ಬಚ್ಪನ್ ಕಾ ಪ್ಯಾರ್ (Bachpan Ka Pyaar song) ಹಾಡಿನ ಮೂಲಕ ಫೇಮಸ್ ಆದ ಸಹದೇವ್ ದಿರ್ದೋ(Sahdev Dirdo) ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಮಹತ್ವದ ಸುದ್ದಿಯೊಂದು ಬರುತ್ತಿದೆ. ಸಹದೇವ್ ದಿರ್ದೋ ಅವರು ಮಂಗಳವಾರ ಅಪಘಾತಕ್ಕೀಡಾಗಿದ್ದರು. ಆತನ ಸ್ಥಿತಿ ಹೇಗಿದೆ? ಬಾಲಕನನ್ನ ಯಾವ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸಹದೇವ್ ದಿರ್ದೋ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಇಷ್ಟು ಚರ್ಚೆಯಾಗುತ್ತಿರೋದಾದರು ಯಾಕೆ? ಇದರೊಂದಿಗೆ ಸಹದೇವ್ ದರ್ದೋ ಬಗ್ಗೆ ಇನ್ನೂ ಹಲವು ಮಾಹಿತಿಗಳನ್ನು ನೀಡಲಿದ್ದೇವೆ.
ಸುಕ್ಮಾ ದ ಆಸ್ಪತ್ರೆಯಲ್ಲಿ ಸಹದೇವ್ ದಿರ್ದೋ
ನಿಮ್ಮ ಮಾಹಿತಿಗಾಗಿ ತಿಳಿಸಬಯಸುವ ವಿಷಯವೇನೆಂದರೆ ಮಂಗಳವಾರ ಸಹದೇವ್ ದರ್ದೋ ಅಪಘಾತವಾಗಿದೆ. ಬಾಲಕನನ್ನ ಸುಕ್ಮಾದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸಹದೇವ್ ದಿರ್ದೋ ಮೂಲತಃ ಛತ್ತಿಸಗಢದ ಸುಕ್ಮಾ ಜಿಲ್ಲೆಯವನು. ಮಾಧ್ಯಮಗಳ ವರದಿಯ ಪ್ರಕಾರ, ಸಹದೇವ್ ದಿರ್ದೋ ಗೆ ಈ ಅಪಘಾತದಲ್ಲಿ ಸಾಕಷ್ಟು ಗಾಯವಾಗಿವೆ. ಸಹದೇವ್ ದಿರ್ದೋ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಸಹದೇವ್ ದಿರ್ದೋ ತನ್ನ ಸ್ನೇಹಿತನೊಂದಿಗೆ ದ್ವಿಚಕ್ರ ವಾಹನದಲ್ಲಿ ಶಬರಿ ನಗರಕ್ಕೆ ಹೋಗುತ್ತಿದ್ದಾಗ ದ್ವಿಚಕ್ರ ವಾಹನ ಅತಿವೇಗದ ಚಾಲನೆಯಿಂದ ಈ ಘಟನೆ ನಡೆದಿದೆ.
ಸಹದೇವ್ ತಲೆಗೆ ಗಂಭೀರ ಗಾಯ
ತನ್ನ ಗೆಳೆಯನ ಜೊತೆ ದ್ವಿಚಕ್ರ ವಾಹನದಲ್ಲಿ ಹೊರಟಿದ್ದಾಗ ಗಾಡಿಯ ನಿಯಂತ್ರಣ ತಪ್ಪಿತ್ತು. ಈ ಕಾರಣಕ್ಕಾಗಿ ಸಹದೇವ್ ದಿರ್ದೋ ಮತ್ತು ಆತನ ಸ್ನೇಹಿತ ರಸ್ತೆಯಲ್ಲಿ ಬಿದ್ದಿದ್ದರು. ಈ ವೇಳೆ ಸಹದೇವ್ ತಲೆಗೆ ಭಾರೀ ಪೆಟ್ಟಾಗಿದೆ. ಸಹದೇವ್ ತಲೆಗೆ 4 ಹೊಲಿಗೆ ಹಾಕಲಾಗಿದೆ. ಎಸ್ಪಿ ಸುನೀಲ್ ಶರ್ಮಾ ಮತ್ತು ಜಿಲ್ಲಾಧಿಕಾರಿ ವಿನೀತ್ ನಂದನವರ್ ಸಹದೇವ್‌ನನ್ನ ಭೇಟಿಯಾಗಲು ಆಸ್ಪತ್ರೆಗೆ ಬಂದಿದ್ದರು. ಸಹದೇವನ ಆರೋಗ್ಯ ವಿಚಾರಿಸಿದನು. ಜಿಲ್ಲಾಧಿಕಾರಿ ಸಹದೇವ್ ಅವರನ್ನು ಚೆನ್ನಾಗಿ ನೋಡಿಕೊಳ್ಳುವಂತೆ ವೈದ್ಯರಿಗೆ ಸೂಚಿಸಿದ್ದಾರೆ. ಅದೇ ಸಮಯದಲ್ಲಿ, ಈಗ ಸಹದೇವ್ ಅವರನ್ನು ಜಗದಲ್ಪುರ ಆಸ್ಪತ್ರೆಗೆ ರೆಫರ್ ಮಾಡಲಾಗಿದೆ.
