ಅಫ್ಘಾನಿಸ್ತಾನದ ರಾಜಧಾನಿ ಕಾಬೂಲ್ ಅನ್ನು ತಾಲಿಬಾನ್ ಬಲವಂತವಾಗಿ ವಶಪಡಿಸಿಕೊಳ್ಳಲಿಲ್ಲ ಅವರನ್ನ ಆಹ್ವಾನಿಸಲಾಯಿತು ಮತ್ತು ತಾಲಿಬಾನ್ ಅನ್ನು ಆಹ್ವಾನಿಸಿದ ವ್ಯಕ್ತಿಯೇ ಈ ವಿಷಯವನ್ನ ಹೇಳಿದ್ದಾರೆ ಅಸೋಸಿಯೇಟೆಡ್ ಪ್ರೆಸ್ (ಎಪಿ) ಗೆ ನೀಡಿದ ಸಂದರ್ಶನದಲ್ಲಿ, ಅಫ್ಘಾನಿಸ್ತಾನದ ಮಾಜಿ ಅಧ್ಯಕ್ಷ ಹಮೀದ್ ಕರ್ಜೈ ಅಫ್ಘಾನಿಸ್ತಾನದ ಅಧ್ಯಕ್ಷ ಅಶ್ರಫ್ ಘನಿ ಅವರ ರಹಸ್ಯ ಮತ್ತು ಆಕಸ್ಮಿಕವಾಗಿ ಆಫ್ಘಾನಿಸ್ತಾನದಿಂದ ನಿರ್ಗಮಿಸುವ ರಹಸ್ಯವನ್ನು ಬಹಿರಂಗಪಡಿಸಿದ್ದಾರೆ. “ದೇಶ ಮತ್ತು ನಗರವು ಗೊಂದಲದಲ್ಲಿ ಬೀಳದಂತೆ ಮತ್ತು ದೇಶವನ್ನು ಲೂಟಿ ಮಾಡುವವರ, ಅಂಗಡಿಗಳನ್ನು ಲೂಟಿ ಮಾಡುವವರನ್ನ ಹಾಗೆ ಮಾಡದಂತೆ ತಡೆಯಲು ಹಾಗು ಜನರ ರಕ್ಷಣೆಗಾಗಿ ನಗರಕ್ಕೆ ಬರಲು ತಾಲಿಬಾನಿಗಳನ್ನು ಹೇಗೆ ಆಹ್ವಾನಿಸಿದರು” ಎಂದು ಅವರು ವಿವರಿಸಿದರು.
ಘನಿ ದೇಶಬಿಟ್ಟು ಹೋದಾಗ ಆತನ ಭದ್ರತಾ ಅಧಿಕಾರಿಗಳೂ ಹೊರಟು ಹೋದರು. ಕರ್ಜೈ ಅವರು ರಕ್ಷಣಾ ಸಚಿವ ಬಿಸ್ಮಿಲ್ಲಾ ಖಾನ್ ಅವರನ್ನು ಸಂಪರ್ಕಿಸಿ, ಯಾರಾದರೂ ಸರ್ಕಾರಿ ಪ್ರತಿನಿಧಿಗಳು ಉಳಿದಿದ್ದಾರೆಯೇ ಎಂದು ತಿಳಿದುಕೊಳ್ಳಲು ಫೋನ್ ಮಾಡಿದಾಗ, ಖಾನ್ ಅವರು, “ಯಾರೂ ಇಲ್ಲ, ನೀವೂ ಕಾಬೂಲ್ ತೊರೆಯಲು ಬಯಸುತ್ತೀರಾ?” ಎಂದು ಕೇಳಿದರು ಎಂದು ತಿಳಿಸಿದ್ದಾರೆ
ಹಮೀದ್ ಕರ್ಜೈ ಅವರಿಗೆ ಈಗ ಸರ್ಕಾರದ ಯಾವುದೇ ಮಂತ್ರಿ ಅಥವ ಪ್ರತಿನಿಧಿಗಳು ಉಳಿದಿಲ್ಲ, ಅಷ್ಟೇ ಯಾಕೆ ಕಾಬುಲ್ ಪೋಲಿಸ್ ಮುಖ್ಯಸ್ಥ ಕೂಡ ಓಡಿ ಹೋಗಿದ್ದಾರೆ ಎಂದು ತಿಳಿದಾಗ 13 ವರ್ಷ ದೇಶದ ರಾಷ್ಟ್ರಪತಿಯಾಗಿದ್ದ ಹಮೀದ್ ಕರ್ಜೈ ಕಾಬೂಲ್ ತೊರೆಯಲು ನಿರಾಕರಿಸಿದರು. ಅವರು 9/11 ಘಟನೆಯ ಬಳಿಕ ತಾಲಿಬಾನ್ ತೊಲಗಿದ ಬಳಿಕ ಅಫ್ಘಾನಿಸ್ತಾನದ ರಾಷ್ಟ್ರಪತಿಯಾಗಿದ್ದರು.
