ದುಃಖದಲ್ಲಿ ಅಳುತ್ತ ತನ್ನ ಮಗುವನ್ನ ತಂದು ‘ರಾಮಾಯಣ’ದ ‘ರಾಮ’ ಅರುಣ್ ಗೋವಿಲ್ ಪಾದದ ಬಳಿ ಹಾಕಿ “ಮಗುವಿನ ಜೀವ ನೀವೇ ಉಳಿಸಬೇಕು ರಾಮ” ಎಂದ ಮಹಿಳೆ: ಮುಂದೇನಾಯ್ತು ನೋಡಿ

‘ರಾಮಾಯಣ’ ಟಿವಿ ಧಾರಾವಾಹಿಯಲ್ಲಿ ಭಗವಾನ್ ‘ರಾಮ’ನ ಪಾತ್ರದಲ್ಲಿ ನಟಿಸಿ ಮನೆ ಮನೆಗೆ ಖ್ಯಾತಿ ಗಳಿಸಿದ್ದ ಅರುಣ್ ಗೋವಿಲ್ (Arun Govil) 64ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಹೌದು, ಅರುಣ್ ಗೋವಿಲ್ ಜನವರಿ 12, 1958 ರಂದು ಉತ್ತರ ಪ್ರದೇಶದ ಮೀರತ್‌ನಲ್ಲಿ ಜನಿಸಿದರು.

ನವದೆಹಲಿ: 1987 ರಿಂದ 1988 ರ ವರೆಗೆ ಪ್ರಸಾರವಾದ ಟಿವಿ ಸೀರೀಸ್ ‘ರಾಮಾಯಣ’ ಭಗವಾನ್ ರಾಮನ ಪಾತ್ರವನ್ನು ನಿರ್ವಹಿಸಿದ್ದ ಅರುಣ್ ಗೋವಿಲ್ ಅವರಿಗೆ ಜನರು ದೇವರ ಸ್ಥಾನಮಾನವನ್ನು ನೀಡಿದರು ಎಂದು ಅರುಣ್ ಅವರೇ ಹಲವು ಬಾರಿ ಹೇಳಿದ್ದಾರೆ. ವಾಸ್ತವವಾಗಿ, ಟಿವಿಯಲ್ಲಿ ಅವರ ಚಿತ್ರಣ ಎಷ್ಟರಮಟ್ಟಿಗೆ ಮಾರ್ಪಟ್ಟಿತ್ತು ಎಂದರೆ ಜನರು ಅವರನ್ನು ಎಲ್ಲಿ ನೋಡಿದರೂ, ಅವರು ಅವನ ಮೇಲಿನ ಭಕ್ತಿಯನ್ನು ತೋರಿಸುತ್ತಿದ್ದರು. ‘ರಾಮಾಯಣ’ ಟಿವಿ ಧಾರಾವಾಹಿಗೆ ಸಂಬಂಧಿಸಿದಂತೆ ಇಂತಹ ಹಲವು ಕಥೆಗಳು ನಿಧಾನವಾಗಿ ಮುನ್ನೆಲೆಗೆ ಬರುತ್ತಿವೆ.

ವಾಸ್ತವವಾಗಿ, ಕೋವಿಡ್ ಸಮಯದಲ್ಲಿ ಲಾಕ್‌ಡೌನ್ ಸಮಯದಲ್ಲಿ ದೂರದರ್ಶನದಲ್ಲಿ ‘ರಾಮಾಯಣ’ ಮತ್ತೆ ಪ್ರಸಾರವಾಗಿತ್ತು, ನಂತರ ಈ ಸೀರೀಸ್ ಗೆ ಸಂಬಂಧಿಸಿದ ಅನೇಕ ಕಥೆಗಳು ಮುಂಚೂಣಿಗೆ ಬರಲು ಪ್ರಾರಂಭಿಸಿದವು ಮತ್ತು ಈ ಪ್ರಕ್ರಿಯೆಯು ಇದುವರೆಗೂ ಮುಂದುವರಿಯುತ್ತಿದೆ.

ರಾಮಾಯಣ ಧಾರಾವಾಹಿಯ ಚಿತ್ರೀಕರಣದ ವೇಳೆ ನಡೆದ ಹಲವು ಕಥೆಗಳನ್ನ ಸ್ವತಃ ಅರುಣ್ ಗೋವಿಲ್ ಹಂಚಿಕೊಂಡಿದ್ದಾರೆ. ಸಂದರ್ಶನವೊಂದರಲ್ಲಿ ಅರುಣ್ ಅವರು ಎಂತಹ ಘಟನೆಯ ಬಗ್ಗೆ ಪ್ರಸ್ತಾಪಿಸಿದ್ದರೆಂದರೆ ಅದೇನು ಅಂತ ತಿಳಿದರೆ ನೀವು ಕೂಡ ಆಶ್ಚರ್ಯಪಡುತ್ತೀರಿ.

