ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಪ್ರಚಾರಕ ಮತ್ತು ಹಿಂದೂ ಜಾಗರಣ ಮಂಚ್ ಬಿಹಾರ-ಜಾರ್ಖಂಡ್‌ನ ಪ್ರಾದೇಶಿಕ ಸಂಘಟನಾ ಸಚಿವ ಡಾ. ಸುಮನ್ ಕುಮಾರ್ ಒಂದು ಕಾಲದಲ್ಲಿ ಪಾದ್ರಿಯಾಗಿದ್ದರು, ಅವರು ಕ್ರಿಶ್ಚಿಯನ್ ಧರ್ಮವನ್ನು ಪ್ರಚಾರ ಮಾಡುತ್ತಿದ್ದರು. ಸುಮನ್ ಕುಮಾರ್ ಅವರನ್ನು ಈ ಹಿಂದೆ ಪಾಸ್ಟರ್ ರಾಬರ್ಟ್ ಸಾಲೋಮನ್ ಎಂಬ ಹೆಸರಿನಿಂದ ಕರೆಯಲಾಗುತ್ತಿತ್ತು. ಅವರು ಜನರನ್ನು ಮತಾಂತರ ಮಾಡುತ್ತಿದ್ದರು. ಆದರೆ ಅವರು ಆರೆಸ್ಸೆಸ್ ಸಿದ್ಧಾಂತ ಮತ್ತು ಸಂಘ ಅಧಿಕಾರಿಗಳನ್ನು ಭೇಟಿಯಾದಾಗ, ಅವರು ಸಂಘದ ವಿಚಾರಧಾರೆಯ ಬಗ್ಗೆ ತುಂಬಾ ಪ್ರಭಾವಿತರಾದರು, ಅವರು ತಮ್ಮ ಹೆಸರನ್ನು ಡಾ. ಸುಮನ್ ಕುಮಾರ್ ಎಂದು ಬದಲಾಯಿಸಿಕೊಂಡರು ಮತ್ತು ಸಂಘದ ಪ್ರಚಾರಕರಾಗಿಬಿಟ್ಟರು.
ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದಲ್ಲಿ organic chemistry ಸಾವಯವ ರಸಾಯನಶಾಸ್ತ್ರದಲ್ಲಿ ರಿಸರ್ಚ್ ಮಾಡುತ್ತಿರುವಾಗಲೇ ಅವರು ಪಾದ್ರಿಯಾದರು. ಮತಾಂತರದ ಕೆಲಸಕ್ಕಾಗಿ, ಅವರು 1982 ರಿಂದ ದಕ್ಷಿಣ ರಾಜ್ಯವಾದ ತಮಿಳುನಾಡಿನ ಚೆನ್ನೈಗೆ ಭೇಟಿ ನೀಡಲು ಪ್ರಾರಂಭಿಸಿದರು. ವರದಿಯ ಪ್ರಕಾರ, ಸಂಘದ ಚಟುವಟಿಕೆಗಳನ್ನು ಸೂಕ್ಷ್ಮವಾಗಿ ಅರ್ಥಮಾಡಿಕೊಳ್ಳಲು, ಕ್ರಿಶ್ಚಿಯನ್ ಮಿಷನರಿಗಳು ಅವರನ್ನು 25 ನೇ ವಯಸ್ಸಿನಲ್ಲಿ ಅಂದರೆ 1984 ರಲ್ಲಿ ಭಾರತಕ್ಕೆ ಕಳುಹಿಸಿತು. ಎರಡು ವರ್ಷಗಳಲ್ಲಿ ಸಂಘ ಮತ್ತು ಹಿಂದೂ ಚಿಂತನೆ ಮತ್ತು ತತ್ತ್ವಶಾಸ್ತ್ರದ ಕೆಲಸಗಳಿಂದ ಅವರು ತುಂಬಾ ಪ್ರಭಾವಿತರಾಗಿ ಅವರು ಸ್ವತಃ ಹಿಂದೂ ಧರ್ಮಕ್ಕೆ ವಾಪಸ್ಸಾದರು. 1986 ರಲ್ಲಿ ಮತಾಂತರಗೊಂಡ ನಂತರ, ಅವರು ಆರ್ಯ ಸಮಾಜ ವ್ಯವಸ್ಥೆಯ ಮೂಲಕ ಹಿಂದೂ ಸನಾತನ ಧರ್ಮವನ್ನು ಸ್ವೀಕರಿಸಿದರು ಮತ್ತು ಅದೇ ವರ್ಷದಲ್ಲಿ ಸಂಘದ ಪ್ರಚಾರಕರಾದರು. ಈ ಸಮಯದಲ್ಲಿ ಅವರು ಸಂಘದ ಅಂಗಸಂಸ್ಥೆಯಾದ ಹಿಂದೂ ಜಾಗರಣ ಮಂಚ್ ಕೆಲಸದಲ್ಲಿ ನಿರತರಾದರು.
