ಹಿಜಾಬ್ ವಿವಾದಕ್ಕೆ ಸಂಬಂಧಿಸಿದಂತೆ ಕರ್ನಾಟಕ ಹೈಕೋರ್ಟ್‌ನ ತೀರ್ಪನ್ನು ಪ್ರಶ್ನಿಸಿ ಸಲ್ಲಿಸಲಾದ ಅರ್ಜಿಗಳನ್ನು ಸುಪ್ರೀಂ ಕೋರ್ಟ್ ನೆನ್ನೆ ವಿಚಾರಣೆ ನಡೆಸಿತು. ಶಿಕ್ಷಣ ಸಂಸ್ಥೆಗಳಲ್ಲಿ ಹಿಜಾಬ್ ಧರಿಸುವುದು ಇಸ್ಲಾಂನ ಮೂಲಭೂತ ಧಾರ್ಮಿಕ ಆಚರಣೆಯಲ್ಲ ಎಂದು ಕರ್ನಾಟಕ ಹೈಕೋರ್ಟ್ ತನ್ನ ತೀರ್ಪಿನಲ್ಲಿ ಹೇಳಿದೆ. ಅರ್ಜಿದಾರರ ಪರ ಹಿರಿಯ ವಕೀಲ ಯೂಸುಫ್ ಮುಛಲಾ ವಾದ ಮಂಡಿಸಿದರು. ಅರ್ಜಿದಾರರ ಪ್ರಕಾರ ಹಿಜಾಬ್ ತಮ್ಮ ಧರ್ಮದ ಭಾಗವಾಗಿದ್ದು, ಹಲವು ವರ್ಷಗಳಿಂದ ಹಳೆಯ ವಿದ್ಯಾರ್ಥಿಗಳು ಯಾವುದೇ ನಿರ್ಬಂಧವಿಲ್ಲದೆ ಹಿಜಾಬ್ ಧರಿಸುತ್ತಿದ್ದಾರೆ ಎಂದು ಅವರು ಹೇಳಿದರು.
Mucchala continues reading from the petition, showing the bench pleadings regarding hijab – "…previous students since several years have continued to wear hijab without any hindrance".
"There is not denial of this by the respondent", Muchhala.#Hijab
— Live Law (@LiveLawIndia) September 12, 2022
ಇದಕ್ಕೆ ನ್ಯಾಯಮೂರ್ತಿ ಗುಪ್ತಾ, “ನಿಮ್ಮ ತರ್ಕವೇನು? ಹೈಕೋರ್ಟ್‌ನಲ್ಲಿ ಏನು ಹೇಳಲಾಗಿದೆ ಎಂಬುದನ್ನು ಮಾತ್ರ ನಾವು ಗಣನೆಗೆ ತೆಗೆದುಕೊಳ್ಳುತ್ತೇವೆ” ಎಂದರು. ಈ ವಿಷಯವನ್ನು ಸಂವಿಧಾನ ಪೀಠಕ್ಕೆ ಕಳುಹಿಸಬೇಕು. ಇದನ್ನು ನನ್ನ ಸ್ನೇಹಿತ ಕಾಮತ್ ಅವರೂ ವಿನಂತಿಸಿದ್ದು ಅದನ್ನು ನಾನು ಮತ್ತೆ ಪುನರಾವರ್ತಿಸುವುದಿಲ್ಲ ಎಂದು ಯೂಸುಫ್ ಹೇಳಿದ್ದಾರೆ. ಯೂಸಫ್ ವಾದ ಮಂಡಿಸುತ್ತ, “ಹಿಜಾಬ್ ಧರಿಸಬೇಕೆ ಅಥವಾ ಬೇಡವೇ ಎಂಬುದು ನನ್ನ ಆದ್ಯತೆಯಾಗಿದೆ. ಕುರಾನ್ ಮಿತಿಯನ್ನು ಅನುಸರಿಸಲು ಹೇಳುತ್ತದೆ ಮತ್ತು ಅದನ್ನು ಪಾಲಿಸಲು ನಾನು ಈ ವೈಯಕ್ತಿಕ ಹಕ್ಕನ್ನು ಹೊಂದಿರಬೇಕು” ಎಂದರು.
