ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಹಾಗು ಭಾರತದ ವಿರುದ್ಧ ಸದಾ ವಿಷ ಕಕ್ಕುವ ಶಾಹಿದ್ ಅಫ್ರಿದಿ ಕಳೆದ ವಾರ ಅಂದರೆ ಫೆಬ್ರವರಿ 10, 2023 ರಂದು (ಶುಕ್ರವಾರ) ಕರಾಚಿಯಲ್ಲಿ ಇಜ್ತೆಮಾ ಎಂಬ ತಬ್ಲಿಘಿ ಜಮಾತ್‌ನ ಬೃಹತ್ ಸಮಾವೇಶದಲ್ಲಿ ಭಾಗವಹಿಸಿದ್ದರು. ಈ ವಾರ್ಷಿಕ ಇಜ್ತೆಮಾದಲ್ಲಿ, ಪಾಕಿಸ್ತಾನ ಕ್ರಿಕೆಟ್ ತಂಡದ ಹಂಗಾಮಿ ಮುಖ್ಯ ಆಯ್ಕೆದಾರ ಚಹಾವನ್ನು ಆನಂದಿಸುತ್ತಿರುವುದನ್ನ ಮತ್ತು ನಂತರ ನಿದ್ರಿಸುತ್ತಿರುವುದನ್ನ ಕಾಣಬಹುದು.
ನಿಮ್ಮ ಮಾಹಿತಿಗಾಗಿ ತಿಳಿಸಬಯಸುವ ವಿಷಯವೇನೆಂದರೆ 2021 ರಲ್ಲಿ, ತಬ್ಲಿಘಿ ಜಮಾತ್ ಅನ್ನು ಇಸ್ಲಾಮಿಕ್ ದೇಶ ಸೌದಿ ಅರೇಬಿಯಾ ನಿಷೇಧಿಸಿತ್ತು. ಸೌದಿ ಅರೇಬಿಯಾ ಈ ಇಸ್ಲಾಮಿಕ್ ಸಂಘಟನೆಯನ್ನು ‘ಭಯೋತ್ಪಾದನೆಯ ಹೆಬ್ಬಾಗಿಲು’ ಎಂದು ಕರೆದಿತ್ತು. ಭಾರತ ಸೇರಿದಂತೆ ಇತರ ದೇಶಗಳಲ್ಲಿ, ಅದರ ಕಾರ್ಯನಿರ್ವಹಣೆಯ ಬಗ್ಗೆ ಪ್ರಶ್ನೆಗಳು ಉದ್ಭವಿಸುತ್ತಲೇ ಇವೆ.
ಸ್ಥಳೀಯ ವರದಿಗಳ ಪ್ರಕಾರ, ತಬ್ಲಿಘಿ ಜಮಾತ್‌ನ ವಾರ್ಷಿಕ ಇಜ್ತೆಮಾ ಶುಕ್ರವಾರ ಕರಾಚಿಯಲ್ಲಿ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಸಾವಿರಾರು ಮುಸ್ಲಿಮರು ಪಾಲ್ಗೊಂಡಿದ್ದರು. ವರದಿಯ ಪ್ರಕಾರ, ಅಫ್ರಿದಿ ಇಜ್ತೆಮಾಗೆ ಹಾಜರಾಗಿರುವ ಚಿತ್ರಗಳು ಮತ್ತು ವೀಡಿಯೊಗಳು ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿವೆ.
