ಆಗಾಗ್ಗೆ ವಿಮಾನದ ಮೂಲಕ ಪ್ರಯಾಣಿಸುವ ಯಾರಾದರೂ ಟೇಕ್-ಆಫ್ ಮಾಡುವ ಮೊದಲು ಮಾಡಬೇಕಾದ ಮೊದಲ ಕೆಲಸವೆಂದರೆ ತಮ್ಮ ಎಲೆಕ್ಟ್ರಾನಿಕ್ ಸಾಧನಗಳನ್ನು ಆಫ್ ಮಾಡುವುದು ಅಥವಾ ಅವುಗಳನ್ನು ‘Airplane Mode’ನಲ್ಲಿ ಹಾಕಬೇಕು ಎಂಬುದು ಎಲ್ಲರಿಗೂ ಗೊತ್ತಿರುತ್ತದೆ. ಆದರೆ ಈ Airplane Mode ನಿಖರವಾಗಿ ಏನು ಮಾಡುತ್ತದೆ ಮತ್ತು ಫ್ಲೈಟ್ ಅಟೆಂಡೆಂಟ್‌ಗಳು ನಿಮ್ಮ ಎಲೆಕ್ಟ್ರಾನಿಕ್ ಸಾಧನಗಳಾದ ಟ್ಯಾಬ್ಲೆಟ್‌ಗಳು, ಫೋನ್‌ಗಳು ಮತ್ತು ಲ್ಯಾಪ್‌ಟಾಪ್‌ಗಳನ್ನು ವಿಮಾನದ ಪ್ರಯಾಣದ ಸಂಪೂರ್ಣ ಅವಧಿಯವರೆಗೆ ಏರ್‌ಪ್ಲೇನ್ ಮೋಡ್‌ನಲ್ಲಿ ಇರಿಸಲು ಏಕೆ ಹೇಳುತ್ತಾರೆ ಎಂಬುದು ನಿಮಗೆ ಗೊತ್ತೇ?
ಏನಿದು Airplane Mode?
ಮೊದಲನೆಯದು, Airplane Mode ಅನ್ನು ಸಾಮಾನ್ಯವಾಗಿ ನಿಮ್ಮ ಫೋನ್, ಲ್ಯಾಪ್‌ಟಾಪ್ ಅಥವಾ ಟ್ಯಾಬ್ಲೆಟ್‌ನಲ್ಲಿನ ನೆಟ್‌ವರ್ಕ್ ಸೆಟ್ಟಿಂಗ್‌ಗಳ ಮೂಲಕ ಆ್ಯಕ್ಸೆಸ್ ಮಾಡಬಹುದು. ನೀವು Airplane Icon ನೋಡಿ ಮತ್ತು ಏರ್‌ಪ್ಲೇನ್ ಮೋಡ್ ಅನ್ನು ಸಕ್ರಿಯ ಮಾಡಲು ಅದರ ಮೇಲೆ ಟ್ಯಾಪ್ ಮಾಡಬೇಕು. ಆಗ ಫೋನ್‌ನಲ್ಲಿ ಸಿಗ್ನಲ್ ಬಾರ್ ಬದಲಿಗೆ ಏರ್‌ಪ್ಲೇನ್ ಐಕಾನ್‌ಗೆ ಚೇಂಜ್ ಆಗುವುದನ್ನ ಕಾಣಬಹುದು.
Aeroplane Mode On ಮಾಡಿದರೆ ಏನಾಗುತ್ತದೆ?
