ಒಂದು ಕಾಲದಲ್ಲಿ ಕೂಲಿ ಕೆಲಸ ಮಾಡಿ ಕಂಡಕ್ಟರ್ ಆಗಿದ್ದ ರಜನಿಕಾಂತ್ ಜೀವನವನ್ನೇ ಬದಲಿಸಿದ ಗೆಳೆಯನ‌‌ ‘ಆ ಒಂದು’ ಮಾತು: ಇಂದು ಸಾವಿರಾರು ಕೋಟಿಯ ಒಡೆಯ ರಜನಿಕಾಂತ್

ದಕ್ಷಿಣ ಭಾರತದ ಚಿತ್ರರಂಗದ ಮೆಗಾಸ್ಟಾರ್ ರಜನಿಕಾಂತ್ 72 ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ರಜನಿಕಾಂತ್ ಹಿಂದಿ ಚಿತ್ರರಂಗದಲ್ಲೂ ಕೆಲಸ ಮಾಡಿದ್ದು, ಬಾಲಿವುಡ್ ನಲ್ಲೂ ಹೆಸರು ಗಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ರಜನಿಕಾಂತ್ ಅವರನ್ನು ದಕ್ಷಿಣ ಭಾರತದ ಚಿತ್ರರಂಗದ ದೊಡ್ಡ ನಟ ಎಂದು ಪರಿಗಣಿಸಲಾಗಿದೆ. ಅವರು ಡಿಸೆಂಬರ್ 12, 1950 ರಂದು ಕರ್ನಾಟಕದ ರಾಜಧಾನಿ ಬೆಂಗಳೂರಿನಲ್ಲಿ ಜನಿಸಿದರು.

ರಜನಿಕಾಂತ್ ಒಂದು ಕಾಲದಲ್ಲಿ ಬಸ್ ಕಂಡಕ್ಟರ್ ಆಗಿ ಕೆಲಸ ಮಾಡುತ್ತಿದ್ದರು. ಕಂಡಕ್ಟರ್ ಅಲ್ಲದೆ ಅವರು ಕೂಲಿ (ಹಮಾಲಿ) ಕೆಲಸವನ್ನೂ ಮಾಡಿದ್ದಾರೆ. ಆದರೆ ನಂತರದಲ್ಲಿ ಚಿತ್ರರಂಗಕ್ಕೆ ಬಂದು ಬಳಿಕ ಝಗಮಗ ಪಸರಿಸಿದ ಅವರ ಹೊಳಪು ಇದುವರೆಗೂ ಕಳೆಗುಂದಿಲ್ಲ. ರಜನಿಕಾಂತ್ ತಮ್ಮ ಅತ್ಯುತ್ತಮ ನಟನೆಯಿಂದ ಎಲ್ಲರ ಮನ ಗೆದ್ದಿದ್ದಾರೆ. ದಕ್ಷಿಣ ಭಾರತದಲ್ಲಿ ಅವರ ಅಭಿಮಾನಿಗಳು ರಜನಿಕಾಂತ್ ಅವರನ್ನು ದೇವರಂತೆ ಪೂಜಿಸುತ್ತಾರೆ.

ರಜನಿಕಾಂತ್ ಅವರ ಅಸಲಿ ಹೆಸರು ಕೆಲವೇ ಕೆಲವು ಜನರಿಗೆ ತಿಳಿದಿದೆ. ಅವರ ನಿಜವಾದ ಹೆಸರು ಶಿವಾಜಿರಾವ್ ಗಾಯಕವಾಡ. ನಂತರ ಚಿತ್ರರಂಗಕ್ಕೆ ಬಂದ ಮೇಲೆ ಅವರು ರಜನಿಕಾಂತ್ ಆದರು. ಅದೇ ಸಮಯದಲ್ಲಿ ಅಭಿಮಾನಿಗಳು ಅವರನ್ನು ಪ್ರೀತಿಯಿಂದ ‘ತಲೈವಾ’ ಎಂದು ಕರೆಯುತ್ತಾರೆ. ಇಂದು ರಜನಿಕಾಂತ್ ಅಪಾರ ಸಂಪತ್ತು ಮತ್ತು ಖ್ಯಾತಿಯನ್ನು ಹೊಂದಿದ್ದಾರೆ ಆದರೆ ಒಂದು ಕಾಲದಲ್ಲಿ ಅವರ ದಿನಗಳು ಬಡತನದಲ್ಲಿ ಕಳೆದದ್ದಾಗಿದ್ಸವು

ಗೆಳೆಯನ ಸಲಹೆಯ ಮೇರೆಗೆ ಮದ್ರಾಸ್ ಫಿಲಂ‌ ಇನ್ಸ್ಟಿಟ್ಯೂಟ್ ನಲ್ಲಿ ಅಡ್ಮಿಷನ್

ರಜನಿಕಾಂತ್ ಒಮ್ಮೆ 2 ಸಾವಿರ ರೂಪಾಯಿ ಗಳಿಸುತ್ತಿದ್ದರು. ರಜನಿಕಾಂತ್ ಅವರು ಬಸ್ ಕಂಡಕ್ಟರ್ ಆಗಿ ಕೆಲಸ ಮಾಡಿದರು ಆದರೆ ಅವರು ನಟನಾಗಲು ಬಯಸಿದ್ದರು ಮತ್ತು ಒಮ್ಮೆ ಅವರ ಸ್ನೇಹಿತ ರಾಜ್ ಬಹದ್ದೂರ್ ಅವರನ್ನು ಮದ್ರಾಸ್ ಫಿಲ್ಮ್ ಇನ್ಸ್ಟಿಟ್ಯೂಟ್ಗೆ ಸೇರುವಂತೆ ಸಲಹೆ ನೀಡಿದರು. ಇದಾದ ನಂತರ ಅಲ್ಲಿ ಪ್ರವೇಶ ಪಡೆದು ನಂತರ ಚಿತ್ರರಂಗಕ್ಕೆ ಬಂದರು.

