ಜೆರುಸಲೆಮ್, ಇಸ್ರೇಲ್: ಶೌಚಾಲಯಗಳನ್ನು ಇಂದಿನಿಂದ ಅಲ್ಲ, ಹಲವು ನೂರು ವರ್ಷಗಳಿಂದ ಬಳಸಲಾಗುತ್ತಿದೆ. ಶತಮಾನಗಳ ಹಿಂದೆ ಪ್ರತಿಯೊಬ್ಬರೂ ಟಾಯ್ಲೆಟ್ ಅಫೊರ್ಡ್ ಮಾಡೋಕೆ ಸಾಧ್ಯವಾಗದಿದ್ದರೂ, ನಮ್ಮ ಶ್ರೀಮಂತ ಪೂರ್ವಜರು ಐಷಾರಾಮಿ ಟಾಯ್ಲೆಟ್ ಬಳಸುತ್ತಿದ್ದರು. ಇತ್ತೀಚೆಗೆ, ಇಸ್ರೇಲ್ ರಾಜಧಾನಿ ಜೆರುಸಲೇಂನಲ್ಲಿ ಒಂದು ಟಾಯ್ಲೆಟ್ ಪತ್ತೆಯಾಗಿದ್ದು, ಇದು ಒಂದು ಅಥವಾ ಎರಡು ಅಲ್ಲ ಬರೋಬ್ಬರಿ 2700 ವರ್ಷಗಳಷ್ಟು ಪುರಾತನವಾಗಿದೆ. ಈ ಟಾಯ್ಲೆಟ್ ನಲ್ಲಿ ಸಂಪೂರ್ಣ ಆರಾಮದಾಯಕ ಸೌಕರ್ಯ ವ್ಯವಸ್ಥೆಯನ್ನು ಸಹ ಮಾಡಲಾಗಿದೆ.
2700 ವರ್ಷಗಳಷ್ಟು ಪುರಾತನವಾದ ದುರ್ಲಭ ಟಾಯ್ಲೆಟ್
ಇಸ್ರೇಲಿ ಪುರಾತತ್ತ್ವಜ್ಞರು ಪತ್ತೆಹಚ್ಚಿದ ಈ ಆವಿಷ್ಕಾರದಿಂದ ಜಗತ್ತು ನಿಬ್ಬೆರಗಾಗಿದೆ. 2700 ವರ್ಷಗಳಷ್ಟು ಹಳೆಯದಾದ ಅಪರೂಪದ ಟಾಯ್ಲೆಟ್ ಚಿತ್ರಗಳು ಈಗ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗುತ್ತಿವೆ. ಕಲ್ಲಿನಿಂದ ಮಾಡಿದ ಈ ಟಾಯ್ಲೆಟ್ ಮಲವಿಸರ್ಜನೆಗಾಗಿ ರಂಧ್ರವನ್ನು ಹೊಂದಿದೆ ಮತ್ತು ಹಿಂದೆ ಬೆನ್ನು ಹಚ್ಚಿ ಆರಾಮಾಗಿ ಕೂರಲು ಮತ್ತೊಂದು ಕಲ್ಲಿನ ಸಪೋರ್ಟ್ ನೀಡಲಾಗಿದೆ ಎಂದು ಫೋಟೋದಲ್ಲಿ ಕಾಣಬಹುದು. ಪುರಾತತ್ತ್ವಜ್ಞರ ಪ್ರಕಾರ, ಈ ಟಾಯ್ಲೆಟ್ ಆ ಸಮಯದಲ್ಲಿ ಜೆರುಸಲೆಮ್ನಲ್ಲಿ ಐಷಾರಾಮಿ ಜೀವನದ ಸಂಕೇತವಾಗಿತ್ತು.