ಕರ್ಜೈ ಅವರು ನಗರದ ಹೃದಯಭಾಗದಲ್ಲಿರುವ ತಮ್ಮ ಕಾಂಪೌಂಡ್‌ನಲ್ಲಿ ನಡೆದ ಸಂದರ್ಶನಗಳಲ್ಲಿ ತಾವು, ಸರ್ಕಾರದ ಮುಖ್ಯ ಸಂಧಾನಕಾರ ಅಬ್ದುಲ್ಲಾ ಅಬ್ದುಲ್ಲಾ ಮತ್ತು ದೋಹಾದಲ್ಲಿನ ತಾಲಿಬಾನ್ ನಾಯಕತ್ವವು ಒಪ್ಪಂದದಡಿಯಲ್ಲಿ ರಾಜಧಾನಿಯನ್ನು ಪ್ರವೇಶಿಸಲು ಕೊನೆಯ ಕ್ಷಣದವರೆಗೂ ಪ್ರಯತ್ನಿಸಿದೆ ಎಂದು ಹೇಳಿದರು, ಆದರೆ ಘನಿ ಅವರ ನಿರ್ಗಮನವು ಅದನ್ನು ತಿರಸ್ಕರಿಸಿತು.
ಕಾಬೂಲ್ ನಗರದೊಳಗೆ ಬರಲು ನಿರಾಕರಿಸಿದ್ದ ತಾಲಿಬಾನ್
ತಾಲಿಬಾನ್ ಅಧಿಕಾರಕ್ಕೆ ಬರುವ ಒಂದು ದಿನದ ಮೊದಲು ಆಗಸ್ಟ್ 14 ರಂದು ಸಂಭವನೀಯ ಒಪ್ಪಂದಕ್ಕೆ ಕ್ಷಣಗಣನೆ ಪ್ರಾರಂಭವಾಯಿತು. ಕರ್ಜಾಯ್ ಮತ್ತು ಅಬ್ದುಲ್ಲಾ ಅವರು ಘನಿ ಅವರೊಂದಿಗೆ ಸಭೆ ನಡೆಸಿದರು ಮತ್ತು ಅಧಿಕಾರ ಹಂಚಿಕೆ ಒಪ್ಪಂದದ ಮಾತುಕತೆಗಾಗಿ ಇನ್ನೂ 15 ಜನರ ಪಟ್ಟಿಯೊಂದಿಗೆ ಮರುದಿನ ದೋಹಾಗೆ ತೆರಳುವುದಾಗಿ ಒಪ್ಪಿಕೊಂಡರು.
ಆ ಹೊತ್ತಿಗೆ ತಾಲಿಬಾನ್ ಕಾಬೂಲ್‌ನ ಹೊರವಲಯವನ್ನು ತಲುಪಿದೆ ಎಂದು ಕರ್ಜೈ ಹೇಳಿದರು, ಆದರೆ ಕತಾರ್‌ನಲ್ಲಿರುವ ಅದರ ನಾಯಕತ್ವವು ಒಪ್ಪಂದಕ್ಕೆ ಬರುವವರೆಗೆ ಅವರು ಹೊರಗೆ ಇರುವುದಾಗಿ ಭರವಸೆ ನೀಡಿದ್ದರು.
