ಹಿಂದಿ, ಕನ್ನಡ ಅಥವ ಭಾರತೀಯ ಚಿತ್ರರಂಗದ ಯಾವುದೇ ಭಾಷೆಯ ಚಲನಚಿತ್ರಗಳಲ್ಲಿ, ರೈಲಿನಲ್ಲಿ ಅಥವಾ ರೇಲ್ವೆ ಸ್ಟೇಷನ್ ಗಳಲ್ಲಿನ ಸೀನ್ ಗಳನ್ನ ನೀವು ನೋಡಿರುತ್ತೀರ. ಇಲ್ಲಿಯವರೆಗೆ ಅನೇಕ ಚಿತ್ರಗಳಲ್ಲಿ ರೇಲ್ವೇ ಹಾಗು ರೇಲ್ವೇ ಸ್ಟೇಷನ್ ಕಾಣಿಸಿಕೊಂಡಿವೆ ಮತ್ತು ಇದರಿಂದಾಗಿ ಅನೇಕ ಚಿತ್ರಗಳೂ ಸೂಪರ್ ಡೂಪರ್ ಹಿಟ್ ಆಗಿವೆ. ಆದರೆ, ರೈಲು ಅಥವಾ ರೇಲ್ವೇ ಸ್ಟೇಷನ್ ನಲ್ಲಿ ಶೂಟಿಂಗ್ ಮಾಡಲು ರೈಲ್ವೆ ಇಲಾಖೆ ವಿಧಿಸುವ ಶುಲ್ಕ ಎಷ್ಟು ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ?
ಬಹುಶಃ ಈ ಪ್ರಶ್ನೆ ಎಷ್ಟೋ ಜನರ ಮನಸ್ಸಿನಲ್ಲಿ ಮೂಡದೆಯೂ ಇದ್ದಿರಬಹುದು. ಶೂಟಿಂಗ್‌ಗಾಗಿ ರೈಲ್ವೆ ಇಲಾಖೆ ನಿರ್ಮಾಪಕರಿಂದ ಅಥವ ಫಿಲ್ಮ್ ಮೇಕರ್ಸ್ ನಿಂದ ಎಷ್ಟು ಹಣವನ್ನು ತೆಗೆದುಕೊಳ್ಳುತ್ತದೆ? ಹಾಗಾದರೆ ಎಷ್ಟು ಹಣವನ್ನು ತೆಗೆದುಕೊಳ್ಳಲಾಗುತ್ತದೆ ಅಥವ ಯಾವ ಮಾಧ್ಯಮದ ಮೂಲಕ ತೆಗೆದುಕೊಳ್ಳಲಾಗಿದೆ ಎಂಬುದನ್ನು ನಾವು ನಿಮಗೆ ತಿಳಿಸುತ್ತೇವೆ.
ಹಿಂದಿನ ಕಾಲದಿಂದಲೂ ಚಲನಚಿತ್ರಗಳಲ್ಲಿ ರೈಲುಗಳನ್ನು ಬಳಸಲಾಗಿದೆ ಎಂಬುದು ಗಮನಿಸಬೇಕಾದ ಸಂಗತಿ. ನಾವು ದಶಕಗಳ ಹಿಂದಿನ ಅಥವಾ ಇಂದಿನ ಕಾಲದ ಚಲನಚಿತ್ರಗಳನ್ನು ನೋಡುವಾಗ ಚಲನಚಿತ್ರಗಳಲ್ಲಿ ರೈಲಿನ ದೃಶ್ಯಗಳು ಹೆಚ್ಚಾಗಿ ಕಂಡುಬರುತ್ತವೆ. ಚಲನಚಿತ್ರಗಳಿಗೆ ಸಂಬಂಧಿಸಿದ ಅನೇಕ ನಟರು ಈ ಸಮಯದಲ್ಲಿ ರೈಲಿನಲ್ಲಿ ಪ್ರಯಾಣಿಸುವುದನ್ನು ಕಾಣಬಹುದು. ಆದಾಗ್ಯೂ, ಈ ಪ್ರಯಾಣವು ಫಿಲ್ಮ್ ಮೇಕರ್ಸ್ ಗಳಿಗೆ ತುಂಬಾ ದುಬಾರಿಯಾಗಿದೆ. ಇದಕ್ಕಾಗಿ ರೈಲ್ವೆಯು ಲಕ್ಷಾಂತರ ರೂಪಾಯಿಗಳವರೆಗೆ ಶುಲ್ಕ ವಿಧಿಸುತ್ತದೆ.
ಒಂದು ವೇಳೆ ಚಿತ್ರದ ಚಿತ್ರೀಕರಣಕ್ಕೆ ಒಂದು ರೈಲು ಇಂಜಿನ್ ಮತ್ತು ನಾಲ್ಕು ಬೋಗಿಗಳ ಬೇಡಿಕೆಯನ್ನು ಫಿಲ್ಮ್ ಮೇಕರ್ಸ್ ಗಳು ಹೊಂದಿದ್ದರೆ, ಇದಕ್ಕಾಗಿ ಅವರು ಕೇವಲ ಒಂದು ದಿನಕ್ಕೆ ಸುಮಾರು 50 ಲಕ್ಷ ರೂಪಾಯಿಗಳವರೆಗೆ ರೈಲ್ವೆ ಇಲಾಖೆಗೆ ಪಾವತಿಸಬೇಕಾಗುತ್ತದೆ. ರೈಲ್ವೆ ಇಲಾಖೆಯ ವೆಚ್ಚವನ್ನು ಭರಿಸುವುದು ಎಲ್ಲ ಚಿತ್ರ ನಿರ್ಮಾಕರ ಕೈಯಲ್ಲೂ ಸಾಧ್ಯವಾಗಲ್ಲ ಎಂಬುದರಲ್ಲಿ ಸಂದೇಹವಿಲ್ಲ. ಹೌದು ಒಂದು ದಿನಕ್ಕೆ ಬರೋಬ್ಬರಿ 50 ಲಕ್ಷ ಶುಲ್ಕ. ಅದೂ ಕೂಡ ರೈಲಿನ ಕೇವಲ ಒಂದು ಎಂಜಿನ್ ಮತ್ತು ನಾಲ್ಕು ಬೋಗಿಗಳಿಗಾಗಿ.
