‘ಪಠಾಣ್’ ಕಾಂಟ್ರವರ್ಸಿಯ ನಡುವೆಯೇ ಶಾರುಖ್ ಖಾನ್ ಕೋಲ್ಕತ್ತಾ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ (International Film Festival) ಪಾಲ್ಗೊಂಡಿದ್ದರು. ಶಾರುಖ್ ಖಾನ್ ರಾಣಿ ಮುಖರ್ಜಿ ಜೊತೆ ಕೋಲ್ಕತ್ತಾ ತಲುಪಿದರು. ಈವೆಂಟ್‌ನಲ್ಲಿ ಬಾಲಿವುಡ್ ಬಾದ್‌ಶಾ ಅವರನ್ನು ನೋಡಿದ ನಂತರ ಅಭಿಮಾನಿಗಳ ಎಕ್ಸೈಟ್‌‌ಮೆಂಟ್ ಹೇಳತೀರದಾಗಿತ್ತು. ಕಿಂಗ್ ಖಾನ್ ಮತ್ತು ರಾಣಿ ಮುಖರ್ಜಿ, ಜಯಾ ಬಚ್ಚನ್ ಅವರಲ್ಲದೆ, ಬಾಲಿವುಡ್ ಬಾದ್‌ಶಾಹ್ ಅಮಿತಾಬ್ ಬಚ್ಚನ್ ಕೂಡ ಚಲನಚಿತ್ರೋತ್ಸವದ ಭಾಗವಾದರು. ಫಿಲ್ಮ್ ಫೆಸ್ಟಿವಲ್ ನಲ್ಲಿ ಶಾರುಖ್ ಖಾನ್ ಸಾಮಾಜಿಕ ಜಾಲತಾಣಗಳ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಇದಲ್ಲದೇ ಪಠಾಣ್ ಚಿತ್ರದ ಪ್ರೊಮೋಷನ್ ಕೂಡ ಮಾಡಿದರು.
ಸೋಶಿಯಲ್ ಮೀಡಿಯಾ ಬಗ್ಗೆ ಏನಂದ್ರು ಶಾರುಖ್ ಖಾನ್?
ಶಾರುಖ್ ಖಾನ್ ಬಂಗಾಳಿ ಭಾಷೆಯಲ್ಲಿ ಮಾತನಾಡುವ ಮೂಲಕ ಕೋಲ್ಕತ್ತಾ ಚಲನಚಿತ್ರೋತ್ಸವದ ಭಾಷಣವನ್ನು ಪ್ರಾರಂಭಿಸಿದರು. ಶಾರುಖ್ ಖಾನ್ ಬರುತ್ತಿದ್ದಂತೆಯೇ ಇಡೀ ಕ್ರೀಡಾಂಗಣ ಚಪ್ಪಾಳೆ ಸದ್ದಿನೊಂದಿಗೆ ಪ್ರತಿಧ್ವನಿಸಿತು. ಆಧುನಿಕ ಕಾಲ ಮತ್ತು ಸಾಮಾಜಿಕ ಮಾಧ್ಯಮಗಳ ಕುರಿತು ಮಾತನಾಡಿದ ಶಾರುಖ್ ಖಾನ್, ಇಂದಿನ ಕಾಲದಲ್ಲಿ ಸಾಮಾಜಿಕ ಮಾಧ್ಯಮವು ಸಾಮೂಹಿಕ ನಿರೂಪಣೆಯನ್ನು ನೀಡುತ್ತಿದೆ. ನಾನು ಎಲ್ಲೋ ಓದಿದ್ದೇನೆ, ನಕಾರಾತ್ಮಕತೆ ಸಾಮಾಜಿಕ ಮಾಧ್ಯಮಗಳ ಬಳಕೆಯನ್ನು ಹೆಚ್ಚಿಸುತ್ತದೆ. ಇದಲ್ಲದೆ, ಅದರ ವಾಣಿಜ್ಯ ಮೌಲ್ಯವೂ ಹೆಚ್ಚಾಗುತ್ತದೆ. ಇಂತಹ ಕಥೆಗಳು ನಮ್ಮನ್ನು ದಾರಿತಪ್ಪಿಸಲು ಮತ್ತು ವಿಭಜಿಸಲು ಸಹಾಯ ಮಾಡುತ್ತವೆ. ಸಿನಿಮಾ ಮಾನವ ನಡವಳಿಕೆಯನ್ನು ತೋರಿಸುತ್ತದೆ, ಇದು ಮಾನವ ಸಹೋದರತ್ವ ಮತ್ತು ಸಹಾನುಭೂತಿಯನ್ನು ತರುತ್ತದೆ ಎಂದರು.
