ರ‌್ಯಾಪರ್ ಯೋ ಯೋ ಹನಿ ಸಿಂಗ್ ಹೇಳಿಕೆಯ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆ ನಡೆಯುತ್ತಿದೆ. ಅವರು Instagram influencer ಉರ್ಫಿ ಜಾವೇದ್ (Urfi Javed) ಅವರನ್ನು ಹಾಡಿ ಹೊಗಳಿದ್ದಾರೆ. ಭಾರತದ ಹುಡುಗಿಯರು ತುಂಬಾ ‘ಬೋಲ್ಡ್ & ಧೈರ್ಯಶಾಲಿ’ ಉರ್ಫಿ ಜಾವೇದ್ ಅವರಿಂದ ಕಲಿಯಬೇಕು ಎಂದು ಹನಿ ಸಿಂಗ್ ಹೇಳಿದ್ದಾರೆ. ಉರ್ಫಿ ಜಾವೇದ್ ತನ್ನ ಸ್ವಂತ ನಿಯಮಗಳ ಮೇಲೆ ಜೀವನವನ್ನು ನಡೆಸುತ್ತಾರೆ ಮತ್ತು ಇತರರು ಏನು ಹೇಳುತ್ತಾರೆ ಎಂಬುದರ ಬಗ್ಗೆ ಯೋಚಿಸುವುದಿಲ್ಲ ಎಂದು ಅವರು ಹೇಳಿದರು. ಉರ್ಫಿ ಜಾವೇದ್ ಜೊತೆ ಸೇರಿ ಮ್ಯೂಸಿಕ್ ವೀಡಿಯೋ ಮಾಡುವ ಆಸೆಯನ್ನೂ ಹನಿ ಸಿಂಗ್ ವ್ಯಕ್ತಪಡಿಸಿದ್ದಾರೆ.
ಇದರ ನಂತರ, ಶೀಘ್ರದಲ್ಲೇ ಯೋ ಯೋ ಹನಿ ಸಿಂಗ್ ಮತ್ತು ಉರ್ಫಿ ಜಾವೇದ್ ಹಾಡೊಂದರಲ್ಲಿ ಒಟ್ಟಿಗೆ ಕಾಣಿಸಿಕೊಳ್ಳಬಹುದು ಎಂದು ಇಬ್ಬರ ಅಭಿಮಾನಿಗಳು ಚರ್ಚಿಸುತ್ತಿದ್ದಾರೆ. ಹನಿ ಸಿಂಗ್ ಮಾತನಾಡುತ್ತ, “ನನಗೆ ಆ ಹುಡುಗಿ (ಉರ್ಫಿ ಜಾವೇದ್) ತುಂಬಾ ಇಷ್ಟ. ಅವಳು ತುಂಬಾ ಬೋಲ್ಡ್ ಹಾಗು ಧೈರ್ಯಶಾಲಿ, ಅವಳು ತನ್ನ ಜೀವನವನ್ನು ತನ್ನದೇ ಆದ ರೀತಿಯಲ್ಲಿ ಬದುಕಲು ಬಯಸುತ್ತಾಳೆ. ನಮ್ಮ ದೇಶದ ಎಲ್ಲಾ ಹುಡುಗಿಯರು ಅವಳಿಂದ ಕಲಿಯಬೇಕು. ನಿಮ್ಮ ಮನಸ್ಸಿಗೆ ಬಂದದ್ದನ್ನು ಯಾವುದೇ ಹಿಂಜರಿಕೆಯಿಲ್ಲದೆ ಮಾಡಿ. ಇದಕ್ಕಾಗಿ ನೀವು ಯಾರಿಗೂ ಹೆದರಬೇಕಾಗಿಲ್ಲ” ಎಂದಿದ್ದಾರೆ.
ಯುವತಿಯರಿಗೆ ಸಲಹೆ ನೀಡಿದ ಹನಿ ಸಿಂಗ್, ನೀವು ಯಾವ ಜಾತಿ-ಧರ್ಮಕ್ಕೆ ಸೇರಿದವರು ಅಥವಾ ಎಲ್ಲಿಂದ ಬಂದವರು ಎಂಬುದು ಮುಖ್ಯವಲ್ಲ. ‘ದಿಲ್ ಠೋಕ್ ಸೆ’ಗೆ ಹೆದರದೆ ಹೆಣ್ಣುಮಕ್ಕಳು ಮನಸಿಗೆ ಬಂದಿದ್ದನ್ನು ಮಾಡಬೇಕು ಎಂದರು. ಉರ್ಫಿ ಜಾವೇದ್ ಚೆನ್ನಾಗಿ ಅಭಿನಯಿಸಬಲ್ಲರು ಎಂದು ಭಾವಿಸುವ ಯಾವುದೇ ಹಾಡನ್ನು ರಚಿಸಿದರೆ, ಭವಿಷ್ಯದಲ್ಲಿ ನಾನು ಖಂಡಿತವಾಗಿಯೂ ಅವರೊಂದಿಗೆ ಕೆಲಸ ಮಾಡುತ್ತೇನೆ ಎಂದು ಅವರು ಹೇಳಿದರು. ಹನಿ ಸಿಂಗ್ ಉರ್ಫಿ ಜಾವೇದ್ ಅವರ ಭವಿಷ್ಯಕ್ಕಾಗಿ ಶುಭ ಹಾರೈಸಿದರು.