Mucchala : It is my preference, whether to wear hijab. My Quran says observe modesty. And to observe that modesty, I must have this personal marker. #Hijab #SupremeCourt
— Live Law (@LiveLawIndia) September 12, 2022
ಮುಛಲಾ ಮುಂದೆ ಮಾತನಾಡುತ್ತ, ನ್ಯಾಯಾಲಯವು ಕುರಾನ್ ವ್ಯಾಖ್ಯಾನದ ಕೆಲಸವನ್ನು ಮಾಡಬಾರದು ಮತ್ತು ಒಂದೇ ದೃಷ್ಟಿಕೋನವನ್ನು ಅಳವಡಿಸಿಕೊಳ್ಳಬಾರದು. ಇದನ್ನೇ ಹೈಕೋರ್ಟ್ ಮಾಡಿದ್ದು, ಅಬ್ದುಲ್ಲಾ ಯೂಸುಫ್ ಅಲಿ ಅವರ ಭಾಷಾಂತರವನ್ನು ಬೇರೆ ರೂಪಕ್ಕೆ ತರಲಾಗಿದೆ ಎಂದರು.
Mucchala : Court should not embark upon the task of interpreting Quran and should not pick up just one view. That is what the High Court has done. The translation of Abdulla Yusuf Ali has been taken as divine words.#Hijab #SupremeCourt
— Live Law (@LiveLawIndia) September 12, 2022
ಇದಕ್ಕೆ ನ್ಯಾಯಮೂರ್ತಿ ಧುಲಿಯಾ ಅವರು, ‘‘ಇದನ್ನು ಧಾರ್ಮಿಕ ಆಚರಣೆ ಎಂದು ಹೇಳಿಕೊಂಡು ನೀವು ಹೈಕೋರ್ಟ್‌ಗೆ ಹೋಗಿರುವುದು ನನಗೆ ಅರ್ಥವಾಗುತ್ತಿಲ್ಲ. ಹೈಕೋರ್ಟ್ ಯಾವ ಆಯ್ಕೆಯನ್ನು ಹೊಂದಿದೆ? ಹೈಕೋರ್ಟ್ ತನ್ನದೇ ಆದ ರೀತಿಯಲ್ಲಿ ನಿರ್ಧಾರವನ್ನು ನೀಡುತ್ತದೆ ಮತ್ತು ಅದನ್ನು ಮಾಡಲು ಸಾಧ್ಯವಿಲ್ಲ ಎಂದು ನೀವು ಹೇಳುತ್ತೀರಿ” ಎಂದರು.
Justice Dhulia : I am not understanding this point. You went to the High Court claiming it as an essential religious practice. What option does the HC have? HC gives a decision one way or other and you say it cannot be done.#Hijab #SupremeCourt
— Live Law (@LiveLawIndia) September 12, 2022
ಈ ವಿಷಯದ ಬಗ್ಗೆ ಹಿರಿಯ ವಕೀಲ ಹಾಗು ಹಿರಿಯ ಕಾಂಗ್ರೆಸ್ ನಾಯಕ ಸಲ್ಮಾನ್ ಖುರ್ಷಿದ್ ಅವರು, “ಕುರಾನ್ ಮಾನವ ನಿರ್ಮಿತವಲ್ಲ. ಅದರಲ್ಲಿ ಪ್ರವಾದಿಯವರ ಮೂಲಕ ಬಂದ ಆಯತ್‌ಗಳು, ನಿಯಮಗಳಿವೆ. ಇದು ಅಲ್ಲಾಹುವಿನ ಪ್ರಕಾರ ಮಾಡಲ್ಪಟ್ಟಿದ್ದು ಅದು ಕಡ್ಡಾಯವಾಗಿದೆ” ಎಂದರು.
