಿನ್ನದ ಪದಕ ಗೆದ್ದಿರುವ ಭಾರತದ ನೀರಜ್ ಚೋಪ್ರಾ ಇತಿಹಾಸ ನಿರ್ಮಿಸಿದ್ದಾರೆ. ಒಲಿಂಪಿಕ್ಸ್ ‘ಟ್ರ್ಯಾಕ್ ಆ್ಯಂಡ್ ಫೀಲ್ಡ್‌’ನಲ್ಲಿ ಭಾರತಕ್ಕೆ ದೊರಕಿದ ಮೊಟ್ಟ ಮೊದಲ ಚಿನ್ನದ ಪದಕ ಇದಾಗಿದೆ.
ನೀರಜ್ ಯಶಸ್ಸಿನಲ್ಲಿ ತರಬೇತುದಾರರ ಪಾತ್ರವೂ ಮಹತ್ತರವಾಗಿದೆ. ಅದರಲ್ಲೂ ಒಲಿಂಪಿಕ್ಸ್‌ಗೂ ಮುನ್ನ ಜರ್ಮನಿಯ ಕೋಚ್ ಯುವೆ ಹಾನ್ ಅವರ ಗರಡಿಯಲ್ಲಿ ಕಠಿಣ ತರಬೇತಿ ಪಡೆದಿದ್ದರು.
ನಿಮಗಿದು ಗೊತ್ತೇ? ಇತಿಹಾಸದಲ್ಲೇ 100 ಮೀಟರ್‌ಗಿಂತಲೂ ಹೆಚ್ಚು ದೂರ ಜಾವೆಲಿನ್ ಎಸೆದಿರುವ ವಿಶ್ವದ ಏಕೈಕ ಅಥ್ಲೀಟ್ ಯುವೆ ಹಾನ್ ಅವರಾಗಿದ್ದಾರೆ.
ಹೌದು, 1984ರಲ್ಲಿ ನಡೆದಿದ್ದ ಅಥ್ಲೆಟಿಕ್ಸ್ ಕೂಟವೊಂದರಲ್ಲಿ 104.80 ಮೀಟರ್ಸ್‌ ದೂರ ಜಾವೆಲಿನ್ ಎಸೆದು ವಿಶ್ವ ದಾಖಲೆ ಬರೆದಿದ್ದರು. ಇದುವರೆಗೆ ಈ ದಾಖಲೆಯನ್ನು ಯಾವ ಸ್ಪರ್ಧಿಯಿಂದಲೂ ಮುರಿಯಲು ಸಾಧ್ಯವಾಗಿಲ್ಲ.
1986ರಲ್ಲಿ ಜಾವೆಲಿನ್ ಥ್ರೋದಲ್ಲಿ ಹೊಸ ನಿಯಮಗಳನ್ನು ಆಳವಡಿಸಲಾಯಿತು. ಇದರಿಂದಾಗಿ ದಾಖಲೆಗಳನ್ನು ಮರು ರೂಪಿಸಲಾಯಿತು. ಅಲ್ಲದೆ ಯುವೆ ಹಾನ್ ದಾಖಲೆ ಅಚ್ಚಳಿಯದೇ ಉಳಿದಿದೆ.
ಅವರು 1981ರ ಯುರೋಪಿಯನ್ ಜೂನಿಯರ್ ಚಾಂಪಿಯನ್‌ಶಿಪ್‌ನಲ್ಲಿ 86.56 ಮೀಟರ್ ದೂರ ಜಾವೆಲಿನ್ ಎಸೆದು ಪ್ರಥಮ ಸ್ಥಾನ ಗಳಿಸಿದರು. 1982ರ ಯುರೋಪಿಯನ್ ಚಾಂಪಿಯನ್‌ಶಿಪ್‌ನಲ್ಲಿ 91.34 ಮೀಟರ್ ದೂರ ಜಾವೆಲಿನ್ ಎಸೆದು ಚಿನ್ನ ಗೆದ್ದರು.
1983ರ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸಿರಲಿಲ್ಲ. 1984ರ ಒಲಿಂಪಿಕ್ಸ್ ಅನ್ನು ಈಸ್ಟ್ ಜರ್ಮನಿ ಬಹಿಷ್ಕರಿಸಿದ್ದ ಹಿನ್ನೆಲೆಯಲ್ಲಿ ಸ್ಪರ್ಧಿಸಿರಲಿಲ್ಲ. 1985ರಲ್ಲಿ ಐಎಎಎಫ್ ವಿಶ್ವಕಪ್ ಮತ್ತು ಯುರೋಪಿಯನ್ ಕಪ್‌ನಲ್ಲಿ ಜಯಭೇರಿ ಮೊಳಗಿಸಿದ್ದರು. ಆದರೆ 1986ರಲ್ಲಿ ಶಸ್ತ್ರಚಿಕಿತ್ಸೆಯ ಬಳಿಕ ಹಿನ್ನಡೆ ಅನುಭವಿಸಿ ವೃತ್ತಿ ಜೀವನ ಕೊನೆಗೊಳಿಸಿದರು.
