ಅಮೇರಿಕಾದ ಅಂತರಿಕ್ಷ ಏಜೆನ್ಸಿ ನಾಸಾ ಆ್ಯಸ್ಟ್ರಾಯ್ಡ್ (astroid) ಒಂದನ್ನ ಶೋಧಿಸಿ ಹೊರತೆಗೆದಿದೆ. ಇದರಲ್ಲಿ ಅದೆಷ್ಟು ಲೋಹವಿದೆಯೆಂದರೆ ಅದನ್ನ ತಂದು ಭೂಮಿಯ ಮೇಲೆ ಮಾರಾಟ ಮಾಡಿದರೆ ಭೂಮಿಯ ಮೇಲೆ ವಾಸಿಸುತ್ತಿರುವ ಪ್ರತಿಯೊಬ್ಬರಿಗೂ 1 ಬಿಲಿಯನ್ ಪೌಂಡ್ ಅಂದರೆ 9,621 ಕೋಟಿಯಷ್ಟು ಹಣ ಸಿಗುತ್ತದೆ.
ನಾಸಾ ಈ ಆ್ಯಸ್ಟ್ರಾಯ್ಡ್‌ಗೆ 16 ಸೈಕಿ (16 Psyche) ಎಂದು ಹೆಸರಿಸಿದ್ದಾರೆ. ಈ ಇಡೀ ಆ್ಯಸ್ಟ್ರಾಯ್ಡ್ ಮೇಲಿರುವ ಲೋಹದ ಒಟ್ಟು ಬೆಲೆ ಅಂದಾಜು 8000 ಕ್ವಾಡ್ರಲಿಯನ್ ಪೌಂಡ್ ನಷ್ಟಿದೆಯಂತೆ. ಅಂದರೆ 8000 ದ ಮುಂದೆ 15 ಸೊನ್ನೆಗಳು… ಲೆಕ್ಕ ಹಾಕೋಕೂ ಕಷ್ಟ ಅಲ್ವಾ
ಬ್ರಿಟಿಷ್ ಮ್ಯಾಗಜೀನ್ ದಿ ಟೈಮ್ಸ್ ನ ವರದಿಯ ಪ್ರಕಾರ 8000 ಕ್ವಾಡ್ರಿಲಿಯನ್ ಪೌಂಡ್ (8,000,000,000,000,000,000 ಪೌಂಡ್) ಅಂದರೆ ಭೂಮಿಯ ಮೇಲಿರುವ ಪ್ರತಿಯೊಬ್ಬ ವ್ಯಕ್ತಿಗೆ ಹಂಚಿದರೆ ಒಬ್ಬ ವ್ಯಕ್ತಿಗೆ 1 ಬಿಲಿಯನ್ ಪೌಂಡ್ (9621 ಕೋಟಿ) ಗಳಷ್ಟು ನೀಡಬಹುದಾಗಿದೆ.
We're #Psyched to partner with @SpaceX on our journey to a metal world! 🚀 https://t.co/thVdmwQl9W
— Mission To Psyche (@MissionToPsyche) February 28, 2020
ನಾಸಾ ಸಂಸ್ಥೆ ಸ್ಪೇಸ್ ಎಕ್ಸ್ ಮಾಲೀಕನಾದ ಎಲನ್ ಮಸ್ಕ್ ರವರಿಗೆ ಸಹಾಯ ಕೇಳುತ್ತ ಈ ಆ್ಯಸ್ಟ್ರಾಯ್ಡ್ ನ ಮೇಲಿರುವ ಲೋಹದ ಬಗ್ಗೆ ವಿಸ್ತೃತವಾದ ಅಧ್ಯಯನ ನಡೆಸಲು ತಮ್ಮ ಅಂತರಿಕ್ಷಯಾನದ ಮಿಷನ್ ಶುರುಮಾಡುವಂತೆ ಕೇಳಿದೆ.
ಈ ಆ್ಯಸ್ಟ್ರಾಯ್ಡ್ ನ ವ್ಯಾಸ 226 ಕಿಲೋಮೀಟರ್ ನಷ್ಟಿದೆ. ಇದು ಸೂರ್ಯನನ್ನ 5 ವರ್ಷಗಳಲ್ಲಿ ನಾಲ್ಕೂ ಕಡೆಯಿಂದ ಒಂದು ಸುತ್ತು ಹಾಕುತ್ತದೆ. ಈ ಆ್ಯಸ್ಟ್ರಾಯ್ಡ್‌ನ ಒಂದು ದಿನದಲ್ಲಿ ಕೇವಲ 4.196 ಗಂಟೆಗಳಷ್ಟೇ ಇರುತ್ತವೆ.
