ಹಿಂದಿ ಚಿತ್ರರಂಗದ ಸೂಪರ್‌ಸ್ಟಾರ್ ಶಾರುಖ್ ಖಾನ್ ಅವರು ಇಡೀ ಜಗತ್ತಿನಲ್ಲಿ ವಿಶೇಷ ಗುರುತನ್ನು ಹೊಂದಿದ್ದಾರೆ. ಶಾರುಖ್ ಖಾನ್ ಪ್ರಪಂಚದಾದ್ಯಂತ ಗುರುತಿಸಲ್ಪಟ್ಟಿದ್ದಾರೆ. ಅವರಿಗೆ ಭಾರತದಲ್ಲಿ ಕೋಟಿಗಟ್ಟಲೆ ಅಭಿಮಾನಿಗಳಿದ್ದು, ಅವರನ್ನು ಬಯಸುವವರ ಸಂಖ್ಯೆ ವಿದೇಶಗಳಲ್ಲೂ ಇದೆ.
ಶಾರುಖ್ ಖಾನ್ ಕಳೆದ 30 ವರ್ಷಗಳಿಂದ ಚಿತ್ರರಂಗದೊಂದಿಗೆ ಸಂಬಂಧ ಹೊಂದಿದ್ದಾರೆ ಮತ್ತು ಅವರ 30 ವರ್ಷಗಳ ಚಲನಚಿತ್ರ ವೃತ್ತಿಜೀವನದಲ್ಲಿ ಶಾರುಖ್ ಖಾನ್ ಅನೇಕ ಚಿತ್ರಗಳನ್ನು ಮಾಡಿದ್ದಾರೆ. ಸಣ್ಣ ಪರದೆಯಿಂದ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ ಶಾರುಖ್, ಹಿಂದಿ ಚಿತ್ರರಂಗದ ಅತ್ಯಂತ ಜನಪ್ರಿಯ ಮತ್ತು ಯಶಸ್ವಿ ತಾರೆಗಳಲ್ಲಿ ಒಬ್ಬರಾದರು.
ಶಾರುಖ್ ಖಾನ್ ಅವರ ವೈಯಕ್ತಿಕ ಜೀವನವೂ ಸಾಕಷ್ಟು ಚರ್ಚೆಯಲ್ಲಿರುತ್ತದೆ. ಕಾಲೇಜಿನಲ್ಲಿಯೇ ಗೌರಿ ಖಾನ್‌ಗೆ ಶಾರುಖ್ ಖಾನ್ ತಮ್ಮ ಲವ್ ಪ್ರೊಪೋಸಲ್ ಮಾಡಿದ್ದರು. ಇಬ್ಬರೂ ಹಲವು ವರ್ಷಗಳ ಕಾಲ ಪರಸ್ಪರ ಡೇಟಿಂಗ್ ನಡೆಸಿದ್ದರು ಮತ್ತು ನಂತರ ಇಬ್ಬರೂ ಮದುವೆಯಾದರು. ಹಿಂದಿ ಚಿತ್ರರಂಗಕ್ಕೆ ಕಾಲಿಡುವ ಮೊದಲೇ ಶಾರುಖ್ ಗೌರಿ ಅವರನ್ನು ಮದುವೆಯಾದರು.
ಶಾರುಖ್ ಮತ್ತು ಗೌರಿ 1991 ರಲ್ಲಿ ಅಕ್ಟೋಬರ್ 25 ರಂದು ವಿವಾಹವಾದರು. ಇವರಿಬ್ಬರ ಜೋಡಿ ಹಿಂದಿ ಚಿತ್ರರಂಗದ ಜನಪ್ರಿಯ ಜೋಡಿಗಳಲ್ಲಿ ಒಂದಾಗಿದೆ. ಅಂದಹಾಗೆ, ಶಾರುಖ್ ಕೂಡ ಹಲವು ಬಾರಿ ವಿವಾದಗಳಲ್ಲಿ ಸಿಲುಕಿದ್ದಾರೆ ಎಂಬುದನ್ನ ಯಾರೂ ಅಲ್ಲಗಳೆಯುವಂತಿಲ್ಲ. ಅವರೂ ಒಮ್ಮೆ ಜೈಲಿನ ಕಂಬಿಯೂ ಎಣಿಸಿ ಬಂದಿದ್ದಾರೆ ಎಂಬುದು ಕೆಲವೇ ಜನರಿಗೆ ಗೊತ್ತಿದ್ದರೂ ಇದು ಯಾವಾಗ ಮತ್ತು ಯಾವ ಕಾರಣಕ್ಕಾಗಿ ಸಂಭವಿಸಿತು ಎಂಬುದು ಬಹಳಷ್ಟು ಜನರಿಗೆ ಗೊತ್ತಿಲ್ಲ.
ನಾವು ನಿಮಗೆ ಹೇಳುತ್ತಿರುವ ಕಥೆಯನ್ನು ಶಾರುಖ್ ಖಾನ್ ಅವರ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ. ಕ್ಸಿ ದೂರಿನ ಮೇರೆಗೆ ಶಾರುಖ್ ಒಂದು ದಿನ ಜೈಲಿಗೂ ಹೋಗಬೇಕಾಗಿತ್ತು. 2012 ರಲ್ಲಿ, ಶಾರುಖ್ ಅವರು ‘ತೆಹಲ್ಕಾ’ದ ‘ಥಿಂಕ್ 2012’ ಕಾರ್ಯಕ್ರಮದಲ್ಲಿ ಸಂದರ್ಶನವೊಂದರಲ್ಲಿ ಇದನ್ನು ಬಹಿರಂಗಪಡಿಸಿದ್ದರು.
