ಮುಳ್ಳಿನ ಪೊದೆಯಲ್ಲಿ ನವಜಾತ ಶಿಶುವನ್ನ ಎಸೆದು ಹೋಗಿದ್ದ ಕ್ರೂರ ತಾಯಿ, ಚಳಿಯಿಂದ ನಡುಗುತ್ತ ಬಿಕ್ಕಿ ಬಿಕ್ಕಿ ಅಳುತ್ತಿದ್ದ ನವಜಾತ ಹೆಣ್ಣು ಮಗುವನ್ನ ಮನೆಗೆ ತಂದು ತನ್ನ ಎದೆ ಹಾಲುಣಿಸಿದ ಪೋಲಿಸ್ ಅಧಿಕಾರಿಯ ಪತ್ನಿ

ಉತ್ತರ ಪ್ರದೇಶದ ಗ್ರೇಟರ್ ನೋಯ್ಡಾದಲ್ಲಿ ಮನುಕುಲವೇ ನಾಚಿಕೆಪಡುವಂತಹ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ತೀವ್ರ ಚಳಿಯ ನಡುವೆಯೇ ಪೋಷಕರು ತಮ್ಮ ನವಜಾತ ಹೆಣ್ಣು ಮಗುವೊಂನ್ನು ಮುಳ್ಳಿನ ಗಂಟಿಗಳಿಂದ ಕೂಡಿದ್ದ ಪೊದೆಗೆ ಎಸೆದು ಬಿಟ್ಟಿದ್ದಾರೆ. ಮಗುವಿನ ಅಳು ಕೇಳಿ ಪೊಲೀಸರು ಸ್ಥಳಕ್ಕಾಗಮಿಸಿದಾಗ ಪೊದೆಯಲ್ಲಿ ಬಟ್ಟೆಯಲ್ಲಿ ಸುತ್ತಿ ಎಸೆಲಾಗಿದ್ದ ನವಜಾತ ಹೆಣ್ಣು ಮಗು ಪತ್ತೆಯಾಗಿದೆ.

ಗ್ರೇಟರ್ ನೋಯ್ಡಾ: ಉತ್ತರ ಪ್ರದೇಶದ ಗ್ರೇಟರ್ ನೋಯ್ಡಾದಲ್ಲಿ ಮನುಕುಲವೇ ನಾಚಿಕೆಪಡುವಂತಹ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ತೀವ್ರ ಚಳಿಯ ನಡುವೆಯೇ ಪೋಷಕರು ತಮ್ಮ ನವಜಾತ ಹೆಣ್ಣು ಮಗುವೊಂನ್ನು ಗಿಡ ಗಂಟಿಗಳಿಂದ ಕೂಡಿದ್ದ ಪೊದೆಗೆ ಎಸೆದು ಬಿಟ್ಟಿದ್ದಾರೆ. ಮಗುವಿನ ಅಳು ಕೇಳಿ ಪೊಲೀಸರು ಸ್ಥಳಕ್ಕಾಗಮಿಸಿದಾಗ ಪೊದೆಯಲ್ಲಿ ಬಟ್ಟೆಯಲ್ಲಿ ಸುತ್ತಿ ಎಸೆಲಾಗಿದ್ದ ನವಜಾತ ಹೆಣ್ಣು ಮಗು ಪತ್ತೆಯಾಗಿದೆ. ಮಗುವಿನ ಆರೋಗ್ಯ ಚಳಿಯಿಂದಾಗಿ ತೀರಾ ಹದಗೆಟ್ಟಿತ್ತು. ಏತನ್ಮಧ್ಯೆ, SHO ಅವರ ಪತ್ನಿ, ಮಾನವೀಯತೆಗೆ ಉದಾಹರಣೆಯಾಗಿ, ನವಜಾತ ಹೆಣ್ಣು ಮಗುವಿಗೆ ತಮ್ಮ ಎದೆ ಹಾಲು ಉಣಿಸಿದ್ದು, ನಂತರ ಮಗುವಿನ ಆರೋಗ್ಯ ಸ್ಥಿರವಾಗಿದೆ ಎಂದು ಹೇಳಲಾಗುತ್ತದೆ. ಮತ್ತೊಂದೆಡೆ SHO ಪತ್ನಿ ತೋರಿದ ಮಾನವೀಯತೆ ಹಾಗು ಔದಾರ್ಯವನ್ನು ಎಲ್ಲರೂ ಕೊಂಡಾಡುತ್ತಿದ್ದಾರೆ.

