ವಾರಾಣಸಿಯಲ್ಲಿ ಸೋಮವಾರ (ಡಿಸೆಂಬರ್ 13) ಕಾಶಿ ವಿಶ್ವನಾಥ ಕಾರಿಡಾರ್ ಅನ್ನು ಪ್ರಧಾನಿ ನರೇಂದ್ರ ಮೋದಿ ಉದ್ಘಾಟಿಸಿದ ನಂತರ ನ್ಯಾಷನಲ್ ಕಾನ್ಫರೆನ್ಸ್ ಮುಖ್ಯಸ್ಥ ಫಾರೂಕ್ ಅವರಿಗೆ ಇನ್ನಿಲ್ಲದ ಉರಿ ಹತ್ತಿದ್ದು ಪ್ರಧಾನಿ ಮೋದಿಯವರು ಇತರ ಧರ್ಮಗಳಿಗೂ ಪ್ರಾಮುಖ್ಯತೆ ನೀಡಬೇಕು ಏಕೆಂದರೆ ಅವರು ಒಂದು ಧರ್ಮದ ಪ್ರಧಾನಿ ಅಲ್ಲ ಇಡೀ ಭಾರತದ ಪ್ರಧಾನಿ ಎಂದು ತಮ್ಮ ನೋವನ್ನ ಹೊರಹಾಕಿದ್ದಾರೆ. ಇದರೊಂದಿಗೆ ಫಾರೂಕ್ ಅವರು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರನ್ನು ಬೆಂಬಲಿಸಿದರು, ಅವರು ಭಾರತದ ವಿಭಜನೆಯನ್ನು ಐತಿಹಾಸಿಕ ತಪ್ಪು ಎಂದು ಕರೆದರು.
ಭಾರತದ ವಿಭಜನೆಯನ್ನು ಐತಿಹಾಸಿಕ ಎಂದು ಬಣ್ಣಿಸಿದ ಅವರು, ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರ ಹೇಳಿಕೆಯನ್ನು ಬೆಂಬಲಿಸಿದರು. ಇದರಿಂದ ಕಾಶ್ಮೀರಿಗಳು ಮಾತ್ರವಲ್ಲ, ಇಡೀ ದೇಶದ ಮುಸ್ಲಿಮರು ಸಂಕಷ್ಟಕ್ಕೆ ಸಿಲುಕಿದ್ದಾರೆ ಎಂದರು. ಈ ದೇಶ ಒಂದಾಗಿದ್ದರೆ ಶಕ್ತಿ ಇರುತ್ತಿತ್ತು, ಕಷ್ಟಗಳು ಬರುತ್ತಿರಲಿಲ್ಲ, ದೇಶದಲ್ಲಿ ಭಾತೃತ್ವ ಇರುತ್ತಿತ್ತು ಎಂದರು. ಭಾರತ ಮತ್ತು ಪಾಕಿಸ್ತಾನದ ನಡುವಿನ ಸಂಘರ್ಷದಿಂದಾಗಿ ದೇಶದಲ್ಲಿ ಧಾರ್ಮಿಕ ಉದ್ವಿಗ್ನತೆ ಹೆಚ್ಚುತ್ತಿದೆ ಎಂದು ಫಾರೂಕ್ ಹೇಳಿದ್ದಾರೆ.
I agree with Rajnath Singh that the division of India was a historical mistake. Indian Muslims are suffering due to this. India-Pak fightings add to the religious tension. It could've been avoided had it been only one nation: National Conference chief Farooq Abdullah in Delhi pic.twitter.com/zefOYg8mad
— ANI (@ANI) December 13, 2021
ಕಾಶಿ ವಿಶ್ವನಾಥ ದೇಗುಲದ ಪುನರ್ ನಿರ್ಮಾಣ ಹಾಗೂ ವಾರಣಾಸಿಯಲ್ಲಿ ಆಯೋಜಿಸಿರುವ ಅದ್ಧೂರಿ ಕಾರ್ಯಕ್ರಮಕ್ಕೆ ಅಭಿನಂದನೆ ಸಲ್ಲಿಸಿದ ಫಾರೂಕ್ ಅಬ್ದುಲ್ಲಾ, ಇದೊಂದು ಒಳ್ಳೆಯ ಕೆಲಸ ಎಂದಿದ್ದಾರೆ. ಪ್ರಧಾನಿ ಮೋದಿ ಇತರ ಧರ್ಮಗಳಿಗೂ ಪ್ರಾಮುಖ್ಯತೆ ನೀಡಬೇಕು ಎಂದ ಅವರು, ಅವರು ಒಂದು ಧರ್ಮಕ್ಕೆ ಸೀಮಿತವಾಗದೆ ಇಡೀ ಭಾರತಕ್ಕೆ ಪ್ರಧಾನಿಯಾಗಿದ್ದಾರೆ. ಭಾರತದಲ್ಲಿ ಅನೇಕ ಧರ್ಮಗಳಿವೆ ಎಂದರು.
