ಪ್ರಪಂಚದ ಭವಿಷ್ಯ ನುಡಿದವರಲ್ಲಿ ಒಬ್ಬರಾದ ಬಾಬಾ ವಂಗಾ ಅವರ ಭವಿಷ್ಯವಾಣಿಯನ್ನು ಸದ್ಯ ಜಗತ್ತು ನಂಬುತ್ತದೆ. ಬಾಬಾ ವಂಗಾ ಅವರ ಭವಿಷ್ಯವಾಣಿಗಳಲ್ಲಿ ಶೇ 85ರಷ್ಟು ನಿಜವಾಗಿದೆ ಎನ್ನಲಾಗುತ್ತದೆ. ಆದ್ದರಿಂದ, ಪ್ರತಿ ವರ್ಷದ ಕೊನೆಯಲ್ಲಿ, ಮುಂಬರುವ ವರ್ಷದ ಬಗ್ಗೆ ತಿಳಿಯಲು ಜನರು ಬಹಳಷ್ಟು ಕುತೂಹಲದಿಂದ ಕಾಯುತ್ತಾರೆ. 2024ಕ್ಕೆ ಇನ್ನು ಕೆಲವೇ ದಿನಗಳು ಬಾಕಿ ಇದೆ ಹೀಗಿರುವಾಗ ಬರಲಿರುವ ಹೊಸ ವರ್ಷ ಹೇಗಿರಲಿದೆ ಎಂಬ ಪ್ರಶ್ನೆ ಎಲ್ಲರ ಮನದಲ್ಲಿ ಮೂಡುತ್ತದೆ. ಹಾಗಾದ್ರೆ ಮುಂದಿನ ವರ್ಷಕ್ಕೆ ಬಾಬಾ ವಂಗಾ ನುಡಿದ ಭವಿಷ್ಯವಾಣಿ ಏನು? ಯಾವೆಲ್ಲಾ ಬಗೆಯ ಸಂದರ್ಭ ಎದುರಾಗಬಹುದು? ಇಲ್ಲಿದೆ ವಿವರ.
ವಾಸ್ತವವಾಗಿ, ಬಾಬಾ ವಂಗಾ ಅವರ ನಿಜವಾದ ಹೆಸರು ವಾಂಜೆಲಿಯಾ ಪಾಂಡೆವಾ ಗುಷ್ಟರೋವಾ. ಬಲ್ಗೇರಿಯಾದ ಈ ಅಂಧ ಮಹಿಳೆ 1911 ರಲ್ಲಿ ಜನಿಸಿದರು. ಅವರು 12 ನೇ ವಯಸ್ಸಿನಲ್ಲಿ ದೃಷ್ಟಿ ಕಳೆದುಕೊಂಡರು ಹಾಗೂ 11 ಆಗಸ್ಟ್ 1996 ರಂದು ನಿಧನರಾದರು. ಬಾಬಾ ವಂಗಾ ತಮ್ಮ ಜೀವಿತಾವಧಿಯಲ್ಲಿ ಅವರು 5079 ರವರೆಗಿನ ಭವಿಷ್ಯ ನುಡಿದಿದ್ದರು, ಅವುಗಳಲ್ಲಿ ಹಲವು ನಿಜವೆಂದು ಸಾಬೀತಾಗಿದೆ. ಹೀಗಿರುವಾಗ 2024ನೇ ಇಸವಿಯ ಅವರು ಹೇಳಿದ ಭವಿಷ್ಯ ಇಲ್ಲಿದೆ ನೋಡಿ.
ರಷ್ಯಾ ಅಧ್ಯಕ್ಷನ ಹತ್ಯೆ: ‘ನ್ಯೂಯಾರ್ಕ್ ಪೋಸ್ಟ್’ ಪ್ರಕಾರ, ಬಾಬಾ ವೆಂಗಾ ಅವರ ಭವಿಷ್ಯವಾಣಿಯಲ್ಲಿ 2024 ರಲ್ಲಿ, ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರನ್ನು ಅವರ ಸ್ವಂತ ದೇಶದವರೇ ಹತ್ಯೆ ಮಾಡುವ ಪ್ರಯತ್ನ ನಡೆಯಬಹುದು ಎಂದು ಬರೆಯಲಾಗಿದೆ.
