ಪೌರಾಣಿಕ ನಂಬಿಕೆಗಳ ಪ್ರಕಾರ, ಬ್ರಹ್ಮ ಈ ಪ್ರಪಂಚದ ಸೃಷ್ಟಿಕರ್ತ ಎಂದು ಹೇಳಲಾಗುತ್ತದೆ. ಬ್ರಹ್ಮನೇ ಮನುಷ್ಯ ಎಂಬ ಜೀವಿಯನ್ನ ಹುಟ್ಟುಹಾಕಿದ್ದ. ಆದರೆ ಈ ಜಗತ್ತಿನಲ್ಲಿ ಬ್ರಹ್ಮನು ಸೃಷ್ಟಿಸಿದ ಮೊದಲ ವ್ಯಕ್ತಿ ಯಾರು ಮತ್ತು ಅವನಿಗೆ ಜನ್ಮ ನೀಡಿದವರು ಯಾರು ಎಂಬ ಪ್ರಶ್ನೆ ಪ್ರತಿಯೊಬ್ಬರಿಗೂ ಕಾಡದೆ ಇರದು.
ಈ ಎಲ್ಲ ಪ್ರಶ್ನೆಗಳಿಗೆ ಉತ್ತರಗಳು ಅನೇಕ ಧಾರ್ಮಿಕ ಪುಸ್ತಕಗಳಲ್ಲಿ ಕಂಡುಬರುತ್ತವೆಯಾದರೂ, ಆ ಎಲ್ಲಾ ಉತ್ತರಗಳು ಸತ್ಯಗಳನ್ನು ಆಧರಿಸಿವೆ. ಆದರೆ ಅವುಗಳಲ್ಲಿ ಎಷ್ಟು ಸತ್ಯವಿದೆ ಎಂಬುದನ್ನ ಕಂಡುಹಿಡಿಯುವುದು ಕಷ್ಟಕರ ಸಂಗತಿಯೇ ಸರಿ.
ಹಿಂದೂ ಮಾನ್ಯತೆಗಳ ಪ್ರಕಾರ, ಮಾನವಕುಲವು ಈ ಭೂಮಿಯಲ್ಲಿ ಮನುವಿನಿಂದ ಹುಟ್ಟಿಕೊಂಡಿತು ಮತ್ತು ಸ್ವಯಂ ಬ್ರಹ್ಮನೇ ಮನುವನ್ನು ಸೃಷ್ಟಿಸಿದ್ದ. ಆದರೆ ಪುರಾಣಗಳಲ್ಲಿ ಮನುವಿನ ಮೂಲದ ಬಗ್ಗೆ ವಿಭಿನ್ನ ಕಥೆಗಳಿವೆ.
ಮೊದಲ ಮಾನವನ ಜನನ
ಪ್ರಪಂಚದ ಮೊಟ್ಟ ಮೊದಲ ಮಾನವ ಅದು ಸ್ವಯಂಭೂ ಮನು ಎಂದು ಹೇಳಾಗುತ್ತದೆ ಹಾಗು ಮೊದಲ ಮಹಿಳೆ ಶತ್‌ರೂಪಾ ಎಂದು ಹೇಳಲಾಗಿದೆ.
ಭಗವಾನ್ ಬ್ರಹ್ಮನು 11 ಪ್ರಭೇದಗಳನ್ನು ಮತ್ತು 11 ರುದ್ರ ಗಳನ್ನು ಸೃಷ್ಟಿಸಿದ, ನಂತರ ತನ್ನನ್ನು ಎರಡು ಭಾಗಗಳಾಗಿ ವಿಂಗಡಿಸಿದನು ಎಂದು ಹೇಳಲಾಗುತ್ತದೆ. ಮೊದಲ ಭಾಗವು ಮನು ಮತ್ತು ಎರಡನೆಯದು ಶತ್‌ರೂಪಾ ಎಂದು ಪ್ರಕಟವಾಯಿತು. ಬ್ರಹ್ಮನು ಪ್ರಜಾಪತಿಗಳನ್ನು ಬೆಳಕಿನಿಂದ, ರುದ್ರರನ್ನು ಬೆಂಕಿಯಿಂದ ಮತ್ತು ಸ್ವಂಭೂ ಮನುವನ್ನು ಜೇಡಿಮಣ್ಣಿನಿಂದ ಸೃಷ್ಟಿಸಿದನೆಂದು ಹೇಳಲಾಗುತ್ತದೆ.