ಪಂಜಾಬಿ ಸಿಂಗರ್ ಬಾದಶಾಹ್ ಜೊತೆ ಕಾಣಿಸಿಕೊಂಡಿದ್ದ ಸಹದೇವ್
ಬಚ್ಪನ್ ಕಾ ಪ್ಯಾರ್ ಹಾಡಿನೊಂದಿಗೆ ಪ್ರಸಿದ್ಧರಾದ ನಂತರ, ಸಹದೇವ್ ಪಂಜಾಬಿ ಗಾಯಕ ಬಾದಶಾಹ್ ಅವರೊಂದಿಗೆ ಕಾಣಿಸಿಕೊಂಡಿದ್ದನು. ಬಾದ್‌ಶಾ ಮತ್ತು ಸಹದೇವ್ ಬಚ್ಪನ್ ಕಾ ಪ್ಯಾರ್ ಎಂಬ ಹಾಡನ್ನು ಬಿಡುಗಡೆ ಮಾಡಿದ್ದರು. ಇದು ಸೋಶಿಯಲ್ ಮೀಡಿಯಾ ಯೂಸರ್ ಗಳಿಂದ ಭಾರೀ ಮೆಚ್ಚುಗೆ ಪಡೆದಿದೆ. ಹಾಡು ರಿಲೀಸ್ ಆದ ನಂತರವೂ ಹಲವು ದಿನಗಳ ಕಾಲ ಟ್ರೆಂಡಿಂಗ್ ನಂಬರ್ ಒನ್ ನಲ್ಲಿ ಈ ಹಾಡು ಓಡುತ್ತಿತ್ತು. ಅಷ್ಟೇ ಅಲ್ಲ ಛತ್ತೀಸ್‌ಗಢದ ಮುಖ್ಯಮಂತ್ರಿ ಸಹದೇವ್ ಅವರನ್ನು ಭೇಟಿ ಮಾಡಿದ್ದಾರೆ. ಸಹದೇವ್ ಅನೇಕ ಪ್ರಶಸ್ತಿಗಳನ್ನು ಪಡೆದಿದ್ದಾನೆ. ಸಹದೇವ್ ಬಗ್ಗೆ ಆಗಾಗ ಸುದ್ದಿ ಬರುತ್ತಲೇ ಇರುತ್ತವೆ.
In touch with Sahdev’s family and friends. He is unconscious, on his way to hospital. Im there for him. Need your prayers 🙏
— BADSHAH (@Its_Badshah) December 28, 2021
ಬುಡಕಟ್ಟು ಪ್ರಾಬಲ್ಯದ ಮತ್ತು ನಕ್ಸಲ್ ಪೀಡಿತ ಸುಕ್ಮಾ ಜಿಲ್ಲೆಯ ಮೂಲದ ಸಹದೇವ್ ದಿರ್ದೋ ಈ ವರ್ಷದ ಮಧ್ಯದಲ್ಲಿ ಶಾಲಾ ಸಮವಸ್ತ್ರದಲ್ಲಿ ‘ಬಚ್ಪನ್ ಕಾ ಪ್ಯಾರ್’ ಹಾಡಿದ್ದ ವೀಡಿಯೊ ವೈರಲ್ ಆದ ನಂತರ ಇಂಟರ್ನೆಟ್ ನಲ್ಲಿ ಸೆನ್ಸೇಷನ್ ಸೃಷ್ಟಿ ಮಾಡಿತ್ತು.
ಘಟನೆ ನಡೆದಿದ್ದೆಲ್ಲಿ?
ಇಲ್ಲಿನ ಶಬರಿನಗರ ಪ್ರದೇಶದಲ್ಲಿ ಸಂಜೆ 6:30ರ ಸುಮಾರಿಗೆ ಈ ಅಪಘಾತ ಸಂಭವಿಸಿದ್ದು, ಹೆಲ್ಮೆಟ್ ಧರಿಸದೇ ಇದ್ದ ದಿರ್ದೋ ಕೆಳಗೆ ಬಿದ್ದು ತಲೆಗೆ ಗಂಭೀರ ಗಾಯವಾಗಿದ್ದು, ಸವಾರನಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಸುಕ್ಮಾ ಅಧೀಕ್ಷಕ ಸುನಿಲ್ ಶರ್ಮಾ ತಿಳಿಸಿದ್ದಾರೆ.