ಯೂರೋಪ್ನಲ್ಲಿ ಭಯೋತ್ಪಾದನೆ: ಯುರೋಪಿಯನ್ ಭಯೋತ್ಪಾದನೆಗೆ ಸಂಬಂಧಿಸಿದಂತೆಯೂ ಬಾಬಾ ವಂಗಾ ಭವಿಷ್ಯ ನುಡಿದಿದ್ದು, ಯುರೋಪಿನಲ್ಲಿ ಭಯೋತ್ಪಾದನೆ ಹೆಚ್ಚಾಗಲಿದೆ ಎಂದಿದ್ದಾರೆ.
ಜಗತ್ತಿನಲ್ಲಿ ಆರ್ಥಿಕ ಬಿಕ್ಕಟ್ಟು ಬರಬಹುದು: ಬಾಬಾ ವೆಂಗಾ ಅವರ ಭವಿಷ್ಯವಾಣಿಯ ಪ್ರಕಾರ, ವಿಶ್ವ ಆರ್ಥಿಕತೆಯು 2024 ರಲ್ಲಿ ಭಾರೀ ಕುಸಿಯಬಹುದು. ಜಗತ್ತಿನಲ್ಲಿ ಹೆಚ್ಚುತ್ತಿರುವ ಉದ್ವಿಗ್ನತೆ, ಯುದ್ಧ ಮತ್ತು ಪಶ್ಚಿಮದಿಂದ ಪೂರ್ವಕ್ಕೆ ಅಧಿಕಾರದ ಬದಲಾವಣೆಯಿಂದಾಗಿ, ಪ್ರಪಂಚವು ಆರ್ಥಿಕ ಬಿಕ್ಕಟ್ಟನ್ನು ಎದುರಿಸಬಹುದು ಎಂದಿದ್ದಾರೆ.
ಜೈವಿಕ ಶಸ್ತ್ರಾಸ್ತ್ರಗಳ ಪರೀಕ್ಷೆ: ವೆಂಗಾ ಪ್ರಕಾರ, ವಿಶ್ವದ ಅತಿದೊಡ್ಡ ಜೈವಿಕ ಶಸ್ತ್ರಾಸ್ತ್ರಗಳ ಪರೀಕ್ಷೆಯು ಮುಂಬರುವ ವರ್ಷ 2024 ರಲ್ಲಿ ನಡೆಯಲಿದೆ ಎಂದಿದ್ದಾರೆ. ಬಾಬಾ ವೆಂಗಾ ಅವರ ಈ ಭವಿಷ್ಯ ನಿಜವಾದರೆ ಜಗತ್ತಿನಲ್ಲಿ ಕೋಲಾಹಲ ಉಂಟಾಗುತ್ತದೆ. ವಾಸ್ತವವಾಗಿ, ಈ ಪರೀಕ್ಷೆಯಿಂದಾಗಿ, ಇದು ಮಣ್ಣಿನಿಂದ ನೀರು, ಮರಗಳು, ಸಸ್ಯಗಳು, ಪ್ರಾಣಿಗಳು ಮತ್ತು ಜನರ ಮೇಲೆ ಪ್ರತಿಕೂಲ ಪರಿಣಾಮಗಳನ್ನು ಬೀರಬಹುದು.
ಸೈಬರ್ ದಾಳಿ: ಬಾಬಾ ವಂಗಾ ಅವರ ಭವಿಷ್ಯ ನಿಜವಾದರೆ 2024ರಲ್ಲಿ ವಿಶ್ವದಲ್ಲಿ ಸೈಬರ್ ದಾಳಿ ಪ್ರಕರಣಗಳು ಹೆಚ್ಚಾಗಲಿವೆ. ಸೈಬರ್ ಹ್ಯಾಕರ್‌ಗಳು ಪವರ್ ಗ್ರಿಡ್‌ಗಳು ಮತ್ತು ನೀರಿನ ಸಂಸ್ಕರಣಾ ಘಟಕಗಳಂತಹ ನಿರ್ಣಾಯಕ ವಿಷಯಗಳ ಮೇಲೆ ದಾಳಿ ಮಾಡಬಹುದು.