इनको अपने नशे का धंधा करना है। उसके लिए जनता जितनी मंदबुद्धि हवसी हो उतना अच्छा।
और कोई अपने बच्चों को अपने आराध्य, गुरुओं, पूर्वजों के मार्ग पर चलाना चाहे तो वह महापाप।
इस दुर्गंधमय कचरे को स्वाहा करना ही होगा। https://t.co/k7hOYQt4Fc
— Gems of Bollywood बॉलीवुड के रत्न (@GemsOfBollywood) January 8, 2023
ಆದರೆ, ಉರ್ಫಿ ಜಾವೇದ್ ದೇಶದ ಎಲ್ಲ ಹೆಣ್ಣುಮಕ್ಕಳಿಗೆ ‘ರೋಲ್ ಮಾಡೆಲ್’ ಆಗಬಹುದೇ ಎಂಬ ಚರ್ಚೆ ಸಾಮಾಜಿಕ ಜಾಲತಾಣಗಳಲ್ಲಿ ಭುಗಿಲೆದ್ದಿದೆ. ಟ್ವಿಟರ್ ಹ್ಯಾಂಡಲ್ ‘ಜೆಮ್ಸ್ ಆಫ್ ಬಾಲಿವುಡ್’ ಕಾಮೆಂಟ್ ಮಾಡುತ್ತ, “ಇವರಿಗೆ ತಮ್ಮ ನಶೆಯನ್ನೇ ದಂಧೆ ಮಾಡಿಕೊಳ್ಳುವುದಿದೆ. ಇವನಿಗೆ ಜನ ಎಷ್ಟು ಮಂದಬುದ್ಧಿಯವರಾಗುತ್ತಾರೋ ಅಷ್ಟು ಒಳ್ಳೆಯದು ಮತ್ತು ಯಾರಾದರೂ ತಮ್ಮ ಆರಾಧ್ಯರು, ಗುರುಗಳು ಮತ್ತು ಪೂರ್ವಜರ ಹಾದಿಯಲ್ಲಿ ನಡೆಯಲು ಬಯಸಿದರೆ, ಅದು ಮಹಾ ಪಾಪ. ದುರ್ವಾಸನೆ ಬೀರುತ್ತಿರುವ ಈ ಕಸವನ್ನು ವಿಲೇವಾರಿ ಮಾಡಬೇಕು” ಎಂದಿದ್ದಾರೆ.
“ಇಸ್ಲಾಂನಲ್ಲಿ ನಂಬಿಕೆಯೇ ಇಲ್ಲ, ನಾನು ಯಾವ ಮುಸ್ಲಿಮನ ಜೊತೆಗೂ ನಿಕಾಹ್ (ಮದುವೆ) ಮಾಡಿಕೊಳ್ಳಲ್ಲ, ಹಿಂದೂ ಧರ್ಮದ ಆಳ ತಿಳಿದುಕೊಳ್ಳೋಕೆ ಭಗವದ್ಗೀತೆ ಓದುತ್ತಿದ್ದೇನೆ”: ಉರ್ಫಿ ಜಾವೇದ್
ತನ್ನ ಬೋಲ್ಡ್ ಹಾಗು ಚಿತ್ರ ವಿಚಿತ್ರ ಡ್ರೆಸ್‌ಗಳಿಗಾಗಿ ಸೋಶಿಯಲ್ ಮೀಡಿಯಾಗಳಲ್ಲಿ ಸದಾ ಟ್ರೋಲ್ ಆಗುವ ಉರ್ಫಿ ಜಾವೇದ್ ಈ ಬಾರಿ ಆಕೆ ನೀಡಿದ ಇಂಟರ್‌ವ್ಯೂ ನಿಂದಾಗಿ ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಉರ್ಫಿ ಇಂಡಿಯಾ ಟುಡೇಗೆ ನೀಡಿದ ಸಂದರ್ಶನದಲ್ಲಿ ತಾನು ಯಾವುದೇ ಮುಸಲ್ಮಾನರನ್ನು ಮದುವೆಯಾಗುವುದಿಲ್ಲ ಎಂದು ಹೇಳಿದ್ದಾರೆ. ಈ ದಿನಗಳಲ್ಲಿ ಉರ್ಫಿ ಜಾವೇದ್ ಭಗವದ್ಗೀತೆಯನ್ನೂ ಓದುತ್ತಿದ್ದಾರೆ.
