ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಬುಧವಾರ (ಫೆಬ್ರವರಿ 1, 2023) ತಮ್ಮ 5 ನೇ ಬಜೆಟ್ ಮತ್ತು 2019 ರಲ್ಲಿ ಮತ್ತೆ ಅಧಿಕಾರಕ್ಕೆ ಬಂದ ‘ಮೋದಿ ಸರ್ಕಾರ 2.0’ ನ ಕೊನೆಯ ಪೂರ್ಣ ಬಜೆಟ್ ಅನ್ನು ಮಂಡಿಸಿದರು. ವೈಯಕ್ತಿಕ ಆದಾಯ ತೆರಿಗೆ ಮಿತಿಯನ್ನು 5 ಲಕ್ಷದಿಂದ 7 ಲಕ್ಷಕ್ಕೆ ಹೆಚ್ಚಿಸುವುದಾಗಿ ಹಣಕಾಸು ಸಚಿವರು ಘೋಷಿಸಿದರು. ಇದರೊಂದಿಗೆ, ಬಂಡವಾಳ ಹೂಡಿಕೆಯ ವೆಚ್ಚದಲ್ಲಿ (Capital Investment Outlay) ಶೇಕಡಾ 33 ರಷ್ಟು ಹೆಚ್ಚಳದಿಂದ 10 ಲಕ್ಷ ಕೋಟಿ (1000000 ಕೋಟಿ) ವರೆಗೆ ಹಲವಾರು ಘೋಷಣೆಗಳನ್ನು ಮಾಡಲಾಯಿತು.
ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯಕ್ಕೆ (Minority Affairs Ministry) 2023-24ರ ಕೇಂದ್ರ ಬಜೆಟ್‌ನಲ್ಲಿ ಬುಧವಾರ 3097.60 ಕೋಟಿ ರೂ.ಗಳನ್ನು ನಿಗದಿಪಡಿಸಲಾಗಿದೆ, ಇದು ಹಿಂದಿನ ಹಣಕಾಸು ವರ್ಷದ ಪರಿಷ್ಕೃತ ಅಂಕಿಅಂಶಗಳಿಗಿಂತ 484.94 ಕೋಟಿ ರೂ. ಹೆಚ್ಚಿದೆ. 2023-24ಕ್ಕೆ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮಂಡಿಸಿದ ಬಜೆಟ್‌ನಲ್ಲಿ ಕೇಂದ್ರವು ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯಕ್ಕೆ 3097.60 ಕೋಟಿ ರೂ. ನೀಡಿದೆ.
2022-23ರ ಹಣಕಾಸು ವರ್ಷದಲ್ಲಿ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯದ ಬಜೆಟ್ ಅಂದಾಜು 5020.50 ಕೋಟಿ ರೂ.ಗಳಾಗಿದ್ದು, ನಂತರ ಅದರ ಹಂಚಿಕೆಯನ್ನು ರೂ.2612.66 ಕೋಟಿಗೆ ಪರಿಷ್ಕರಿಸಲಾಗಿತ್ತು. ಸಚಿವಾಲಯಕ್ಕೆ ಪ್ರಸ್ತಾವಿತ ಹಂಚಿಕೆಯಲ್ಲಿ, 433 ಕೋಟಿ ರೂ. ಮೆಟ್ರಿಕ್ ಪೂರ್ವ ವಿದ್ಯಾರ್ಥಿವೇತನ ಯೋಜನೆಗೆ ಮತ್ತು 1065 ಕೋಟಿ ಮೆಟ್ರಿಕ್ ನಂತರದ ವಿದ್ಯಾರ್ಥಿವೇತನಕ್ಕೆ ನೀಡಲಾಗಿದೆ.
ದೇಶದಾದ್ಯಂತ ಅಲ್ಪಸಂಖ್ಯಾತ ಮತ್ತು ಕುಶಲಕರ್ಮಿ ಸಮುದಾಯಗಳ ಕೌಶಲ್ಯ, ಉದ್ಯಮಶೀಲತೆ ಮತ್ತು ನಾಯಕತ್ವ ತರಬೇತಿ ಅಗತ್ಯಗಳನ್ನು ಕೇಂದ್ರೀಕರಿಸುವ MoMA ಯ ಕೌಶಲ್ಯ ಉಪಕ್ರಮವಾದ ಪ್ರಧಾನ ಮಂತ್ರಿ ಪರಂಪರೆಯ ಪ್ರಚಾರಕ್ಕಾಗಿ (PM ವಿಕಾಸ್) ಒಟ್ಟು 540 ಕೋಟಿ ರೂ.ಗಳನ್ನು ನಿಗದಿಪಡಿಸಲಾಗಿದೆ. ಪಸ್ಮಂದಾ ಮುಸ್ಲಿಮರಲ್ಲಿ ಬಿಜೆಪಿ ತನ್ನ ಜನಪ್ರಿಯತೆಯನ್ನು ಹೆಚ್ಚಿಸುತ್ತಿದೆ ಎಂಬುದು ರಾಜಕೀಯ ವಿಶ್ಲೇಷಕರ ಅಭಿಪ್ರಾಯವಾಗಿದೆ.