ಕಿಂಗ್ ಖಾನ್ ಅವರು ಅರಿಜಿತ್ ಸಿಂಗ್ ಮತ್ತು ಕುಮಾರ್ ಸಾನು ಅವರ ಚಿತ್ರಗಳಲ್ಲಿನ ಹಾಡುಗಳಿಗಾಗಿ ಧನ್ಯವಾದಗಳನ್ನು ತಿಳಿಸಿದರು.
The moment we all are waiting for…
Pathaan and his words…
goosebumps guaranteed.
KIFF-22#Pathaan #ShahRukhKhan𓀠 #SRK𓃵 #ShahRukhKhan pic.twitter.com/dVF1oXOmCA— SRKsWorld (@SRKtheG0D) December 15, 2022
ಸಿನಿಮಾ ಮತ್ತು ಸೋಷಿಯಲ್ ಮೀಡಿಯಾದ ಬಗ್ಗೆ ಭಾಷಣ ಮಾಡಿದ ಶಾರುಖ್ ಖಾನ್ ಪವರ್ ಫುಲ್ ಡೈಲಾಗ್ ಮೂಲಕ ಅದರ ಕ್ಲೋಸ್ ಅಪ್ ಮಾಡಿದರು. ಶಾರುಖ್ ಖಾನ್ ತಮ್ಮದೇ ಶೈಲಿಯಲ್ಲಿ, “ನಿಮ್ಮ ಸೀಟ್ ಬೆಲ್ಟ್ ಕಟ್ಟಿಕೊಳ್ಳಿ. ಮೌಸಮ್ ಬಿಗಡ್ ನೇ ವಾಲಾ ಹೈ (ಹವಾಮಾನ ಹದಗೆಡಲಿದೆ). ಕೆಲವು ದಿನಗಳಿಂದ ನಾವು ಇಲ್ಲಿಗೆ ಬಂದಿಲ್ಲ. ನಿಮ್ಮನ್ನು ಭೇಟಿ ಮಾಡಲು ಸಾಧ್ಯವಾಗಲಿಲ್ಲ. ಆದರೆ ಈಗ ಜಗತ್ತು ಸಾಮಾನ್ಯವಾಗಿದೆ. ನಾವೆಲ್ಲರೂ ಸಂತೋಷವಾಗಿದ್ದೇವೆ. ನನಗೆ ಅತ್ಯಂತ ಸಂತೋಷವಾಗಿದೆ. ಜಗತ್ತು ಅದೆಷ್ಟೇ ಅರಚಾಡಲು, ಏನೇ ಮಾಡಲಿ. ಯಾವುದೇ ಅಭ್ಯಂತರವಿಲ್ಲ. ನಾನು ಮತ್ತು ನೀವೆಲ್ಲರೂ ಸಕಾರಾತ್ಮಕ ಜನರು. ಎಲ್ಲರೂ ಜೀವಂತವಾಗಿದ್ದೇವೆ” ಎಂದರು.
