ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPSAI) ಮತ್ತು ಭಾರತೀಯ ರಿಸರ್ವ್ ಬ್ಯಾಂಕ್ ಜೊತೆಗೆ UPI, ಡಿಜಿಟಲ್ ಪೇಮೇಂಟ್ ಕ್ಷೇತ್ರದಲ್ಲಿ ಇತರ ಮಾರುಕಟ್ಟೆ ಆಟಗಾರರ ಮೇಲೆ ನಿರ್ಬಂಧಗಳನ್ನು ಹೇರಲು ಪ್ರಯತ್ನಿಸುತ್ತಿದೆ.
ಯಾಕಂದ್ರೆ Google Pay, Paytm ಮತ್ತು PhonePe ನಂತಹ ಥರ್ಡ್ ಪಾರ್ಟಿ ಕಂಪನಿಗಳ ಅಪ್ಲಿಕೇಶನ್‌ಗಳ ಮೂಲಕ ಹೆಚ್ಚಿನ UPI ಟ್ರಾನ್ಸ್ಯಾಕ್ಷನ್ ನಡೆಯುವುದರಿಂದ, ಇವುಗಳು ಮಾಡುವ ಟ್ರಾನ್ಸ್ಯಾಕ್ಷನ್ ಶೇಕಡಾ 30 ಕ್ಕಿಂತ ಹೆಚ್ಚಿರಬಾರದು ಎಂಬ ನಿಯಮಗಳನ್ನು ಮಾಡಲು ಪ್ರಯತ್ನಿಸಲಾಗುತ್ತಿದೆ.
ಈ ನಿಯಮಗಳು ಜಾರಿಗೆ ಬಂದರೆ, ಡಿಜಿಟಲ್ ಪೇಮೆಂಟ್ ಅಪ್ಲಿಕೇಶನ್‌ಗಳ ಬಳಕೆಯ ನಿಯಮಗಳಲ್ಲಿ ಬದಲಾವಣೆಗಳಾಗಲಿವೆ. ಬಹುಶಃ ತಿಂಗಳಿಗೆ ಇಂತಿಷ್ಟು ಟ್ರಾನ್ಸ್ಯಾಕ್ಷನ್ ಸಂಖ್ಯೆಯನ್ನು ಮಿತಿಗೊಳಿಸಲು ನಿಯಮವನ್ನು ಸಹ ಮಾಡಬಹುದು.
ಥರ್ಡ್ ಪಾರ್ಟಿ ಆ್ಯಪ್‌ಗಳು ಆನ್‌ಲೈನ್ ಫ್ರಾಡ್ ಮಾಡುವವರ ಕಣ್ಣಿನಲ್ಲಿರುತ್ತವೆ, ಸರ್ಕಾರವು ಇಂತಹ ಫ್ರಾಡ್ ಗಳನ್ನು ನಿಲ್ಲಿಸಲು ಬಯಸುತ್ತದೆ. ಅದಕ್ಕಾಗಿಯೇ ಈ ಆ್ಯಪ್ ಗಳನ್ನು ಬಳಸುವಾಗ ಕೆಲವು ವಿಷಯಗಳನ್ನು ನೆನಪಿನಲ್ಲಿಟ್ಟುಕೊಳ್ಳುವುದು ಬಹಳ ಮುಖ್ಯ.
ಮೊಬೈಲ್ ಪೇಮೆಂಟ್ ಆ್ಯಪ್ ಗಳು
ನೆಟ್ ಬ್ಯಾಂಕಿಂಗ್‌ನಿಂದ ಹಣವನ್ನು ವರ್ಗಾಯಿಸುವಾಗ, ಇತರ ಬ್ಯಾಂಕ್ ಖಾತೆಯ ಸಂಪೂರ್ಣ ವಿವರಗಳ ಅಗತ್ಯವಿದೆ. ಅವರು ತಮ್ಮ ಖಾತೆಗೆ ಇದನ್ನು ಲಿಂಕ್ ಮಾಡಬೇಕು. ಇದು ದೀರ್ಘ ಮತ್ತು ಸಮಯ ತೆಗೆದುಕೊಳ್ಳುವ ಪ್ರಕ್ರಿಯೆಯಾಗಿದೆ.