Beshak kamyabi Allah ki raah me hy , Shahid afridi at karachi ijtema pic.twitter.com/LgUHyPunTJ
— Huzaifa khan (@HuzaifaKhan021) February 12, 2023
ಈ ಧಾರ್ಮಿಕ ಇಜ್ತೆಮಾದಲ್ಲಿ ಅಫ್ರಿದಿ ಮಾತ್ರವಲ್ಲ, ಸಿಂಧ್ ಗವರ್ನರ್ ಕಮ್ರಾನ್ ಟೆಸ್ರಿ ಮತ್ತು MQM ನಾಯಕ ಖಾಲಿದ್ ಮಕ್ಬೂಲ್ ಸಿದ್ದಿಕಿ ಕೂಡ ಉಪಸ್ಥಿತರಿದ್ದರು. ತಬ್ಲೀಘಿ ಜಮಾತ್‌ನ ಈ ಸಭೆಯಲ್ಲಿ ಜನರು ವಿಶೇಷ ಪ್ರಾರ್ಥನೆ ಸಲ್ಲಿಸಿ ಇಸ್ಲಾಮಿನ ಸಂದೇಶ ನೀಡಿದರು.
ಇಜ್ತೆಮಾ ಎಂಬುದು ಮುಸ್ಲಿಮರ ಶಕ್ತಿ ಪ್ರದರ್ಶನವಾಗಿದೆ, ಇದು ಇಸ್ಲಾಂ ಅನುಯಾಯಿಗಳ ‘ನೈತಿಕ’ ಸುಧಾರಣೆಯ ಬಗೆಗೆ ಸಂಬಂಧಸಿದ್ದಾಗಿದೆ. ಇದನ್ನು ಸಾಮಾನ್ಯವಾಗಿ ‘ಮುಸ್ಲಿಮರನ್ನು ನಿಜವಾದ ಮುಸ್ಲಿಮರನ್ನಾಗಿ ಮಾಡುವುದು’ ಎಂದು ವಿವರಿಸಲಾಗುತ್ತದೆ. ಇದು ಧಾರ್ಮಿಕ ಘಟನೆ ಎಂದು ಹೇಳಲಾಗುತ್ತದೆ, ಇದರಲ್ಲಿ ಅನೇಕ ಇಸ್ಲಾಮಿಕ್ ವಿದ್ವಾಂಸರು ಮುಸ್ಲಿಮರಿಗೆ ಮಾರ್ಗದರ್ಶನ ನೀಡುತ್ತಾರೆ. ಇದು ಇಸ್ಲಾಮಿಕ್ ಸಂಘಟನೆಗಳು ಮುಸ್ಲಿಮರಿಗಾಗಿ ಆಯೋಜಿಸಿರುವ ಇಸ್ಲಾಮಿಕ್ ಕೂಟವಾಗಿದೆ. ಇದು ಪ್ರಪಂಚದಾದ್ಯಂತ ತಬ್ಲೀಘಿ ಜಮಾತ್‌ನ ಪ್ರಮುಖ ಕಾರ್ಯಕ್ರಮ ಎಂದು ಪರಿಗಣಿಸಲ್ಪಟ್ಟಿದೆ, ಏಕೆಂದರೆ ಇದು ಮುಸ್ಲಿಮರ ಜೀವನದ ಮೇಲೆ ದೊಡ್ಡ ಪರಿಣಾಮವನ್ನು ಬೀರುತ್ತದೆ ಎಂದು ತಬ್ಲಿಗಿ ಜಮಾತ್ ಹೇಳುತ್ತದೆ.
ತಬ್ಲಿಘಿ ಜಮಾತ್ ಜಾಗತಿಕ ಇಸ್ಲಾಮಿಕ್ ಮೂವ್ಮೆಂಟ್ ಆಗಿದ್ದು, ಪ್ರವಾದಿ ಮುಹಮ್ಮದ್ ಅವರ ಕಾಲದಲ್ಲಿ ಮುಸ್ಲಿಮರು ಇಸ್ಲಾಮಿನ ಮಾರ್ಗಗಳಿಗೆ ಮರಳಲು ಒತ್ತಾಯಿಸುತ್ತದೆ. ಈ ಸಂಸ್ಥೆಯು ಉಡುಗೆ ಮತ್ತು ವೈಯಕ್ತಿಕ ನಡವಳಿಕೆಯ ಮೇಲೆ ಕೇಂದ್ರೀಕರಿಸುತ್ತದೆ. ಇದು 20 ನೇ ಶತಮಾನದ ಅತ್ಯಂತ ಪ್ರಭಾವಶಾಲಿ ಇಸ್ಲಾಮಿಕ್ ಚಳುವಳಿಗಳಲ್ಲಿ ಒಂದಾಗಿದೆ.