2017ರಲ್ಲಿ ಅಥ್ಲೆಟಿಕ್ಸ್ ಫೆಡರೇಷನ್ ಆಫ್ ಇಂಡಿಯಾ (ಎಎಫ್‌ಐ) ಜೊತೆಗಿನ ಒಪ್ಪಂದದಂತೆ ಟೋಕಿಯೊ ಒಲಿಂಪಿಕ್ಸ್ ವರೆಗೆ ನೀರಜ್ ಚೋಪ್ರಾ ಸೇರಿದಂತೆ ಭಾರತದ ಜಾವೆಲಿನ್ ಸ್ಪರ್ಧಿಗಳಿಗೆ ತರಬೇತಿ ನೀಡಲು ಸಹಿ ಹಾಕಿದ್ದರು. 2019ರ ವರೆಗೆ ಯುವೆ ಹಾನ್ ಬಳಿ ನೀರಜ್ ತರಬೇತಿ ಪಡೆದಿದ್ದರು.
4 ವರ್ಷಗಳ ಹಿಂದೆಯೇ ನೀರಜ್ ಗೆ ವಿಶ್ವದ ಬೆಸ್ಟ್ ಕೋಚ್ ಕೊಟ್ಟಿದ್ದ ಪ್ರಧಾನಿ ಮೋದಿ
2018 ರಲ್ಲಿ ಜಕಾರ್ತದಲ್ಲಿ ನಡೆದ ಏಷ್ಯನ್ ಗೇಮ್ಸ್‌ನಲ್ಲಿ ನೀರಜ್ ಚೋಪ್ರಾ ಚಿನ್ನದ ಪದಕ ಗೆದ್ದಿದ್ದರು. ಆಗಲೂ ಅವರು ಇನ್ನೂ ಉವೇ ಹೋನ್ ಎಂಬ ಕೋಚ್ ಬಳಿಯೇ ತರಬೇತಿ ಪಡೆಯುತ್ತಿದ್ದರು. 104.80 ಮೀ ಜಾವೆಲಿನ್ ಥ್ರೋ ಎಸೆದಿದ್ದ ವಿಶ್ವದ ಏಕೈಕ ಆಟಗಾರ ಉವೇ ಹೋನ್. ಜಾವೆಲಿನ್ (ಈಟಿಯ) ಮರುವಿನ್ಯಾಸದಿಂದಾಗಿ ಇದು ‘ಎಟರ್ನಲ್ ವರ್ಲ್ಡ್ ರೆಕಾರ್ಡ್’ ಆಗಿದೆ. 2018 ರಲ್ಲಿಯೇ ನೀರಜ್ ಚೋಪ್ರಾ ಒಲಿಂಪಿಕ್ಸ್‌ನಲ್ಲಿ ಸ್ವರ್ಣದೊಂದಿಗೆ ಸ್ವದೇಶಕ್ಕೆ ಮರಳುತ್ತಾರೆ ಎಂದು ಉವೆ ಹೋನ್ ಭವಿಷ್ಯ ನುಡಿದಿದ್ದರು. ನೀರಜ್ ಚೋಪ್ರಾ ಅವರ ವೃತ್ತಿಜೀವನಕ್ಕೆ ಹೆಚ್ಚಿನ ಕೊಡುಗೆಯನ್ನು ಉವೇ ಹೋನ್ ರವರೇ ನೀಡಿದ್ದಾರೆ.
2018 ರ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಅವರು ನೀರಜ್ ಚೋಪ್ರಾ ಅವರ ತರಬೇತುದಾರರಾಗಿದ್ದರು. ಅಲ್ಲಿ ಕೂಡ ನೀರಜ್ ಚೋಪ್ರಾ ಚಿನ್ನದ ಪದಕ ಗೆದ್ದರು. 2018 ರಲ್ಲಿ, ತರಬೇತುದಾರ ಒಲಿಂಪಿಕ್ಸ್‌ನಲ್ಲಿ ಪದಕಗಳು ಗೆಲ್ಲುವುದು ಕಷ್ಟದ ಕೆಲಸವೇನಲ್ಲ ಎಂದಿದ್ದರು. ಉವೇ ಹೋನ್ ಈಗಲೂ ವಿಶ್ವದ ‘ಜಾವೆಲಿನ್ ಥ್ರೋ’ದ ಅತ್ಯುತ್ತಮ ಆಟಗಾರರಾಗಿದ್ದಾರೆ. ಹರಿಯಾಣದ ಪಾಣಿಪತ್‌ನಲ್ಲಿ ಜನಿಸಿದ ನೀರಜ್ ಚೋಪ್ರಾ ಟೋಕಿಯೊದಲ್ಲಿ ಇತಿಹಾಸ ಸೃಷ್ಟಿಸುವ ಮೂಲಕ ತಮ್ಮ ಗುರುಗಳ ಮಾತುಗಳನ್ನು ಸತ್ಯವೆಂದು ಸಾಬೀತುಪಡಿಸಿದ್ದಾರೆ.
