ಸ್ಟ್ಯಾಂಡಪ್ ಕಾಮಿಡಿಯನ್ ಮುನವ್ವರ್ ಫಾರೂಕಿ ಮತ್ತು ಕುನಾಲ್ ಕಮ್ರಾ ಇಬ್ಬರನ್ನೂ ರಾಜ್ಯಕ್ಕೆ (ಮಧ್ಯಪ್ರದೇಶಕ್ಕೆ) ಬರುವಂತೆ ದಿಗ್ವಿಜಯ್ ಸಿಂಗ್ ಆಹ್ವಾನಿಸಿದ್ದು, ಈ ಬಗ್ಗೆ ಸುದೀಪ್ ಭೋಲಾ ಪ್ರತಿಕ್ರಿಯಿಸಿದ್ದಾರೆ.
ಮಧ್ಯಪ್ರದೇಶದ ಮಾಜಿ ಮುಖ್ಯಮಂತ್ರಿ ದಿಗ್ವಿಜಯ್ ಸಿಂಗ್ ಅವರು ಸ್ಟ್ಯಾಂಡಪ್ ಕಾಮಿಡಿಯನ್ ಮುನವ್ವರ್ ಫಾರೂಕಿಯನ್ನು ಭೋಪಾಲ್‌ನಲ್ಲಿ ಕಾರ್ಯಕ್ರಮ ಮಾಡಲು ಬರುವಂತೆ ಆಹ್ವಾನಿಸಿದ್ದಾರೆ. ಮುನವ್ವರ್ ಫಾರೂಕಿ ತನ್ನ ಕಾಮಿಡಿ ಕಾರ್ಯಕ್ರಮಗಳಿಗಿಂತ ಹಿಂದೂ ವಿರೋಧಿ, ವಿವಾದಾತ್ಮಕ ಹೇಳಿಕೆಗಳಿಗೆ ಕುಖ್ಯಾತಿ ಪಡೆದಿದ್ದಾನೆ. ದಿಗ್ವಿಜಯ್ ಸಿಂಗ್ ಅವರು ಟ್ವೀಟ್ ಮಾಡಿ ಕುನಾಲ್ ಕಮ್ರಾ ಗೂ ಆಹ್ವಾನ ನೀಡಿದ್ದಾರೆ. “ಕುನಾಲ್ ಮತ್ತು ಮುನವ್ವರ್ ಗಾಗಿ ನಾನು ಭೋಪಾಲ್‌ನಲ್ಲಿ ಕಾರ್ಯಕ್ರಮವನ್ನು ಆಯೋಜಿಸುತ್ತೇನೆ. ಎಲ್ಲಾ ಜವಾಬ್ದಾರಿ ನನ್ನದೇ ಆಗಿರುತ್ತದೆ, ಆದರೆ ಒಂದು ಕಂಡೀಷನ್, ಕಾಮಿಡಿ ಸಬ್ಜೆಕ್ಟ್ ದಿಗ್ವಿಜಯ್ ಸಿಂಗ್ ಮಾತ್ರವಾಗಿರಬೇಕು” ಎಂದಿದ್ದಾರೆ.
.@INCIndia leader Digvijaya Singh on Monday invited stand-up comedians Kunal Kamra and Munawar Faruqui to hold a programme at Bhopal in the BJP-ruled Madhya Pradesh@digvijaya_28 @kunalkamra88 @munawar0018 @BJP4India https://t.co/TQomnr6ceF
— Oneindia News (@Oneindia) December 13, 2021