ಯುನಿಫೈಡ್ ಪೇಮೆಂಟ್ಸ್ ಇಂಟರ್‌ಫೇಸ್ (UPI), ಈ ವಿವರಗಳಿಲ್ಲದೆಯೂ ಹಣವನ್ನು ವರ್ಗಾಯಿಸಲು ಯಾರಾದರೂ ಅನುಮತಿಸುವ ತಂತ್ರಜ್ಞಾನವಾಗಿದೆ. ನೀವು ತಿಳಿದುಕೊಳ್ಳಬೇಕಾಗಿರುವುದು ಹಣವನ್ನು ಸ್ವೀಕರಿಸುವವರ ಫೋನ್ ಸಂಖ್ಯೆಯನ್ನು ಮಾತ್ರವಾಗಿರುತ್ತದೆ.
Google Pay, Paytm, PhonePe, WhatsApp ನಂತಹ ಹಲವಾರು ಅಪ್ಲಿಕೇಶನ್‌ಗಳು ಈ ಸೌಲಭ್ಯವನ್ನು ಒದಗಿಸುತ್ತವೆ. ಆದರೆ ಈ ಆ್ಯಪ್ ಗಳ ಮೂಲಕ ಹಣ ಕಳುಹಿಸುವುದು ಎಷ್ಟು ಸುಲಭವೋ, ಸಣ್ಣ ತಪ್ಪು ಮಾಡಿ ನಿಮ್ಮ ಹಣವನ್ನು ಕಳೆದುಕೊಳ್ಳುವುದು ಅಷ್ಟೇ ಸುಲಭದ ಮಾತಾಗಿದೆ.
ಈ ರೀತಿಯ ಸೇವೆಯನ್ನು ಒದಗಿಸುವ ಅನೇಕ ಹೊಸ ಆ್ಯಪ್‌ಗಳು ಕೂಡ ಮಾರುಕಟ್ಟೆಯಲ್ಲಿ ವೇಗವಾಗಿ ಬರುತ್ತಿವೆ. ಅಂತಹ ಪರಿಸ್ಥಿತಿಯಲ್ಲಿ, ಈ ಅಪ್ಲಿಕೇಶನ್‌ಗಳಲ್ಲಿ ಯಾವುದು ವಿಶ್ವಾಸಾರ್ಹ ಮತ್ತು ಯಾವುದರಿಂದ ದೂರವಿರುವುದು ಉತ್ತಮ ಎಂದು ತಿಳಿಯುವುದು ಮುಖ್ಯ.
ಯಾವ ಅಪ್ಲಿಕೇಷನ್‌‌ಗಳನ್ನ ಬಳಸಬೇಕು ಎಂಬ ನಿಮ್ಮ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ
ಪ್ಲೇ ಸ್ಟೋರ್/ಆ್ಯಪ್ ಸ್ಟೋರ್ ನಲ್ಲಿ ಈ ಆ್ಯಪ್ (ನೀವು ಬಳಸಬೇಕು ಎಂದುಕೊಂಡಿರುವ) ನ ರೇಟಿಂಗ್ ಹಾಗು ರಿವ್ಯೂವ್ ಸರಿಯಿದೆಯೇ? ಎನ್ನುವುದನ್ನ ಚೆಕ್ ಮಾಡಿ
ಈ ಅಪ್ಲಿಕೇಶನ್ ಬಳಸಲು ನಾನು ಲಾಗಿನ್ ಮಾಡಬೇಕೇ? ಲಾಗಿನ್ ನಿಯಮಗಳು ಎಷ್ಟು ಸುರಕ್ಷಿತವಾಗಿದೆ? ಸುಲಭವಾಗಿ ಭೇದಿಸದಿರುವಂತಹ ಪಾಸ್‌ವರ್ಡ್ ರಚಿಸುವ ಸೌಲಭ್ಯವಿದೆಯೇ?
ಫೋನ್ ಓಪನ್ ಮಾಡುವ ಸಮಯದಲ್ಲಿ ಪಾಸ್‌ವರ್ಡ್ ನೀಡಿದ ನಂತರವೂ, ಅಪ್ಲಿಕೇಶನ್ ಬಳಸುವಾಗ, ಪಾಸ್‌ವರ್ಡ್ ಅನ್ನು ನಮೂದಿಸಬೇಕೇ ಅಥವಾ ಇಲ್ಲವೇ?