ಈ ಆ್ಯಸ್ಟ್ರಾಯ್ಡ್‌ನ ತೂಕ ಚಂದ್ರನ ತೂಕಕ್ಕೆ ಹೋಲಿಕೆ ಮಾಡಿದರೆ ಚಂದ್ರನ ಕೇವಲ 1% ತೂಕವಿದೆ. ಆದರೆ ಈ ಇಡೀ ಆ್ಯಸ್ಟ್ರಾಯ್ಡ್ ಲೋಹದಿಂದ ಕೂಡಿದೆ. ಇದು ಮಂಗಳ ಮತ್ತು ಬೃಹಸ್ಪತಿ ಗ್ರಹಗಳ ಮಧ್ಯೆಯಿದೆ.
ಈ ಆ್ಯಸ್ಟ್ರಾಯ್ಡ್ ನ್ನ ಭೂಮಿಯ ಸಮೀಪ ತರುವಂತಹ ಯಾವ ಯೋಜನೆಗಳು ಇಲ್ಲ ಆದರೆ ಈ ಆ್ಯಸ್ಟ್ರಾಯ್ಡ್‌ನಲ್ಲಿ ಹೋಗಿ ಅಲ್ಲಿರುವ ಲೋಹದ ಬಗ್ಗೆ ತನಿಖೆ/ರಿಸರ್ಚ್ ನಡೆಸುವ ಯೋಜನೆ ಮಾಡಲಾಗಿದೆ ಎಂದು ನಾಸಾ ತಿಳಿಸಿದೆ.
ಒಂದು ವೇಳೆ ಸ್ಪೇಸ್ ಎಕ್ಸ್ ತನ್ನ ಅಂತರಿಕ್ಷಯಾನದಲ್ಲಿ ರೋಬೋಟ್ ಒಂದನ್ನ ಈ ಮಿಷನ್ ಗಾಗಿ ಈ ಆ್ಯಸ್ಟ್ರಾಯ್ಡ್‌ಗೆ ಕಳಿಸಿದ್ದೇ ಆದಲ್ಲಿ ಅದು ಆ್ಯಸ್ಟ್ರಾಯ್ಡ್‌ನ ಅಧ್ಯಯನ ಮಾಡಿ ವಾಪಸ್ ಬರೋಕೆ 7 ವರ್ಷಗಳೇ ಬೇಕಾಗುತ್ತದೆಯಂತೆ.
ಇದನ್ನೂ ಓದಿ:
24 ಧರ್ಮಶಾಸ್ತ್ರಿಗಳ ಟೀಂ, ಸೃಷ್ಟಿಯ ನಿಗೂಢತೆಯ ಪತ್ತೆಗಾಗಿ ಹಿಂದೂ ಧರ್ಮದ ಮೊರೆ ಹೋದ NASA: ಶಿವ, ಏಲಿಯನ್ ಗಳ ಬಗ್ಗೆಯೂ ಶೋಧ
ಬ್ರಹ್ಮಾಂಡದ ರಹಸ್ಯಗಳ ಆವಿಷ್ಕಾರದಲ್ಲಿ ತೊಡಗಿರುವ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ, ಇತರ ಗ್ರಹಗಳ ಜೀವಿಗಳ ಅಸ್ತಿತ್ವದ ಬಗ್ಗೆ ತನ್ನ ಅಭಿಯಾನದಲ್ಲಿ 24 ದೇವತಾಶಾಸ್ತ್ರಜ್ಞರನ್ನು ಸೇರಿಸಲು ನಿರ್ಧರಿಸಿದೆ. ಆದರೆ, ಈ ಧರ್ಮಶಾಸ್ತ್ರಜ್ಞರನ್ನು ಬಾಹ್ಯಾಕಾಶಕ್ಕೆ ಕಳುಹಿಸುವುದಿಲ್ಲ, ಆದರೆ ಅನ್ಯಗ್ರಹ ಜೀವಿಗಳ (ಏಲಿಯನ್ ಗಳ) ಅಸ್ತಿತ್ವದ ಪುರಾವೆ ಕಂಡುಬಂದರೆ, ಭೂಮಿಯ ಜನರ ಮೇಲೆ ಏನು ಪರಿಣಾಮ ಬೀರುತ್ತದೆ ಮತ್ತು ಅವರು ಈ ಬಗ್ಗೆ ಏನು ಹೇಳುತ್ತಾರೆ ಎಂಬ ವಿಷಯದಲ್ಲಿ ಅವರ ಸಹಕಾರವನ್ನು ತೆಗೆದುಕೊಳ್ಳಲಾಗುವುದು. ದೇವರು ಮತ್ತು ಪ್ರಪಂಚದ ರಚನೆ, ಅವರ ವಿಧಾನವು ಹೇಗೆ ಪರಿಣಾಮ ಬೀರುತ್ತದೆ? ಎಂಬುದನ್ನ ಇವರಿಂದ ತಿಳಿದುಕೊಳ್ಳಲಾಗುವುದು.
