Rajinikanth reviews kantara: ಕೇವಲ 16 ಕೋಟಿ ವೆಚ್ಚದಲ್ಲಿ ತಯಾರಾದ ‘ಕಾಂತಾರ’ ಚಿತ್ರ ವಿಶ್ವಾದ್ಯಂತ 360 ಕೋಟಿ ರೂ.ಗೂ ಹೆಚ್ಚು ಗಳಿಕೆ ಮಾಡಿದ್ದು ಇಂದಿಗೂ ಪ್ರೇಕ್ಷಕರ ಮನ ಗೆಲ್ಲುತ್ತಿದೆ. ಚಿತ್ರವು ಸೆಪ್ಟೆಂಬರ್ 30 ರಂದು ಥಿಯೇಟರ್‌ಗಳಲ್ಲಿ ರಿಲೀಸ್ ಆಗಿ ಭರ್ಜರಿ ಹಿಟ್ ಕೂಡ ಆಗಿತ್ತು. ಕನ್ನಡದ ಜೊತೆಗೆ ಹಿಂದಿ, ತೆಲುಗು ಮತ್ತು ಮಲಯಾಳಂ ಭಾಷೆಗಳಲ್ಲೂ ಚಿತ್ರ ತನ್ನ ಮ್ಯಾಜಿಕ್ ತೋರಿಸಿದೆ.
ಚಿತ್ರ ಹಾಗು ಅದರ ಹೀರೋ ಮತ್ತು ನಿರ್ದೇಶಕ ರಿಷಬ್ ಶೆಟ್ಟಿ ಇದೀಗ ದೇಶ ವಿದೇಶಗಳಲ್ಲಿ ಭಾರೀ ಸದ್ದು ಮಾಡುತ್ತಿದ್ದಾರೆ. ಈ ಮಧ್ಯೆ ರಿಷಭ್ ಶೆಟ್ಟಿ, ಕಾಂತಾರ ಚಿತ್ರ ಮತ್ತೆ ಸುದ್ದಿಯಲ್ಲಿದ್ದು ಇದಕ್ಕೆ ಕಾರಣ ಸೂಪರ್ ಸ್ಟಾರ್ ರಜನಿಕಾಂತ್ ಆಗಿದ್ದಾರೆ.
Rajinikanth reviews Kantara: ರಜನಿಕಾಂತ್ ಅವರು ಕಾಂತಾರ ಚಿತ್ರದ ಬಗ್ಗೆ ಏನು ಹೇಳಿದ್ದಾರೆ ಅನ್ನೋದನ್ನ ನೋಡೋಣ ಬನ್ನಿ
ರಜನಿಕಾಂತ್ ಅವರು ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ ಮತ್ತು ರಿಷಭ್ ಶೆಟ್ಟಿಗೆ ಚಿನ್ನದ ಸರವನ್ನು ನೀಡಿದ್ದಾರೆ. ಆದರೆ, ಅದಕ್ಕಿಂತ ಮುಖ್ಯವಾಗಿ ಚಿತ್ರದ ಬಗ್ಗೆ ರಜನಿಕಾಂತ್ ಅವರ ಅಭಿಪ್ರಾಯವನ್ನೂ ಹಂಚಿಕೊಂಡಿದ್ದಾರೆ. 50 ವರ್ಷಕ್ಕೊಮ್ಮೆ ಇಂತಹ ಸಿನಿಮಾಗಳು ತಯಾರಾಗುತ್ತವೆ ಎಂದು ರಜನಿಕಾಂತ್ ಹೇಳಿದ್ದಾರೆ.
Rajinikanth reviews Kantara: ರಜನಿಕಾಂತ್ ಟ್ವಿಟರ್‌ನಲ್ಲೂ ಕಾಂತಾರ ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಆದರೆ, ತಲೈವಾ ರಿಷಬ್ ಶೆಟ್ಟಿಗೆ ದುಬಾರಿ ಚಿನ್ನದ ಸರವನ್ನು ಉಡುಗೊರೆಯಾಗಿ ನೀಡಿ ಉತ್ತಮ ಚಿತ್ರವನ್ನು ನೀಡಿದ್ದಕ್ಕಾಗಿ ಅಭಿನಂದಿಸಿದ್ದಾರೆ ಎಂಬ ಅಂಶ ಇದೀಗ ಬೆಳಕಿಗೆ ಬಂದಿದೆ.
#Superstar @rajinikanth to #Kantara 's @shetty_rishab :
Movies like #Kantara happen once in 50 years..#Superstar gifted him a Gold chain..
— Ramesh Bala (@rameshlaus) November 16, 2022
ರಜನಿಕಾಂತ್ ಅವರನ್ನು ಭೇಟಿಯಾದ ಬಳಿಕ ರಿಷಭ್ ಶೆಟ್ಟಿ ಹೇಳಿದ್ದೇನು?