ಹೊಸ ಪ್ರಯೋಗ ಮಾಡುವಾಗ ಸಂಘವು ಕ್ರಿಶ್ಚಿಯನ್ನರಾಗಿದ್ದರೂ ಅವರನ್ನು ನಂಬಿತು ಮತ್ತು ರಾಬರ್ಟ್ ಕೂಡ ಸಂಘದ ಸಿದ್ಧಾಂತದಲ್ಲಿ ಸಂಪೂರ್ಣವಾಗಿ ಮುಳುಗಿ ಹೋಗಿದ್ದರು ಎಂದು ಹೇಳಲಾಗುತ್ತದೆ. ಭಾಷೆಯ ಸಮಸ್ಯೆಯನ್ನು ಹೋಗಲಾಡಿಸಲು ಸುಮನ್ ಕುಮಾರ್ ಪ್ರಸ್ತುತ ಅಖಿಲ ಭಾರತ ಬೌದ್ಧಿಕ ಮುಖ್ಯಸ್ಥ ಸ್ವಾಂತ್ ರಂಜನ್ ಅವರಿಂದ ಸಾಕಷ್ಟು ಸಹಕಾರ ಪಡೆದರು. ಇಂದು ಅವರು ಹಿಂದೂ ಜಾಗರಣ ಮಂಚ್‌ನ ಈಶಾನ್ಯ ಪ್ರದೇಶದ (ಜಾರ್ಖಂಡ್-ಬಿಹಾರ) ಸಂಘಟನಾ ಸಚಿವರ ಜವಾಬ್ದಾರಿಯನ್ನು ನಿರ್ವಹಿಸುತ್ತಿದ್ದಾರೆ ಮತ್ತು ಸಂಘದ ಮೂರನೇ ವರ್ಷದಲ್ಲಿ ತರಬೇತಿ ಪಡೆದಿದ್ದಾರೆ.
ಸುಮನ್ ಕುಮಾರ್ ಅವರು ಮೊದಲು ಬುಂದೇಲ್‌ಖಂಡ್‌ನ ಒರೈ ಜಿಲ್ಲೆಯ ಸಂಘದೊಂದಿಗೆ ಸಂಪರ್ಕಕ್ಕೆ ಬಂದರು. ನಾನು ಅಲ್ಲಿನ ಸಂಘದ ಶಾಖೆಗೆ ಹೋಗಲು ಪ್ರಾರಂಭಿಸಿದೆ. ಇದು ಮೊದಲಿನಿಂದಲೂ ಎಲ್ಲಾ ವರ್ಗದ ಜನರಿಗೆ ತೆರೆದಿರುತ್ತದೆ. ನಾನು ಇಲ್ಲಿ ಸ್ವಯಂಸೇವಕರ ಕೆಲಸವನ್ನು ಸೂಕ್ಷ್ಮವಾಗಿ ಗಮನಿಸಿದ್ದೇನೆ ಮತ್ತು ಬಹಳ ಪ್ರಭಾವಿತನಾಗಿದ್ದೆ. ಆದರೆ, ಆ ಸಮಯದಲ್ಲಿ ನಾನು ಭಾಷೆಯ ಸಮಸ್ಯೆಗಳನ್ನು ಎದುರಿಸುತ್ತಿದ್ದೆ. ನನಗೆ ಹಿಂದಿ ತಿಳಿದಿರಲಿಲ್ಲ. ಇದರ ಹೊರತಾಗಿಯೂ, ಸಂಘದ ಪುಸ್ತಕಗಳನ್ನು ನನಗೆ ಇಂಗ್ಲಿಷ್ನಲ್ಲಿ ನೀಡಲಾಯಿತು. ನಾನು ಸ್ವಾಮಿ ವಿವೇಕಾನಂದರ ಪುಸ್ತಕಗಳನ್ನು ಓದಿದ್ದೇನೆ. ನಂತರ ಸಂಘದ ಕೆಲಸವನ್ನು ನೋಡಿದ ನಂತರ, ನಾನು ಮೂರು ತಿಂಗಳೊಳಗೆ ನನ್ನ ವರದಿಯನ್ನು ಮಿಷನರಿಗೆ ಕಳುಹಿಸಿದೆ ಎನ್ನುತ್ತಾರೆ.