Khurshid : Unlike other religions, Islam has no binary of obligatory and non-obligatory. The word of God is obligatory.#Hijab #SupremeCourt
— Live Law (@LiveLawIndia) September 12, 2022
ಅವರು ಮುಂದೆ ಮಾತನಾಡುತ್ತ, “ಇತರ ಧರ್ಮಗಳಿಗಿಂತ ಭಿನ್ನವಾಗಿ, ಇಸ್ಲಾಂ ಧರ್ಮವು ಕಡ್ಡಾಯ ಮತ್ತು ಕಡ್ಡಾಯವಲ್ಲದ ಎರಡು ಮಾನದಂಡಗಳನ್ನು ಹೊಂದಿಲ್ಲ. ಅಲ್ಲಾಹನು ಹೇಳುವ ಪ್ರತಿಯೊಂದು ಮಾತೂ ಕಡ್ಡಾಯವಾಗಿದೆ” ಎಂದರು. ಸಲ್ಮಾನ್ ಖುರ್ಷಿದ್ ಪ್ರಕಾರ ಪ್ರವಾದಿ ಏನೇ ಮಾಡಿದ್ದರೂ ಅವೆಲ್ಲವೂ ಕುರಾನಿನ ಸಂಗತಿಗಳೇ. ಇಸ್ಲಾಂನಲ್ಲಿ ಕಡ್ಡಾಯ ಮತ್ತು ಕಡ್ಡಾಯವಲ್ಲದ ಬೈನರಿ ಇಲ್ಲ. ನಂತರ ಖುರ್ಷಿದ್ ಖುರಾನ್ ಪ್ರತಿಗಳನ್ನು ನ್ಯಾಯಾಧೀಶರಿಗೆ ಹಸ್ತಾಂತರಿಸಿದರು. ಕುರಾನ್‌ನ ಮಾತುಗಳನ್ನು ಪಾಲಿಸದವರಿಗೆ ಶಿಕ್ಷೆಯ ನಿಬಂಧನೆಯೂ ಇದೆ ಎಂದು ಹೇಳಿದರು.
ಈ ಬಗ್ಗೆ ನಿಮ್ಮ ಅಭಿಪ್ರಾಯವೇನು ಎಂದು ನ್ಯಾಯಮೂರ್ತಿ ಧುಲಿಯಾ ಖುರ್ಷಿದ್ ಅವರನ್ನು ಕೇಳಿದರು. ಇದು ಧಾರ್ಮಿಕ ವಿಷಯವೇ? ಇದನ್ನು ಧರ್ಮವಾಗಿ ನೋಡಬಹುದೇ ಅಥವ ಆತ್ಮಸಾಕ್ಷಿಯಾಗಿ ನೋಡಬಹುದು, ಸಂಸ್ಕೃತಿಯಾಗಿ ನೋಡಬಹುದು, ವೈಯಕ್ತಿಕ ಘನತೆ ಮತ್ತು ಖಾಸಗಿತನವಾಗಿ ನೋಡಬಹುದೇ? ಎಂದರು. ಆಗ ಖುರ್ಷಿದ್ ಬುರ್ಖಾ, ಜಿಲ್ಬಾಬ್, ಹಿಜಾಬ್ ನಡುವಿನ ವ್ಯತ್ಯಾಸವನ್ನು ಪೀಠಕ್ಕೆ ವಿವರಿಸಿದರು. ರಾಜಸ್ಥಾನ ಮತ್ತು ಉತ್ತರ ಪ್ರದೇಶದ ಕೆಲವು ಭಾಗಗಳಲ್ಲಿ ಮಹಿಳೆಯರು ಹೊರಗೆ ಹೋಗುವಾಗ ಘುಂಘಟ್ ಅನ್ನು ಕಡ್ಡಾಯ ಎಂದು ಪರಿಗಣಿಸಲಾಗುತ್ತದೆ ಎಂದು ಹಿರಿಯ ವಕೀಲ ಖುರ್ಷಿದ್ ಹೇಳಿದರು.