ಟಾಯ್ಲೆಟ್ ಡಿಸೈನ್ ಕೂಡ ಅತ್ಯದ್ಭುತ
ಕಳೆದ ಮಂಗಳವಾರ, ಇಸ್ರೇಲ್ ಆಂಟಿಕ್ವಿಟೀಸ್ ಪ್ರಾಧಿಕಾರವು ಈ ಟಾಯ್ಲೆಟ್ ಸುಣ್ಣದ ಕಲ್ಲಿನಿಂದ ಮಾಡಲಾಗಿತ್ತೆಂದು ತಿಳಿಸಿದೆ, ಇದನ್ನು ಬಹಳ ಸೂಕ್ಷ್ಮವಾಗಿ ಕೆತ್ತಲಾಗಿದೆ. ಆಯತಾಕಾರದ ವಿನ್ಯಾಸದಲ್ಲಿ ಮಾಡಲಾಗಿರುವ ಈ ಟಾಯ್ಲೆಟ್ ಈಗಲೂ ಮೊದಲಿನ ಸ್ಥಿತಿಯಲ್ಲೇ ಇದೆ. ಟಾಯ್ಲೆಟ್ ನ್ನ ತಯಾರಿಸುವಾಗ, ಆರಾಮಕ್ಕಾಗಿ ವಿಶೇಷ ಕಾಳಜಿ ವಹಿಸಲಾಗಿದೆ. ಇದು ಆಸನಕ್ಕೆ ಆರಾಮದಾಯಕ ಮತ್ತು ಐಷಾರಾಮಿ ಅನುಭವವನ್ನು ನೀಡುತ್ತದೆ. ಟಾಯ್ಲೆಟ್ ಕೆಳಗೆ ಆಳವಾದ ಸೆಪ್ಟಿಕ್ ಟ್ಯಾಂಕ್ ಕೂಡ ಅಗೆಯಲಾಗಿದೆ ಎಂದು ಪುರಾತತ್ತ್ವಜ್ಞರು ಹೇಳಿದ್ದಾರೆ.
ಶ್ರೀಮಂತ ಜನರಾಗಿ ಇತ್ತು ಟಾಯ್ಲೆಟ್
ಉತ್ಖನನ ತಂಡದ ನಿರ್ದೇಶಕರಾದ ಯಾಕೋವ್ ಬಿಲ್ಲಿಗ್ ಪ್ರಕಾರ, ಹಿಂದೆ ಪ್ರೈವೇಟ್ ಟಾಯ್ಲೆಟ್ ಹೊಂದಿರುವುದು ಅತ್ಯಂತ ವಿರಳವಾಗಿತ್ತು. ಇಲ್ಲಿಯವರೆಗೆ ಅಂತಹ ಕೆಲವು ಟಾಯ್ಲೆಟ್ ಗಳನ್ನ ಮಾತ್ರ ಪತ್ತೆ ಹಚ್ಚಲಾಗಿದೆ. ಆ ಸಮಯದಲ್ಲಿ ಶ್ರೀಮಂತರು ಮಾತ್ರ ಇಂತಹ ಟಾಯ್ಲೆಟ್ ಗಳನ್ನ ನಿರ್ಮಿಸುತ್ತಿದ್ದರು. ಪುರಾತತ್ತ್ವಜ್ಞರು ಅಂತಹ ಕೆಲವು ವಸ್ತುಗಳನ್ನು ಕಂಡುಕೊಂಡಿದ್ದಾರೆ ಎಂಬ ಅಂಶದಿಂದಲೂ ಪುರಾವೆಗಳು ಕಂಡುಬರುತ್ತವೆ, ಇದು ಆ ಕಾಲದ ಜನರು ಬಹಳ ಶ್ರೀಮಂತರು ಎಂದು ತೋರಿಸುತ್ತದೆ.
