ನವದೆಹಲಿ: ಗಡಿ ವಿವಾದಕ್ಕೆ ಸಂಬಂಧಿಸಿದಂತೆ ಭಾರತ ಮತ್ತು ಪಾಕಿಸ್ತಾನದ ನಡುವೆ ಆಗಾಗ್ಗೆ ಘರ್ಷಣೆ ನಡೆಯುತ್ತಲೇ ಇರುತ್ತೆ. ಜಮ್ಮು ಕಾಶ್ಮೀರದ ದುರ್ಗಮ ಪ್ರದೇಶಗಳಲ್ಲಿಯೂ ಶತ್ರುಗಳಿಂದ ರಕ್ಷಿಸಲು ಭಾರತೀಯ ಸೇನೆಯು ದೃಢವಾಗಿ, ಸಜ್ಜಾಗಿ ನಿಂತಿದೆ. ಪಾಕಿಸ್ತಾನದ ಕಡೆಯಿಂದ ಭಾರತದೊಳಗೆ ನುಸುಳುವ ಪ್ರಯತ್ನಗಳು ಆಗಾಗ ನಡೆಯುತ್ತಲೇ ಇರುತ್ತವೆ. ಆದರೆ, ಈಗ ಭಾರತೀಯ ಸೇನೆ ನುಸುಳುಕೋರರ ಮೇಲೆ ನಿರ್ದಾಕ್ಷಿಣ್ಯವಾಗಿ ತಕ್ಷಣವೇ ಕ್ರಮ ಕೈಗೊಳ್ಳುತ್ತಿದೆ. ಇಷ್ಟೇ ಅಲ್ಲ, ಇದೀಗ ಭಾರತೀಯ ಸೇನೆಯು ಪಾಕಿಸ್ತಾನದ ಸೇನೆಗೆ ತಕ್ಷಣವೇ ಪ್ರತ್ಯುತ್ತರ ನೀಡಲು ಸಿದ್ಧವಾಗಿದೆ. ಏತನ್ಮಧ್ಯೆ, ಈ ಸಮಯದಲ್ಲಿ LOC ಯ ಒಂದು ವೀಡಿಯೊ ವೈರಲ್ ಆಗಿದೆ. ಇದರಲ್ಲಿ ಪಾಕಿಸ್ತಾನಿ ಸೇನೆಗೆ ನಮ್ಮ ಸೈನಿಕರು ಹೇಗೆ ಎಚ್ಚರಿಕೆ ನೀಡಿದರು ಮತ್ತು ನಂತರ ಪಾಕಿಸ್ತಾನಿಗಳು ಹೇಗೆ ಎದ್ದೋ ಬಿದ್ದೋ ಅಂತ ಓಡಿಹೋದರು ಎಂಬುದನ್ನು ನೀವು ಇದರಲ್ಲಿ ಕಾಣಬಹುದು.
ವಾಸ್ತವವಾಗಿ, ಉತ್ತರ ಕಾಶ್ಮೀರದ ಕುಪ್ವಾರ ಜಿಲ್ಲೆಯ ಟಿಟ್ವಾಲ್ ಸೆಕ್ಟರ್‌ನಲ್ಲಿ, LOC ಬಳಿ ಪಾಕಿಸ್ತಾನ ಸೇನೆಯು ರಸ್ತೆಯನ್ನು ನಿರ್ಮಿಸುತ್ತಿದೆ. ಈ ಬಗ್ಗೆ ಭಾರತೀಯ ಸೇನೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿ ಧ್ವನಿವರ್ಧಕದ ಮೂಲಕ ಪಾಕಿಸ್ತಾನದ ಸೇನೆಗೆ ಕೂಡಲೇ ಕಾಮಗಾರಿ ನಿಲ್ಲಿಸುವಂತೆ ಸೂಚಿಸಿತ್ತು. ಇಷ್ಟೇ ಅಲ್ಲ, ನೀವು ಕೆಲಸ ನಿಲ್ಲಿಸದಿದ್ದರೆ ನಿಮ್ಮ ವಿರುದ್ಧ ಬೇರೆಯದೇ ರೀತಿಯಲ್ಲಿ ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂದು ಸೇನೆ ಪಾಕಿಸ್ತಾನಕ್ಕೆ ಎಚ್ಚರಿಕೆ ನೀಡಿದೆ. ವಾಸ್ತವದಲ್ಲಿ ನಂಬರ್‌ದಾರ್‌ ಮೈಕ್‌ ಮೂಲಕ ಎಚ್ಚರಿಕೆ ನೀಡಿ, ‘ಈ ನಿರ್ಮಾಣ ನಿಲ್ಲಿಸಿ, ನಮ್ಮ ಮಾತು ಕೇಳದಿದ್ದರೆ ಮುಂದಿನ ಕ್ರಮ ಕೈಗೊಳ್ಳಬೇಕಾಗುತ್ತದೆ’ ಎಂದರು.