ಬಿಗ್ ಬಾಸ್ ಒಟಿಟಿಯ ಮಾಜಿ ಸ್ಪರ್ಧಿ ಉರ್ಫಿ ಜಾವೇದ್ ಮಾತನಾಡುತ್ತ, “ತಮ್ಮ ಬೋಲ್ಡ್ ಲುಕ್‌ಗಾಗಿ ಸೋಶಿಯಲ್ ಮೀಡಿಯಾಗಳಲ್ಲಿ ಮಾಧ್ಯಮದಲ್ಲಿ ಟ್ರೋಲ್ ಆಗುತ್ತಾರೆ ಎಂದು ಹೇಳುತ್ತಾರೆ, ಏಕೆಂದರೆ ಆಕೆ ಒಬ್ಬ ಮುಸ್ಲಿಂ ಮತ್ತು ಬಾಲಿವುಡ್ ಇಂಡಸ್ಟ್ರಿಯಲ್ಲಿ ಯಾರೂ ಗಾಡ್‌ಫಾದರ್ ಇಲ್ಲ. ನಾನು ಮುಸ್ಲಿಂ ಹುಡುಗಿಯಾಗಿರುವುದರಿಂದ ನಾನು ಮುಸ್ಲಿಮರಿಂದಲೇ ಸೋಶಿಯಲ್ ಮೀಡಿಯಾಗಳಲ್ಲಿ ಹೆಚ್ಚು ಟ್ರೋಲ್ ಆಗುತ್ತೇನೆ ಎಂದು ಅವರು ಹೇಳಿದರು. ಅವರು ನನಗೆ ಆಕ್ಷೇಪಾರ್ಹ ಕಾಮೆಂಟ್‌ಗಳನ್ನು ಮಾಡುತ್ತಾರೆ. ನಾನು ಇಸ್ಲಾಮಿನ ಚಿತ್ರಣವನ್ನು ಹಾಳು ಮಾಡುತ್ತಿದ್ದೇನೆ ಎಂದು ಅವರು ಹೇಳುತ್ತಾರೆ. ಅವರು ನನ್ನನ್ನು ದ್ವೇಷಿಸುತ್ತಾರೆ ಏಕೆಂದರೆ ಮುಸ್ಲಿಂ ಪುರುಷರು ಮಹಿಳೆಯರು ತಾವು ರಚಿಸಿದ ವಲಯದಲ್ಲೇ ಉಳಿಯಬೇಕೆಂದು ಅವರು ಬಯಸುತ್ತಾರೆ”
ಉರ್ಫಿ ಮುಂದೆ ಮಾತನಾಡುತ್ತ, “ಅವರು ತಮ್ಮ ಸಮುದಾಯದ ಎಲ್ಲಾ ಮಹಿಳೆಯರನ್ನು ನಿಯಂತ್ರಿಸಲು ಬಯಸುತ್ತಾರೆ. ಇದರಿಂದಾಗಿ ನನಗೆ ಇಸ್ಲಾಂನಲ್ಲಿ ನಂಬಿಕೆ ಇಲ್ಲ. ಅವರು ನನ್ನನ್ನು ಟ್ರೋಲ್ ಮಾಡುತ್ತಾರೆ ಏಕೆಂದರೆ ನಾನು ಅವರ ಪ್ರಕಾರ ಬಟ್ಟೆ ಹಾಕಿಕೊಳ್ಳುವುದಿಲ್ಲ, ಅವರ ಪ್ರಕಾರ ನಾನು ನನ್ನ ಧರ್ಮವನ್ನು ಅನುಸರಿಸಲ್ಲ” ಎಂದರು.