1975 ರಲ್ಲಿ ಫಿಲಂ ಕೆರಿಯರ್ ಶುರುಮಾಡಿದ ರಜನಿಕಾಂತ್

ರಜನಿಕಾಂತ್ ತಮ್ಮ 25 ನೇ ವಯಸ್ಸಿನಲ್ಲಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ಅವರ ಮೊದಲ ಚಿತ್ರ ‘ಅಪೂರ್ವ ರಾಗಂಗಾಲ್’. ಈ ಚಿತ್ರ 1975 ರಲ್ಲಿ ಬಿಡುಗಡೆಯಾಯಿತು. ಅದು ತಮಿಳು ಚಿತ್ರವಾಗಿತ್ತು. ನಟ ತಮಿಳು ಮಾತ್ರವಲ್ಲದೆ ತೆಲುಗು ಮತ್ತು ಕನ್ನಡ ಚಿತ್ರಗಳಲ್ಲಿ ಕೆಲಸ ಮಾಡುವ ಮೂಲಕ ಸಾಕಷ್ಟು ಖ್ಯಾತಿ ಗಳಿಸಿದ್ದಾರೆ.

1982 ರಲ್ಲಿ ಬಾಲಿವುಡ್ ಡೆಬ್ಯೂ

ರಜನಿಕಾಂತ್ ತಮಿಳು ಸಿನಿಮಾ, ಕನ್ನಡ ಸಿನಿಮಾ ಮತ್ತು ತೆಲುಗು ಸಿನಿಮಾಗಳಲ್ಲದೆ ಹಿಂದಿ ಸಿನಿಮಾಗಳಲ್ಲೂ ಕೆಲಸ ಮಾಡಿದ್ದಾರೆ. ಅವರು ಬಾಲಿವುಡ್‌ನಲ್ಲಿಯೂ ಯಶಸ್ವಿಯಾದರು ಮತ್ತು ಅನೇಕ ಉತ್ತಮ ಚಿತ್ರಗಳನ್ನು ನೀಡಿದರು. ‘ಅಂಧಾ ಕಾನೂನ್’ ಚಿತ್ರದ ಮೂಲಕ ಹಿಂದಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ಈ ಚಿತ್ರ 1982 ರಲ್ಲಿ ಬಿಡುಗಡೆಯಾಯಿತು. ಹಿರಿಯ ನಟ ಅಮಿತಾಬ್ ಬಚ್ಚನ್ ಕೂಡ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರ ಸೂಪರ್ ಹಿಟ್ ಆಗಿದ್ದು, ರಜನಿಕಾಂತ್ ಅವರ ಬಾಲಿವುಡ್ ಚೊಚ್ಚಲ ಚಿತ್ರ ಇದಾಗಿತ್ತು.

ಒಂದು ಚಿತ್ರಕ್ಕೆ 100 ಕೋಟಿ ಫೀಸ್, ಒಟ್ಟು ಆಸ್ತಿ 430 ಕೋಟಿಗೂ ಹೆಚ್ಚು

ರಜನಿಕಾಂತ್ ದಕ್ಷಿಣ ಭಾರತದ ಚಿತ್ರರಂಗ ಮಾತ್ರವಲ್ಲದೆ ಭಾರತದ ದುಬಾರಿ ನಟರಲ್ಲಿ ಒಬ್ಬರು. ಒಂದು ಚಿತ್ರಕ್ಕೆ ಅವರ ಸಂಭಾವನೆ 100 ಕೋಟಿ ರೂ. ರಜನಿಕಾಂತ್ ಅವರ ಬಳಿ ಅಪಾರ ಸಂಪತ್ತು ಇದೆ.

ರಜನಿಕಾಂತ್ ಚೆನ್ನೈನಲ್ಲಿ ಕೋಟ್ಯಂತರ ಮೌಲ್ಯದ ಐಷಾರಾಮಿ ಮತ್ತು ಸುಂದರವಾದ ಬಂಗಲೆಯನ್ನು ಹೊಂದಿದ್ದಾರೆ. ಅವರ ಬಳಿ ಐಷಾರಾಮಿ ಕಾರುಗಳೂ ಇವೆ. ಮತ್ತೊಂದೆಡೆ, ‘ತಲೈವಾ’ ಒಟ್ಟು ಆಸ್ತಿಯ ಬಗ್ಗೆ ಮಾತನಾಡುವುದಾದರೆ, ಮಾಧ್ಯಮ ವರದಿಗಳ ಪ್ರಕಾರ, ಅವರು 430 ಕೋಟಿ ರೂಪಾಯಿಗೂ ಹೆಚ್ಚು ಆಸ್ತಿ ಹೊಂದಿದ್ದಾರೆ.