ಇಸ್ಲಾಮಿಕ್ ಹಜ್ ಯಾತ್ರೆಯ ನಂತರ ಇದು ವಿಶ್ವದ ಎರಡನೇ ಅತಿದೊಡ್ಡ ಮುಸ್ಲಿಂ ಸಭೆಯಾಗಿದೆ. ಯುರೋಪಿಯನ್ ಜರ್ನಲ್ ಪ್ರಕಾರ, ಇಜ್ತೆಮಾದಲ್ಲಿ ಭಾಗವಹಿಸುವಿಕೆಯು ಧಾರ್ಮಿಕ ಅಧಿಕಾರ, ಪ್ರತಿಷ್ಠೆ ಮತ್ತು ಸಬಲೀಕರಣವನ್ನು ಉತ್ತೇಜಿಸುತ್ತದೆ ಮತ್ತು ಉಮ್ಮಾ ಪರಿಕಲ್ಪನೆಯ ಮೂಲಕ ಮುಸ್ಲಿಂ ಗುರುತನ್ನು ಸೇರಿಸುತ್ತದೆ.
ಅಂತಹ ಒಂದು ಸಭೆಯನ್ನು 2020 ರಲ್ಲಿ ದೆಹಲಿಯಲ್ಲಿ ಆಯೋಜಿಸಲಾಗಿತ್ತು. ಆಗ ಅದು ಕೊರೊನಾ ಮಹಾಮಾರಿಯ ಯುಗ. ಇದರ ನಂತರ, ಇಜ್ತೆಮಾದಲ್ಲಿ ಜನಸಂದಣಿಯನ್ನು ನೋಡಿ, ಅದು ಕರೋನಾವನ್ನು ಹರಡಿತು ಎಂದು ಹೇಳಲಾಗಿತ್ತು. ಈ ಘಟನೆಯು ಮಾರ್ಚ್ 2020 ರ ಮೊದಲಾರ್ಧದಲ್ಲಿ ನಿಜಾಮುದ್ದೀನ್ ಮರ್ಕಜ್‌ನಲ್ಲಿ ನಡೆದಿತ್ತು. ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಮುಸ್ಲಿಮರು, ಅವರ ಕುಟುಂಬ ಸದಸ್ಯರು ಮತ್ತು ಅವರ ಸಂಪರ್ಕಕ್ಕೆ ಬಂದ ಇತರ ಜನರಲ್ಲಿ ಕೊರೊನಾ ಪಾಸಿಟಿವ್ ಇರುವುದು ಕಂಡುಬಂದಿತ್ತು. ಇದರಿಂದಾಗಿ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆಯಲ್ಲಿ ಭಾರೀ ಏರಿಕೆಯಾಗಿತ್ತು.
ದೇಶದ ಆರೋಗ್ಯ ಸಚಿವಾಲಯದ ಪ್ರಕಾರ, ಒಟ್ಟು 14,378 ಕರೋನವೈರಸ್ ಪ್ರಕರಣಗಳಲ್ಲಿ (ಏಪ್ರಿಲ್ 2020 ರಂತೆ), ಸುಮಾರು 30% ಅಂದರೆ 4291 ಪ್ರಕರಣಗಳು ದೆಹಲಿಯ ನಿಜಾಮುದ್ದೀನ್ ಮರ್ಕಜ್‌ನಲ್ಲಿ ತಬ್ಲಿಘಿ ಜಮಾತ್ ಆಯೋಜಿಸಿದ್ದ ಕಾರ್ಯಕ್ರಮದಿಂದಲೇ ದೇಶಾದ್ಯಂತ ಹಬ್ಬಿದ್ದವು.