ಉವೇ ಹೋನ್ ಒಮ್ಮೆ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕ ಗೆಲ್ಲುವ ಕನಸು ಕಂಡಿದ್ದರು, ಆದರೆ 1984 ರಲ್ಲಿ ಲಾಸ್ ಏಂಜಲೀಸ್‌ನಲ್ಲಿ ನಡೆದ ಒಲಿಂಪಿಕ್ ಕ್ರೀಡಾಕೂಟವನ್ನು ಪೂರ್ವ ಜರ್ಮನಿಯು ಬಹಿಷ್ಕರಿಸಿತು. ಹಾಗಾಗಿ ಅವರು ಅದರಲ್ಲಿ ಭಾಗವಹಿಸಲು ಸಾಧ್ಯವಾಗಲಿಲ್ಲ. ಆದರೆ, ಅವರು ವಿಶ್ವಕಪ್ ಮತ್ತು ಯುರೋಪಿಯನ್ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನ ಗೆದ್ದರು. 1999 ರಿಂದ, ಅವರು ಯುವ ಆಟಗಾರರನ್ನು ತಯಾರು ಮಾಡಿ ಅವರಿಗೆ ತರಬೇತಿ ನೀಡುತ್ತಿದ್ದಾರೆ. ಚೀನಾದ ರಾಷ್ಟ್ರೀಯ ಚಾಂಪಿಯನ್ ಝಾವೋ ಕಿಂಗ್‌ಗ್ಯಾಂಗ್ ಕೂಡ ಉವೇ ಹೋನ್ ರವರನ್ನೇ ತಮ್ಮ ಗುರುವನ್ನಾಗಿ ಮಾಡಿಕೊಂಡಿದ್ದರು.
ಮೇ 2017 ರಲ್ಲೇ ‘ಅಥ್ಲೆಟಿಕ್ಸ್ ಫೆಡರೇಶನ್ ಆಫ್ ಇಂಡಿಯಾ (AFI)” ಉವೇ ಹೋನ್ ರವರ ಹೆಸರನ್ನು ಭಾರತದ ಜಾವೆಲಿನ್ ತರಬೇತುದಾರರನ್ನಾಗಿ ಸೂಚಿಸಿತು ಮತ್ತು ಕೇಂದ್ರ ಕ್ರೀಡಾ ಸಚಿವಾಲಯಕ್ಕೆ ಪ್ರಸ್ತಾವನೆಯನ್ನು ಕಳುಹಿಸಿತು. ಆ ಸಮಯದಲ್ಲಿ ವಿಜಯ್ ಗೋಯೆಲ್ ಅವರು ಕೇಂದ್ರ ಕ್ರೀಡಾ ಸಚಿವರಾಗಿದ್ದರು. ಆದಾಗ್ಯೂ, 4 ತಿಂಗಳ ನಂತರ ಈ ಜವಾಬ್ದಾರಿಯನ್ನು ರಾಜ್ಯವರ್ಧನ್ ಸಿಂಗ್ ರಾಥೋರ್‌ಗೆ ನೀಡಲಾಯಿತು. ಆಸ್ಟ್ರೇಲಿಯಾದ ಗ್ಯಾರಿ ಕಲ್ವರ್ಟ್ ರಾಜೀನಾಮೆ ನೀಡಿದ ನಂತರ ಈ ಹುದ್ದೆ ಖಾಲಿಯಿತ್ತು. ನಂತರ ನೀರಜ್ ಚೋಪ್ರಾ ಜೊತೆಗೆ ದೇವಿಂದರ್ ಸಿಂಗ್ ಕೂಡ ಐಎಎಎಫ್ ವಿಶ್ವ ಚಾಂಪಿಯನ್‌ಶಿಪ್‌ಗೆ ಅರ್ಹತೆ ಪಡೆದರು.