ಈ ಅಪ್ಲಿಕೇಶನ್ ಮೂಲಕ ಹಣವನ್ನು ಟ್ರಾನ್ಸಫರ್ ಅಥವಾ ರಿಸೀವ್ ಮಾಡಿದಾಗ ನನಗೆ ನೊಟಿಫಿಕೇಷನ್ ಸಿಗುತ್ತದೆಯೇ?
ಹಣವನ್ನು ವರ್ಗಾಯಿಸುವ ಮುನ್ನ ಅದು ನಿಮ್ಮ ಅನುಮೋದನೆಯನ್ನು ಕೇಳುತ್ತದೆಯೇ? ಒಮ್ಮೆ ಮಾಡಿದ ತಪ್ಪನ್ನು ಸರಿಪಡಿಸಲು ಅವಕಾಶವಿದೆಯೇ?
ಅಪ್ಲಿಕೇಶನ್ ಅನ್ನು ಇನ್ಸ್ಟಾಲ್ ಮಾಡುವ ಮೊದಲು ಯಾವ ಪರ್ಮಿಷನ್ ಗಳನ್ನ ಕೇಳುತ್ತದೆ? ಆ್ಯಪ್ ಪರ್ಮುಷನ್ ಡಾಟಾವನ್ನ ಮೂರನೇ ವ್ಯಕ್ತಿಯ ಕಂಪನಿಗೆ ಕಳುಹಿಸಬಹುದಾದ ಯಾವುದೇ ನಿಬಂಧನೆ ಇದೆಯೇ?
ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರಗಳನ್ನು ಆಧರಿಸಿ, ಮಾರುಕಟ್ಟೆಯಲ್ಲಿ ಯಾವ ಅಪ್ಲಿಕೇಶನ್ ಹೆಚ್ಚು ಸುರಕ್ಷಿತವಾಗಿದೆ ಎಂಬುದನ್ನು ನಾವು ನಿರ್ಧರಿಸಬಹುದು.
ನೀವು ಮೊಬೈಲ್ ಮೂಲಕ ಸುರಕ್ಷಿತ ಪೇಮೆಂಟ್ ಮಾಡಬಹುದು,
ಮಲ್ಟಿ ಫ್ಯಾಕ್ಟರ್ ಆಥೆಂಟಿಕೇಷನ್ (MFA): ನೀವು ಇದನ್ನು ಸಕ್ರಿಯಗೊಳಿಸಿದರೆ, ಯೂಸರ್ ಹೆಸರು ಅಥವಾ ಪಾಸ್‌ವರ್ಡ್ ಅನ್ನು ನೀಡುವ ಬದಲು, ಅದು ಮೊಬೈಲ್ ಅಥವಾ ಮೇಲ್‌ಗೆ OTP ಅನ್ನು ಕಳುಹಿಸುತ್ತದೆ. ಸರಿಯಾದ OTP ಅನ್ನು ನಮೂದಿಸಿದಾಗ ಮಾತ್ರ ಅಪ್ಲಿಕೇಶನ್ ವಿವರಗಳನ್ನು ತೋರಿಸುತ್ತದೆ. ಆದ್ದರಿಂದ ಅದನ್ನು ಆ್ಯಕ್ಟಿವೇಟ್ ಮಾಡಲು ಇದನ್ನ enable ಮಾಡಿ.
Notification ನ್ನ ತಪ್ಪದೇ ಆನ್ ಮಾಡಿ: ನಿಮ್ಮ ಅಕೌಂಟ್ ನಲ್ಲಿ ಜಮಾ (ಠೇವಣಿ) ಅಥವಾ ಹೊರತೆಗೆಯುವ ಸಮಯದಲ್ಲಿ ನೀವು ನೋಟಿಫಿಕೇಷನ್ ಆನ್ ಮಾಡಿಟ್ಟರೆ, ನಂತರ ತಿಳಿಸದೆಯೇ ಖಾತೆಯಿಂದ ಹಣವನ್ನು ಹಿಂಪಡೆದರೆ, ಅದರ ಬಗ್ಗೆ ನಿಮಗೆ ತಕ್ಷಣವೇ ಮಾಹಿತಿ ಸಿಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಯಾವುದೇ ತಪ್ಪಾದ ವಹಿವಾಟಿನ ಸಂದರ್ಭದಲ್ಲಿ ನೀವು ತಕ್ಷಣದ ಅಗತ್ಯ ಕ್ರಮವನ್ನು ತೆಗೆದುಕೊಳ್ಳಬಹುದು.