ಸೆಪ್ಟಿಕ್ ಟ್ಯಾಂಕ್ ನಲ್ಲಿ ಚಿಕ್ಕವು ಹಲವು ವಸ್ತುಗಳು
ಟಾಯ್ಲೆಟ್ ನ ಸುತ್ತಮುತ್ತಲಿನ ಪ್ರದೇಶದಲ್ಲಿ, ಪರಿಶೋಧಕರು ಆ ಯುಗದ ಕಲ್ಲುಗಳು ಮತ್ತು ಕಂಬಗಳನ್ನು ಸಹ ಪತ್ತೆ ಹಚ್ಚಿದ್ದಾರೆ. ಅನೇಕ ವಿಧದ ತೋಟಗಳು ಮತ್ತು ಜಲಸಸ್ಯಗಳ ಅಸ್ತಿತ್ವಕ್ಕೆ ಪುರಾವೆಗಳಿವೆ, ಅದನ್ನು ಆ ಕಾಲದ ಶ್ರೀಮಂತರು ಮಾತ್ರ ನಿಭಾಯಿಸಬಲ್ಲವರಾಗಿದ್ದರು. ಅನೇಕ ವಿಧದ ಪ್ರಾಣಿಗಳ ಮೂಳೆಗಳು ಮತ್ತು ಕುಂಬಾರಿಕೆಗಳು ಸೆಪ್ಟಿಕ್ ಟ್ಯಾಂಕ್‌ನಲ್ಲಿ ಪತ್ತೆಯಾಗಿವೆ, ಇದು ಆ ಸಮಯದಲ್ಲಿ ವಾಸಿಸುವ ಜನರ ಜೀವನಶೈಲಿ ಮತ್ತು ಆಹಾರದೊಂದಿಗೆ ಪ್ರಾಚೀನ ರೋಗಗಳ ರಹಸ್ಯಗಳನ್ನು ಬಹಿರಂಗಪಡಿಸುತ್ತದೆ.
ಟರ್ಕಿಯಲ್ಲಿ ಸಿಕ್ಕಿದ್ದವು 11 ಸಾವಿರ ವರ್ಷಗಳಷ್ಟು ಪುರಾತನವಾದ ವಸ್ತುಗಳು
ಮಾಧ್ಯಮ ವರದಿಗಳ ಪ್ರಕಾರ, ಶೋಧಕರ್ತರು ಟರ್ಕಿಯ ನೆರೆಯ ದೇಶವಾದ ಇಸ್ರೇಲ್‌ನ ಆಗ್ನೇಯ ಪ್ರಾಂತ್ಯದ ಸಾನ್ಲಿಯುರ್ಫಾದ ಕರಾಹಂಟೆಪೆಯಲ್ಲಿ ಅನೇಕ ಆಶ್ಚರ್ಯಕರ ವಸ್ತುಗಳನ್ನು ಪತ್ತೆ ಹಚ್ಚಿದ್ದಾರೆ. ಇದೇ ರೀತಿಯ ಮಾನವ ಆಕೃತಿಗಳು ಮತ್ತು ತಲೆಗಳ ಕೆತ್ತನೆಗಳು ಇಲ್ಲಿ ಕಂಡುಬಂದಿವೆ. ಪ್ರಾಚೀನ ಕಾಲದ ಕಲಾವಿದರ ಕಲಾತ್ಮಕ ಪ್ರತಿಭೆಯನ್ನು ಸುಮಾರು 11 ಸಾವಿರ ವರ್ಷಗಳಷ್ಟು ಹಳೆಯದಾದ ಕೆತ್ತನೆಗಳಿಂದ ಗುರುತಿಸಬಹುದು. ಟರ್ಕಿಯಲ್ಲಿ ಉತ್ಖನನದ ಸಮಯದಲ್ಲಿ ಹಲವಾರು ದೊಡ್ಡ T- ಆಕಾರದ ಕಲ್ಲುಗಳು, ಪ್ರಾಣಿಗಳ ಚಿತ್ರಣಗಳು ಮತ್ತು 3D ಮಾನವ ಶಿಲ್ಪಗಳು ಸಹ ಕಂಡುಬಂದಿವೆ.
A 2700-year-old private toilet from the days of the first #Temple (7th cent. BCE) was discovered in a royal mansion in Armon Hanatziv, #Jerusalem. Beneath the toilet, a septic tank was discovered with a large amount of pottery from the first Temple Period. #HolyLand #Archaeology pic.twitter.com/EhasaKjn5h
— Francesco Giosuè Voltaggio (@francescogiosue) October 5, 2021