ನೀವು ನಿಮ್ಮ ಸಮುದಾಯದ ಹುಡುಗನ ಜೊತೆ ಲವ್ ಆದರೆ ಅದೇ ಹುಡುಗನಬ್ನ ಮದುವೆಯಾಗ್ತೀರ? ಎಂಬ ಪ್ರಶ್ನೆಗೆ ಉತ್ತರಿಸಿದ ಉರ್ಫಿ, “ನಾನು ಎಂದಿಗೂ ಮುಸ್ಲಿಂ ಹುಡುಗನನ್ನು ಮದುವೆಯಾಗುವುದಿಲ್ಲ. ನಾನು ಇಸ್ಲಾಂನ್ನ ನಂಬುವುದಿಲ್ಲ ಮತ್ತು ನಾನು ಯಾವುದೇ ಧರ್ಮವನ್ನು ಅನುಸರಿಸುವುದಿಲ್ಲ, ಹಾಗಾಗಿ ನಾನು ಯಾರನ್ನು ಪ್ರೀತಿಸುತ್ತೇನೆ ಎಂದು ನಾನು ಹೆದರುವುದಿಲ್ಲ. ನಾವು ಯಾರನ್ನು ಬೇಕಾದರೂ ಮದುವೆಯಾಗಬಹುದು.” ಎಂದರು.
ಧರ್ಮಕ್ಕಾಗಿ ಯಾರನ್ನೂ ಬಲವಂತಪಡಿಸಬಾರದು ಎಂದು ಉರ್ಫಿ ನಂಬುತ್ತಾರೆ. ವ್ಯಕ್ತಿಗೆ ತನ್ನ ಧರ್ಮವನ್ನು ಆರಿಸಿಕೊಳ್ಳುವ ಸ್ವಾತಂತ್ರ್ಯವಿರಬೇಕು. ನನ್ನ ತಂದೆ ತುಂಬಾ ಸಂಪ್ರದಾಯಸ್ಥ ವ್ಯಕ್ತಿ ಎಂದು ಹೇಳಿದರು. ನಾನು 17 ವರ್ಷದವಳಿದ್ದಾಗ, ಅವರು ನನ್ನನ್ನ ಮತ್ತು ನನ್ನ ಒಡಹುಟ್ಟಿದವರನ್ನು ನಮ್ಮ ತಾಯಿಯೊಂದಿಗೆ ಬಿಟ್ಟುಹೋದರು. ನನ್ನ ತಾಯಿ ತುಂಬಾ ಧಾರ್ಮಿಕ ಮಹಿಳೆ, ಆದರೆ ಅವರು ಎಂದಿಗೂ ತಮ್ಮ ಧರ್ಮವನ್ನು ನಮ್ಮ ಮೇಲೆ ಹೇರಲಿಲ್ಲ. ನನ್ನ ಒಡಹುಟ್ಟಿದವರು ಇಸ್ಲಾಂ ಧರ್ಮವನ್ನು ಅನುಸರಿಸುತ್ತಾರೆ. ಆದರೆ ನಾನು ಹಾಗೆ ಮಾಡುವುದಿಲ್ಲ, ಆದರೆ ಅವರು ಹಾಗೆ ಮಾಡುವಂತೆ ನನ್ನನ್ನು ಒತ್ತಾಯಿಸುವುದೂ ಇಲ್ಲ. ಇದು ಇರಬೇಕು. ನಿಮ್ಮ ಧರ್ಮವನ್ನು ನಿಮ್ಮ ಹೆಂಡತಿ ಮತ್ತು ಮಕ್ಕಳ ಮೇಲೆ ಹೇರಲು ಸಾಧ್ಯವಿಲ್ಲ. ಅದು ಹೃದಯದಿಂದ ಇರಬೇಕು. ಇಲ್ಲದಿದ್ದರೆ ನೀವು ಸಂತೋಷವಾಗಿರುವುದಿಲ್ಲ ಮತ್ತು ಅಲ್ಲಾಹನೂ ಸಂತೋಷವಾಗಿರುವುದಿಲ್ಲ.
ಉರ್ಫಿ ಜಾವೇದ್ ಇತ್ತೀಚಿನ ದಿನಗಳಲ್ಲಿ ಭಗವದ್ಗೀತೆ ಓದುತ್ತಿದ್ದಾರೆ. ನಾನು ಹಿಂದೂ ಧರ್ಮದ ಬಗ್ಗೆ ಆಳವಾಗಿ ತಿಳಿದುಕೊಳ್ಳಲು ಬಯಸುತ್ತೇನೆ ಎಂದು ಅವರು ಹೇಳುತ್ತಾರೆ. ನಾನು ಇದರಲ್ಲಿ ಆಸಕ್ತಿ ಹೊಂದಿದ್ದೇನೆ. ಧರ್ಮವನ್ನು ಯಾರಾದರೂ ಹೇರುವುದನ್ನು ನಾನು ದ್ವೇಷಿಸುತ್ತೇನೆ, ಅದಕ್ಕಾಗಿಯೇ ನಾನು ಇದನ್ನು ಓದುತ್ತಿದ್ದೇನೆ ಎನ್ನುತ್ತಾರೆ ಉರ್ಫಿ ಜಾವೇದ್.