Note: ಮೊಬೈಲ್ ನೋಟಿಫಿಕೇಷನ್ ನ ಜೊತೆ ಜೊತೆಗೆ ನೀವು SMS/e-mail ನ್ನೂ ಸೇರಿಸಬಹುದು. ಆದರೆ, ಬ್ಯಾಂಕ್ ಬ್ಯಾಲೆನ್ಸ್ ಹೇಳುವ ಎಸ್ ಎಂಎಸ್ ಓದಿ ಸ್ವಲ್ಪ ದಿನಗಳ ನಂತರ ಡಿಲೀಟ್ ಮಾಡಿದರೆ ತೊಂದರೆ ಆಗುವುದಿಲ್ಲ. ಇಲ್ಲದಿದ್ದರೆ, ಯಾರಾದರೂ ನಿಮ್ಮ ಫೋನ್ ಅನ್ನು ಕದ್ದು ಅದನ್ನು ಅನ್‌ಲಾಕ್ ಮಾಡಿದರೆ ಅಥವಾ ನಿಮ್ಮ ಅಜಾಗರೂಕತೆಯಿಂದ ಅದು ಅನ್‌ಲಾಕ್ ಆಗಿದ್ದರೆ, ನಿಮ್ಮ ಖಾತೆಯ ಬಗ್ಗೆ ಇತರರಿಗೂ ತಿಳಿಯಬಹುದು.
ಆ್ಯಪ್ ಗಾಗಿ ಪಾಸ್‌ಕೋಡ್: ಸಾಮಾನ್ಯವಾಗಿ ನಾವು ನಮ್ಮ ಫೋನ್‌ನಲ್ಲಿ ಪಾಸ್‌ವರ್ಡ್ ನಮೂದಿಸಿದ ತಕ್ಷಣ ಅಪ್ಲಿಕೇಶನ್‌ಗೆ ಸಲೀಸಾಗಿ ಲಾಗಿನ್ ಆಗಬಹುದು. ಆದ್ದರಿಂದ, ಒಮ್ಮೆ ನೀವು ಲಾಗ್ ಇನ್ ಮಾಡಿದ ನಂತರ, ಅಪ್ಲಿಕೇಶನ್‌ನ ಸೆಟ್ಟಿಂಗ್‌ಗಳನ್ನು ಸರಿಪಡಿಸಲು ನೀವು ಕಾಳಜಿ ವಹಿಸಬೇಕು. ಹಾಗಾಗಿ ನೀವು ಪ್ರತಿ ಬಾರಿ ಆ್ಯಪ್ ತೆರೆಯಲು ಅಗತ್ಯವಿರುವ ಪಾಸ್‌ಕೋಡ್ ಅನ್ನು ಸೆಟ್ ಮಾಡಿದರೆ ಅದು ಹೆಚ್ಚು ಸುರಕ್ಷಿತವಾಗಿರುತ್ತದೆ.
ಮೊಬೈಲ್ ಆ್ಯಪ್ ಅಪಡೇಟ್ಸ್: ಅಪ್ಲಿಕೇಶನ್ ಅನ್ನು ಇನ್ಸ್ಟಾಲ್ ಮಾಡಿದಾಗ ಅದು ಅಪಡೇಟೆಡ್ ಆಗಿರುತ್ತದೆ. ಇದು ವಿಶೇಷವಾಗಿ ಭದ್ರತಾ ಕ್ರಮಗಳನ್ನು ಬಲಪಡಿಸಲು ಇರುತ್ತದೆ. ಆದ್ದರಿಂದ ಅವುಗಳನ್ನು ವಿಳಂಬ ಮಾಡದೆ ಅಪಡೇಟ್ ಮಾಡಬೇಕು. ಅಂತಹ ಅಪಡೇಟ್ ಗಳನ್ನ automatically ಅಂತಲೂ ನೀವು ಸೆಟ್ ಮಾಡಬಹುದು.
ಆ್ಯಂಡ್ರಾಯ್ಡ್ ಫೋನ್ ಗಾಗಿ ಫೋನ್‌ನ settings ಗೆ ಹೋಗಿ, ಅಲ್ಲಿ Google Play Store ನಲ್ಲಿ ‘Auto Update App’ ನ್ನ on ಮಾಡಿ.
