ರಾಷ್ಟ್ರಧ್ವಜಕ್ಕೆ ಅವಮಾನ ಮಾಡಿದ ಪ್ರಕರಣ ಉತ್ತರ ಪ್ರದೇಶದ ಗೋರಖ್‌ಪುರ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿದೆ. ಇಲ್ಲಿ ಚಾಲಕನೊಬ್ಬ ಇ-ರಿಕ್ಷಾವನ್ನು ತ್ರಿವರ್ಣ ಧ್ವಜದಿಂದ ಒರೆಸುತ್ತಿರುವ ವಿಡಿಯೋ ವೈರಲ್ ಆಗಿದೆ. ಬಿಹಾರದ ನಿವಾಸಿ ಜೀತುಲ್ಲಾ ಖಾನ್ ಎಂದು ಚಾಲಕ ಸ್ವತಃ ಹೇಳುತ್ತಿರುವುದು ವೀಡಿಯೊದಲ್ಲಿ ಕಾಣಬಹುದು. ವಿಡಿಯೋ ಆಧರಿಸಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಘಟನೆ ಗುರುವಾರ (ಫೆಬ್ರವರಿ 9, 2023) ನಡೆದದ್ದು ಎಂದು ಹೇಳಲಾಗುತ್ತಿದೆ.
ಪ್ರಶ್ನೆ ಮಾಡಿದ್ದಕ್ಕೆ ನಗುತ್ತ ನಿಂತ ಜೀತುಲ್ಲಾಹ್
Twitter ಯೂಸರ್ @PoliticalKida ಫೆಬ್ರವರಿ 9 ರಂದು 1 ನಿಮಿಷ 23 ಸೆಕೆಂಡುಗಳ ಈ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ರಿಕ್ಷಾವನ್ನು ತ್ರಿವರ್ಣ ಧ್ವಜದಿಂದ ಒರೆಸುತ್ತಿದ್ದ ಜಿತುಲ್ಲಾ ಖಾನ್ ಅವರನ್ನು ನಿಲ್ಲಿಸಿದ ವ್ಯಕ್ತಿ ನೀನೊಬ್ಬ ಭಾರತೀಯನೇ? ಎಂಬ ಪ್ರಶ್ನೆಯನ್ನೂ ಕೇಳಿದ್ದಾರೆ. ರಿಕ್ಷಾದ ಬಳಿ ನಿಂತಿದ್ದ ಇನ್ನೊಬ್ಬ ವ್ಯಕ್ತಿ ಕೂಡ ತ್ರಿವರ್ಣ ಧ್ವಜವನ್ನು ಅದೊಂದು ಒರೆಸುವ ಬಟ್ಟೆ ಎಂದು ಕರೆಯುತ್ತಿದ್ದಾನೆ. ಜೀತುಲ್ಲಾಹ್ ನ ತಪ್ಪನ್ನ ಹೇಳಿದ ಬಳಿಕವೂ ಆರೋಪಿ ಚಾಲಕ ನಗುತ್ತಲೇ ಇದ್ದ.
प्रकरण के सम्बंध में थाना गोरखनाथ पर मु0अ0सं0 91/23 पंजीकृत कर आवश्यक विधिक कार्यवाही की जा रही हैं ।
— Gorakhpur Police (@gorakhpurpolice) February 9, 2023
ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಇದಾದ ನಂತರ ಜನರು ಚಾಲಕನನ್ನ ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಳ್ಳಲಾರಂಭಿಸಿದರು. ವೈರಲ್ ವಿಡಿಯೋ ಆಧರಿಸಿ ಗೋರಖ್‌ಪುರ ಪೊಲೀಸರು ಜೀತುಲ್ಲಾಹ್ ಖಾನ್ ವಿರುದ್ಧ ಗೋರಖ್‌ನಾಥ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಈ ಬಗ್ಗೆ ತನಿಖೆ ನಡೆಸಿ ಮುಂದಿನ ಕ್ರಮ ಕೈಗೊಳ್ಳಲಾಗುತ್ತಿದೆ.
ಏನಿದೆ FIR ನಲ್ಲಿ?
ಗೋರಖನಾಥ್ ಪೊಲೀಸ್ ಠಾಣೆ ವ್ಯಾಪ್ತಿಯ ಜನಪ್ರಿಯ ವಿಹಾರ್ ಕಾಲೋನಿಯಲ್ಲಿ ಈ ಘಟನೆ ನಡೆದಿದೆ. ಈ ವೇಳೆ ಫಿರ್ಯಾದಿಯೇ ಪೊಲೀಸ್ ಆಗಿದ್ದಾರೆ. ದೂರುದಾರರಾಗಿ, ಸಬ್ ಇನ್ಸ್‌ಪೆಕ್ಟರ್ ಗೋಪಾಲ್ ಯಾದವ್ ಅವರು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ವೀಡಿಯೊವನ್ನು ಉಲ್ಲೇಖಿಸಿ ಎಫ್‌ಐಆರ್ ದಾಖಲಿಸಿದ್ದಾರೆ.
