ಸಾಮಾಜಿಕ ಜಾಲತಾಣಗಳಲ್ಲಿ ಬಾಲಿವುಡ್ ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದೆ. ಟ್ವಿಟರ್‌ನಲ್ಲಿ #BoycottBollywood ಎಂಬ ಹ್ಯಾಶ್‌ಟ್ಯಾಗ್‌ ಟ್ರೆಂಡ್ ಆಗಿದ್ದು, ಪ್ರತಿ ಬಾಲಿವುಡ್ ಚಿತ್ರವನ್ನೂ ಟಾರ್ಗೆಟ್‌ ಮಾಡಲಾಗುತ್ತಿದೆ. ಕಳೆದ ಕೆಲವು ದಿನಗಳಲ್ಲಿ, ‘ಶಂಶೇರಾ’, ‘ಸಾಮ್ರಾಟ್ ಪೃಥ್ವಿರಾಜ್’, ‘ಲಾಲ್ ಸಿಂಗ್’ ಚಡ್ಡಾ ಸೇರಿದಂತೆ ಹಲವು ಚಿತ್ರಗಳು ಬಾಯ್‌ಕಾಟ್ ಬಿಸಿ ಎದುರಿಸಿ ಮಕಾಡೆ ಮಲಗಿವೆ, ಇದು ಈ ಚಿತ್ರಗಳ ಕಲೆಕ್ಷನ್ ಮೇಲೆ ನೇರವಾಗಿ ಪರಿಣಾಮ ಬೀರಿತ್ತು. ಶಾರುಖ್ ಖಾನ್ ಅಭಿನಯದ ‘ಪಠಾಣ್’ ಚಿತ್ರ ಸೇರಿದಂತೆ ಬಾಲಿವುಡ್ ನ ಮುಂಬರುವ ಚಿತ್ರಗಳ ಬಾಯ್‌ಕಾಟ್ ಕೂಡ ಆರಂಭವಾಗಿದೆ. ಆದರೆ ಬಾಯ್‌ಕಾಟ್ ಬಗ್ಗೆ ಶಾರುಖ್ ಖಾನ್ ಏನನ್ನುತ್ತಾರೆ ಗೊತ್ತಾ. ಇಂದು ನಾವು ಬಾಯ್‌ಕಾಟ್ ಟ್ರೆಂಡ್ ಕುರಿತು ಶಾರುಖ್ ಖಾನ್ ಅವರ ಹೇಳಿಕೆಯ ಬಗ್ಗೆ ಹೇಳಲಿದ್ದೇವೆ.
ವಾಸ್ತವವಾಗಿ, ಕಳೆದ ಕೆಲವು ದಿನಗಳಲ್ಲಿ, ಅನೇಕ ಬಾಲಿವುಡ್ ಸ್ಟಾರ್ ಗಳು ಬಾಯ್‌ಕಾಟ್ ಬಗ್ಗೆ ತಮ್ಮ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ. ಆದರೆ ಶಾರುಖ್ ಖಾನ್ 2015 ರಲ್ಲೇ ಈ ವಿಷಯದ ಬಗ್ಗೆ ತಮ್ಮ ಅಭಿಪ್ರಾಯವನ್ನು ನೀಡಿದ್ದರು, ಅವರ ವೀಡಿಯೊ ಈಗ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಶಾರುಖ್ ಖಾನ್ ಮಾತನಾಡುತ್ತ ಕೆಲವೊಮ್ಮೆ ಬಾಯ್‌ಕಾಟ್ ಕೂಡ ಒಳ್ಳೆಯದು ಎನ್ನುತ್ತಿದ್ದಾರೆ. ಕೆಲವೊಮ್ಮೆ ಇದು ಒಳ್ಳೆಯದು, ಸಿನಿಮಾ ಚೆನ್ನಾಗಿ ಬರದಿದ್ದಾಗ ನಿಮಗೆ ಸೋಶಿಯಲ್ ಬಾಯ್‌ಕಾಟ್ ಮಾಡಲಾಗಿತ್ತು ಹಾಗಾಗಿ ಚಿತ್ರದ ಜೊತೆ ಹೀಗಾಯ್ತು ಅಂತ ಹೇಳಿಕೊಳ್ಳೋಕೆ ಒಂದು ನೆಪ ಸಿಕ್ಕಂತಾಗುತ್ತೆ ಎಂದು ನಟ ಹೇಳಿದ್ದರು.