ನೀವು Aeroplane Mode ಅನ್ನು On ಮಾಡಿದಾಗ, ನಿಮ್ಮ ಸಾಧನದ ಸೆಲ್ಯುಲರ್ ಸಿಗ್ನಲ್ ಟ್ರಾನ್ಸ್ಮಿಟ್ ಆಗೋದು ಬಂದ್ ಆಗುತ್ತದೆ. ಇದರ ಪರಿಣಾಮವಾಗಿ, ನಿಮ್ಮ ಸೆಲ್ಯುಲಾರ್ ನೆಟ್‌ವರ್ಕ್‌ನಿಂದ ನೀವು ಕರೆಗಳು ಅಥವಾ ಟೆಕ್ಸ್ಟ್ ಗಳನ್ನ ಸ್ವೀಕರಿಸಲು ಸಾಧ್ಯವಿಲ್ಲ. Aeroplane Mode ಸಾಮಾನ್ಯವಾಗಿ ನಿಮ್ಮ Wi-Fi ಅನ್ನು ಆಫ್ ಮಾಡುತ್ತದೆ. ಆದಾಗ್ಯೂ, ನೀವು ವೈಫೈ ನೆಟ್‌ವರ್ಕ್‌ಗೆ ಪ್ರವೇಶವನ್ನು ಹೊಂದಿದ್ದರೆ, ನೀವು ವೈಫೈ ಅನ್ನು ಮತ್ತೆ ಆನ್ ಮಾಡಬಹುದು ಮತ್ತು ಏರ್‌ಪ್ಲೇನ್ ಮೋಡ್‌ನಲ್ಲಿರುವಾಗಲೂ ನಿಮ್ಮ ಸಾಧನದಲ್ಲಿ ಇಂಟರ್ನೆಟ್ ಬಳಸುವುದನ್ನು ಮುಂದುವರಿಸಬಹುದು.
ಫ್ಲೈಟ್ ನಲ್ಲಿ Aeroplane Mode On ಮಾಡಿದರೆ ಏನಾಗುತ್ತದೆ?
ನಿಮ್ಮ ಎಲೆಕ್ಟ್ರಾನಿಕ್ ಉಪಕರಣದಿಂದ ಹೊರಬರುವ ಸಿಗ್ನಲ್ ಗಳು ವಿಮಾನದ ಕಮ್ಯುನಿಕೇಷನ್ ಸಿಸ್ಟಮ್ ನ್ಮ ಅವ್ಯವಸ್ಥೆಗೊಳಿಸಬಹುದು. ಸೆಲ್ಯುಲರ್ ಕನೆಕ್ಷನ್ ಹೊಂದಿರುವ ನಿಮ್ಮ ಎಲೆಕ್ಟ್ರಾನಿಕ್ ಸಾಧನಗಳು ಶಕ್ತಿಯುತ ರೇಡಿಯೋ ತರಂಗಗಳನ್ನು ಮತ್ತು ಎಲೆಕ್ಟ್ರೋ ಮ್ಯಾಗ್ನೆಟಿಕ್ ವೇವ್ಸ್ ಗಳನ್ನ ಹೊರಸೂಸುತ್ತವೆ. ಇವುಗಳು ವಿಮಾನದ ಸಿಗ್ನಲ್ ಗಳಿಗೆ ಅಡ್ಡಿಪಡಿಸಬಹುದು ಮತ್ತು ಪೈಲಟ್‌ಗೆ ಗ್ರೌಂಡ್ ಲೆವಲ್ ಸ್ಟಾಫ್ ಅಥವಾ ಏರ್ ಟ್ರಾಫಿಕ್ ಕಂಟ್ರೋಲ್‌ನೊಂದಿಗೆ ಕಮ್ಯುನಿಕೇಟ್ ನಡೆಸಲು ಕಷ್ಟವಾಗಬಹುದು. ಪ್ರತಿದಿನ ಲಕ್ಷಾಂತರ ಜನರು ವಿಮಾನದಲ್ಲಿ ಪ್ರಯಾಣಿಸುವುದರಿಂದ, ಆ ಎಲ್ಲಾ ಫೋನ್ ಸಿಗ್ನಲ್‌ಗಳ ಸಾಮೂಹಿಕ ಪರಿಣಾಮವು ಅಗಾಧವಾಗಿರುತ್ತದೆ. ಆದ್ದರಿಂದ, ಫ್ಲೈಟ್ ಅಟೆಂಡೆಂಟ್‌ಗಳು ಯಾವಾಗಲೂ ತಮ್ಮ ಎಲೆಕ್ಟ್ರಾನಿಕ್ ಸಾಧನಗಳನ್ನು ಏರ್‌ಪ್ಲೇನ್ ಮೋಡ್‌ನಲ್ಲಿ ಇರಿಸಲು ಪ್ರಯಾಣಿಕರಿಗೆ ಸೂಚಿಸುತ್ತಾರೆ.