ಈ ಕಾರ್ಯಕ್ರಮದಲ್ಲಿ, ಹಿಂದಿ ಚಿತ್ರರಂಗದ ನಟರೊಬ್ಬರು, ಒಮ್ಮೆ ಪತ್ರಕರ್ತರೊಬ್ಬರು ಶಾರುಖ್ ತಮ್ಮ ಸಹ-ನಟಿಯೊಂದಿಗೆ ಅನೈತಿಕ ಸಂಬಂಧ ಹೊಂದಿದ್ದಾರೆ ಎಂಬ ವದಂತಿಯನ್ನು ಹರಡಿದ್ದರು ಎಂದು ಹೇಳಿದ್ದರು. ಈ ವಿಷಯ ಶಾರುಖ್‌ಗೆ ತಿಳಿದಾಗ, ಅವರು ಆಶ್ಚರ್ಯಚಕಿತರಾದರು. ಶಾರುಖ್ ಕೋಪದಿಂದ ಆ ಪತ್ರಕರ್ತನಿಗೆ ತಲ್ವಾರ್‌ನಿಂದ ಇರಿತೀನಿ ಎಂದು ಹೇಳಿದ್ದರಂತೆ. ಇಂತಹ ಸುದ್ದಿಗಳು ತಮ್ಮ ವೈವಾಹಿಕ ಜೀವನದಲ್ಲಿ ಬಿರುಕು ಮೂಡಿಸಬಹುದು ಎಂಬ ಭಯವೂ ಶಾರುಖ್‌ಗೆ ಇತ್ತು.
ಆಗ ಶಾರುಖ್ ಖಾನ್ ಮಾತನಾಡುತ್ತ, “ನಾನು ಕೆಟ್ಟದಾಗಿ ನಡೆದುಕೊಂಡೆ, ನಾನು ಜೈಲು ಪಾಲಾದೆ, ಪಂಜಾಬಿ ಮದುವೆಗಳಲ್ಲಿ ಮಾಡುವಂತೆ ನನ್ನ ಮಾವ ನನಗೆ ಕತ್ತಿಯನ್ನು ಕೊಟ್ಟಿದ್ದರು. ನಾನು ಆ ಕತ್ತಿಯನ್ನು ಆ ಪತ್ರಕರ್ತನ ಮನೆಗೆ ತೆಗೆದುಕೊಂಡು ಹೋದೆ. ಸೇನಾಧಿಕಾರಿಯಾಗಿರುವ ನನ್ನ ಮಾವ, ‘ಮಗನೇ, ನನ್ನ ಮಗಳನ್ನು ನೀನು ರಕ್ಷಿಸಬೇಕು. ಇದು ಉತ್ತಮ ಅಸ್ತ್ರ ಎಂದು ನಾನು ಭಾವಿಸಿದ್ದೇನೆ, ಇದನ್ನು ಭಾರತೀಯ ಸೇನೆಯು ಅನುಮೋದಿಸಿದೆ” ಎಂದು ಹೇಳಿದ್ದರು.
ನಿನ್ನನ್ನ ಕ ತ್ತ ರಿಸಿ ಹಾಕ್ತೀನಿ ಎಂದು ಪತ್ರಕರ್ತನಿಗೆ ಧಮಕಿ ಹಾಕಿದ್ದ ಶಾರುಖ್
ಶಾರುಖ್ ಅವರು ಜೈಲಿನಲ್ಲಿದ್ದಾಗ, ಜೈಲಿನಿಂದ ಕರೆ ಮಾಡಲು ಅವಕಾಶ ನೀಡಲಾಯಿತು ಎಂದು ಹೇಳಿದರು. ಆಗ ನಟ ಅದೇ ಪತ್ರಕರ್ತನಿಗೆ ಕರೆ ಮಾಡಿ, ‘ಸಾಲೇ ಅಬ್ ತೋ ಜೈಲ್ ಭಿ ಚಲಾ ಗಯಾ ಹೂಂ, ಅಬ್ ತೊ ನಿಕಲ್ ಕೆ ಆವುಂಗಾ ಔರ್ ತೇರೆ ಕೊ ಕಾಟ್ ಕೆ ಜಾವುಂಗಾ’ ಎಂದು ಬೆದರಿಕೆ ಹಾಕಿದ್ದೆ ಎಂದಿದ್ದರು.
ನಟನ ವರ್ಕ್ ಫ್ರಂಟ್ ಬಗ್ಗೆ ಮಾತನಾಡುವುದಾದರೆ, 2018 ರಲ್ಲಿ ಶಾರುಖ್ ಕೊನೆಯ ಚಿತ್ರ ‘ಝೀರೋ’ ಅದು ಅಟ್ಟರ್ ಫ್ಲಾಪ್ ಆಗಿತ್ತು. ಈ ದಿನಗಳಲ್ಲಿ ಅವರು ತಮ್ಮ ಮುಂಬರುವ ಚಿತ್ರ ‘ಪಠಾಣ್’ ಚಿತ್ರದ ಪ್ರೊಮೋಷನ್‌ನಲ್ಲಿ ನಿರತರಾಗಿದ್ದಾರೆ. ಚಿತ್ರದಲ್ಲಿ ಅವರೊಂದಿಗೆ ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಕೂಡ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