ಟಿವಿ ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ಅರುಣ್ ಗೋವಿಲ್, ಒಮ್ಮೆ ಮಹಿಳೆಯೊಬ್ಬರು ‘ರಾಮಾಯಣ’ ಸೆಟ್‌ಗೆ ತನ್ನ ಮಗುವನ್ನು ಕರೆತಂದರು ಮತ್ತು ಭಗವಾನ್ ರಾಮ ಎಲ್ಲಿದ್ದಾರೆ ಎಂದು ಕೇಳಲು ಪ್ರಾರಂಭಿಸಿದರು ಎಂದು ಹೇಳಿದ್ದರು.

ನಂತರ ಎಲ್ಲರೂ ಆ ಮಹಿಳೆಯನ್ನು ಅರುಣ್ ಗೋವಿಲ್ ಬಳಿ ಕಳುಹಿಸಿದರು. ಮಹಿಳೆಯು ಅರುಣ್‌ ಗೋವಿಲ್ ಹತ್ತಿರ ಬಂದ, ಆಕೆ ತನ್ನ ಮಗುವನ್ನು ಅರುಣ್ ಗೋವಿಲ್ ಪಾದದ ಬಳಿ ಹಾಕಿ, ತನ್ನ ಮಗನ ಸ್ಥಿತಿ ಗಂಭೀರವಾಗಿದೆ ಅದನ್ನು ಉಳಿಸಿ ಎಂದು ಬೇಡಿಕೊಂಡಳು.

ಇದನ್ನೆಲ್ಲಾ ನೋಡಿದ ಅರುಣ್ ತುಂಬಾ ಗಾಬರಿಗೊಂಡು ಆ ಅಸಹಾಯಕ ತಾಯಿಗೆ, “ನಾನು ಏನು ಮಾಡಲು ಸಾಧ್ಯವಿಲ್ಲ, ಮಗುವನ್ನ ವೈದ್ಯರ ಬಳಿಗೆ ಕರೆದುಕೊಂಡು ಹೋಗಿ” ಎಂದು ಹೇಳಿದರು. ಆಗ ಅರುಣ್ ಗೋವಿಲ್ ಆ ತಾಯಿಗೆ ಸ್ವಲ್ಪ ಹಣವನ್ನೂ ಕೊಟ್ಟರು. ಆ ದಿನ ಮಹಿಳೆ ಅಲ್ಲಿಂದ ಹೊರಟು ಹೋದಳು, ಆದರೆ 3 ದಿನಗಳ ನಂತರ ಆಕೆ ಮತ್ತೆ ಸೆಟ್ ಗೆ ಬಂದಳು.

ಈ ಬಾರಿ ಮತ್ತೆ ವಾಪಸ್ ಬಂದ ಮಹಿಳೆ ತನ್ನ ಮಗು ಸಂಪೂರ್ಣವಾಗಿ ಗುಣಮುಖವಾಗಿದೆ ಎಂದು ಅರುಣ್‌ಗೆ ತಿಳಿಸಿದರು. ಇದನ್ನು ಕೇಳಿದ ನಂತರ, ನೀವು ನಿಜವಾದ ಭಕ್ತಿಯಿಂದ, ಮನಸ್ಸಿನಿಂದ ಭಗವಂತನ ಹತ್ತಿರ ಕೇಳಿದರೆ, ಅದು ಖಂಡಿತವಾಗಿಯೂ ಅವನಿಗೆ ಸಿಗುತ್ತದೆ ಎಂದು ಅರುಣ್ ಅರ್ಥಮಾಡಿಕೊಂಡರು. ಮೊದಲು ಆ ಮಹಿಳೆ ಅರುಣ್ ಬಳಿ ಬಂದಾಗ, ಅರುಣ್ ಗೋವಿಲ್ ಮಗುವಿನ ಚಿಕಿತ್ಸೆಗೆ ದುಡ್ಡು ಕೊಟ್ಟಿದ್ದೂ ಅಲ್ಲದೆ ನಿಷ್ಕಲ್ಮಶ ಮನಸ್ಸಿನಿಂದ ಮಗುವಿನ ಚೇತರಿಕೆಗಾಗಿಯೂ ಪ್ರಾರ್ಥಿಸಿದ್ದರು.