ಅಷ್ಟೇ ಅಲ್ಲದೆ, ಭಾರತೀಯ ಸೇನೆಯಂತೂ ಪಾಕಿಸ್ತಾನಿ ಸೇನೆಗೆ ‘ಪ್ರೋಟೋಕಾಲ್ ಪ್ರಕಾರ ಈ ಸ್ಥಳದಲ್ಲಿ ಏನನ್ನೂ ಮಾಡಲು ಸಾಧ್ಯವಿಲ್ಲ, ಆದ್ದರಿಂದ ನೀವು ಈ ಕೆಲಸವನ್ನು ನಿಲ್ಲಿಸಿ. 500 ಮೀಟರ್ ಒಳಗಿನ ಭಾಗದಲ್ಲಿ ನಿರ್ಮಾಣ ಕಾಮಗಾರಿ ಮಾಡುತ್ತಿದ್ದೀರಿ. ನಾವು ಮತ್ತೆ ಮತ್ತೆ ನಿಮ್ಮಲ್ಲಿ ವಿನಂತಿಸುತ್ತಿದ್ದೇವೆ, ನೀವು ಈಗ ಕೆಲಸವನ್ನು ನಿಲ್ಲಿಸದಿದ್ದರೆ, ನಾವು ಅದಕ್ಕೆ ಅನುಮತಿಸಲು ಸಾಧ್ಯವಿಲ್ಲ. ನಾವು ಬೇರೆ ರೀತಿಯಲ್ಲೂ ಉತ್ತರ ಕೊಡೋಕೆ ಬರುತ್ತೆ” ಎಂದು ಹೇಳಿದೆ. ಭಾರತೀಯ ಸೇನೆಯ ಹೊರತಾಗಿ ಸ್ಥಳೀಯ ಗ್ರಾಮದ ನಿವಾಸಿಗಳು ಕೂಡ ನಿರ್ಮಾಣ ಕಾರ್ಯವನ್ನು ತಕ್ಷಣವೇ ನಿಲ್ಲಿಸುವಂತೆ ಪಾಕಿಸ್ತಾನದ ಸೇನೆಯನ್ನು ಒತ್ತಾಯಿಸಿದರು. ಆದರೆ, ಭಾರತೀಯ ಸೇನೆಯ ಕಟ್ಟುನಿಟ್ಟಿನ ಎಚ್ಚರಿಕೆಯ ನಂತರ, ನಿರ್ಮಾಣ ಕಾರ್ಯವನ್ನು ನಿಲ್ಲಿಸಲಾಯಿತು ಮತ್ತು ಪಾಕಿಸ್ತಾನಿ ಸೇನೆಯ ಪ್ರತಿಕ್ರಿಯೆಯು ದೂರ ಹೋಯಿತು.
Pakistan Doing Illegal Construction Near LoC In #Teethwal Sect.Pakistan has started some construction of Retaining wall with 500 meter of LoC at their village Chiliyan.#Pakistan seems clearly violating the #LoC protocol & @ChinarcorpsIA with civilian has warned them. @indiatvnews pic.twitter.com/6vgMeS3H3x
— Manish Prasad (@manishindiatv) December 21, 2021
ನಿಮ್ಮ ಮಾಹಿತಿಗಾಗಿ ತಿಳಿಸಬಯಸುವ ವಿಷಯವೇನೆಂದರೆ, ಪ್ರೋಟೋಕಾಲ್ ಪ್ರಕಾರ, ಯಾವುದೇ ದೇಶವು ಎಲ್ಒಸಿಯಿಂದ 500 ಮೀಟರ್ ಒಳಗೆ ಯಾವುದೇ ನಿರ್ಮಾಣ ಕಾರ್ಯ ಮಾಡಲು ಸಾಧ್ಯವಿಲ್ಲ, ಆದರೆ ಯಾವುದೇ ದೇಶವು ಹೀಗೆ ಮಾಡಲು ಮುಂದಾದರೆ ಅದು ಪ್ರಚೋದನೆಯನ್ನು ಉಂಟುಮಾಡುತ್ತದೆ ಎಂದೇ ಅರ್ಥ. ಇದನ್ನು ಉಲ್ಲೇಖಿಸಿ, ಭಾರತೀಯ ಸೇನೆಯು ನಿರ್ಮಾಣ ಕಾರ್ಯವನ್ನು ನಿಲ್ಲಿಸುವಂತೆ ಹೇಳಿದೆ ಅಥವಾ ಮುಂದಿನ ಕ್ರಮದ ಖಡಕ್ ಎಚ್ಚರಿಕೆಯನ್ನು ನೀಡಿದೆ. ಇದಾದ ಬಳಿಕ ಪಾಕಿಸ್ತಾನ ಸೇನೆ ಅಲ್ಲಿಂದ ಕಾಲ್ಕಿತ್ತಿದೆ.
