ಸುಮಾರು 46 ವರ್ಷಗಳ ಹಿಂದೆ, ಅಂದಿನ ಪ್ರಧಾನಿ ಇಂದಿರಾ ಗಾಂಧಿ ತುರ್ತು ಪರಿಸ್ಥಿತಿ ಘೋಷಿಸಿದಾಗ, ದೇಶದಲ್ಲಿ ನೂತನ ಆಂದೋಲನಗಳೇ ನಡೆದಿದ್ದವು. ಸಮಾಜವಾದಿ ನಾಯಕ ಜಯಪ್ರಕಾಶ್ ನಾರಾಯಣ್ ಅವರ ನೇತೃತ್ವದಲ್ಲಿ ಆ ಯುಗದ ಚಳುವಳಿಗಳಲ್ಲಿ ಅನೇಕ ನಾಯಕರು ಹೊರಹೊಮ್ಮಿದ್ದರು, ಅದರಲ್ಲಿ ಒಬ್ಬ ನಾಯಕ ಈಗ ಜಗತ್ತಿನಾದ್ಯಂತ ಜನಪ್ರಿಯ ವ್ಯಕ್ತಿಯಾಗಿದ್ದಾರೆ. ಅವರ ಹೆಸರೇ ಈಗಿನ ಪ್ರಧಾನಿ ನರೇಂದ್ರ ಮೋದಿ. ತುರ್ತು ಪರಿಸ್ಥಿತಿಯಲ್ಲಿ, ಇಂದಿರಾ ಗಾಂಧಿ ಸರ್ಕಾರವು ಸಂಘ ಮತ್ತು ವಿರೋಧ ಪಕ್ಷಗಳ ದೊಡ್ಡ ದೊಡ್ಡ ನಾಯಕರನ್ನು ಬಂಧಿಸಿ ಜೈಲಿಗೆ ಹಾಕುತ್ತಿದ್ದಾಗ, ನರೇಂದ್ರ ಮೋದಿ ಅವರು ಪೊಲೀಸರಿಂದ ತಪ್ಪಿಸಿಕೊಳ್ಳಲು ಭೂಗತವಾಗಿಯೇ ಇಂದಿರಾ ಸರ್ಕಾರದ ವಿರುದ್ಧ ರಣಕಹಳೆ ಮೊಳಗಿಸಿದ್ದರು.
ಎಮರ್ಜೆನ್ಸಿಯ ಬಳಿಕ ವಿಪಕ್ಷಗಳ ನಾಯಕರನ್ನ ಜೈಲಿಗೆ ಹಾಕಲಾಗಿತ್ತು: ಜೈ ಪ್ರಕಾಶ್ ನಾರಾಯಣ್ ಅವರು 1974 ರಲ್ಲಿ ಇಂದಿರಾ ಸರ್ಕಾರದ ವಿರುದ್ಧ ರಣಕಹಳೆ ಮೊಳಗಿಸಿದ್ದರು. ಮುಂದಿನ ಒಂದು ವರ್ಷದಲ್ಲಿ, ಈ ಧ್ವನಿ ಇಂದಿರಾ ಗಾಂಧಿಯವರ ಕುರ್ಚಿಯನ್ನ ನಡುಗಿಸಲು ಪ್ರಾರಂಭಿಸಿತು – ಜನ ರೊಚ್ಚಿಗೆದ್ದಿದ್ದಾರೆ ಕುರ್ಚಿ ಖಾಲಿ ಮಾಡಿ ಎಂಬ ಘೋಷಣೆ ಮೊಳಗಿದ್ದವು. ಆದಾಗ್ಯೂ, ಜೂನ್ 25 ರ ರಾತ್ರಿ ಅವರು ರಾಷ್ಟ್ರಪತಿ ಫಕ್ರುದ್ದೀನ್ ಅಲಿ ಅಹ್ಮದ್ ಅವರು ಸುಗ್ರೀವಾಜ್ಞೆಗೆ ಸಹಿ ಹಾಕಿದರು ಮತ್ತು ತುರ್ತು ಪರಿಸ್ಥಿತಿ ಘೋಷಿಸಿದರು. ಎಲ್ಲ ವಿರೋಧ ಪಕ್ಷದ ನಾಯಕರನ್ನು ಜೈಲಿಗೆ ಹಾಕಲಾಯಿತು ಮತ್ತು ಪತ್ರಿಕೆಗಳನ್ನು ಸೆನ್ಸಾರ್ ಮಾಡಲಾಯಿತು.