ಹಿಂದೂ ಧರ್ಮವನ್ನು ಅಪಹಾಸ್ಯ ಮಾಡುವ ವಿವಾದಾತ್ಮಕ ಕಾಮಿಡಿಯನ್ ಗಳಿಗೆ ದಿಗ್ವಿಜಯ್ ಸಿಂಗ್ ಆಹ್ವಾನ ನೀಡಿರುವುದು ಹಲವರ ಕೆಂಗಣ್ಣಿಗೆ ಗುರಿಯಾಗಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಸುದೀಪ್ ಭೋಲಾ, ಮಾಜಿ ಮುಖ್ಯಮಂತ್ರಿ ದಿಗ್ವಿಜಯ್ ಅವರಿಗೆ ತಮ್ಮದೇ ಶೈಲಿಯಲ್ಲಿ ಖಡಕ್ ಉತ್ತರ ಕೊಟ್ಟಿರುವ ಅವರು, “ನಾನು ಅದೇ ವೇದಿಕೆಯಿಂದ ಅವರ ಧರ್ಮವನ್ನು ವ್ಯಂಗ್ಯ ಶೈಲಿಯಲ್ಲಿ ಮಾತನಾಡುತ್ತೇನೆ. ಅವರಿಗೆ ತಾಕತ್ತಿದ್ದರೆ ನನ್ನ ವ್ಯಂಗ್ಯಕ್ಕೆ ಉತ್ತರಿಸಲಿ” ಎಂದಿದ್ದಾರೆ
ಬೈಗುಳ, ದೇವತೆಗಳ ಅಪಮಾನ ಮಾಡೋದನ್ನೇ ಕಾಮಿಡಿ ಅನ್ಕೊಂಡಿದಾರೆ
ಇದನ್ನು ಓದಿದಾಗ (ದಿಗ್ವಿಜಯ್ ಸಿಂಗ್ ಟ್ವೀಟ್) ಮುನವ್ವರ್ ಫಾರೂಕಿ ಮತ್ತು ಕುನಾಲ್ ಕಮ್ರಾ ಹಿಂದೂ ಧರ್ಮವನ್ನು ಹೀಯಾಳಿಸುವ ರೀತಿ, ನಗೆಪಾಟಲಿಗೀಡಾಗುವ ರೀತಿ, ಅದೇ ರೀತಿ ಅವರ ಧರ್ಮದ ಬಗ್ಗೆ ಒಂದೇ ವೇದಿಕೆಯಲ್ಲಿ ಮಾತನಾಡಬೇಕು ಎಂಬುದು ನೆನಪಿಗೆ ಬಂದಿತು ಎನ್ನುತ್ತಾರೆ ಹಾಸ್ಯನಟ ಸುದೀಪ್ ಭೋಲಾ. “ನಾನು ಮಾತನಾಡುತ್ತೇನೆ, ನಾನು ಅವರ ಧರ್ಮವನ್ನು ಅಪಹಾಸ್ಯ ಮಾಡುತ್ತೇನೆ ಮತ್ತು ಅವರಿಗೆ ಧೈರ್ಯವಿದ್ದರೆ, ಅವನು ನನ್ನ ಮಾತುಗಳಿಗೆ ಉತ್ತರಿಸಬೇಕು. ಅವರು ಇದಕ್ಕೆ ಉತ್ತರಿಸುವರೋ ಇಲ್ಲವೋ ನೋಡಬೇಕು. ನಿಂದನೀಯ ಭಾಷೆಯನ್ನೇ ಹಾಸ್ಯ ಮಾಡುವುದು ಒಬ್ಬರ ಕೀಳು ಮನಸ್ಥಿತಿಯ ಮಟ್ಟವನ್ನು ತೋರಿಸುತ್ತದೆ ಎಂಬುದು ಇದರಿಂದ ಮತ್ತೊಂದು ವಿಷಯ ಸ್ಪಷ್ಟವಾಗಿದೆ. ದಿಗ್ವಿಜಯ್ ಸಿಂಗ್ ಈ ನಿಂದನೆಯನ್ನು ಕಾಮಿಡಿ ಎಂದು ಪರಿಗಣಿಸಿದ್ದಾರೆ, ನಾನು ಅವರನ್ನು ಧನ್ಯ ಎಂದು ಪರಿಗಣಿಸುತ್ತೇನೆ ಮತ್ತು ಈ ಮೂಲಕ ಅವರು ತಮ್ಮ ಮಟ್ಟವನ್ನು ತೋರಿಸಿದ್ದಾರೆ, ಅವರು ನಮ್ಮ ಧರ್ಮದ ಬಗ್ಗೆ ಮಾತನಾಡಿದರೆ, ನನ್ನ ವ್ಯಂಗ್ಯಕ್ಕೂ ಉತ್ತರಿಸುವ ಧೈರ್ಯ ಅವರಿಗೆ ಇರಬೇಕು” ಎನ್ನುತ್ತಾರೆ ಸುದೀಪ್ ಭೋಲಾ.