आदरणीय प्रधानमंत्री श्री @narendramodi जी के कर-कमलों से श्री काशी विश्वनाथ धाम के नव्य एवं भव्य स्वरूप का लोकार्पण…#KashiVishwanathDham https://t.co/yEzotRFVg4
— Yogi Adityanath (@myogiadityanath) December 13, 2021
ಪ್ರಧಾನಿ ನರೇಂದ್ರ ಮೋದಿ ಅವರು ಕಾಶಿ ವಿಶ್ವನಾಥ್ ಕಾರಿಡಾರ್ ಅನ್ನು ಸೋಮವಾರ (ಡಿಸೆಂಬರ್ 13, 2021) ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ, ಈ ಮಹಾಧಾಮವು ಭಕ್ತರಿಗೆ ಗತಕಾಲದ ವೈಭವವನ್ನು ಅನುಭವಿಸುವಂತೆ ಮಾಡುತ್ತದೆ ಎಂದು ಪ್ರಧಾನಿ ಮೋದಿ ಹೇಳಿದರು. ಈ ಹಿಂದೆ ಕೇವಲ 3,000 ಚದರ ಅಡಿ ವಿಸ್ತೀರ್ಣವಿದ್ದ ಇಲ್ಲಿನ ದೇವಾಲಯದ ವಿಸ್ತೀರ್ಣ ಈಗ ಸುಮಾರು 5 ಲಕ್ಷ ಚದರ ಅಡಿಯಾಗಿದೆ. ಈಗ 50 ರಿಂದ 75 ಸಾವಿರ ಭಕ್ತರು ದೇವಸ್ಥಾನ ಮತ್ತು ದೇವಸ್ಥಾನದ ಆವರಣಕ್ಕೆ ಬರಬಹುದು. ಅದೇನೆಂದರೆ, ಮೊದಲಿಗಿಂತಲೂ ಗಂಗಾಮಾತೆಯ ದರ್ಶನ-ಸ್ನಾನ ಮತ್ತು ಅಲ್ಲಿಂದ ನೇರವಾಗಿ ವಿಶ್ವನಾಥ ಧಾಮಕ್ಕೆ ಬರಬಹುದಾಗಿದೆ.
ಹಿಂದೂ ಮತ್ತು ಹಿಂದುತ್ವದ ಕುರಿತು ರಾಹುಲ್ ಗಾಂಧಿ ಹೇಳಿಕೆಗೆ ಪ್ರತಿಕ್ರಿಯಿಸಿದ ಫಾರೂಕ್ ಅಬ್ದುಲ್ಲಾ, ಯಾವುದೇ ಧರ್ಮ ಕೆಟ್ಟದ್ದಲ್ಲ, ಮನುಷ್ಯರು ಕೆಟ್ಟವರಾಗಿರುತ್ತಾರೆ. ಹಿಂದೂಗಳು ನಿಜವಾದ ಹಿಂದೂಗಳಾಗಲಿ ಮತ್ತು ಅವರ ಧರ್ಮವನ್ನು ಅನುಸರಿಸಲಿ ಎಂದು ಹಾರೈಸುತ್ತೇನೆ ಎಂದು ಹೇಳಿದರು.
ರಾಜನಾಥ್ ಸಿಂಗ್ ಏನಂದಿದ್ದರು?
1971ರ ಯುದ್ಧದಲ್ಲಿ ಪಾಕಿಸ್ತಾನದ ವಿರುದ್ಧ ಭಾರತ ಗಳಿಸಿದ ವಿಜಯದ ಸ್ಮರಣಾರ್ಥ ಆಯೋಜಿಸಿದ್ದ ‘ಸ್ವರ್ಣೀಂ ವಿಜಯ್ ಪರ್ವ್’ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು, ಬ್ರಿಟಿಷರ ಆಳ್ವಿಕೆಯಿಂದ ಸ್ವಾತಂತ್ರ್ಯ ಪಡೆದ ಸಂದರ್ಭದಲ್ಲಿ ಧರ್ಮದ ಹೆಸರಿನಲ್ಲಿ ನಡೆದ ವಿಭಜನೆಯು ಅಂದರೆ ಭಾರತದ ವಿಭಜನೆ ಒಂದು ಐತಿಹಾಸಿಕ ತಪ್ಪು ಎಂದು ಹೇಳಿದ್ದರು. 
ಪಾಕಿಸ್ತಾನ ಹುಟ್ಟಿದ್ದು ಧರ್ಮದ ಹೆಸರಿನಲ್ಲಿ, ಆದರೂ ಒಗ್ಗಟ್ಟಾಗಿ ಉಳಿಯಲು ಸಾಧ್ಯವಿಲ್ಲ (ಬಳಿಕ ಅದು ಪಾಕಿಸ್ತಾನ ಮತ್ತು ಬಾಂಗ್ಲಾದೇಶವೆಂದು ವಿಭಜನೆಯಾಯಿತು) ಎಂದು ರಾಜನಾಥ್ ಸಿಂಗ್ ಹೇಳಿದ್ದಾರೆ. 1971 ರ ಯುದ್ಧದಲ್ಲಿ ಪಾಕಿಸ್ತಾನವನ್ನು ಸೋಲಿಸಿದ ನಂತರ, ಬಾಂಗ್ಲಾದೇಶದ ರೂಪದಲ್ಲಿ ಪ್ರತ್ಯೇಕ ದೇಶವು ಹೊರಹೊಮ್ಮಿತ್ತು.