ಜಾಗತಿಕ ತಾಪಮಾನ: ಮಹಿಳಾ ಪ್ರವಾದಿ ಬಾಬಾ ವೆಂಗಾ ಅವರ ಪ್ರಕಾರ, 2024 ರಲ್ಲಿ ವಿಶ್ವದ ಕೆಲವು ಭಾಗಗಳಲ್ಲಿ ಜಾಗತಿಕ ತಾಪಮಾನದ ಸಮಸ್ಯೆಯೂ ಉದ್ಭವಿಸಬಹುದು. ಇದರಿಂದಾಗಿ ಜಗತ್ತಿನಲ್ಲಿ ಪ್ರತಿಕೂಲ ಪರಿಸ್ಥಿತಿ ಉಂಟಾಗಬಹುದು. ಇದಲ್ಲದೆ, ಪ್ರಪಂಚದ ಹಸಿವನ್ನು 2025 ಮತ್ತು 2028 ರ ನಡುವೆ ಪರಿಹರಿಸಬಹುದು. 2076 ರಲ್ಲಿ ಕಮ್ಯುನಿಸಂ ಮತ್ತೆ ಮರಳುತ್ತದೆ ಎಂದೂ ಹೇಳಿದ್ದಾರೆ.
ಕ್ಯಾನ್ಸರ್ಗೆ ಪರಿಹಾರ: ಬಾಬಾ ವೆಂಗಾ ಅವರು 2024 ರ ವರ್ಷಕ್ಕೆ ಕೆಲವು ಉತ್ತಮ ಭವಿಷ್ಯ ನುಡಿದಿದ್ದಾರೆ, ಇದರಲ್ಲಿ ಅವರು 2024 ರಲ್ಲಿ ಕ್ಯಾನ್ಸರ್ ಮತ್ತು ಆಲ್ಝೈಮರ್ನಂತಹ ಗಂಭೀರ ಕಾಯಿಲೆಗಳಿಗೆ ಔಷಧಿ ಹಾಗೂ ಸೂಕ್ತ ಚಿಕಿತ್ಸೆ ಸಿಗಲಿದೆ ಎಂದು ಹೇಳಿದ್ದಾರೆ.
ಬಾಬಾ ವೆಂಗಾ ಅವರ ಭವಿಷ್ಯವಾಣಿಗಳು ನಿಜವೆಂದು ಸಾಬೀತು: ರಸ್ತೆ ಅಪಘಾತದಲ್ಲಿ ರಾಜಕುಮಾರಿ ಡಯಾನಾ ಸಾವಿನ ಬಗ್ಗೆ ಬಾಬಾ ವಂಗಾ ಮಾತನಾಡಿದ್ದು ನಿಜವೆಂದು ಸಾಬೀತಾಗಿದೆ. ಇದಲ್ಲದೆ, ಅವರು ಅಮೆರಿಕದ ಮೇಲೆ 9/11 ದಾಳಿ ಮತ್ತು ಆಸ್ಟ್ರೇಲಿಯಾದಲ್ಲಿ ಪ್ರವಾಹ ಪರಿಸ್ಥಿತಿಯ ಬಗ್ಗೆ ಹೇಳಿದ್ದರು. ಬಾಬಾ ವಂಗಾ ಅವರು 2017 ರ ವೇಳೆಗೆ ಯುರೋಪ್ ಅಸ್ತಿತ್ವದಲ್ಲಿರಉವುದಿಲ್ಲ ಎಂದೂ ಹೇಳಿದ್ದರು. ಕೆಲವರು ಇದನ್ನು ಬ್ರೆಕ್ಸಿಟ್ ಎಂದು ಪರಿಗಣಿಸುತ್ತಾರೆ.