‘ಕಾಂತಾರ’ ನಟ ರಿಷಭ್ ಶೆಟ್ಟಿಯವರು ರಜನಿಕಾಂತ್ ಅವರನ್ನು ಅವರ ನಿವಾಸದಲ್ಲಿ ಭೇಟಿ ಮಾಡಿದ್ದರು. ಈ ಬಗ್ಗೆ ಟ್ವೀಟ್ ಮಾಡಿದ್ದ ಅವರು, “ನಾನು ಅವರನ್ನು (ರಜನಿಕಾಂತ್) ಭೇಟಿಯಾದೆ ಮತ್ತು ಅವರೊಂದಿಗೆ ಸುಮಾರು ಒಂದು ಗಂಟೆ ಕಳೆದಿದ್ದೇನೆ. ಇದು ನನಗೆ ದೊಡ್ಡ ಫ್ಯಾನ್‌ಬಾಯ್ ಮೊಮೆಂಟ್ ಕ್ಷಣವಾಗಿತ್ತು. ನಾವು ಪ್ರತಿ ದೃಶ್ಯದ ಬಗ್ಗೆ, ನಾನು ಅದನ್ನು ಹೇಗೆ ಮಾಡಿದ್ದೇನೆ, ನಾನು ಅದನ್ನು ಹೇಗೆ ಕಾರ್ಯಗತಗೊಳಿಸಿದ್ದೇನೆ ಎಂಬುದರ ಹಾಗು ಅವರ ಆಧ್ಯಾತ್ಮಿಕ ಪ್ರಯಾಣದ ಬಗ್ಗೆಯೂ ಮಾತನಾಡಿದೆವು. ಅದೊಂದು ಅದ್ಭುತ ಕ್ಷಣ” ಎಂದಿದ್ದರು.
Best South Indian Movies 2022: ಬಾಲಿವುಡ್‌ನ್ನ ಬರ್ಬಾದ್ ಮಾಡಿ ಗೆದ್ದು ಬೀಗುತ್ತಿರುವ ದಕ್ಷಿಣದ ಟಾಪ್ 10 ಸಿನೆಮಾಗಳು
Rajinikanth reviews Kantara: ಈ ಹಿಂದೆ ರಜನಿಕಾಂತ್ ಕೂಡ ಟ್ವಿಟರ್‌ನಲ್ಲಿ ಚಿತ್ರವನ್ನು ಹೊಗಳಿದ್ದರು ಮತ್ತು ಅದನ್ನು ಅದ್ಭುತ ಎಂದು ಕರೆದಿದ್ದರು. ಅದೇ ಸಮಯದಲ್ಲಿ, ರಿಷಬ್ ಶೆಟ್ಟಿ ಅವರನ್ನು ತಮ್ಮ ನಿವಾಸದಲ್ಲಿ ಭೇಟಿಯಾದ ಚಿತ್ರವನ್ನು ಸಹ ಹಂಚಿಕೊಂಡಿದ್ದರು. ಒಂದು ಚಿತ್ರದಲ್ಲಿ, ರಿಷಭ್ ಶೆಟ್ಟಿ ಹಿರಿಯ ನಟನ ಪಾದಗಳನ್ನು ಸ್ಪರ್ಶಿಸುತ್ತಿದ್ದಾರೆ ಮತ್ತು ಸೂಪರ್‌ಸ್ಟಾರ್ ಅವರನ್ನು ಆಶೀರ್ವದಿಸುತ್ತಿದ್ದರೆ, ಇನ್ನೊಂದು ಚಿತ್ರದಲ್ಲಿ, ರಜನಿಕಾಂತ್ ಅವರಿಗೆ ಶಾಲ್ ಹಾಕುವ ಮೂಲಕ ಅಭಿನಂದಿಸುತ್ತಿದ್ದಾರೆ.
ನೀವು ಒಂದ್ ಸಲ ಹೊಗಳಿದ್ರೆ.. ನೂರು ಸಲ ಹೊಗಳ್ದ೦ಗೆ ನಮಗೆ.❤️ಧನ್ಯವಾದಗಳು @rajinikanth sir ನಮ್ಮ ಕಾಂತಾರ ಚಿತ್ರ ನೋಡಿ ನೀವು ಮೆಚ್ಚಿದ್ದಕ್ಕೆ ನಾವು ಸದಾ ಆಭಾರಿ🙏🏼 #Kantara @VKiragandur @hombalefilms @gowda_sapthami @Karthik1423 pic.twitter.com/MNPSDR5jx8
— Rishab Shetty (@shetty_rishab) October 28, 2022
ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್ ಕೂಡ ಸೌತ್ ಸ್ಟಾರ್ ಮತ್ತು ನಿರ್ದೇಶಕ ರಿಷಬ್ ಶೆಟ್ಟಿ ಅವರ ‘ಕಾಂತಾರ’ ಸಿನಿಮಾವನ್ನು ಹೊಗಳಿರುವುದು ಗಮನಾರ್ಹ. ನವೆಂಬರ್ 2, 2022 ರಂದು ಬೆಂಗಳೂರಿನಲ್ಲಿ ನಡೆದ ಜಾಗತಿಕ ಹೂಡಿಕೆದಾರರ ಸಮಾವೇಶದಲ್ಲಿ (GIM) ಕೈಗಾರಿಕೋದ್ಯಮಿಗಳು ಮತ್ತು ಹೂಡಿಕೆದಾರರಿಗೆ ಅವರು ‘ಕಾಂತಾರ’ ಯಶಸ್ಸಿನ ಕಥೆಯ ಬಗ್ಗೆ ಉಲ್ಲೇಖಿಸಿದ್ದರು.
