ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ಭಾನುವಾರ (ಡಿಸೆಂಬರ್ 12, 2021) ಕಣ್ಣೂರಿನಲ್ಲಿ ಪತ್ರಿಕಾಗೋಷ್ಠಿ ನಡೆಸಿದರು ಮತ್ತು ರಾಜ್ಯಪಾಲ ಆರಿಫ್ ಮೊಹಮ್ಮದ್ ಖಾನ್ ಅವರನ್ನು ತೀವ್ರವಾಗಿ ತರಾಟೆಗೆ ತೆಗೆದುಕೊಂಡರು. ರಾಜಕೀಯ ಹಸ್ತಕ್ಷೇಪದಿಂದಾಗಿ ಕುಲಪತಿ ಹುದ್ದೆಗೆ ರಾಜೀನಾಮೆ ನೀಡುವುದಾಗಿ ಆರಿಫ್ ಮೊಹಮ್ಮದ್ ಖಾನ್ ಪತ್ರ ಬರೆದಿದ್ದರು. ಆದರೆ, ಒಪ್ಪಂದದ ಬದಲು ಸಿಎಂ ಪಿಣರಾಯಿ ವಿಜಯನ್ ರಾಜ್ಯಪಾಲರ ಉದ್ದೇಶದ ಬಗ್ಗೆಯಢ ಪ್ರಶ್ನೆಗಳನ್ನು ಎತ್ತಿದರು. ಈ ವಿಷಯವು ಕಣ್ಣೂರು ವಿಶ್ವವಿದ್ಯಾನಿಲಯದ ಉಪಕುಲಪತಿ ನೇಮಕಕ್ಕೆ ಸಂಬಂಧಿಸಿದ್ದಾಗಿದೆ.
ಯಾರದ್ದೋ ಒತ್ತಡಕ್ಕೆ ಮಣಿದು ರಾಜ್ಯಪಾಲ ಆರಿಫ್ ಮೊಹಮ್ಮದ್ ಖಾನ್ ಒಬ್ಬ ವ್ಯಕ್ತಿಯನ್ನು ಕಣ್ಣೂರು ವಿಶ್ವವಿದ್ಯಾನಿಲಯದ ಉಪಕುಲಪತಿಯನ್ನಾಗಿ ನೇಮಿಸಿದ್ದಾರೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ. ರಾಜ್ಯಪಾಲರು ಸಿಪಿಐ(ಎಂ) ಸರಕಾರದೊಂದಿಗೆ ಜಟಾಪಟಿ ಬೇಕಿಲ್ಲ ಎಂದು ಹೇಳಿದ್ದ ರಾಜ್ಯಪಾಲರು ಏಕೆ ಮನಸ್ಸು ಬದಲಾಯಿಸಿದ್ದಾರೆ ಎಂದು ಪ್ರಶ್ನಿಸಿದರು. ನೇಮಕಾತಿ ವಿಚಾರದಲ್ಲಿ ರಾಜ್ಯಪಾಲರಿಗೆ ಕೆಲವು ಕಾನೂನು ಸಂದೇಹಗಳಿದ್ದು, ಅದಕ್ಕೆ ಸಂಬಂಧಿಸಿದಂತೆ ಅಡ್ವೊಕೇಟ್ ಜನರಲ್ ಅವರಿಂದಲೂ ಉನ್ನತ ಮಟ್ಟದಲ್ಲಿ ಸಲಹೆ ನೀಡಲಾಗಿದೆ ಎಂದು ಮುಖ್ಯಮಂತ್ರಿ ಹೇಳಿದರು.