ಶಾರುಖ್ ಖಾನ್ ಇಷ್ಟು ಮಾತನಾಡಿದ ತಕ್ಷಣ, ಲಕ್ಷಾಂತರ ಜನರಿಂದ ತುಂಬಿದ ಕ್ರೀಡಾಂಗಣವು ಚಪ್ಪಾಳೆಗಳ ಮೂಲಕ ಪ್ರತಿಧ್ವನಿಸಿತು. ಅವರ ಭಾಷಣದ ಕ್ಲಿಪ್ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ಡಿಸೆಂಬರ್ 12 ರಂದು ಶಾರುಖ್ ಖಾನ್ ಅಭಿನಯದ ‘ಪಠಾಣ್’ ಚಿತ್ರದ ಮೊದಲ ಹಾಡು ‘ಬೇಷರಂ ರಂಗ್’ ಬಿಡುಗಡೆಯಾಯಿತು. ಈ ಹಾಡು ಕೆಲವೇ ಸಮಯದಲ್ಲಿ ಅಂತರ್ಜಾಲದಲ್ಲಿ ವೈರಲ್ ಆಗಲು ಪ್ರಾರಂಭಿಸಿತು. ಅಭಿಮಾನಿಗಳು ‘ಬೇಷರಂ ರಂಗ’ವನ್ನು ಹಿಟ್ ಮಾಡಿದರು. ಆದರೆ ಕೆಲವು ಸಂಘಟನೆಗಳು ದೀಪಿಕಾ ಪಡುಕೋಣೆಯ ‘ಕೇಸರಿ ಬಿಕಿನಿ’ ವಿರುದ್ಧ ಪ್ರತಿಭಟನೆ ನಡೆಸಿದ್ದವು. ಶಾರುಖ್ ಖಾನ್ ಮತ್ತು ದೀಪಿಕಾ ಪಡುಕೋಣೆ ಚಿತ್ರದ ‘ಬೇಷರಂ ರಂಗ್’ ಹಾಡಿಗೆ ಮಧ್ಯಪ್ರದೇಶ ಗೃಹ ಸಚಿವ ನರೋತ್ತಮ್ ಮಿಶ್ರಾ ಕೂಡ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಹಾಡನ್ನು ಬದಲಾಯಿಸದಿದ್ದರೆ ರಾಜ್ಯದಲ್ಲಿ ಚಿತ್ರ ಬಿಡುಗಡೆ ಮಾಡಲು ಬಿಡುವುದಿಲ್ಲ ಎಂದು ಗೃಹ ಸಚಿವ ನರೋತ್ತಮ್ ಮಿಶ್ರಾ ಹೇಳಿದ್ದಾರೆ. ‘ಪಠಾಣ್’ ಹಾಡಿಗೆ ಸಂಬಂಧಿಸಿದಂತೆ ಹಲವೆಡೆ ಪ್ರತಿಭಟನೆಗಳೂ ನಡೆಯುತ್ತಿವೆ.
‘ಪಠಾಣ್’ಗೆ ಸಂಬಂಧಿಸಿದಂತೆ ನಡೆಯುತ್ತಿರುವ ವಿವಾದಗಳ ನಡುವೆ, ಶಾರುಖ್ ಖಾನ್ ಪೂರ್ಣ ಸ್ವ್ಯಾಗ್ ನಲ್ಲಿ ಕೋಲ್ಕತ್ತಾ ತಲುಪಿ ತಮ್ಮ ಮಾತುಗಳನ್ನು ಹಂಚಿಕೊಂಡರು. ಅಭಿಮಾನಿಗಳ ಬೆಂಬಲವಿದ್ದರೆ ಮುಂದೆ ಹೋಗುವುದನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ ಎಂದು ಬಾಲಿವುಡ್ ಬಾದ್ ಶಾ ಫಿಲ್ಮಿ ಸ್ಟೈಲ್ ನಲ್ಲಿ ಹೇಳಿದ್ದಾರೆ. ‘ಪಠಾಣ್’ ಜನವರಿ 25, 2023 ರಂದು ಬಿಡುಗಡೆಯಾಗುತ್ತಿದೆ. ನಾಲ್ಕು ವರ್ಷಗಳ ನಂತರ ಕಿಂಗ್ ಖಾನ್ ‘ಪಠಾಣ್’ ಚಿತ್ರದ ಮೂಲಕ ಮತ್ತೆ ತೆರೆಯ ಮೇಲೆ ಬರಲಿದ್ದಾರೆ.