ಪೋಲಿಸರ ಕಣ್ತಪ್ಪಿಸಿ ಓಡಿ ಹೋಗಿದ್ದ ಮೋದಿ: ಮರುದಿನ ಬೆಳಿಗ್ಗೆ ಎಮರ್ಜೆನ್ಸಿ ಹೇರಿದ್ದರ ಸುದ್ದಿ ಅಹಮದಾಬಾದ್ ತಲುಪಿತು. ಸಂಘ ಪರಿವಾರದ ಮತ್ತು ಆರ್‌ಎಸ್‌ಎಸ್‌ನ ಅನೇಕ ನಾಯಕರನ್ನು ಬಂಧಿಸಲಾಗಿದೆ ಎಂದು ನರೇಂದ್ರ ಮೋದಿಯವರಿಗೆ ತಿಳಿದಿತ್ತು. ಈ ಪರಿಸ್ಥಿತಿಯಲ್ಲಿ ಮೋದಿಯವರು ಆರ್‌ಎಸ್‌ಎಸ್ ಕಚೇರಿಯ ಹೆಡ್ಗೆವಾರ್ ಭವನವನ್ನು ತಲುಪಿದರು ಮತ್ತು ಅವರ ಸಹಚರರೊಂದಿಗೆ ಸ್ಕೂಟರ್‌ನಲ್ಲಿ ಕುಳಿತರು. ಮೋದಿಯವರ ಬಂಧನವೂ ಖಚಿತವಾಗಿತ್ತು. ಆದಾಗ್ಯೂ, ಇದರ ಹೊರತಾಗಿಯೂ ಅವರು ತಪ್ಪಿಸಿಕೊಂಡರು.
ಮೋದಿಯವರು ತಮ್ಮ ಪುಸ್ತಕ- ತುರ್ತು ಪರಿಸ್ಥಿತಿಯಲ್ಲಿ ಗುಜರಾತ್‌ನಲ್ಲಿ ಹೇಳಿದ್ದಾರೆ. ಇದರಲ್ಲಿ ಅವರು ಆರ್‌ಎಸ್‌ಎಸ್ ಕಚೇರಿಯನ್ನು ತಲುಪಿದಾಗ ಹಲವಾರು ಸಂಘ ಮುಖಂಡರೊಂದಿಗೆ ಪೊಲೀಸ್ ಕಾರಿನಲ್ಲಿ ಕುಳಿತಿರುವುದು ಕಂಡುಬಂದಿತ್ತು ಎಂದು ಹೇಳಿದ್ದಾರೆ. ತಾನು ಅತಿ ವೇಗದಲ್ಲಿ ಸ್ಕೂಟರ್ ಓಡಿಸಿದೆ ಮತ್ತು ಪೊಲೀಸರ ಕಣ್ಣಿಗೆ ಮಣ್ಣೆರಚಿ ಪರಾರಿಯಾಗಿದ್ದೆ ಎಂದು ಮೋದಿ ಹೇಳಿದ್ದರು.
ಗೆಳೆಯರ ಮನೆಯಲ್ಲಿ ಅವಿತು ಪೋಲಿಸರಿಂದ ಬಚಾವಾಗಿದ್ದ ಮೋದಿ: ಇದರ ನಂತರ, ತುರ್ತು ಪರಿಸ್ಥಿತಿಯಲ್ಲಿ ಪೊಲೀಸರಿಂದ ತಪ್ಪಿಸಿಕೊಳ್ಳಲು ಮೋದಿ ಮೂರು ವಿಭಿನ್ನ ವೇಷ ಬದಲಿಸಿಕೊಂಡಿದ್ದರು. ಈ ರೂಪಗಳಲ್ಲಿ ಒಂದು ಕಾಲೇಜು ವಿದ್ಯಾರ್ಥಿಯಾಗಿದ್ದು, ಇನ್ನೊಂದು ರೂಪ ಸ್ವಾಮಿಯದ್ದಾಗಿದ್ದರೆ, ಮೂರನೆಯ ರೂಪವು ಒಬ್ಬ ಸರ್ದಾರ್ ನದ್ದಾಗಿತ್ತು. ಮೋದಿಯ ಈ ವೇಷಗಳನ್ನ ಗುರುತಿಸುವುದು ಪೊಲೀಸರಿಗೆ ಸಾಧ್ಯವಾಗಲಿಲ್ಲ. ತುರ್ತುಪರಿಸ್ಥಿತಿಯ ಸಮಯದಲ್ಲಿ, ಅವರು ವೇಷ ಬದಲಿಸಿಕೊಂಡು ಅನೇಕ ಜಾಗಗಳನ್ನ ಬದಲಾಯಿಸಬೇಕಾಯಿತು. ಅವರು ದಿನವಿಡೀ ಸಂಘಟನಾ ಕೆಲಸಕ್ಕಾಗಿ ಸಂಚರಿಸುತ್ತಿದ್ದರು, ಆದರೆ ರಾತ್ರಿಯಲ್ಲಿ ಅವರು ಕೆಲವು ಬಾರಿ ದೇವಾಲಯದ ಕೋಣೆಯಲ್ಲಿ ಹಾಗು ರಾತ್ರಿಯಲ್ಲಿ ಮನೆಯ ಛಾವಣಿಯ ಮೇಲೆ ಮಲಗುತ್ತಿದ್ದರು. ಈ ಸಮಯದಲ್ಲಿ, ಅವರು ಅನೇಕ ಸ್ನೇಹಿತರ ಮನೆಯಲ್ಲಿ ತಲೆಮರೆಸಿಕೊಂಡಿದ್ದರು.