ಐಫೋನ್‌ ಗಾಗು ಫೋನ್‌ನ settings ಗೆ ಹೋಗಿ ಅಲ್ಲಿ ‘ITunes and app store’ ಗೆ ಹೋಗಿ ಬಳಿಕ ‘app updates’ ಕ್ಲಿಕ್ ಮಾಡಿ
ಹಣ ಟ್ರಾನ್ಸಫರ್ ಮಾಡುವ ಮುನ್ನ ಚೆಕ್ ಮಾಡಿ: ಹಣ ಟ್ರಾನ್ಸಫರ್ ಮಾಡಲು ಹಲವಾರು ಮಾರ್ಗಗಳಿವೆ – ಫೋನ್ ನಂಬರ್, UPI ಐಡಿ, QR ಕೋಡ್ ಅನ್ನು ಸ್ಕ್ಯಾನ್ ಮಾಡುವ ಮೂಲಕ ಅಥವಾ ಲಿಂಕ್ ಮೂಲಕ ಪಾವತಿಸುವ ಮೂಲಕ. ನೀವು ಈ ವಿವರಗಳನ್ನು ಎರಡು ಬಾರಿ ಪರಿಶೀಲಿಸಬೇಕು, ಇಲ್ಲದಿದ್ದರೆ ಪೇಮೆಂಟ್ ತಪ್ಪಾಗಿ ಬೇರೆಯವರಿಗೆ ಹೋಗಬಹುದು ಅಥವಾ ನೀವು ವಂಚನೆಗೆ ಬಲಿಯಾಗಬಹುದು.
ನೀವು ಮೊದಲ ಬಾರಿಗೆ ಯಾರಿಗಾದರೂ ಹಣವನ್ನು ಕಳುಹಿಸುತ್ತಿದ್ದರೆ, ನೀವು ಮೊದಲು ಐದು ರೂಪಾಯಿಯಂತಹ ಸಣ್ಣ ಮೊತ್ತವನ್ನು ಕಳುಹಿಸಬೇಕು, ಹಣವು ಸರಿಯಾದ ವ್ಯಕ್ತಿಗೆ ತಲುಪಿದರೆ, ನಂತರ ಒಟ್ಟು ಮೊತ್ತವನ್ನು ಕಳುಹಿಸಿ.
ಮೊಬೈಲ್ ಪೇಮೆಂಟ್‌ನ್ನೂ ನಗದು ಎಂದು ಪರಿಗಣಿಸಬೇಕು: ನಾವು ಆಕಸ್ಮಿಕವಾಗಿ ಯಾರಿಗಾದರೂ ಹಣವನ್ನು ನೀಡಿದರೆ, ಅದನ್ನು ಸ್ವತಃ ಹಿಂದಿರುಗಿಸದ ಹೊರತು ಅವರಿಂದ ಅದನ್ನು ಮರಳಿ ಪಡೆಯುವುದು ಅಸಾಧ್ಯವಾಗುತ್ತದೆ. ಅದಕ್ಕಾಗಿಯೇ ಮೊಬೈಲ್ ಪೇಮೆಂಟ್ ವಿಷಯದಲ್ಲೂ ಅದೇ ಸಂಭವಿಸುತ್ತದೆ. ವಂಚನೆಯಲ್ಲಿ ಕಳೆದುಹೋದ ಹಣವನ್ನು ಎಂದಿಗೂ ನಿಮಗೆ ಸಿಗುವುದಿಲ್ಲ.
ಇದು ಡಿಜಿಟಲ್ ಪೇಮೆಂಟ್ ಆಗಿದ್ದು, ಟ್ರ್ಯಾಕ್ ಮಾಡಿದರೆ ಗೊತ್ತಾಗುತ್ತದೆ ಎಂದು ಗೊತ್ತಿದ್ದರೂ ಹಣ ವಾಪಸ್ ಬರುವುದಿಲ್ಲ. ಅದಕ್ಕಾಗಿಯೇ ನೀವು ಹಣವನ್ನು ಸೆಂಡ್ ಮಾಡುವಾಗ ಎರಡು ಬಾರಿ ಜಾಗರೂಕರಾಗಿರಬೇಕು. ಆತುರಪಡಬೇಡಿ, ಅನುಮಾನಿಸಲು ಮರೆಯದಿರಿ.