ಆಗಸ್ಟ್ 15 ರ ಬೆಳಿಗ್ಗೆ ಪಟ್ಟಿಯನ್ನು ಸಿದ್ಧಪಡಿಸಲು ತಾನು ಕಾಯುತ್ತಿದ್ದೆ, ಆದರೆ ನಗರದಲ್ಲಿ ಪ್ರಕ್ಷುಬ್ಧತೆಯಿತ್ತು ಮತ್ತು ಇದು ನಿರ್ಣಾಯಕ ಗಂಟೆಯಾಗಿದೆ. ತಾಲಿಬಾನ್ ಕಾಬೂಲ್ ವಶಪಡಿಸಿಕೊಂಡಿದೆ ಎಂಬ ವದಂತಿಗಳು ಹರಡಲು ಪ್ರಾರಂಭಿಸಿದವು. ಕರ್ಜೈ ಅವರು ದೋಹಾವನ್ನು ಸಂಪರ್ಕಿಸಿದರು, ಆಗ ನಗರವನ್ನು ಪ್ರವೇಶಿಸುವುದಿಲ್ಲ ಎಂದು ತಾಲಿಬಾನ್ ಕಡೆಯಿಂದ ತಿಳಿಸಲಾಯಿತು ಎಂದು ಹಮೀದ್ ಕರ್ಜೈ ಹೇಳಿದ್ದಾರೆ.
ಕರ್ಜೈ ಪ್ರಕಾರ, ಬೆಳಿಗ್ಗೆ ತಾಲಿಬಾನ್ ನಾಯಕರು “ಸರ್ಕಾರವು ಅದರ ಸ್ಥಳದಲ್ಲೇ ಉಳಿಯಬೇಕು ಮತ್ತು ಅದು ಉರುಳಬಾರದು ಮತ್ತು ಅವರು ನಗರವನ್ನು ಪ್ರವೇಶಿಸುವ ಉದ್ದೇಶವನ್ನು ಹೊಂದಿಲ್ಲ” ಎಂದು ಹೇಳಲು ಪ್ರಾರಂಭಿಸಿದರು.
‘ಆದರೆ ಸರ್ಕಾರದ ಎಲ್ಲರೂ ಓಡಿ ಹೋಗಿದ್ದಾರ ಅಂತ ತಿಳಿಯಿತು’
ಕರ್ಜೈ ಮುಂದೆ ಮಾತನಾಡುತ್ತ, “ನಾನು ಮತ್ತು ಇತರರು ಹಲವಾರು ಅಧಿಕಾರಿಗಳೊಂದಿಗೆ ಮಾತನಾಡಿದ್ದೇವೆ ಮತ್ತು ಹೌದು, ಅದು ನಿಜ ಮತ್ತು ಯುಎಸ್ ಮತ್ತು ಸರ್ಕಾರಿ (ಮಿಲಿಟರಿ) ಪಡೆಗಳು ತಮ್ಮ ಸ್ಥಳದಲ್ಲಿವೆ ಮತ್ತು ಕಾಬೂಲ್ ಅನ್ನು ವಶಪಡಿಸಿಕೊಳ್ಳಲಾಗುವುದಿಲ್ಲ ಎಂದು ನಮಗೆ ಭರವಸೆ ನೀಡಲಾಯಿತು”
ಆದರೆ ಮಧ್ಯಾಹ್ನ ಮೂರರ ವೇಳೆಗೆ ಘನಿ ನಗರವನ್ನು ತೊರೆದಿರುವುದು ಸ್ಪಷ್ಟವಾಯಿತು. ಕರ್ಜೈ ಅವರು ರಕ್ಷಣಾ ಸಚಿವರು, ಗೃಹ ಸಚಿವರನ್ನು ಸಂಪರ್ಕಿಸಿದರು, ಅವರು ಕಾಬೂಲ್‌ನ ಪೊಲೀಸ್ ಮುಖ್ಯಸ್ಥರ ಬಗ್ಗೆ ವಿಚಾರಿಸಿದೆ ಎಲ್ಲರೂ ಹೋಗಿದ್ದಾರೆ ಎಂದು ಆಗ ನನಗೆ ತಿಳಿಯಿತು.