ದೂರಿನಲ್ಲಿ ತನ್ನನ್ನು ಜಿತುಲ್ಲಾ ಎಂದು ಹೇಳಿಕೊಳ್ಳುತ್ತಿರುವ ಇ-ರಿಕ್ಷಾ ಚಾಲಕನ ಕ್ರಮ ಉದ್ದೇಶಪೂರ್ವಕ ಕೃತ್ಯ ಎಂದು ಶಂಕಿಸಲಾಗಿದೆ. ಪೊಲೀಸರು ಅಪರಿಚಿತ ವ್ಯಕ್ತಿಯ ವಿರುದ್ಧ ರಾಷ್ಟ್ರೀಯ ಗೌರವಕ್ಕೆ ಅವಮಾನ ತಡೆ ಕಾಯಿದೆ, 1971 ರ ಸೆಕ್ಷನ್ 2 ರ ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಿದ್ದಾರೆ.
ಇ-ರಿಕ್ಷಾ ಮಾಲೀಕ ವಾಹನವನ್ನು ಒಂದೂವರೆ ತಿಂಗಳ ಹಿಂದೆ ಮಾರಾಟ ಮಾಡಿರುವುದಾಗಿ ಹೇಳಿಕೊಂಡಿದ್ದಾರೆ
ಗೋರಖ್‌ಪುರದ ಮಮತಾ ತ್ರಿಪಾಠಿ ಇ-ರಿಕ್ಷಾದ ಮಾಲೀಕ ಎಂದು ಎಫ್‌ಐಆರ್‌ನಲ್ಲಿ ಉಲ್ಲೇಖಿಸಲಾಗಿದೆ. ಈ ಬಗ್ಗೆ ಮಮತಾ ತ್ರಿಪಾಠಿಗೆ ಕರೆ ಮಾಡಿದಾಗ, ಅವರ ಪತಿ ರಾಜ್‌ಕುಮಾರ್ ತ್ರಿಪಾಠಿ ಅವರು ಫೋನ್ ರಿಸೀವ್ ಮಾಡಿದರು. ಈ ಸಂಬಂಧ ಅವರು ಮಾಧ್ಯಮಗಳಿಗೆ ಎಲ್ಲಾ ಮಾಹಿತಿ ನೀಡಿದ್ದಾರೆ.
ಒಂದೂವರೆ ತಿಂಗಳ ಹಿಂದೆ ರಿಕ್ಷಾವನ್ನು ತಾನು ಖರೀದಿಸಿದ ಅದೇ ಮೂಲದ ವ್ಯಕ್ತಿಯ ಮೂಲಕ ಮುಜಿಬುರ್ ರೆಹಮಾನ್ ಎಂಬಾತನಿಗೆ ಮಾರಾಟ ಮಾಡಿದ್ದೇನೆ. ರಾಜ್‌ಕುಮಾರ್ ಪ್ರಕಾರ, ಮುಜಿಬುರ್ ರೆಹಮಾನ್ ಇ-ರಿಕ್ಷಾವನ್ನು ಒಂದೂವರೆ ತಿಂಗಳ ಕಾಲ ನಿರಂತರವಾಗಿ ವಿನಂತಿಸಿದರೂ ಅದನ್ನು ತನ್ನ ಹೆಸರಿಗೆ ನೋಂದಾಯಿಸದೆ ಓಡಿಸುತ್ತಲೇ ಇದ್ದನು ಎಂದು ರಾಜ್‌ಕುಮಾರ್ ತಿಳಿಸಿದ್ದಾರೆ.
ಘಟನೆಯ ನಂತರ ಮುಶಿಬುರ್ ರೆಹಮಾನ್ ಫೋನ್ ಸ್ವಿಚ್ ಆಫ್ ಆಗಿತ್ತು
ರಾಜಕುಮಾರ್ ಪ್ರಕಾರ, ಅವರು ಮುಜಿಬುರ್ ರೆಹಮಾನ್ ಅವರನ್ನು ನಂಬಿದ್ದರು, ಈಗ ಇದೇ ಕಾರಣಕ್ಕಾಗಿ ಅವರಿಗೆ ಪೊಲೀಸ್ ಠಾಣೆಯಿಂದ ಕರೆಗಳು ಬರುತ್ತಿವೆ, ಈಗ ನಾನು ಸಂಕಷ್ಟಕ್ಕೆ ಸಿಲುಕುವಂತಾಗಿದೆ ಎಂದಿದ್ದಾರೆ. ಘಟನೆಯ ಬಗ್ಗೆ ತಿಳಿದ ನಂತರ ಮುಜಿಬುರ್ ರೆಹಮಾನ್ ತಮ್ಮ ಫೋನ್ ಸ್ವಿಚ್ ಆಫ್ ಮಾಡಿದ್ದಾರೆ ಎಂದು ರಾಜಕುಮಾರ್ ತಿಳಿಸಿದ್ದಾರೆ.
ಮಾಧ್ಯಮಗಳು ರಾಜ್‌ಕುಮಾರ್‌ನಿಂದ ಮುಜಿಬುರ್ ರೆಹಮಾನ್ ಅವರ ಮೊಬೈಲ್ ಸಂಖ್ಯೆಯನ್ನು ಪಡೆದು ಅವರಿಗೆ ಕರೆ ಮಾಡಿವೆ, ಆದರೆ ಕಾಲ್ ಕನೆಕ್ಟ್ ಆಗಲಿಲ್ಲ. ಮುಜಿಬುರ್ ರೆಹಮಾನ್ ವಾಟ್ಸಾಪ್‌ನಲ್ಲೂ ಆಫ್‌ಲೈನ್‌ನಲ್ಲಿದ್ದಾನೆ.