ಫೋನ್ ಬಳಸುವ ಸಮಯದಲ್ಲಿ ಈ ವಿಷಯದ ಬಗ್ಗೆ ಗಮನವಿರಲಿ
ಪೇಮೆಂಟ್ ಆ್ಯಪ್ ಹೊಂದಿರುವ ಫೋನ್ ಅನ್ನು ಹಣ ತುಂಬಿದ ವ್ಯಾಲೆಟ್‌ನಂತೆ ಸುರಕ್ಷಿತವಾಗಿರಿಸಬೇಕು. ಈ ನಿಟ್ಟಿನಲ್ಲಿ ಹೆಚ್ಚು ಎಚ್ಚರಿಕೆ ವಹಿಸುವ ಅಗತ್ಯವಿದೆ. ಈ ಮುನ್ನೆಚ್ಚರಿಕೆಗಳು ಈ ಕೆಳಗಿನಂತಿವೆ-
ಫೋನ್ ಪಾಸ್‌ವರ್ಡ್ ಅಥವಾ ಪಾಸ್‌ಕೋಡ್ ಹೊಂದಿರಬೇಕು. ಮುಖ ಗುರುತಿಸುವಿಕೆ (Face Recognition) ಅಥವಾ ಫಿಂಗರ್‌ಪ್ರಿಂಟ್ ಹೊರತುಪಡಿಸಿ ಇತರ ಭದ್ರತಾ ಕ್ರಮಗಳೂ ಇರಬೇಕು. ನಿಮ್ಮ ಫಿಂಗರ್‌ಪ್ರಿಂಟ್ ಅನ್ನು ಯಾರಾದರೂ ಒತ್ತಾಯಪೂರ್ವಕವಾಗಿ ನಿಮ್ಮಿಂದ ಪಡೆಯಬಹುದು, ನೀವು ಅವರಿಗೆ ತಿಳಿಸದ ಹೊರತು ಯಾರಿಗೂ ಪಾಸ್‌ವರ್ಡ್ ತಿಳಿಯುವುದಿಲ್ಲ.
ಫೋನ್‌ನಲ್ಲಿ ಎಂತಹ ಸೆಟ್ಟಿಂಗ್ ಅನ್ನು ಮಾಡಬೇಕೆಂದರೆ, ಮೂರು ಬಾರಿ ತಪ್ಪಾದ ಪಾಸ್‌ವರ್ಡ್ (Wrong Password) ನಮೂದಿಸಿದರೆ, ಅದು ಸ್ವಯಂಚಾಲಿತವಾಗಿ ಲಾಕ್ ಆಗುತ್ತದೆ. ಈ ಫೋನ್ ಕಳ್ಳನ ಕೈಗೆ ಸಿಕ್ಕರೂ ಹೆಚ್ಚಿನ ಮಾಹಿತಿ ಸಿಗಬಾರದು. ಮೊಬೈಲ್ ಆ್ಯಪ್‌ನ ಪೇಮೆಂಟ್ ಪಾಸವರ್ಡ್ ಪ್ರೊಟೆಕ್ಟೆಡ್ ಇರಬೇಕು.
ನೀವು ಒಂದಕ್ಕಿಂತ ಹೆಚ್ಚು ಪೇಮೆಂಟ್ ಅಪ್ಲಿಕೇಶನ್ ಬಳಸುತ್ತಿದ್ದರೆ, ಎಲ್ಲರಿಗೂ ಒಂದೇ ಪಾಸ್‌ವರ್ಡ್ ಅನ್ನು ಬಳಸಬೇಡಿ. ಒಂದೊಂದು ಅಪ್ಲಿಕೇಶನ್‌ಗಳಿಗೂ ವಿಭಿನ್ನ ಪಾಸ್‌ವರ್ಡ್‌ಗಳನ್ನು ಆಯ್ಕೆಮಾಡಿ. ಒಂದು ಆಪ್‌ನ ಪಾಸ್‌ವರ್ಡ್ ಸೋರಿಕೆಯಾದರೆ, ಉಳಿದವುಗಳು ಸುರಕ್ಷಿತವಾಗಿರುತ್ತವೆ.