ಹೆಚ್ಚುವರಿಯಾಗಿ, ಬಜೆಟ್‌ನಲ್ಲಿ ಪ್ರಧಾನ ಮಂತ್ರಿ ಜನ ವಿಕಾಸ್ ಕಾರ್ಯಕ್ರಮಕ್ಕೆ (ಪಿಎಂಜೆವೈಕೆ) 600 ಕೋಟಿ ರೂ. ನೀಡಲಾಗಿದೆ. ಇದು ವಿಶೇಷ ಪ್ರದೇಶ ಅಭಿವೃದ್ಧಿ ಕಾರ್ಯಕ್ರಮವಾಗಿದೆ (MCA) ಆಯ್ದ ಅಲ್ಪಸಂಖ್ಯಾತರ ಕೇಂದ್ರೀಕೃತ ಪ್ರದೇಶಗಳಲ್ಲಿನ ಅಭಿವೃದ್ಧಿ ಮತ್ತು ಕೊರತೆಗಳನ್ನು ನೀಗಿಸುವ ಗುರಿಯನ್ನು ಹೊಂದಿದೆ. ಬಹು-ವಲಯ ಅಭಿವೃದ್ಧಿ ಕಾರ್ಯಕ್ರಮವನ್ನು (MSDP) ಪ್ರಧಾನ ಮಂತ್ರಿ ಜನ ವಿಕಾಸ್ ಕಾರ್ಯಕ್ರಮಕ್ಕಾಗಿ ಪುನರ್ರಚಿಸಲಾಗಿದ್ದು ಇದಕ್ಕೆ ಹೊಸ ರೂಪ ನೀಡಲಾಗಿದೆ.
ಮದರಸಾಗಳಲ್ಲಿ ಆಧುನಿಕ ವಿಷಯಗಳ ಅಳವಡಿಕೆ, ಶಿಕ್ಷಕರ ತರಬೇತಿ ಮತ್ತು ಅಲ್ಪಸಂಖ್ಯಾತ ಸಂಸ್ಥೆಗಳಲ್ಲಿ ಶಾಲಾ ಮೂಲಸೌಕರ್ಯಗಳನ್ನು ಹೆಚ್ಚಿಸಲು ಆರ್ಥಿಕ ನೆರವು ಎಂದು ಬಜೆಟ್‌ನಲ್ಲಿ 10 ಕೋಟಿ ರೂ. ನೀಡಲಾಗಿದೆ. 2022-2023 ರ ಆರ್ಥಿಕ ವರ್ಷದಲ್ಲಿ, ‘ಮದರಸಾಗಳು ಮತ್ತು ಅಲ್ಪಸಂಖ್ಯಾತರ ಶಿಕ್ಷಣ ಯೋಜನೆ’ಗೆ 60 ಕೋಟಿ ರೂ.ಗಳನ್ನು ನಿಗದಿಪಡಿಸಲಾಗಿತ್ತು, ಆದರೆ ಅದಕ್ಕೂ ಮೊದಲು ಕೇಂದ್ರವು 161.53 ಕೋಟಿ ರೂ. ಖರ್ಚು ಮಾಡಿತ್ತು.
ಸರಕಾರದಿಂದ ಅಲ್ಪಸಂಖ್ಯಾತರ ವ್ಯವಹಾರಗಳ ಸಚಿವಾಲಯಕ್ಕೆ ನಿರಂತರ ಧನಸಹಾಯ ನೀಡುತ್ತಿದ್ದರೂ ಎಡಪಂಥೀಯ ಮಾಧ್ಯಮಗಳು ಅಲ್ಪಸಂಖ್ಯಾತರ ನಿಧಿಯನ್ನು ಕಡಿತಗೊಳಿಸಿದೆ ಎಂದು ಅಳಲು ತೋಡಿಕೊಳ್ಳುತ್ತಿರುವುದು ಉಲ್ಲೇಖಾರ್ಹ. ಕಳೆದ ವರ್ಷ ಅಲ್ಪಸಂಖ್ಯಾತರ ವ್ಯವಹಾರಗಳಿಗೆ ಕೇಂದ್ರವು 5000 ಕೋಟಿ ರೂ.ಗಳನ್ನು ಮಂಜೂರು ಮಾಡಿದ್ದು, ಅದರಲ್ಲಿ ಒಂದು ದೊಡ್ಡ ಮೊತ್ತ (ರೂ. 2300 ಕೋಟಿ) ಬಳಕೆಯಾಗದೆ ಉಳಿದಿದೆ ಎಂಬುದು ಗಮನಿಸಬೇಕಾದ ಸಂಗತಿ. ಈ ವರ್ಷ, ಕೇಂದ್ರವು ತನ್ನ ಹಿಂದಿನ ಕ್ರಮಗಳಿಂದ ಪಾಠಗಳನ್ನು ಕಲಿತಿದ್ದು ರೂ 3097 ಕೋಟಿಗಳನ್ನು ನಿಗದಿಪಡಿಸಿತು, ಇದು ಪ್ರಸಕ್ತ ಹಣಕಾಸು ವರ್ಷದ ರೂ 2612.66 ಕೋಟಿ (ಪರಿಷ್ಕೃತ ಅಂದಾಜು) ಗಿಂತ ಸುಮಾರು 18% ಹೆಚ್ಚಾಗಿದೆ.