ನಂತರ ಮಾತನಾಡಿದ್ದ ಶಾರುಖ್ ಖಾನ್, “ಅಮ್ಮ ಒಳ್ಳೆ ಊಟ ಮಾಡ್ತಾರೆ, ನಿಮಗೆ ಇಷ್ಟ ಆಗಬೇಕು” ಅಂತ ಹೇಳಿದ್ರು. ಈ ಸಂದರ್ಶನದಲ್ಲಿ ಪತ್ರಕರ್ತರು ಶಾರುಖ್ ಖಾನ್ ಅವರನ್ನು ಪ್ರಶ್ನಿಸುತ್ತ, “ಊಟ ಚೆನ್ನಾಗಿದೆಯೋ ಇಲ್ಲವೇ ಅಂತ ತಿನ್ನುವವರೇ ಹೇಳುತ್ತಾರೆ” ಎಂದು ಹೇಳುತ್ತಾರೆ. ಅದಕ್ಕೆ ಶಾರುಖ್, “ಹೌದು ಇದು ತಾಯಿಯ ತಪ್ಪಾಗಲ್ಲ” ಎಂದು ಹೇಳಿದ್ದರು. ಇಲ್ಲಿ ಚಿತ್ರದ ಬಗ್ಗೆ ಮಾತನಾಡಲಾಗಿತ್ತು ಮತ್ತು ತಾಯಿತನ್ನ ಪ್ರೇಕ್ಷಕರಿಗೆ ಹೋಲಿಸಲಾಗಿತ್ತು. ಇದರ ಬೆನ್ನಲ್ಲೇ ಬಾಲಿವುಡ್‌ನಲ್ಲಿ ಭಯದ ವಾತಾವರಣದ ಬಗ್ಗೆ ಕೇಳಿದಾಗ ಕಿಂಗ್ ಖಾನ್, ನಾನು ಸತ್ಯವನ್ನೇ ಮಾತನಾಡುತ್ತೇನೆ.. ದೊಡ್ಡ ದೊಡ್ಡ ಮಾತುಗಳನ್ನಾಡುವುದಿಲ್ಲ. ಈ ಗಾಳಿಗೆ ನಾನು ಅಲುಗಾಡಿವುದಿಲ್ಲ. ಗಾಳಿಯಿಂದ ಪೊದೆಗಳು ಅಲುಗಾಡುತ್ತವೆ ಎಂದು ಹೇಳಿದ್ದರು.
ಕೊನೆಗೆ ಶಾರುಖ್ ಖಾನ್, “ಈ ದೇಶದಲ್ಲಿ ನನಗೆ ಸಿಕ್ಕಿರುವ ಪ್ರೀತಿ ಎಷ್ಟಿದೆ ಅಂದರೆ ಬಹುಶಃ ಇಷ್ಟು ಪ್ರೀತಿಯನ್ನು ಜನ ಕೆಲವೇ ಕೆಲವು ನಟರಿಗೆ ನೀಡಿದ್ದಾರೆ. ಇದು (ಬಾಯ್‌ಕಾಟ್) ನನ್ನ ಮೇಲೆ ಅಥವಾ ನನ್ನ ಚಿತ್ರದ ಮೇಲೆ ಪರಿಣಾಮ ಬೀರಿದೆ ಅಥವಾ ನನ್ನ ಅಥವಾ ನನ್ನ ಚಿತ್ರದ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ನಾನು ಭಾವಿಸುವುದಿಲ್ಲ” ಎಂದು ಹೇಳಿದ್ದರು.
ಶಾರುಖ್ ಖಾನ್ ಅವರ ವರ್ಕ್ ಫ್ರಂಟ್ ಬಗ್ಗೆ ಮಾತನಾಡುವುದಾದರೆ, ಶಾರುಖ್ ಖಾನ್ ಅನೇಕ ದೊಡ್ಡ ಚಿತ್ರಗಳಲ್ಲಿ ಕಾಣಿಸಿಕೊಳಿದ್ದಾರೆ. ಅವರ ಬ್ಯಾಕ್ ಟು ಬ್ಯಾಕ್ ಚಿತ್ರಗಳು 2023ರಲ್ಲಿ ಬಿಡುಗಡೆಯಾಗಲಿವೆ. ಮುಂದಿನ ವರ್ಷ ಜನವರಿ 25 ರಂದು ಬಿಡುಗಡೆಯಾಗಲಿರುವ ‘ಪಠಾಣ್’ ಚಿತ್ರದಲ್ಲಿ ಅವರು ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಅವರೊಂದಿಗೆ ಕಾಣಿಸಿಕೊಳ್ಳಲಿದ್ದಾರೆ. ಅವರ ‘ಜವಾನ್’ ಚಿತ್ರ 2023 ರಲ್ಲಿ ಜೂನ್ 2 ರಂದು ಥಿಯೇಟರ್‌ಗಳಿಗೆ ಬರಲಿದೆ. ಇದಲ್ಲದೇ ರಾಜ್‌ಕುಮಾರ್ ಹಿರಾನಿ ನಿರ್ದೇಶನದ ‘ಡಂಕಿ’ ಚಿತ್ರದಲ್ಲೂ ಶಾರುಖ್ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರವೂ ಮುಂದಿನ ವರ್ಷ ಡಿಸೆಂಬರ್ 23 ರಂದು ಬಿಡುಗಡೆಯಾಗಲಿದೆ.