ಒಂದು ವೇಳೆ ಪೇಮೆಂಟ್ ಅಪ್ಲಿಕೇಶನ್ ಈಗಾಗಲೇ ನಿಮ್ಮ ಫೋನ್‌ನಲ್ಲಿ ಇದ್ದರೆ, ಗೇಮಿಂಗ್ ಅಥವಾ ಲಾಟರಿ ಅಪ್ಲಿಕೇಶನ್ ಅನ್ನು ಇನ್ಸ್ಟಾಲ್ ಮಾಡುವ ಮೊದಲು ಹೆಚ್ಚು ಜಾಗರೂಕರಾಗಿರಬೇಕು. ಯಾವುದೇ ಮಾಲ್‌ವೇರ್ ನಕಲಿ ಅಪ್ಲಿಕೇಶನ್ ಮೂಲಕ ನಿಮ್ಮ ಮೊಬೈಲ್‌ಗೆ ಪ್ರವೇಶಿಸಿದರೆ, ಅದು ಪೇಮೆಂಟ್ ಅಪ್ಲಿಕೇಶನ್ ಮೂಲಕ ನಿಮ್ಮ ಅಕೌಂಟ್ ನ್ನ ಖಾಲಿ ಮಾಡಬಹುದು.
ಫೋನ್ ಕಳೆದರೆ ಈ ಮುನ್ನೆಚ್ಚರಿಕಾ ಕ್ರಮಗಳನ್ನ ಅನುಸರಿಸಿ
ಪೇಮೆಂಟ್ ಅಪ್ಲಿಕೇಶನ್‌ನೊಂದಿಗೆ ಮೊಬೈಲ್ ಫೋನ್‌ನಲ್ಲಿ ಟ್ರ್ಯಾಕಿಂಗ್ ಆನ್ ಆಗಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಎಲ್ಲಾ ಕಂಪನಿಗಳು ಈಗ ಫೋನ್ ಇರುವ ಸ್ಥಳವನ್ನು ತಿಳಿದುಕೊಳ್ಳುವ ಸೌಲಭ್ಯವನ್ನು ಒದಗಿಸುತ್ತವೆ.
ಒಂದು ವೇಳ ಫೋನ್‌ನಲ್ಲಿ “ರಿಮೋಟ್ ಡೇಟಾ ಎರೇಸ್” ಫೀಚರ್ ಆನ್ ಆಗಿದ್ದರೆ, ಫೋನ್ ಕಳೆದುಹೋದರೆ, ಇಂಟರ್ನೆಟ್ ಸಂಪರ್ಕಕ್ಕೆ ಬಂದ ತಕ್ಷಣ ಎಲ್ಲಾ ಡೇಟಾ ಸ್ವಯಂಚಾಲಿತವಾಗಿ ಡಿಲೀಟ್ ಆಗಿಬಿಡುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಯಾವುದೇ ವ್ಯಕ್ತಿ ನಿಮ್ಮ ಪೇಮೆಂಟ್ ಅಪ್ಲಿಕೇಶನ್ ಮೂಲಕ ಹಣವನ್ನು ಹಿಂಪಡೆಯಲು ಸಾಧ್ಯವಿಲ್ಲ. ನಿಮ್ಮ ಫೋನ್ ಕಳೆದುಹೋದರೆ, ತಕ್ಷಣವೇ ನಿಮ್ಮ ಅಕೌಂಟ್ ನ ಪಾಸ್‌ವರ್ಡ್ ಬದಲಾಯಿಸಿ. ಈ ಪರಿಸ್ಥಿತಿಯಲ್ಲಿ ನಿಮ್ಮ ಪೇಮೆಂಟ್ ಅಪ್ಲಿಕೇಶನ್‌ನಿಂದ ಹಣವನ್ನು ಹಿಂಪಡೆಯಲು ಯಾರಿಗೂ ಸಾಧ್ಯವಾಗುವುದಿಲ್ಲ.
ತಂತ್ರಜ್ಞಾನ ಮೂಲಕ ಸಿಗುವ ಸೌಲಭ್ಯಗಳು ಸೌಲಭ್ಯವಾಗಿಯೇ ಉಳಿಯಬೇಕು. ಅಂದರೆ, ಅದನ್ನು ಬಳಸುವಾಗ ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆಗಳ ಬಗ್ಗೆ ತಿಳಿದಿರಲಿ. ಇಲ್ಲದಿದ್ದರೆ, ನೀವು ದೊಡ್ಡ ನಷ್ಟವನ್ನು ಅನುಭವಿಸಬಹುದು.