“ಈಗ ರಾಜಧಾನಿಯಲ್ಲಿ ಯಾವುದೇ ಅಧಿಕಾರಿ ಇರಲಿಲ್ಲ, ಪೊಲೀಸ್ ಮುಖ್ಯಸ್ಥರು, ಕಾರ್ಪ್ಸ್ ಕಮಾಂಡರ್, ನಗರದಲ್ಲಿ ಯಾವುದೇ ಇತರ ಘಟಕಗಳು ಇರಲಿಲ್ಲ. ಎಲ್ಲರೂ ನಗರವನ್ನು ತೊರೆದಿದ್ದಾರೆ” ಎಂದು ಕರ್ಜೈ ಹೇಳಿದರು.
ಹಮೀದ್ ಕರ್ಜೈ ಗೆ ಸಿಕ್ಕಿತ್ತು ರಾಷ್ಟ್ರಪತಿ ಹುದ್ದೆ ನಿಭಾಯಿಸುವ ಆಫರ್
ಘನಿ ಅವರ ಸ್ವಂತ ಭದ್ರತಾ ಘಟಕದ ಉಪ ಮುಖ್ಯಸ್ಥರು ಅರಮನೆಗೆ ಬಂದು ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಳ್ಳುವಂತೆ ಕರ್ಜೈ ಅವರನ್ನು ಸಂಪರ್ಕಿಸಿದರು, ಆದರೆ ಅವರು ಹಾಗೆ ಮಾಡಲು ನಿರಾಕರಿಸಿದರು, ಅವರು ಹಾಗೆ ಮಾಡಲು ಕಾನೂನುಬದ್ಧವಾಗಿ ಅಧಿಕಾರ ಹೊಂದಿಲ್ಲ ಎಂದು ಹೇಳಿದರು.
ಇದಕ್ಕೆ ವ್ಯತಿರಿಕ್ತವಾಗಿ, ಮಾಜಿ ಅಧ್ಯಕ್ಷರು ವಿಷಯಗಳನ್ನು ಸಾರ್ವಜನಿಕಗೊಳಿಸಲು ಮತ್ತು ದೂರದರ್ಶನದ ಮೂಲಕ, “ನಾವೆಲ್ಲರೂ ಇಲ್ಲೇ ದ್ದೇವೆ ಎಂದು ಆಫ್ಘನ್ ಜನರಿಗೆ ತಿಳಿಯುತ್ತದೆ” ಎಂದು ತಿಳಿಸಲು ತಮ್ಮ ಭಾಷಣದ ಪ್ರಸಾರ ಮಾಡಲು ನಿರ್ಧರಿಸಿದರು, ಆ ವೇಳೆ ಅವರ ಮಕ್ಕಳೂ ಜತೆಗಿದ್ದರು.
ಘನಿ ಕಾಬೂಲ್‌ನಲ್ಲಿ ಉಳಿದಿದ್ದರೆ, ಶಾಂತಿಯುತ ಅಧಿಕಾರದ ಪರಿವರ್ತನೆಯ ಮಾತುಕತೆ ನಡೆಯುತ್ತಿತ್ತು ಎಂದು ಕರ್ಜಾಯ್ ಸಮರ್ಥಿಸಿಕೊಂಡಿದ್ದಾರೆ. ಅವರು ತಮ್ಮ ಹೆಂಡತಿ ಮತ್ತು ಮಕ್ಕಳೊಂದಿಗೆ ಇಲ್ಲೇ ಶಾಂತಿಯುತವಾಗಿ ಇರಬಹುದಾಗಿತ್ತು.