ಮಾಧ್ಯಮ ವರದಿಗಳ ಪ್ರಕಾರ, ಶೂಟಿಂಗ್‌ಗೆ ಗೂಡ್ಸ್ ರೈಲನ್ನು ಬಳಸಿದರೆ, ತಯಾರಕರು ರೈಲ್ವೆ ಇಲಾಖೆಗೆ ಕನಿಷ್ಠ 200 ಕಿಮೀ ವರೆಗಿನ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ಇದರಲ್ಲಿ ಒಂದು ಅಚ್ಚರಿಯ ವಿಷಯವೂ ಇದೆ, ಶೂಟಿಂಗ್‌ಗೆ ಕೇವಲ ಒಂದು ಕಿಲೋಮೀಟರ್ ಬಳಸಿದರೂ, ಶುಲ್ಕವನ್ನು ಸಂಪೂರ್ಣವಾಗಿ ಪಾವತಿಸಬೇಕು. ಅಂದರೆ, ರೈಲ್ವೆ ದಿನಕ್ಕೆ 426600 ದರದಲ್ಲಿ ಶುಲ್ಕ ವಿಧಿಸುತ್ತದೆ.
ರೈಲು ನಿಲ್ಲಿಸುವ ಶುಲ್ಕವೂ ದುಬಾರಿ..
ಮತ್ತೊಂದೆಡೆ, ಚಲನಚಿತ್ರ ಅಥವಾ ವೆಬ್ ಸೀರೀಸ್ ಅಥವಾ ಯಾವುದೇ ಧಾರಾವಾಹಿಯ ಚಿತ್ರೀಕರಣದ ಸಮಯದಲ್ಲಿ ರೈಲು ನಿಲ್ಲಿಸಿದರೆ, ಅದಕ್ಕೂ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ಇದಕ್ಕೆ ಪ್ರತಿ ಗಂಟೆಗೆ 900 ರೂ.ನಂತೆ ಹೆಚ್ಚುವರಿ ಶುಲ್ಕ ನೀಡಬೇಕಾಗುತ್ತದೆ. ಹಿಂದಿ ಚಿತ್ರರಂಗದಲ್ಲಿ ರೈಲಿನ ಹೆಸರಲ್ಲಿ ಹಲವು ಚಿತ್ರಗಳು ಬಂದಿರುವುದು ಗಮನಿಸಬೇಕಾದ ಸಂಗತಿ. ಉದಾಹರಣೆಗೆ ರಾಜೇಶ್ ಖನ್ನಾ ಅವರ ‘ದಿ ಟ್ರೈನ್’ ಮತ್ತು ಧರ್ಮೇಂದ್ರ, ವಿನೋದ್ ಖನ್ನಾ, ಜಿತೇಂದ್ರ, ಹೇಮಾ ಮಾಲಿನಿ, ನೀತು ಕಪೂರ್ ಮತ್ತು ಪರ್ವೀನ್ ಬಾಬಿ ಅವರ ‘ದಿ ಬರ್ನಿಂಗ್ ಟ್ರೈನ್’ ಸೂಪರ್ ಹಿಟ್ ಚಿತ್ರಗಳಾಗಿದ್ದವು.
ಅಸಲಿ ರೈಲು ಹಾಗು ಸ್ಟೇಷನ್ ಗಾಗಿ ಅತಿ ಹೆಚ್ಚು ಖರ್ಚು..
ಚಲನಚಿತ್ರಗಳ ಚಿತ್ರೀಕರಣವನ್ನು ಗಮನದಲ್ಲಿಟ್ಟುಕೊಂಡು ರೈಲ್ವೆ ನಿಲ್ದಾಣಗಳನ್ನು ಮೂರು ವಿಭಾಗಗಳಾಗಿ ವಿಂಗಡಿಸಿದೆ. ಇದರಲ್ಲಿ A One ಶ್ರೇಣಿಗೆ ದಿನಕ್ಕೆ ಒಂದು ಲಕ್ಷ ರೂ., B One ಮತ್ತು B2 ಕ್ಲಾಸ್ ಸ್ಟೇಷನ್‌ಗಳಿಗೆ ಪ್ರತಿ ದಿನಕ್ಕೆ 50 ಸಾವಿರ ರೂ. ನಷ್ಟು ಪಾವತಿಸಬೇಕಾಗುತ್ತದೆ.
ಆದಾಗ್ಯೂ, ಹಲವಾರು ಚಲನಚಿತ್ರಗಳಲ್ಲಿ ತೋರಿಸಿರುವ ರೈಲು ನಿಲ್ದಾಣ ಅಥವಾ ರೈಲಿನ ಭಾಗವನ್ನು ನೈಜ ರೈಲು ನಿಲ್ದಾಣದ ಹೊರತಾಗಿ ಫಿಲ್ಮ್ ಸಿಟಿಯಲ್ಲಿ ನಿರ್ಮಿಸಲಾದ ಕೃತಕ ನಿಲ್ದಾಣಗಳಲ್ಲೂ ಚಿತ್ರೀಕರಿಸಲಾಗಿರುತ್ತದೆ.