ಅಮೇರಿಕಾದ ನ್ಯೂಜೆರ್ಸಿಯಲ್ಲಿರುವ ಪ್ರಿನ್ಸ್‌ಟನ್ ವಿಶ್ವವಿದ್ಯಾನಿಲಯದಲ್ಲಿನ ಸೆಂಟರ್ ಫಾರ್ ಥಿಯಾಲಾಜಿಕಲ್ ಇನಕ್ವೈರಿ ಸೆಂಟರ್ (CTI) ನಲ್ಲಿ ತನ್ನ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಸಂಸ್ಥೆಯು 24 ದೇವತಾಶಾಸ್ತ್ರಜ್ಞರನ್ನು ನೇಮಿಸಿದೆ. ಈ ಕೇಂದ್ರಕ್ಕೆ 2014 ರಲ್ಲಿ ನಾಸಾ US $1.1 ಮಿಲಿಯನ್ ಅನುದಾನವನ್ನು ನೀಡಿತ್ತು. CTI ಯ ಮುಖ್ಯ ಕಾರ್ಯವೆಂದರೆ ದೇವತಾಶಾಸ್ತ್ರಜ್ಞರು, ವಿಜ್ಞಾನಿಗಳು, ವಿದ್ವಾಂಸರು ಮತ್ತು ನೀತಿ ನಿರೂಪಕರು ಒಟ್ಟಾಗಿ ‘ಜಾಗತಿಕ ಕಾಳಜಿ’ ಕುರಿತು ಯೋಚಿಸಲು ಮತ್ತು ಆ ಚಿಂತನೆಯನ್ನು ಜನರಿಗೆ ತಿಳಿಸಲು ಮಾಧ್ಯಮವಾಗಿ ಕಾರ್ಯನಿರ್ವಹಿಸುವುದಾಗಿದೆ.
2016 ರಲ್ಲಿ ಪ್ರಾರಂಭವಾದ ಈ ಪ್ರೋಗ್ರಾಂನ ಪ್ರಾರಂಭದಿಂದಲೂ ಮನುಕುಲವನ್ನು ನಿಗೂಢತೆಯ ದಟ್ಟವಾದ ಮಂಜಿನಲ್ಲಿ ಮರೆಮಾಡಿರುವ ಪ್ರಶ್ನೆಗಳಿಗೆ ಉತ್ತರಿಸುವ ಗುರಿಯನ್ನು ಹೊಂದಿದೆ. ಜೀವನ ಎಂದರೇನು? ಜೀವಂತವಾಗಿರುವುದರ ಅರ್ಥವೇನು? ಮಾನವರು ಮತ್ತು ಅನ್ಯಗ್ರಹ ಜೀವಿಗಳ ನಡುವಿನ ರೇಖೆಯನ್ನು ಯಾವ ಆಧಾರದ ಮೇಲೆ ನಿರ್ಧರಿಸಬೇಕು? ವಿಶ್ವದಲ್ಲಿ ಬೇರೆಡೆ ಇರುವ ಜೀವನದ ಸಾಧ್ಯತೆಗಳು ಯಾವುವು? ಇತ್ಯಾದಿ ಇತ್ಯಾದಿ.