ನಮ್ಮ ದೇಶದಲ್ಲಿ ‘ಲೋಕ’ ದಲ್ಲೇ ಅಭದ್ರತೆಯದ್ದೂ ಸಮಾವೇಶವಾಗುತ್ತೆ
ಫರೂಕಿ ಮತ್ತು ಕುನಾಲ್ ಕಮ್ರಾ ಅವರನ್ನು ಅಪರಾಧಿ ಎಂದು ಘೋಷಿಸಲಾಗಿಲ್ಲ, ವಿವಾದದ ಒಂದು ಬದಿಯು ಅರ್ಥವಾಗುವಂತಹದ್ದಾಗಿದೆ, ನಾನು ಅವರ ಕಾರ್ಯಕ್ರಮಗಳನ್ನು ನೋಡಿಲ್ಲ ಅಥವಾ ನಾನು ಅವರನ್ನು ಕೇಳಿಲ್ಲ ಎಂದು ಹಾಸ್ಯನಟ ಸಂಪತ್ ಸರಳ್ ಹೇಳುತ್ತಾರೆ. ನಾನು ಅವರನ್ನು ಭೇಟಿ ಮಾಡಿಲ್ಲ ಆದರೆ ನಮ್ಮ ದೇಶದಲ್ಲಿ ‘ಲೋಕ’ದಲ್ಲಿ ಮದುವೆಗಳಲ್ಲಿ ಬಳಸುವ ಅಸಭ್ಯತೆಯೂ ಸೇರಿದೆ, ಆದ್ದರಿಂದ ಇದು ಅಂತಹ ದೊಡ್ಡ ವಿಷಯ ಎಂದು ನಾನು ಭಾವಿಸುವುದಿಲ್ಲ. ನಾನು ಅರ್ಥಮಾಡಿಕೊಂಡ ಒಂದು ಒಳ್ಳೆಯ ವಿಷಯವೆಂದರೆ ದಿಗ್ವಿಜಯ್ ಸಿಂಗ್ ಅವರು ತಾವು ಜವಾಬ್ದಾರಿ ತೆಗೆದುಕೊಳ್ಳುವ ಬಗ್ಗೆ ಮಾತನಾಡಿದ್ದಾರೆ, ಇದು ಯಾವುದೇ ನಾಯಕನಿಗೆ ಹೇಳುವುದು ದೊಡ್ಡ ವಿಷಯ ಯಾಕಂದ್ರೆ ಯಾರಾದರೂ ತನ್ನನ್ನು ಗೇಲಿ ಮಾಡಲು ಹೇಳಿದರೆ, ಅವನಿಗೆ ಸಹಿಸಿಕೊಳ್ಳುವ ಸಾಮರ್ಥ್ಯವೂ ಇರಬೇಕು, ಸಮಸ್ಯೆಯಾಗಬಾರದು. ಗಂಭೀರವಾಗಿ ತೆಗೆದುಕೊಳ್ಳಬೇಕು. ಮುಂದೆ ಕುಳಿತು ನಗುವ ಇಂತಹ ನಾಯಕರಿಗೆ ತಲೆಬಾಗುತ್ತೇನೆ, ಸ್ವಂತ ಬಹು (ಸೊಸೆ) ಇಲ್ಲದವರು ಬಹುಮತ ಪಡೆಯುವುದು ಹೇಗೆ ಎಂದು ಅಟಲ್ ಬಿಹಾರಿ ವಾಜಪೇಯಿ ವಿರುದ್ಧ ನಾನು ವ್ಯಂಗ್ಯವಾಡಿದ್ದೆ. ಅದಕ್ಕೆ ಅವರು ತುಂಬಾ ನಕ್ಕರು. ನಾಯಕರು ತಮ್ಮ ಮನಸ್ಸನ್ನು ದೊಡ್ಡದಾಗಿಸಿಕೊಳ್ಳಬೇಕು, ನಗುವಿನ ವಿಷಯವನ್ನು ತಮಾಷೆಯಾಗಿ ತೆಗೆದುಕೊಳ್ಳಬೇಕು. ಏಕೆಂದರೆ ಫಾರೂಕಿ ಮತ್ತು ಕಮ್ರಾ ಅವರು ಇಂಗ್ಲಿಷ್ ವರ್ಗದ ಹಾಸ್ಯನಟರಾಗಿದ್ದಾರೆ, ಈ ರೀತಿಯ ಹಾಸ್ಯವನ್ನು ಕುಟುಂಬದೊಂದಿಗೆ ಕುಳಿತು ಆನಂದಿಸಲಾಗುತ್ತದೆ ಎಂದಿದ್ದಾರೆ.
ಒಂದು ಕಲೆ ಅಥವ ಕಾಮಿಡಿಯಿಂದ ಒಬ್ಬರ ಮನಸ್ಸು ದುಃಖಿತವಾದರೆ ಆಗ ಆ ಕಲೆಯು ನಿಷ್ಪ್ರಯೋಜಕವಾಗುತ್ತದೆ
ಕಲೆಯು ಆನಂದವನ್ನು ನೀಡುವುದಕ್ಕಾಗಿ ಮತ್ತು ಕಲೆಯನ್ನು ಸಂತೋಷದಿಂದ ಪ್ರದರ್ಶಿಸಲಾಗುತ್ತದೆ, ಒಬ್ಬರ ಮನಸ್ಸು ಆ ಕಲೆಯಿಂದ ದುಃಖಿತವಾದರೆ ಅದು ಕಲೆಯಲ್ಲ ಆಗ ಆ ಕಲೆ ಅರ್ಥಹೀನವಾಗುತ್ತದೆ ಆಗ ಆ ಕಲೆ ಗಾಯಕಿಯದ್ದಾಗಿರಲಿ, ನಟನದ್ದಾಗಿರಲಿ ಅಥವಾ ಜನರನ್ನು ನಗಿಸುವುದಾಗಿರಲಿ ಎಂದು ಕೇವಲ ಎರಡು ಸಾಲುಗಳಲ್ಲಿ ಹೇಳಲು ಬಯಸುತ್ತೇನೆ ಎಂದು ಜಾನಪದ ಗಾಯಕಿ ಮತ್ತು ಕಲಾವಿದೆ ಮಾಲಿನಿ ಅವಸ್ಥಿ ಹೇಳುತ್ತಾರೆ.