Top 15 Best South Indian Movies | ನೀವು ಮಿಸ್ ಮಾಡದೇ ನೋಡಬೇಕಾದ ದಕ್ಷಿಣ ಭಾರತದ ಟಾಪ್ 15 ಚಿತ್ರಗಳು
ಕೇಂದ್ರ ಸಚಿವರು ಮಾತನಾಡುತ್ತಾ, “ಕಾಂತಾರ ಚಿತ್ರ 16 ಕೋಟಿ ರೂ. ಗಳಲ್ಲಿ ನಿರ್ಮಿಸಿದ ಚಿತ್ರವಾಗಿದೆ. ಇದರಲ್ಲಿ ಕರ್ನಾಟಕದ ಕಲೆ, ಸಂಸ್ಕೃತಿಯನ್ನು ಬಹಳ ಸೊಗಸಾಗಿ ತೋರಿಸಲಾಗಿದೆ. ಈ ಚಿತ್ರ 300 ಕೋಟಿ ವ್ಯವಹಾರ ಮಾಡಿದೆ. ‘ಕಾಂತಾರ’ ಯಶಸ್ಸು ಇಲ್ಲಿ ಅನೇಕ ಕಂಪನಿಗಳ ಮುಖ್ಯಸ್ಥರ ಆದಾಯವನ್ನು ಹೇಗೆ ಹೆಚ್ಚಿಸಿಕೊಳ್ಳಬಹುದು ಎಂಬುದರ ಬಗ್ಗೆ ಗಮನ ಸೆಳೆದಿದೆ ಎಂದು ನನಗೆ ಖಾತ್ರಿಯಿದೆ” ಎಂದಿದ್ದರು.
Kantara is a low-budget film that showcases the culture of Karnataka.
It has grossed nearly 20 times its investment. Investors and industry is attracted to India and the state that has very progressive policies: @PiyushGoyal #InvestKarnataka2022
— Piyush Goyal Office (@PiyushGoyalOffc) November 2, 2022
ರಿಷಬ್ ಶೆಟ್ಟಿ ನಿರ್ದೇಶನದ ‘ಕಾಂತಾರ’ ಕನ್ನಡ ಚಿತ್ರಕ್ಕೆ ಪ್ರೇಕ್ಷಕರು ಮತ್ತು ವಿಮರ್ಶಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಈ ಚಿತ್ರವು ‘ಭೂತ ಕೋಲ’ ಸಂಪ್ರದಾಯದ ಸುತ್ತ ಸುತ್ತುವ ಆಕ್ಷನ್ ಥ್ರಿಲ್ಲರ್ ಚಿತ್ರವಾಗಿದೆ. ಚಿತ್ರದ ತಾರಾಗಣದಲ್ಲಿ ಕಿಶೋರ್, ಅಚ್ಯುತ್ ಕುಮಾರ್, ಸಪ್ತಮಿ ಗೌಡ ಮತ್ತು ಪ್ರಮೋದ್ ಶೆಟ್ಟಿ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಇದನ್ನು ‘ಕೆಜಿಎಫ್’ ಫ್ರಾಂಚೈಸಿಯ ‘ಹೊಂಬೆಲ್ ಫಿಲ್ಮ್ಸ್’ ಬ್ಯಾನರ್ ಅಡಿಯಲ್ಲಿ ವಿಜಯ್ ಕಿರಗಂದೂರು ನಿರ್ಮಿಸಿದ್ದಾರೆ. ರಿಷಬ್ ಶೆಟ್ಟಿ ಈ ಚಿತ್ರದ ಸೀಕ್ವೆಲ್ ಅಥವಾ ಪ್ರಿಕ್ವೆಲ್ ಕೂಡ ಮಾಡಬಹುದು ಎಂದು ಸ್ವಲ್ಪ ಸಮಯದ ಹಿಂದೆ ಸುಳಿವು ನೀಡಿದ್ದರು.