ಬ್ರಹ್ಮಾಂಡದಲ್ಲಿನ ಜೀವನದ ಸಾಧ್ಯತೆಗಳ ಕುರಿತು ವಿವರವಾದ ಸಂಶೋಧನೆಗಾಗಿ ಎರಡು ನಾಸಾ ರೋವರ್‌ಗಳು ಮಂಗಳ ಗ್ರಹದಲ್ಲಿವೆ. ಗುರು ಮತ್ತು ಶನಿಗ್ರಹದ ಬಗ್ಗೆ ಮಾಹಿತಿ ಸಂಗ್ರಹಿಸಲಾಗುತ್ತಿದೆ. ಜೇಮ್ಸ್ ವೆಬ್ ಟೆಲಿಸ್ಕೋಪ್ ಅನ್ನು ಕ್ರಿಸ್ಮಸ್ ದಿನದಂದು (ಡಿಸೆಂಬರ್ 25) ಪ್ರಾರಂಭಿಸಲಾಗಿದೆ, ಇದು ವಿಶ್ವದಲ್ಲಿ ಗೆಲಕ್ಸಿಗಳು, ನಕ್ಷತ್ರಗಳು ಮತ್ತು ಗ್ರಹಗಳ ರಚನೆಯ ಪ್ರಕ್ರಿಯೆಯನ್ನು ಅಧ್ಯಯನ ಮಾಡಲು ಬಹಳ ಸಹಾಯಕವಾಗಿದೆ. ಇದುವರೆಗೆ ಅಸಾಧ್ಯವಾಗಿದ್ದ ಬ್ರಹ್ಮಾಂಡದ ಮೂಲೆ ಮೂಲೆಗಳನ್ನು ಸಹ ನೋಡಲು ಸಾಧ್ಯವಾಗುತ್ತದೆ. ಆದ್ದರಿಂದ ಏಜೆನ್ಸಿಯ ಮೂಲಕ ದೇವತಾಶಾಸ್ತ್ರಜ್ಞರ ನೇಮಕಾತಿ ಎಂದರೆ ಬ್ರಹ್ಮಾಂಡದಲ್ಲಿ ಅನ್ಯಗ್ರಹ ಅಸ್ತಿತ್ವವನ್ನು ಒಪ್ಪಿಕೊಳ್ಳುವುದು ಅಗತ್ಯವಾಗಿದೆ.
Here it is: humanity’s final look at @NASAWebb as it heads into deep space to answer our biggest questions. Alone in the vastness of space, Webb will soon begin an approximately two-week process to deploy its antennas, mirrors, and sunshield. #UnfoldTheUniverse pic.twitter.com/DErMXJhNQd
— NASA (@NASA) December 25, 2021
ಆಕ್ಸ್‌ಫರ್ಡ್‌ನಿಂದ ಬಯೋಕೆಮಿಸ್ಟ್ರಿಯಲ್ಲಿ ಡಾಕ್ಟರೇಟ್ ಮತ್ತು ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದಲ್ಲಿ ದೇವತಾಶಾಸ್ತ್ರಜ್ಞ ಮತ್ತು ಪಾದ್ರಿ ಡಾ ಆಂಡ್ರ್ಯೂ ಡೇವಿಸನ್ ಈ 24 ದೇವತಾಶಾಸ್ತ್ರಜ್ಞದ ತಂಡದಲ್ಲಿದ್ದಾರೆ. ನಾಸಾ 2015 ರಿಂದ 2018 ರವರೆಗೆ ‘ಆಸ್ಟ್ರೋಬಯಾಲಜಿಯ ಸಾಮಾಜಿಕ ಪರಿಣಾಮಗಳು’ ಎಂಬ ಕಾರ್ಯಕ್ರಮವನ್ನು ಆಯೋಜಿಸಿತ್ತು. ಡೇವಿಸನ್ 2016 ರಿಂದ 2017 ರವರೆಗೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಅವರು ಈ ವಿಷಯದ ಬಗ್ಗೆ ಅನೇಕ ಸಂಶೋಧನೆಗಳನ್ನು ಮಾಡಿದ್ದಾರೆ.
ಈ ಭೂಮಿಯ ಹೊರಗೆ ಜೀವಿಗಳಿರುವ ಸಾಧ್ಯತೆ ಹೆಚ್ಚುತ್ತಿದೆ ಎಂದು ಡೇವಿಸನ್ ನಂಬಿದ್ದಾರೆ. ಅವರು ತಮ್ಮ ಪುಸ್ತಕ ‘ಆಸ್ಟ್ರೋಬಯಾಲಜಿ & ಕ್ರಿಶ್ಚಿಯನ್ ಡಾಕ್ಟ್ರಿನ್’ ನಲ್ಲಿ ದೇವರು ಬ್ರಹ್ಮಾಂಡದಲ್ಲಿ ಬೇರೆಡೆ ಜೀವವನ್ನು ಸೃಷ್ಟಿಸಬಹುದೇ? ಈ ನಕ್ಷತ್ರಪುಂಜದಲ್ಲಿ 100 ಶತಕೋಟಿಗೂ ಹೆಚ್ಚು ನಕ್ಷತ್ರಗಳಿವೆ ಮತ್ತು ವಿಶ್ವದಲ್ಲಿ 100 ಶತಕೋಟಿಗೂ ಹೆಚ್ಚು ನಕ್ಷತ್ರಪುಂಜಗಳಿವೆ. ಆದ್ದರಿಂದ, ಭೂಮಿಯ ಹೊರತಾಗಿ, ಬ್ರಹ್ಮಾಂಡದ ಇತರ ಜಾಗಗಳಲ್ಲೂ ಜೀವ ಇರಬಹುದು ಎಂದು ಅವರು ಹೇಳಿದ್ದಾರೆ.