ಫ್ಲೈಟ್ ಮೋಡ್‌ನಲ್ಲಿ FAA ಗೈಡ್‌ಲೈನ್ಸ್ ಗಳು
ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್ (FAA) ಫೋನ್‌ಗಳಿಂದ ಸೆಲ್ಯುಲರ್ ಸಿಗ್ನಲ್‌ಗಳು ನೆಲದ ಮೇಲಿನ ಸೆಲ್ ಟವರ್‌ಗಳ ಮೇಲೂ ಪ್ರಾಬಲ್ಯ ಸಾಧಿಸಬಹುದು, ಇದರಿಂದಾಗಿ ಸೇವೆಗೆ ಅಡ್ಡಿಪಡಿಸುತ್ತವೆ. ಈ ಕಾರಣಕ್ಕಾಗಿಯೇ FAA ಗಾಳಿಯಲ್ಲಿರುವಾಗ ಎಲೆಕ್ಟ್ರಾನಿಕ್ ಸಾಧನಗಳ ಬಳಕೆಗೆ ಸಂಬಂಧಿಸಿದಂತೆ ಹಲವು ನಿರ್ಬಂಧಗಳನ್ನು ಹೊಂದಿದೆ. ಆದಾಗ್ಯೂ, ನೀವು ಇನ್ನೂ ವೈಫೈ ಅನ್ನು ಬಳಸಬಹುದು (ಆ ಫೀಚರ್ ನಿಮ್ಮ ವಿಮಾನದಲ್ಲಿ ಲಭ್ಯವಿದ್ದರೆ), ಅಥವಾ ನಿಮ್ಮ ಪ್ರಯಾಣದ ಸಮಯದಲ್ಲಿ ನಿಮ್ಮ ಫೋನ್ ಅನ್ನು ಏರ್‌ಪ್ಲೇನ್ ಮೋಡ್‌ನಲ್ಲಿ ಇರಿಸುವ ಮೂಲಕ ಬ್ಲೂಟೂತ್ ಅನ್ನು ಬಳಸಬಹುದು.
FCC ಮತ್ತು FAA ಗಳು ಏರ್‌ಬಾರ್ನ್ ಬಳಕೆಗಾಗಿ ಸೆಲ್ ಫೋನ್‌ಗಳನ್ನು ನಿಷೇಧಿಸುತ್ತವೆ ಏಕೆಂದರೆ ಅವುಗಳ ಸಿಗ್ನಲ್ ಗಳು ನಿರ್ಣಾಯಕ ವಿಮಾನ ಉಪಕರಣಗಳೊಂದಿಗೆ ಮಧ್ಯಪ್ರವೇಶಿಸುತ್ತವೆ. ಸಾಧನಗಳನ್ನು ಏರ್‌ಪ್ಲೇನ್ ಮೋಡ್‌ನಲ್ಲಿ ಅಥವಾ ಸೆಲ್ಯುಲಾರ್ ಕನೆಕ್ಷನ್ ನ್ನ ಆಫ್ ಮಾಡಿ ಬಳಸಬೇಕು. ವಿಮಾನವು ಸ್ಥಾಪಿಸಲಾದ ವೈಫೈ ವ್ಯವಸ್ಥೆಯನ್ನು ಹೊಂದಿದ್ದರೆ ಮತ್ತು ಏರ್‌ಲೈನ್ ಅದರ ಬಳಕೆಯನ್ನು ಅನುಮತಿಸಿದರೆ ನಿಮ್ಮ ಸಾಧನದಲ್ಲಿ ನೀವು ವೈಫೈ ಸಂಪರ್ಕವನ್ನು ಬಳಸಬಹುದು ಎಂದು FAA ಮಾರ್ಗಸೂಚಿಗಳು ಹೇಳುತ್ತವೆ.