.
ಮನು‌ನಿಂದ ಮಾನವ
ಮನು ಜಗತ್ತಿಗೆ ಬಂದ ಮೊದಲ ಮಾನವ. ಆದ್ದರಿಂದ ಈ ಜಾತಿಯ ಹೆಸರು ‘ಮಾನವ’ ಅಂತಾಯಿತು. ಸಂಸ್ಕೃತದಲ್ಲಿ ಇದನ್ನು ಮನುಷ್ಯ ಎಂದು ಕರೆಯಲಾಯಿತು ಮತ್ತು ಇಂಗ್ಲಿಷ್ ಭಾಷೆಯಲ್ಲಿ ‘ಮ್ಯಾನ್’ ಎಂಬ ಹೆಸರನ್ನು ಸಹ ಬಳಸಲಾಯಿತು. ಈ ಎಲ್ಲಾ ಹೆಸರುಗಳು ಮೊದಲ ಮಾನವ ಮನು ನೊಂದಿಗೆ ನೇರ ಸಂಬಂಧ ಹೊಂದಿವೆ.
ಪೌರಾಣಿಕ ಕಥೆಗಳು ಹೇಳೋದೇನು?
ಪುರಾಣಗಳ ಪ್ರಕಾರ, ಒಮ್ಮೆ ಬ್ರಹ್ಮ ತಮ್ಮ ಕೆಲ ಕಾರ್ಯಗಳಲ್ಲಿ ಕೃತಿಗಳಲ್ಲಿ ನಿರತರಾಗಿದ್ದರು. ಇದ್ದಕ್ಕಿದ್ದಂತೆ ಅವರೊಳಗಿನಿಂದ ಒಂದು ಕಾಯ ಉತ್ಪನ್ನವಾಗಿ ಅವರೆದುರು ಬಂದು ನಿಂತಿತು. ಅದು ಸಾಮಾನ್ಯ ಕಾಯವಾಗಿರಲಿಲ್ಲ ಅದು ಥೇಟ್ ಅವರಂತೆಯೇ ಕಾಣುವ ನೆರಳಾಗಿತ್ತು.
ಆ ನೆರಳು ನೋಡಿದ ನಂತರ, ಸ್ವಲ್ಪ ಸಮಯದ ನಂತರ ಬ್ರಹ್ಮನಿಗೆ ತನ್ನ ಜೊತೆ ನಡೆದ ಈ ಘಟನೆಯಾದರೂ ಏನು ಅನ್ನೋದು ಅರ್ಥವಾಗಲಿಲ್ಲ. ಮುಂದೆ, ಅದೇ ನೆರಳು ಮಾನವನಾಗಿ ಜಗತ್ತಿನ ಮೊದಲ ಮಾನವ ಎಂದು ಕರೆಯಲಾಯಿತು. ಇದನ್ನು ಸ್ವಯಂಭು ಮನು ಎಂದೂ ಕರೆಯುತ್ತಾರೆ.
ಆ್ಯಡಮ್‌ನ ಜನ್ಮದ ಕಥೆ
ಹಿಂದೂ ನಂಬಿಕೆಯ ಪ್ರಕಾರ ಮೊದಲ ಮನುಷ್ಯ ಬ್ರಹ್ಮನಿಂದ ರಚಿತನಾದನೋ ಅದೇ ರೀತಿಯಲ್ಲಿ ಬೈಬಲ್ ನಲ್ಲಿಯೂ ದೇವರ ಶರೀರದಿಂದ ನೆರಳೊಂದು ಜನ್ಮ ತಾಳಿತು ಎಂದು ಹೇಳಲಾಗಿದೆ. ಈ ನೆರಳು ಮನುವಿನಂತೆಯೇ ಈಶ್ವರನ ನೆರಳಾಗಿತ್ತು ಮತ್ತು ಅವನಂತೆಯೇ ಕಾಣುತ್ತಿತ್ತು ಎಂದು ಹೇಳಲಾಗಿದೆ. ಬೈಬಲ್ ನಲ್ಲಿನ ಕಂಡ ಈ ಪ್ರತಿಬಿಂಬವನ್ನ ಮೊದಲ ಮನುಷ್ಯನಿಗೆ ‘ಆ್ಯಡಮ್’ ಎಂಬ ಹೆಸರು ನೀಡಲಾಗಿದೆ.