ತಮ್ಮ ಎದೆಹಾಲು ನೀಡುವ ಮೂಲಕ ನವಜಾತ ಶಿಶುವಿನ ಪ್ರಾಣ ಉಳಿಸಿದ SHO ಪತ್ನಿ ಜ್ಯೋತಿ ಸಿಂಗ್

ಮಾಹಿತಿಯ ಪ್ರಕಾರ, ಡಿಸೆಂಬರ್ 20 ರಂದು, ನಾಲೆಡ್ಜ್ ಪಾರ್ಕ್ ಪ್ರದೇಶದ ಪೊದೆಗಳಲ್ಲಿ ಪೊಲೀಸರಿಗೆ ನವಜಾತ ಹೆಣ್ಣು ಮಗು ಪತ್ತೆಯಾಗಿತ್ತು. ಬಳಿಕ ಪೊಲೀಸರು ಮಗುವನ್ನು ಠಾಣೆಗೆ ಕರೆತಂದಿದ್ದಾರೆ. ನವಜಾತ ಶಿಶು ಹಸಿವು ಮತ್ತು ಚಳಿಯಿಂದ ಅಳುತ್ತಿತ್ತು ಮತ್ತು ಅದರ ಸ್ಥಿತಿಯೂ ತುಂಬಾ ನಾಜೂಜಾಗಿತ್ತು. ನಂತರ SHO ಪತ್ನಿ ಜ್ಯೋತಿ ಸಿಂಗ್ ನವಜಾತ ಹೆಣ್ಣು ಶಿಶುವಿಗೆ ತಮ್ಮ ಎದೆಹಾಲು ನೀಡಿ ಪ್ರಾಣ ಉಳಿಸಿದರು. ಮತ್ತೊಂದೆಡೆ, ಮಗುವಿಗೆ ಹಾಲುಣಿಸಿದ ಜ್ಯೋತಿ ಸಿಂಗ್, ತಮ್ಮ ಹೆತ್ತ ಮಗುವನ್ನೇ ಯಾವ ಕ್ರೂರಿ ತಂದೆ ತಾಯಿ ಈ ರೀತಿ ಮಾಡುತ್ತಾರೆ ಎಂದು ನನಗೆ ಅರ್ಥವಾಗುತ್ತಿಲ್ಲ. ಅವರನ್ನು ನೋಡಿಕೊಳ್ಳಲು ಸಾಧ್ಯವಾಗದಿದ್ದರೆ, ಮಗುವನ್ನು ಅನಾಥಾಶ್ರಮ ಅಥವಾ ಎನ್‌ಜಿಒಗೆ ಒಪ್ಪಿಸಬೇಕು ಅದು ಬಿಟ್ಟು ಈ ರೀತಿ ಪೊದೆಗಳಲ್ಲಿ ಎಸೆಯಬೇಡಿ ಎಂದು ನಾನು ಜನರಿಗೆ ಹೇಳಲು ಬಯಸುತ್ತೇನೆ ಎಂದು ಅವರು ಹೇಳಿದರು.

ಮಗುವಿನ ಆರೋಗ್ಯ ಸ್ಥಿರ

ನವಜಾತ ಹೆಣ್ಣು ಮಗುವನ್ನ ಪೋಲಿಸ್ ಠಾಣೆಗೆ ಕರೆತಂದ ಪೊಲೀಸರು ಮಗುವಿನ ಪೋಷಕರಿಗಾಗಿ ಹುಡುಕಾಟ ನಡೆಸಿದರೂ ಫಲ ಸಿಗಲಿಲ್ಲ. ಸದ್ಯ ಮುಗ್ಧ ನವಜಾತ ಶಿಶುವನ್ನ ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಮಗುವಿನ ಸ್ಥಿತಿ ಸ್ಥಿರವಾಗಿದೆ ಎನ್ನಲಾಗಿದೆ. ಚಳಿಯಲ್ಲಿ ನವಜಾತ ಶಿಶುವನ್ನು ಪೊದೆಗೆ ಎಸೆದವರ ಶೋಧ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ:

“ದಿನವೀಡೀ ಅಳುತ್ತಲೇ ಇರ್ತಿತ್ತು ಒಂದು ತಿಂಗಳ ಮಗು, ಇದನ್ನ ಸಹಿಸೋಕಾಗದೆ ಮಗುವನ್ನ ಗೊಡೆಗೆ ಬಡಿದು ಕೊಂ-ದ ತಾಯಿ….” ಇಂಥಾ ತಾಯಂದಿರು ಇರ್ತಾರೆ ನೋಡಿ

ಒಬ್ಬ ತಾಯಿಗೆ ಅವಳ ಮಗುವೇ ಇಡೀ ಜಗತ್ತು. ಮಗುವಿನ ಖುಷಿಗಾಗಿ ತಾಯಿ ಯಾವ ಮಟ್ಟಕ್ಕೂ ಹೋಗಬಹುದು. ತಾಯಿಗೆ ತನ್ನ ಮಗುವಿನ ಕಣ್ಣಿನಲ್ಲಿ ಒಂದು ಹನಿ ಕಣ್ಣೀರು ಕೂಡ ನೋಡಲು ಆಗುವುದಿಲ್ಲ. ಮಗು ಅಳುತ್ತಿದ್ದರೆ ರಾತ್ರಿಯಿಡೀ ಎಚ್ಚರಗೊಂಡಿದ್ದು ಮಗುವನ್ನ ಸಮಾಧಾನಪಡಿಸುತ್ತಾಳೆ. ಮಗುವಿನ ಆರೋಗ್ಯದಲ್ಲಿ ಕೊಂಚ ಏರುಪೇರಾದರೂ ಆಸ್ಪತ್ರೆಗಳಿಗೆ ಓಡೋಡಿ ಹೋಗುತ್ತಾಳೆ. ಹಗಲಿರುಳು ಮಗುವಿನ ಸೇವೆಯಲ್ಲಿ ನಿರತಳಾಗಿರುತ್ತಾಳೆ.

ಆದರೆ ಇಂದು ನಾವು ನಿಮಗೆ ತಿಳಿಸಲು ಹೊರಟಿರುವುದು ಕಲಿಯುಗದ ಕ್ರೂರ ತಾಯಿಯೊಬ್ಬಳ ಬಗ್ಗೆ. ಈ ತಾಯಿ ತನ್ನ ಮಗುವಿನ ಅಳುವಿನಿಂದ ಬೇಸತ್ತು ಮಗುವಿನ ತಲೆಯನ್ನು ಗೋಡೆಗೆ ಬಡಿದು ಕೊಂ ದಿ ದ್ದಾಳೆ. ಮಹಿಳೆಗೆ 21 ವರ್ಷ ವಯಸ್ಸಾಗಿದ್ದು, 45 ವರ್ಷದ ಬಾಯ್ ಫ್ರೆಂಡ್ ಕೂಡ ಇದ್ದಾನೆ. ಬನ್ನಿ ಈ ದುಃಖ ಮತ್ತು ಆಘಾತಕಾರಿ ಸುದ್ದಿಯನ್ನು ನಿಮಗೆ ವಿವರವಾಗಿ ತಿಳಿಸುತ್ತೇವೆ.

ಮಗು ಅಳುತ್ತಲೇ ಇರುತ್ತೆ ಅಂತ ಗೋಡೆಗೆ ಬ ಡಿ ದು ಕೊಂ ದ ತಾಯಿ

ನಿಜಕ್ಕೂ ಈ ಹೃದಯವಿದ್ರಾವಕ ಪ್ರಕರಣ ಕೇರಳದ ಪಥಾನಾಮಥಿಟ್ಟಾ ದ್ದಾಗಿದೆ. ಡಿಸೆಂಬರ್ 9 ರಂದು ಈ ಘಟನೆ ನಡೆದಿದೆ. 21 ವರ್ಷದ ತಾಯಿಯೊಬ್ಬಳು ತನ್ನ 27 ದಿನದ ಮಗುವಿನ ಅಳುವಿನಿಂದ ಬೇಸತ್ತಿದ್ದಳು. ಮಗು ಅವಧಿಗೂ ಮುನ್ನವೇ ಜನಿಸಿತ್ತು. ಮಗು ಆಗಾಗ್ಗೆ ಅನಾರೋಗ್ಯದಿಂದ ಬಳಲುತ್ತಿತ್ತು. ಅದೇ ಕಾರಣಕ್ಕಾಗಿ ಅದು ಪ್ರತಿ ಕ್ಷಣವೂ ಅಳುತ್ತಲೇ ಇರುತ್ತಿತ್ತು. ಮಗುವಿನ ಆ ಅಳುವನ್ನ ನೋಡಿ ತಾಯಿಗೆ ಕಿರಿಕಿರಿಯಾಗುತ್ತಿತ್ತು. ಹೀಗಿರುವಾಗ ಗುರುವಾರ (ಡಿಸೆಂಬರ್ 9) ಮಗು ತುಂಬಾ ಅಳುತ್ತಿರೋದನ್ನ ನೋಡಿದ ತಾಯಿ ಮಗುವಿನ ತಲೆಯನ್ನು ಗೋ ಡೆ ಗೆ ಬಡಿದಿದ್ದಾಳೆ.

ಆಸ್ಪತ್ರೆಯಲ್ಲಿ ಅಸುನೀಗಿದ ಕಂದಮ್ಮ

ಮಗುವಿನ ತಲೆ ಗೋಡೆಗೆ ಬಡಿದ ನಂತರ ಮಗುವಿನ ಸ್ಥಿತಿ ಹದಗೆಟ್ಟಿದೆ. ರಾತ್ರಿ 11 ಗಂಟೆಗೆ ಮಗುವನ್ನ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ವೈದ್ಯರಿಗೆ ಮಗುವನ್ನ ತೋರಿಸಿ ಮನೆಗೆ ಕರೆತರಲಾಯಿತು. ಆದರೆ ಮರುದಿನ ಮಗುವಿನ ಸ್ಥಿತಿ ಮತ್ತೆ ಗಂಭೀರವಾಯಿತು. ಬಳಿಕ‌ ಮಗುವನ್ನು ಮತ್ತೆ ಆಸ್ಪತ್ರೆಗೆ ಕರೆದೊಯ್ಯಲಾಯಿತು, ಆದರೆ ಇಲ್ಲಿ ಅಮಾಯಕ ಹಸುಗೂಸಿ ಕೊನೆಯುಸಿರೆಳೆದಿತ್ತು ಹಾಗು ವೈದ್ಯರು ಮಗು ಇನ್ನಿಲ್ಲ ಎಂದು ಕುಟುಂಬಸ್ಥರಿಗೆ ತಿಳಿಸಿದರು.

ಕ್ರೂ ರಿ ತಾಯಿಯ ಕೃತ್ಯ ಬಯಲಾಗಿದ್ದು ಹೀಗೆ

ಚರ್ಚ್ ನಡೆಸುತ್ತಿರುವ ಫಾದರ್ ಜೋಜಿ ಥಾಮಸ್ ಹೇಳಿಕೆ ನೀಡಿ ಪೊಲೀಸರ ಬಳಿ ಪ್ರಕರಣ ದಾಖಲಿಸಿದಾಗ ಈ ಘಟನೆ ಬೆಳಕಿಗೆ ಬಂದಿದೆ. ಆರೋಪಿ ಮಹಿಳೆ ಅದೇ ಚರ್ಚ್‌ನ ಅಡುಗೆ ಮನೆಯಲ್ಲಿ ಕೆಲಸ ಮಾಡುತ್ತಿದ್ದಾಳೆ. ಅದೇ ಚರ್ಚ್ ನಲ್ಲಿ ಆಕೆಗೆ 45 ವರ್ಷದ ಬಾಯ್ ಫ್ರೆಂಡ್ ಇದ್ದು ಆತನೂ ಅಲ್ಲೇ ವಾಸಿಸುತ್ತಾನೆ. ಈ ಮಗು ಅವನದ್ದೇ ಆಗಿದೆ. ಡಿಸೆಂಬರ್ 10 ರಂದು ಮಗುವಿನ ಮರಣೋತ್ತರ ಪರೀಕ್ಷೆ ನಡೆಸಲಾಯಿತು, ನಂತರ ಮಗುವಿನ ತಲೆಯ ಮೇಲೆ ಗಾಯದ ಗುರುತುಗಳಿವೆ ಎಂದು ವೈದ್ಯರು ಪೊಲೀಸರಿಗೆ ತಿಳಿಸಿದ್ದಾರೆ.

ಮಹಿಳೆಗಿದ್ದಾನೆ ವಿವಾಹಿತ ಬಾಯ್ ಫ್ರೆಂಡ್

ಮರಣೋತ್ತರ ಪರೀಕ್ಷೆ ವರದಿ ಬಂದ ನಂತರ ಪೊಲೀಸರು ಮಗುವಿನ ಪೋಷಕರನ್ನು ವಿಚಾರಣೆಗೊಳಪಡಿಸಿದ್ದಾರೆ. ಈ ವೇಳೆ ಮಹಿಳೆ ಹಾಗೂ ಆಕೆಯ ಪ್ರಿಯಕರನ ನಡುವೆ ಫೋನ್ ಮೂಲಕ ಸಂಪರ್ಕವಾಗಿತ್ತು ಎಂಬುದು ಪೊಲೀಸರಿಗೆ ತಿಳಿದು ಬಂದಿದೆ. ಇಬ್ಬರೂ ಪ್ರೀತಿಸಿದಾಗ, ಆಶ್ರಮದಲ್ಲಿ ಒಟ್ಟಿಗೆ ವಾಸಿಸಲು ಪ್ರಾರಂಭಿಸಿದರು. ಮಹಿಳೆಯ ಪ್ರೇಮಿ ಈಗಾಗಲೇ ಮದುವೆಯಾಗಿದ್ದಾನೆ. ಮಹಿಳೆಗೆ ಈ ಬಗ್ಗೆ ಮೊದಲೇ ತಿಳಿದಿತ್ತಾದರೂ ಆತನನ್ನ ಪ್ರೀತಿಸುತ್ತಿದ್ದಳು.

ತಾಯಿಯನ್ನ ಅರೆಸ್ಟ್ ಮಾಡಿದ ಪೋಲಿಸರು

ಪೊಲೀಸರು ಮಹಿಳೆಯನ್ನು ಕಟ್ಟುನಿಟ್ಟಾಗಿ ವಿಚಾರಣೆ ನಡೆಸಿದಾಗ ಮಗುವಿನ ತಲೆಯನ್ನು ಗೋಡೆಗೆ ಹೊಡೆದಿರುವುದನ್ನು ಒಪ್ಪಿಕೊಂಡಿದ್ದಾಳೆ. ಮಗು ಅಸ್ವಸ್ಥಗೊಂಡು ದಿನವಿಡೀ ಅಳುತ್ತಿರುವುದಕ್ಕೆ ಬೇಸತ್ತಿದ್ದರಿಂದ ತಾನು ಕೋಪದಿಂದ ಹಾಗೆ ಮಾಡಿದೆ ಎಂದು ಪೊಲೀಸರಿಗೆ ತಿಳಿಸಿದ್ದಾಳೆ. ಮಹಿಳೆಯ ಹೇಳಿಕೆಯ ನಂತರ, ಮಗುವಿನ ಹ ತ್ಯೆ ಗಾಗಿ ಪೊಲೀಸರು ಆಕೆಯನ್ನ ಬಂಧಿಸಿದ್ದಾರೆ.