“ನನ್ನ ಅಭಿಪ್ರಾಯದಲ್ಲಿ ಈ ಸಾಧ್ಯತೆ (ಇತರ ಗ್ರಹಗಳ ಮೇಲೆ) ಅಸ್ತಿತ್ವದಲ್ಲಿದೆ” ಎಂದು ವ್ಯಾಟಿಕನ್ ವೀಕ್ಷಣಾಲಯದ ಮುಖ್ಯಸ್ಥ ಮತ್ತು ಪೋಪ್ ಬೆನೆಡಿಕ್ಟ್ ಅವರ ವೈಜ್ಞಾನಿಕ ಸಲಹೆಗಾರ 45 ವರ್ಷದ ಜೆಸ್ಯೂಟ್ ಪಾದ್ರಿ ಜೋಸ್ ಗೇಬ್ರಿಯಲ್ ಫ್ಯೂಸ್ ಹೇಳಿದರು. ಅದೇ ಸಮಯದಲ್ಲಿ, 2008 ರಲ್ಲಿ, ವ್ಯಾಟಿಕನ್ ಮುಖ್ಯ ಖಗೋಳಶಾಸ್ತ್ರಜ್ಞರು ದೇವರಲ್ಲಿ ನಂಬಿಕೆ ಮತ್ತು ಜನರು ‘ಇತರ ಗ್ರಹಗಳಲ್ಲಿ ವಾಸಿಸುವ’ ಅಸ್ತಿತ್ವದ ಸಾಧ್ಯತೆಯ ನಡುವೆ ಯಾವುದೇ ವಿರೋಧಾಭಾಸವಿಲ್ಲ ಎಂದು ಹೇಳಿದ್ದರು. ಅವರು ಬಹುಶಃ ಮನುಷ್ಯರಿಗಿಂತ ಹೆಚ್ಚು ವಿಕಸನಗೊಂಡಿದ್ದಾರೆ ಎಂದು ಅವರು ಹೇಳಿದ್ದರು.
ವಿಜ್ಞಾನಿಗಳು ಗುರುಗ್ರಹದ ಹಿಮಾವೃತ ಚಂದ್ರ ಯುರೋಪಾ ಮೇಲ್ಮೈ ಕೆಳಗೆ ಸಾಗರಗಳಿವೆ ಎಂದು ನಂಬುತ್ತಾರೆ, ಇದು ಜೀವನವನ್ನು ಸೂಚಿಸುತ್ತದೆ. ಶುಕ್ರನ ಮೋಡಗಳಲ್ಲಿ ಸೂಕ್ಷ್ಮಜೀವಿಗಳಿವೆ ಎಂದು ವಿಜ್ಞಾನಿಗಳು ನಂಬುತ್ತಾರೆ. ಅದೇ ಸಮಯದಲ್ಲಿ, ಈ ವರ್ಷದ ಡಿಸೆಂಬರ್‌ನಲ್ಲಿ ಮಂಗಳ ಗ್ರಹವನ್ನು ಸುತ್ತುತ್ತಿದ್ದ ಟ್ರೇಸ್ ಗ್ಯಾಸ್ ಆರ್ಬಿಟರ್ (ಟಿಜಿಒ) ಮಂಗಳ ಗ್ರಹದಲ್ಲಿ ಹೆಚ್ಚಿನ ಪ್ರಮಾಣದ ನೀರನ್ನು ಪತ್ತೆ ಮಾಡಿದೆ. ಈ ನೀರು ಮಂಗಳನ ಕಣಿವೆಯಲ್ಲಿದೆ ಮತ್ತು ಮೇಲ್ಮೈ ಕೆಳಗೆ ಇದೆ. ಮಂಗಳನ ಈ ನೀರಿನ ಮೂಲವು ಸುಮಾರು 45 ಸಾವಿರ ಚದರ ಕಿಲೋಮೀಟರ್‌ಗಳಷ್ಟು ಹರಡಿದೆ.