ಕಣ್ಣೂರು ವಿಶ್ವವಿದ್ಯಾನಿಲಯದ ನಿರ್ಗಮಿತ ಉಪಕುಲಪತಿ ಗೋಪಿನಾಥ್ ರವೀಂದ್ರನ್ ಅವರನ್ನು ಕೇರಳ ಸರ್ಕಾರ ರಾಜೀನಾಮೆ ಕೇಳುವುದಿಲ್ಲ ಎಂದು ಅವರು ಸ್ಪಷ್ಟಪಡಿಸಿದರು. ವಿಸಿಯನ್ನು ಸರ್ಕಾರ ನೇಮಿಸುವುದಿಲ್ಲ, ಬದಲಿಗೆ ಅದು ರಾಜ್ಯಪಾಲರ ಅಧಿಕಾರ ವ್ಯಾಪ್ತಿಗೆ ಬರುತ್ತದೆ ಎಂದು ಹೇಳಿದರು. ಕುಲಪತಿಗಳಿಗೆ ಅಂದರೆ ರಾಜ್ಯಪಾಲರಿಗೆ ಸರ್ಕಾರ ಸಲಹೆ ಮಾತ್ರ ನೀಡಬಹುದು ಆದರೆ ಅಂತಿಮ ತೀರ್ಮಾನ ಅವರಿಗೇ ಬಿಟ್ಟದ್ದು ಎಂದರು. ಕಾಲಡಿ ಶ್ರೀ ಶಂಕರಾಚಾರ್ಯ ಸಂಸ್ಕೃತ ವಿಶ್ವವಿದ್ಯಾಲಯದ ಉಪಕುಲಪತಿ ನೇಮಕದ ಬಗ್ಗೆಯೂ ಅವರು ಪ್ರಶ್ನೆಗಳನ್ನು ಎತ್ತಿದರು. ಯುಜಿಸಿ ನಿಯಮದ ಪ್ರಕಾರ ಕುಲಪತಿಗಳಿಗೆ ಹೆಸರುಗಳ ಪಟ್ಟಿ ನೀಡಬೇಕು ಆದರೆ ಅವರು ತಮಗೆ ಒಂದೇ ಹೆಸರನ್ನು ನೀಡಿದ್ದಾರೆ ಎಂದರು.
ಈ ಹಿಂದೆ ರಾಜ್ಯಪಾಲರು ಶಿಕ್ಷಣ ಸಚಿವಾಲಯದಿಂದ ಸಂಪೂರ್ಣ ಸಮಿತಿಯ ಹೆಸರನ್ನು ಕೇಳಿದ್ದರು, ನಂತರ ಒಬ್ಬ ವ್ಯಕ್ತಿಯನ್ನು ಮಾತ್ರ ಕಳುಹಿಸಲು ಹೇಳಿದರು. ರಾಜ್ಯದಲ್ಲಿ ಎಲ್‌ಡಿಎಫ್‌ನ ಸಮ್ಮಿಶ್ರ ಸರ್ಕಾರದಿಂದ ಉಪಕುಲಪತಿಗಳ ನೇಮಕದಲ್ಲಿ ಹಸ್ತಕ್ಷೇಪದ ಆರೋಪಗಳನ್ನು ಅವರು ನಿರಾಕರಿಸಿದರು. ವಿಶ್ವವಿದ್ಯಾನಿಲಯಗಳು ರಾಜಕೀಯ ವ್ಯಕ್ತಿಗಳಿಂದ ತುಂಬಿವೆ ಮತ್ತು ಶೈಕ್ಷಣಿಕೇತರರು ಶೈಕ್ಷಣಿಕ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ ಎಂದು ರಾಜ್ಯಪಾಲರು ತಮ್ಮ ಪತ್ರದಲ್ಲಿ ಹೇಳಿದ್ದಾರೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ಗೆ ಉಪಕುಲಪತಿ ಸ್ಥಾನ ತೆಗೆದುಕೊಳ್ಳುವಂತೆ ಆರೀಫ್ ಮೊಹಮ್ಮದ್ ಸವಾಲು ಹಾಕಿದ್ದರು, ಇದಕ್ಕೆ ಪ್ರತಿಕ್ರಿಯಿಸಿದ ಅವರು, ರಾಜ್ಯಪಾಲರ ಶಕ್ತಿ ನನಗೆ ಬೇಡ ಎಂದು ಸಿಎಂ ಹೇಳಿದರು.
ಕಲಾಮಂಡಲಂ ವಿಸಿ ಕುಲಪತಿ ವಿರುದ್ಧ ನ್ಯಾಯಾಲಯದ ಮೊರೆ ಹೋಗಿರುವ ನಿರ್ಧಾರವೂ ತಪ್ಪಾಗಿದೆ ಎಂದರು. ಇದಕ್ಕೆ ನಾನು ಅವಕಾಶ ನೀಡುವುದಿಲ್ಲ ಎಂದು ಹೇಳಿದ ಅವರು, ವಿಸಿಗೆ ಪ್ರಕರಣವನ್ನು ಹಿಂಪಡೆಯುವಂತೆ ಕೇಳಿಕೊಂಡರು. ವಿಸಿ ವಿರುದ್ಧ ಏಕೆ ಕ್ರಮ ಕೈಗೊಂಡಿಲ್ಲ ಎಂದು ರಾಜ್ಯಪಾಲ ಆರಿಫ್ ಮೊಹಮ್ಮದ್ ಖಾನ್ ಕೇಳಿದ್ದರು. ಒಂದು ವರ್ಷ ಕಳೆದರೂ ಶ್ರೀ ನಾರಾಯಣ ಗುರು ಮುಕ್ತ ವಿವಿಯಲ್ಲಿ ಶಿಕ್ಷಕರ ನೇಮಕವಾಗಿಲ್ಲ, ಇದಕ್ಕೆ ರಾಜ್ಯಪಾಲ ಖಾನ್ ಆಕ್ಷೇಪ ವ್ಯಕ್ತಪಡಿಸಿದರು. ವಿಸಿಗೆ ಸಂಬಳವೂ ಸಿಕ್ಕಿಲ್ಲ.
ಮತ್ತೊಂದೆಡೆ ಆರಿಫ್ ಮೊಹಮ್ಮದ್ ಖಾನ್ ತಮ್ಮ ನಿರ್ಧಾರ ಹಾಗು ಬೇಡಿಕೆಗಳಿಗೆ ಅಚಲರಾಗಿದ್ದಾರೆ. ಕುಲಪತಿಯಾಗಿ ರಾಜಕೀಯ ಹಸ್ತಕ್ಷೇಪ ಬೇಡ, ಇಲ್ಲದಿದ್ದರೆ ಈ ಸ್ಥಾನದಲ್ಲಿ ಇರುವುದಿಲ್ಲ ಎನ್ನುತ್ತಾರೆ. ಕುಲಪತಿಯಾಗಿ ಬರುವ ಎಲ್ಲ ಕಡತಗಳನ್ನು ಸಿಎಂ ಕಚೇರಿಗೆ ಕಳುಹಿಸುವಂತೆ ಅವರು ಆದೇಶಿಸಿದ್ದಾರೆ. ಸಿಎಂ ಪಿಣರಾಯಿ ವಿಜಯನ್ ಅಧಿಕಾರ ಬಳಸಿ ಕಾನೂನು ಬದಲಾವಣೆ ಮಾಡಿ ಕುಲಪತಿ ಹುದ್ದೆ ಅಲಂಕರಿಸಲಿ, ಅಭ್ಯಂತರವಿಲ್ಲ ಎಂದರು. ಎರಡೂವರೆ ವರ್ಷಗಳಿಂದ ವಿವಿಗಳನ್ನು ರಾಜಕೀಯ ಉದ್ದೇಶಕ್ಕೆ ಬಳಸಿಕೊಳ್ಳುತ್ತಿರುವುದು ತುಂಬಾ ನೋವಿನ ಸಂಗತಿ ಎಂದರು.
#Kerala Governor Arif Mohammed Khan has asked Chief Minister Pinarayi Vijayan to take over as the chancellor of the universities. @shajuexpress explains what led to this movehttps://t.co/TIxqBRRRyr
— Express South 😷 (@IExpressSouth) December 12, 2021
ಸಿಎಎ ಕಾನೂನಿನ ವಿರುದ್ಧ ಕೇರಳ ಸರ್ಕಾರ ಸುಪ್ರೀಂ ಕೋರ್ಟ್‌ಗೆ ಹೋದಾಗ, ಗವರ್ನರ್ ಆರಿಫ್ ಮೊಹಮ್ಮದ್ ಖಾನ್ ಅವರು ಪಿಣರಾಯಿ ವಿಜಯನ್ ಸರ್ಕಾರವನ್ನು ಟೀಕಿಸಿದ್ದರು, ನಂತರ ಸಿಎಂ ಪಿಣರಾಯಿ ವಿಜಯನ್ ಕೂಡ ಸೇಡು ತೀರಿಸಿಕೊಂಡರು. ಈಗ ಸರ್ಕಾರ ಮಿತಿ ಮೀರುತ್ತಿದೆ ಎಂದು ರಾಜ್ಯಪಾಲರು ಹೇಳುತ್ತಾರೆ. ಸಂಸ್ಕೃತ ವಿಶ್ವವಿದ್ಯಾನಿಲಯಕ್ಕೆ ಏಳು ಹೆಸರುಗಳಿದ್ದವು ಆದರೆ ತಮಗೆ ಒಂದೇ ಹೆಸರನ್ನು ಕೊಡಲಾಯಿತು ಎಂದರು. ಯಾವುದೇ ರಾಜಕೀಯ ಪಕ್ಷದ ಅಜೆಂಡಾವನ್ನು ಅನುಷ್ಠಾನಗೊಳಿಸುವುದು ನನ್ನ ಕೆಲಸವಲ್ಲ ಎಂದು ಆರಿಫ್ ಮೊಹಮ್ಮದ್ ಖಾನ್ ಸ್ಪಷ್ಟಪಡಿಸಿದ್ದಾರೆ.
ಸಂದರ್ಶನವೊಂದರಲ್ಲಿ ಆರಿಫ್ ಮೊಹಮ್ಮದ್ ಖಾನ್ ಮಾತನಾಡಿ ತನ್ನ ಮಾನಹಾನಿ ಮಾಡಲು ಎಲ್ಲ ಪ್ರಯತ್ನಗಳನ್ನು ಮಾಡಲಾಗುತ್ತಿದೆ ಎಂದು ಹೇಳಿದ್ದಾರೆ. “ಮುಖ್ಯಮಂತ್ರಿ ಅವರು ಕೇಂದ್ರದೊಂದಿಗೆ ವಿವಾದ ಉಂಟಾದಾಗ, ನಾನು ಅವರಿಗೆ ಸರಿಯಾದ ಸಲಹೆ ನೀಡಿದ್ದೇನೆ. ನಾನು ಮುಂದೆ ಹೋಗಿ ಕೇರಳ ಮತ್ತು ಅದರ ಇಮೇಜ್ ಅನ್ನು ಹೆಚ್ಚಿಸಲು ಹಲವು ಬಾರಿ ಪ್ರಯತ್ನಿಸಿದೆ. ರಾಜ್ಯಪಾಲರ ಸಮಾವೇಶದ ವೇಳೆ ಜನರು ಕೇರಳ ಸರ್ಕಾರದ ಪ್ರತಿನಿಧಿ ಅಂತ ಹೇಳಿದ್ದರು. ಕೇರಳದಲ್ಲಿ ಉನ್ನತ ಶಿಕ್ಷಣದಲ್ಲಿ ರಾಜಕೀಯ ಹಸ್ತಕ್ಷೇಪ ಮಿತಿ ಮೀರಿದೆ. ಕನಿಷ್ಠಪಕ್ಷ ರಾಜಕೀಯ ಹಸ್ತಕ್ಷೇಪ ಇಲ್ಲ ಎಂಬುದನ್ನೂ ಅವರು ತೋರಿಸಿಕೊಳ್ಳುವುದಿಲ್ಲ” ಎಂದರು.
