ನವಾಜುದ್ದೀನ್ ಸಿದ್ದಿಕಿ ಯಾವುದೇ ನಾಯಕನ ಹೆಸರನ್ನು ಹೇಳಲಿಲ್ಲ, ಆದರೆ ವರದಿಗಳ ಪ್ರಕಾರ, ಅಕ್ಷಯ್ ಕುಮಾರ್, ಸಲ್ಮಾನ್ ಖಾನ್, ಅಮೀರ್ ಖಾನ್, ಶಾರುಖ್ ಖಾನ್ ಅವರಂತಹ ಕೆಲವು ಸ್ಟಾರ್ ನಟರು ಚಿತ್ರವೊಂದಕ್ಕೆ 100 ಕೋಟಿ ಅಥವ ಅದಕ್ಕಿಂತ ಹೆಚ್ಚಿನ ಸಂಭಾವನೆಯನ್ನ ಚಾರ್ಜ್ ಮಾಡುತ್ತಾರೆ.
ಬಾಲಿವುಡ್ ನಟ ನವಾಜುದ್ದೀನ್ ಸಿದ್ದಿಕಿ ಹೇಳುವ ಪ್ರಕಾರ, ಚಿತ್ರವೊಂದಕ್ಕೆ 100 ಕೋಟಿ ರೂಪಾಯಿ ಶುