ನೆಟ್‌ಫ್ಲಿಕ್ಸ್ ಸೀರೀಸ್ Decoupled ಇತ್ತೀಚಿನ ದಿನಗಳಲ್ಲಿ ಸೋಶಿಯಲ್ ಮೀಡಿಯಾಗಳಲ್ಲಿ ಚರ್ಚೆಯ ವಿಷಯವಾಗಿದೆ. ಶೋ ಗೆ ಪಾಸಿಟಿವ್ ಮತ್ತು ನೆಗೆಟಿವ್ ಪ್ರತಿಕ್ರಿಯೆಗಳು ಬರುತ್ತಿವೆ. ಶೋ ನಲ್ಲಿ ಖ್ಯಾತ ನಟ ಆರ್ ಮಾಧವನ್ ಮತ್ತು ನಟಿ ಸುರ್ವೀನ್ ಚಾವ್ಲಾ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಶೋ ನ ಆರ್ಯ ಅಯ್ಯರ್ ಪ್ರಮುಖ ಪಾತ್ರವನ್ನು ಆರ್ ಮಾಧವನ್ ನಿರ್ವಹಿಸಿದ್ದಾರೆ. ಇತ್ತೀಚೆಗೆ ಶೋನ ವಿಡಿಯೋ ಕ್ಲಿಪ್ ವೈರಲ್ ಆಗಿತ್ತು. ಇದರಲ್ಲಿ ಅವರು ದೆಹಲಿ ವಿಮಾನ ನಿಲ್ದಾಣದ ಪ್ರಾರ್ಥನಾ ಕೊಠಡಿಯಲ್ಲಿ ಕೆಲವು ಸ್ಟ್ರೆಚಿಂಗ್ ವ್ಯಾಯಾಮಗಳನ್ನು ಮಾಡುತ್ತಿರೋದನ್ನ ಕಾಣಬಹುದು.
ವೈರಲ್ ಆದ ದೃಶ್ಯದಲ್ಲಿ, ಯಶಸ್ವಿ ಕಾದಂಬರಿ ಬರಹಗಾರ ಆರ್ಯ ಅಯ್ಯರ್ ಅವರು ಸ್ಟ್ರೆಚಿಂಗ್ ವ್ಯಾಯಾಮ ಮಾಡಲು ಉಚಿತ ಸ್ಥಳವನ್ನು ಹುಡುಕುತ್ತಿರುವಾಗ ಬೆನ್ನು ನೋವಿನಿಂದ ಬಳಲುತ್ತಾರೆ. ಈ ಸಮಯದಲ್ಲಿ, ಅವರು ದೆಹಲಿ ವಿಮಾನ ನಿಲ್ದಾಣದಲ್ಲಿ ‘ಪ್ರಾರ್ಥನಾ ಕೊಠಡಿ’ಗೆ ತೆರಳುತ್ತಾರೆ. ಅಲ್ಲಿ ಮತ್ತೊಬ್ಬ ಮಧ್ಯವಯಸ್ಕ ಕೋಣೆಯೊಳಗೆ ನಮಾಜ್ ಮಾಡುತ್ತಿರುತ್ತಾನೆ. ಮಾಧವನ್ ತನ್ನ ಸ್ಟ್ರೆಚಿಂಗ್ ವ್ಯಾಯಾಮವನ್ನು ಪ್ರಾರಂಭಿಸಿದಾಗ, ಆ ಮುಸ್ಲಿಂ ವ್ಯಕ್ತಿ ಕಿರಿಕಿರಿಗೊಳ್ಳುತ್ತಾನೆ. ಅವನು ತನ್ನ ನಮಾಜ್‌ಗೆ ಅಡ್ಡಿಪಡಿಸುತ್ತಾನೆ ಮತ್ತು ಇದು ಪ್ರಾರ್ಥನಾ ಕೋಣೆಯೇ ಹೊರತು ವ್ಯಾಯಾಮದ ಕೋಣೆ ಅಲ್ಲ ಎಂದು ಆರ್ಯನ್‌ಗೆ ಹೇಳುತ್ತಾನೆ.
@ActorMadhavan 👌👌🤪 pic.twitter.com/az4EhO90gu
— Saru (@Saru27970518) December 19, 2021
ಮಾಧವನ್ ತಮಗೆ ಬೆನ್ನು ನೋಯುತ್ತಿದೆ ಎಂದು ಹೇಳುತ್ತಾರೆ. ಅದಕ್ಕಾಗಿಯೇ ಅವರನ್ನು ವಿಮಾನದಲ್ಲಿ ಹತ್ತುವ ಮುನ್ನ ಸ್ಟ್ರೆಚಿಂಗ್ ಎಕ್ಸರ್ಸೈಜ್ ಮಾಡುತ್ತಿರುತ್ತಾರೆ. ಮಾಧವನ್ ಆ ವ್ಯಕ್ತಿಗೆ ವಿಷಯವನ್ನು ಅರ್ಥಮಾಡಿಕೊಳ್ಳಲು ವಿನಂತಿಸುತ್ತಾನೆ, ಆದರೆ ಆತ ಆ ಮಾತಿನಿಂದ ಮಾತು ಬದಲಿಸುತ್ತಾನೆ ಮತ್ತು ಮಾಧವನ್‌ಗೆ ತಾನು ಪ್ರಾರ್ಥನಾ ಕೋಣೆಯೊಳಗೆ ಸ್ಟ್ರೆಚಿಂಗ್ ವ್ಯಾಯಾಮ ಮಾಡಲು ಸಾಧ್ಯವಿಲ್ಲ ಎಂದು ಸ್ಪಷ್ಟವಾಗಿ ಹೇಳುತ್ತಾನೆ.
ಅಷ್ಟೇ ಅಲ್ಲ, ನಮಾಜ್ ಮಾಡುವ ವ್ಯಕ್ತಿ ಏರ್‌ಪೋರ್ಟ್‌ನ ಉದ್ಯೋಗಿಯೊಬ್ಬನಿಗೆ ದೂರು ನೀಡುತ್ತಾನೆ. ನಂತರ ಸಿಬ್ಬಂದಿ ಆರ್ ಮಾಧವನ್ ಅವರಿಗೆ ಇಲ್ಲಿ ವ್ಯಾಯಾಮ ಮಾಡಲು ಸಾಧ್ಯವಿಲ್ಲ ಎಂದು ಹೇಳುತ್ತಾರೆ. ಈ ಕೋಣೆ ಪ್ರಾರ್ಥನೆಗೆ ಮಾತ್ರ ಎನ್ನುತ್ತಾನೆ. ಸಿಬ್ಬಂದಿ ಈ ಮಾತು ಹೇಳಿದ ತಕ್ಷಣ, ಮಾಧವನ್ ಗಾಯತ್ರಿ ಮಂತ್ರವನ್ನು ಪಠಿಸುತ್ತಾ ತನ್ನ ಸ್ಟ್ರೆಚಿಂಗ್ ವ್ಯಾಯಾಮವನ್ನು ಮಾಡಲು ಪ್ರಾರಂಭಿಸುತ್ತಾರೆ. ಇದನ್ನು ಕಂಡು ನಮಾಜ್ ಮಾಡುವ ವ್ಯಕ್ತಿಗೆ ಕೋಪ ಬರುತ್ತದೆ, ಆದರೆ ಈಗ ಆತನು ಬಯಸಿದರೂ ಮಾಧವನ್‌ನ್ನ ತಡೆಯಲು ಸಾಧ್ಯವಾಗುವುದಿಲ್ಲ, ಅಥವಾ ಅವನು ಇಲ್ಲಿ ನೀನು ಗಾಯತ್ರಿ ಮಂತ್ರ ಪಠಿಸಲು ಸಾಧ್ಯವಿಲ್ಲ ಎಂದು ಹೇಳಲು ಸಾಧ್ಯವಾಗಲ್ಲ. ವೆಬ್ ಸೀರೀಸ್ ನಲ್ಲಿ, ನಮಾಜ್ ಸಲ್ಲಿಸುತ್ತಿರುವ ವ್ಯಕ್ತಿಯೊಬ್ಬ ವಿಮಾನದ ಉದ್ದಕ್ಕೂ ಸಿಟ್ಟಿಗೆದ್ದಿರುವುದನ್ನು ತೋರಿಸಲಾಗಿದೆ. ಮಾಧವನ್ ಜೊತೆ ಜಗಳವಾಡುತ್ತಲೇ ಇರುತ್ತಾನೆ ಮತ್ತು ಗಗನಸಖಿಯೊಂದಿಗೂ ಅನುಚಿತವಾಗಿ ವರ್ತಿಸುತ್ತಾನೆ.
Decoupled ಸೀರೀಸ್‌ನ್ನ ಅಂಕಣಕಾರ ಮತ್ತು ಬರಹಗಾರ ಮನು ಜೋಸೆಫ್ ಬರೆದಿದ್ದಾರೆ. ಬರಹಗಾರ ಚೇತನ್ ಭಗತ್ ಕೂಡ ಇ ವೆಬ್ ಸೀರೀಸ್‌ನ ಹಲವಾರು ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ. 8-episode ನ ಸೀರೀಸ್‌ನ್ನ ಖ್ಯಾತ ಬರಹಗಾರ ಆರ್ಯ ಅಯ್ಯರ್ ಮತ್ತು ಅವರ ಪತ್ನಿ ಶ್ರುತಿ ಅವರ ಬಗ್ಗೆಯಾಗಿದ್ದು, ಅವರು ಯಶಸ್ವಿ ವೃತ್ತಿಪರರಾಗಿದ್ದಾರೆ. ಪ್ರೀತಿಯಲ್ಲಿ ಬಿದ್ದ ನಂತರ ದಂಪತಿಗಳು ವಿಚ್ಛೇದನದ ಬಗ್ಗೆ ಯೋಚಿಸುತ್ತಿದ್ದಾರೆ. ಈ ಸೀರೀಸ್ ಗುರ್ಗಾಂವ್ ಮತ್ತು ನೆರೆಹೊರೆಯಲ್ಲಿನ ಜೀವನಕ್ಕಾಗಿ ಬರಹಗಾರನ ಅನ್ವೇಷಣೆಯ ಸುತ್ತ ಸುತ್ತುತ್ತದೆ. ಅದೇ ಸಮಯದಲ್ಲಿ, ಲೇಖಕನು ಭೇಟಿಯಾಗುವ ಪ್ರತಿಯೊಬ್ಬ ವ್ಯಕ್ತಿಯೊಂದಿಗೆ ಆಗಾಗ್ಗೆ ಘರ್ಷಣೆಯನ್ನು ಹೊಂದಿರುತ್ತಾನೆ ಎಂದು ತೋರಿಸಲಾಗಿದೆ.