ಅವರು ಮುಂದೆ ಮಾತನಾಡುತ್ತ, “ಖಂಡಿತ, ಅದಕ್ಕಾಗಿಯೇ ನಾವು ಎಲ್ಲ ತಯಾರಿ ನಡೆಸುತ್ತಿದ್ದೇವು, ಆ ಸಂಜೆ ಅಥವಾ ಮರುದಿನ ಬೆಳಿಗ್ಗೆ ಶಾಂತಿ ಮಂಡಳಿಯ ಅಧ್ಯಕ್ಷರೊಂದಿಗೆ ದೋಹಾಗೆ ಹೋಗಿ ಒಪ್ಪಂದವನ್ನು ಅಂತಿಮಗೊಳಿಸಲು ನಾವು ಎದುರು ನೋಡುತ್ತಿದ್ದೆವು ಮತ್ತು ತಾಲಿಬಾನ್ ನಾಯಕನೂ ಅದೇ ಉದ್ದೇಶಕ್ಕಾಗಿ ಉದ್ದೇಶಕ್ಕಾಗಿ ದೋಹಾದಲ್ಲಿ ನಮಗಾಗಿ ಕಾಯುತ್ತಿದ್ದರು”
ಅಫ್ಘನ್ನರು ಈಗ ತಮ್ಮ ದಾರಿಯನ್ನು ತಾವೇ ನೋಡಿಕೊಳ್ಳಬೇಕು
ಇಂದು, ಕರ್ಜಾಯ್ ಪ್ರತಿದಿನ ತಾಲಿಬಾನ್ ನಾಯಕತ್ವದ ಜೊತೆ ಬಹಿರಂಗವಾಗಿ ಭೇಟಿಯಾಗುತ್ತಾರೆ ಮತ್ತು ಅವರೊಂದಿಗೆ ಸಹಕರಿಸುವಂತೆ ಜಗತ್ತಿಗೆ ಕರೆ ನೀಡುತ್ತಾರೆ “ಅಫ್ಘಾನಿಸ್ತಾನದವರು ಒಗ್ಗೂಡುವುದು ಅಷ್ಟೇ ಮುಖ್ಯ” ಎಂದು ಹಮೀದ್ ಕರ್ಜೈ ಹೇಳಿದರು.
ಅಫ್ಘಾನಿಸ್ತಾನವು 40 ವರ್ಷಗಳಿಗೂ ಹೆಚ್ಚು ಕಾಲ ಯುದ್ಧದಲ್ಲಿದೆ ಮತ್ತು ಕಳೆದ 20 ವರ್ಷಗಳಲ್ಲಿ ಆಫ್ಘಾನಿಸ್ತಾನವು ಎಲ್ಲಾ ಕಡೆಯಿಂದ ನಷ್ಟವನ್ನು ಅನುಭವಿಸಿದೆ ಎಂದು ಅವರು ಹೇಳಿದರು.
ಕರ್ಜೈ ಮುಂದೆ ಮಾತನಾಡುತ್ತ, “ಅಫ್ಘನ್ನರು ಎಲ್ಲಾ ಕಡೆಯಿಂದ ಪ್ರಾಣ ಕಳೆದುಕೊಂಡಿದ್ದಾರೆ. ಆಫ್ಘನ್ ಸೈನ್ಯವು ಇದರ ಪರಿಣಾಮ ಅನುಭವಿಸಿತು, ಆಫ್ಘನ್ ಪೊಲೀಸರೂ ಅನುಭವಿಸಿದರು, ತಾಲಿಬಾನ್ ಸೈನಿಕರು ಸಹ ಅನುಭವಿಸಿದರು. ಇದಕ್ಕೆ ಏಕೈಕ ಅಂತ್ಯವೆಂದರೆ ಆಫ್ಘನ್ನರು ಒಗ್ಗೂಡುವುದು ಮತ್ತು ತಮ್ಮದೇ ಆದ ಮಾರ್ಗವನ್ನು ಕಂಡುಕೊಳ್ಳುವುದು” ಎಂದು ಅವರು ಹೇಳಿದರು.