2018 IAAF ಕಪ್‌ನಲ್ಲಿ, ನೀರಜ್ ಚೋಪ್ರಾ ಅವರ ಆಟದಲ್ಲಿ ಕೆಲವು ತಾಂತ್ರಿಕ ದೋಷಗಳನ್ನು ಗಮನಿಸಿದರು. ಸಾಮಾನ್ಯವಾಗಿ ನೇರವಾಗಿ ಹೋಗುವ ಅವರ ಥ್ರೋಗಳು ಎಡಕ್ಕೆ ಹೋಗುತ್ತಿರುವುದನ್ನು ಅವರು ಕಂಡುಕೊಂಡರು ಮತ್ತು ಒಂದು ಸಂದರ್ಭದಲ್ಲಿ ಎಲ್ಲೆ ಮೀರಿ ಹೋಗಿದ್ದನ್ನೂ ಕಂಡುಕೊಂಡರು. ಮೊಣಕೈ ಗಾಯದಿಂದಾಗಿ ಅವರು 2019 ರ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಿಂದ ಹೊರಗುಳಿದಿದ್ದರು. ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆಯುವ ಈ ಅವಕಾಶವನ್ನ ಅವರು ಕಳೆದುಕೊಂಡರು.
1 ವರ್ಷದ ನಂತರ ಕಮ್ ಬ್ಯಾಕ್ ಮಾಡುತ್ತ, ಜನವರಿ 2020 ರಲ್ಲಿ, ಅವರು ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನದ ಪದಕ ಗೆದ್ದರು. ಅದರ ನಂತರ ಕರೋನಾ ಸಾಂಕ್ರಾಮಿಕ ಬಂದಿತು. ಅವರು ಕ್ಲೋಸ್ ಬಾರ್ಟೋನಿಟ್ಜ್, ಬಯೋಮೆಕಾನಿಕ್ಸ್ ತಜ್ಞರ ಅಡಿಯಲ್ಲಿ ತರಬೇತಿ ಪಡೆದರು. 2021 ರಲ್ಲಿ, ಅವರು 88.07 ಮೀಟರ್ ಎಸೆತದೊಂದಿಗೆ ತಮ್ಮದೇ ರಾಷ್ಟ್ರೀಯ ದಾಖಲೆಯನ್ನು ಮುರಿದರು. ನಂತರ ಅವರು ಒಲಿಂಪಿಕ್ಸ್‌ಗೆ ಸಿದ್ಧನಾಗಿದ್ದೇನೆ ಎಂದು ಭಾವಿಸಿದರು. ನಂತರ ಅವರು ಲಿಸ್ಬನ್ ಮೀಟ್‌ನಲ್ಲಿ ಚಿನ್ನದ ಪದಕವನ್ನು ಪಡೆದರು. ಈಗ ಅವರು ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದು ದೇಶದ ಕೀರ್ತಿಯನ್ನ ವಿಶ್ವಮಟ್ಟದಲ್ಲಿ ಎತ್ತಿಹಿಡಿದಿದ್ದಾರೆ.
ಜೂನ್ 16, 2021 ರಂದು, ನೀರಜ್ ಚೋಪ್ರಾ ಟ್ವೀಟ್ ಮಾಡುತ್ತ, “ಟೋಕಿಯೊ ಒಲಿಂಪಿಕ್ಸ್‌ನ ನನ್ನ ಸಿದ್ಧತೆಗಳಿಗೆ ಸಂಬಂಧಿಸಿದಂತೆ, ನನ್ನ ಎಲ್ಲಾ ಅಗತ್ಯಗಳನ್ನು ಅತ್ಯುತ್ತಮ ರೀತಿಯಲ್ಲಿ ನೋಡಿಕೊಳ್ಳಲಾಗಿದೆ. ನಾನು ಪ್ರಸ್ತುತ ಯುರೋಪಿನಲ್ಲಿ ತರಬೇತಿ ಪಡೆಯುತ್ತಿದ್ದೇನೆ. ಕಠಿಣ ವೀಸಾ ನಿಯಮಗಳ ಹೊರತಾಗಿಯೂ ಅವರು ಮಾಡಿದ ಪ್ರಯತ್ನಗಳಿಗಾಗಿ ಭಾರತ ಸರ್ಕಾರ ಮತ್ತು ಭಾರತೀಯ ರಾಯಭಾರ ಕಚೇರಿಗೆ ನಾನು ಆಭಾರಿಯಾಗಿದ್ದೇನೆ” ಎಂದಿದ್ದರು. ನೀರಜ್ ಚೋಪ್ರಾ ಅವರ ವೃತ್ತಿ ಜೀವನದಲ್ಲಿ ಭಾರತ ಸರ್ಕಾರ ಸಂಪೂರ್ಣ ಬೆಂಬಲ ನೀಡುತ್ತಿತ್ತು ಎಂಬುದು ಅವರ ಈ ಟ್ವೀಟ್ ನಿಂದ ಸ್ಪಷ್ಟವಾಗಿ ಅರ್ಥವಾಗುತ್ತದೆ.