ಆರೆಸ್ಸೆಸ್ ನವರು ಚರ್ಚ್ ಒಡೀತಾರೆ, ಬೈಬಲ್ ಸುಟ್ಟು ಹಾಕ್ತಾರೆ ಅಂತ ನನಗೆ ಬ್ರೈನ್ ವಾಶ್ ಮಾಡಿದ್ದರು
ಸುಮನ್ ಕುಮಾರ್ ತಮ್ಮ ರಿಪೋರ್ಟ್ ನಲ್ಲಿ, “ನನ್ನನ್ನು ಭಾರತಕ್ಕೆ ಕಳುಹಿಸುವ ಮೊದಲು, ಸಂಘದ ಜನರು ಚರ್ಚ್ ಅನ್ನು ಒಡೀತಾರೆ. ಬೈಬಲ್ ಸು ಟ್ಟು ಹಾಕ್ತಾರೆ. ಪಾದ್ರಿಗಳ ಮೇ ಲೆ ದಾ ಳಿ ಮಾಡ್ತಾರೆ ಎಂದು ನನಗೆ ತಿಳಿಸಲಾಯಿತು. ಆದರೆ ಸಂಘದ ಶಾಖಾಗೆ ಹೋದ ನಂತರ ನಾನು ಅಲ್ಲಿ ಈ ರೀತಿ ಏನನ್ನೂ ನೋಡಲಿಲ್ಲ” ಎನ್ನುತ್ತಾರೆ. ಮಿಷನರಿಗಳಿಗೆ ಕಳುಹಿಸಿದ ತನ್ನ ವರದಿಯಲ್ಲಿ ಅವರು ಮುಂದೆ ಬರೆಯುತ್ತ, ನೀವು ಯಾರನ್ನ ಧರ್ಮಾಂತರಣಗೊಳಿಸುತ್ತೀರೋ ಅವರು ರಾಷ್ಟ್ರಾಂತರವಾಗುತ್ತಾರೆ. ಈ ಜನರು (ಸಂಘದ) ಯಾರಿಗೂ ತೊಂದರೆ ಕೊಡುವುದಿಲ್ಲ. ಈ ಜನರು ಭಾರತವನ್ನು ಕರ್ಮ ಭೂಮಿ, ದೇವ ಭೂಮಿ ಎಂದು ಪರಿಗಣಿಸುತ್ತಾರೆ. ಅವರು ಯೇಸು ಕ್ರಿಸ್ತನ ಬಗ್ಗೆ ಬೋಧಿಸಿ ಆದರೆ ಮತಾಂತರ ಮಾಡಬೇಡಿ ಎಂದು ಹೇಳುತ್ತಾರೆ, ನೀವು ಭಾರತದಲ್ಲಿ ವಾಸಿಸಲು ಬಯಸಿದರೆ, ಭಾರತವನ್ನು ಅರ್ಥಮಾಡಿಕೊಳ್ಳಿ, ಭಾರತವನ್ನು ತಿಳಿದುಕೊಳ್ಳಿ ಎಂದು ಬರೆದಿದ್ದರು.
10,000 ಜನರನ್ನ ಘರ್‌ವಾಪಸಿ ಮಾಡಿಸಿದ್ದಾರೆ
ಅಂದಿನ ಸಹಕಾರ್ಯವಾಹ ಮತ್ತು ಪ್ರಸ್ತುತ ಸರಸಂಘಚಾಲಕರಾಗಿದ್ದ ಮೋಹನ್ ಭಾಗವತ್ ಅವರನ್ನು 2004 ರಲ್ಲಿ ಜಾರ್ಖಂಡ್‌ಗೆ ಕಳುಹಿಸಿದ್ದರು. ಇಲ್ಲಿಯವರೆಗೆ, ಅವರು 8000 ಜನರನ್ನು ಘರ್‌ವಾಪಸಿ ಮಾಡಿಸಿದ್ದಾರೆ. ಇಂದು ಜಾರ್ಖಂಡ್‌ನ ಎಲ್ಲಾ ಜಿಲ್ಲೆಗಳಲ್ಲಿ ಹಿಂದೂ ಜಾಗರಣ ಮಂಚ್‌ನ ಕಾರ್ಯಗಳು ನಡೆಯುತ್ತಿವೆ. ಅವರು 2015 ರಿಂದ ಜಾರ್ಖಂಡ್-ಬಿಹಾರದ ಪ್ರಾದೇಶಿಕ ಸಂಘಟನಾ ಸಚಿವರಾಗಿದ್ದಾರೆ. ದೈನಿಕ್ ಜಾಗರಣನಲ್ಲಿ ಪ್ರಕಟವಾದ ಡಾ. ಸುಮನ್ ಕುಮಾರ್ ಅವರ ಕುತೂಹಲಕಾರಿ ಕಥೆಯನ್ನು ಕೇಳಿದ ನಂತರ, ಪ್ರತಿಯೊಬ್ಬರೂ ತಮ್ಮ ಜೀವನದಲ್ಲಿ ಒಮ್ಮೆ ಆರೆಸ್ಸೆಸ್‌ನ ಸಿದ್ಧಾಂತವನ್ನು ಹತ್ತಿರದಿಂದ ತಿಳಿದುಕೊಳ್ಳಲು ಬಯಸುತ್ತಾರೆ.