Khurshid : Our jurisprudence recognizes culture as well as religion. Since your lordships have been addressed on essential religious practice, I will not elaborate. #Hijab #SupremeCourt
— Live Law (@LiveLawIndia) September 12, 2022
ಅದೇ ಸಮಯದಲ್ಲಿ, ಹಿರಿಯ ವಕೀಲ ಕಾಮತ್ ಅವರು ಸಂವಿಧಾನದ 25 (2) ನೇ ವಿಧಿಯ ಅಡಿಯಲ್ಲಿ ತಮ್ಮ ವಾದದ ಸಂದರ್ಭದಲ್ಲಿ, “ನಾನು ಸ್ಕಾರ್ಫ್ ಧರಿಸಿದರೆ, ನಾನು ಯಾರ ಮೂಲಭೂತ ಹಕ್ಕುಗಳನ್ನು ಉಲ್ಲಂಘಿದಾತಾಗುತ್ತೆ?” ಎಂಬ ಪ್ರಶ್ನೆಯನ್ನು ಎತ್ತಿದರು. ರಾಜ್ಯದ ಶಿಕ್ಷಣ ಸಂಸ್ಥೆಗಳಲ್ಲಿ ಹಿಜಾಬ್ ನಿಷೇಧಿಸಿ ರಾಜ್ಯ ಸರ್ಕಾರದ ಆದೇಶವನ್ನು ಎತ್ತಿ ಹಿಡಿದಿರುವ ಕರ್ನಾಟಕ ಹೈಕೋರ್ಟ್ ಆದೇಶವನ್ನು ಪ್ರಶ್ನಿಸಿ ಸಲ್ಲಿಸಲಾಗಿದ್ದ ಅರ್ಜಿಗಳ ವಿಚಾರಣೆಯನ್ನು ಸುಪ್ರೀಂ ಕೋರ್ಟ್ ಸೆಪ್ಟೆಂಬರ್ 8ರಂದು ಮುಂದೂಡಿತ್ತು. ಹಿಜಾಬ್ ನಿಷೇಧದ ಮೇಲಿನ ಮುಂದಿನ ವಿಚಾರಣೆಯನ್ನು ಸರ್ವೋಚ್ಚ ನ್ಯಾಯಾಲಯವು ಸೆಪ್ಟೆಂಬರ್ 12 ಕ್ಕೆ ನಿಗದಿಪಡಿಸಿತ್ತು.
ಹಿಜಾಬ್ ವಿವಾದದ ಬಗ್ಗೆ ಹೈಕೋರ್ಟ್ ನೀಡಿದ್ದ ತೀರ್ಪೇನಿತ್ತು?
ಮಾರ್ಚ್ 14, 2022 ರಂದು ಕರ್ನಾಟಕದಲ್ಲಿ ಹೈಕೋರ್ಟ್ ತೀರ್ಪು ಬಂದಿತ್ತು. ವಿದ್ಯಾರ್ಥಿನಿಯರು ನಿಗದಿತ ಸಮವಸ್ತ್ರ ಧರಿಸಿ ಬರಲು ನಿರಾಕರಿಸುವಂತಿಲ್ಲ ಎಂದು ಹೇಳಿತ್ತು. ಈ ತೀರ್ಪನ್ನು ಪ್ರಶ್ನಿಸಿ ಸುಪ್ರೀಂ ಕೋರ್ಟ್‌ನಲ್ಲಿ 23 ಅರ್ಜಿಗಳನ್ನು ಸಲ್ಲಿಸಲಾಗಿತ್ತು. ಈ ವಿಷಯದ ವಿಚಾರಣೆಯ ಸಂದರ್ಭದಲ್ಲಿ, ಹಿಜಾಬ್ ಅನ್ನು ಸಮರ್ಥಿಸುವ ಪೇಟ ಮತ್ತು ತಿಲಕವನ್ನು ಸಹ ವಕೀಲ ರಾಜೀವ್ ಧವನ್ ಪ್ರಶ್ನಿಸಿದ್ದರು. ಆಗ ನ್ಯಾಯಮೂರ್ತಿ ಗುಪ್ತಾ ಅವರು, “ಪೇಟವನ್ನು ಹಿಜಾಬ್‌ಗೆ ಸಮಾನವೆಂದು ಹೇಳಲಾಗುವುದಿಲ್ಲ, ಅದು ಧಾರ್ಮಿಕವಲ್ಲ. ಇದನ್ನು ರಾಜಮನೆತನದ ನ್ಯಾಯಾಲಯಗಳಲ್ಲಿ ಧರಿಸಲಾಗುತ್ತಿತ್ತು. ನನ್ನ ಅಜ್ಜ ಕಾನೂನು ಅಭ್ಯಾಸ ಮಾಡುವಾಗ ಅದನ್ನು ಧರಿಸುತ್ತಿದ್ದರು. ಅದನ್ನು ಹಿಜಾಬ್‌ಗೆ ಹೋಲಿಸಬೇಡಿ” ಎಂದಿದ್ದರು.