ಈ ಎರಡೂ ಕಥೆಗಳಿಂದ ಅರ್ಥವಾಗುವ ವಿಷಯವೇನೆಂದರೆ ಮನುವೇ ಮೊದಲ ಮಾನವನಾಗಿದ್ದು ಆತನೇ ಮೊದಲು ಮನುಷ್ಯನ ರೂಪದಲ್ಲಿ ಭೂಮಿಯಲ್ಲಿ ಮೊದಲು ಜನ್ಮತಾಳಿದ್ದು.
ಜನನದ ಬಳಿಕ ಸಮಾನತೆ
ಈ ಎಲ್ಲ ಸಂಗತಿಗಳನ್ನು ಗಮನಿಸಿದಾಗ, ಮನು ಮತ್ತು ಶತ್‌ರೂಪಾದ ಜನನದ ಬಗ್ಗೆ ಪುರಾಣಗಳಲ್ಲಿ ಕೆಲವು ಅಸಮಾನತೆಗಳು ಕಂಡುಬಂದವು. ಅದೇ ಸಮಯದಲ್ಲಿ, ಯಾವುದೇ ಗರ್ಭವಿಲ್ಲದೆ ಈ ಜಗತ್ತಿನಲ್ಲಿ ಬರುವ ವಿಷಯವು ಪುರಾಣದ ಕಥೆಗಳಿಗೆ ಹೋಲುತ್ತದೆ.
ಪುರಾಣಗಳ ಪ್ರಕಾರ, ಮನು ಮತ್ತು ಶತ್‌ರೂಪಾದ ಜನನದ ನಂತರ, ಭೂಮಿಯ ಮೇಲೆ ಮಾನವ ಜಗತ್ತನ್ನು ಸ್ಥಾಪಿಸಲು ಬ್ರಹ್ಮ ದೇವರು ಆದೇಶಿಸಿದನು.
ಅದೇ ರೀತಿ, ಆ್ಯಡಮ್ ಹುಟ್ಟಿದ ನಂತರ, ಭೂಮಿಯ ಮೇಲೆ ಮಾನವ ಜಗತ್ತನ್ನು ಸ್ಥಾಪಿಸುವ ಕಥೆಯನ್ನು ಬೈಬಲ್‌ನಲ್ಲಿ ಉಲ್ಲೇಖಿಸಲಾಗಿದೆ.
ಆದಾಗ್ಯೂ, ಭೂಮಿಯ ಮೊದಲ ಮನುಷ್ಯನಾದ ಹುಟ್ಟಿನಿಂದ ಅದರ ವಿಸ್ತರಣೆಯವರೆಗೆ ಅನೇಕ ವಿಭಿನ್ನ ಕಥೆಗಳು ಕೇಳಿಬರುತ್ತವೆ, ಇದು ಆಸಕ್ತಿದಾಯಕ ಮತ್ತು ಆಶ್ಚರ್ಯಕರವಾಗಿದೆ. ಆದರೆ ಈ ಕಥೆಗಳಲ್ಲಿ ಅಡಗಿರುವ ಸಂಗತಿಗಳು ಮಾತ್ರ ಮಾನವಕುಲಕ್ಕೆ ಸಂಬಂಧಿಸಿದ ಇತಿಹಾಸವನ್ನು ಬಹಿರಂಗಪಡಿಸಲು ಸಹಾಯ ಮಾಡುತ್ತವೆ.
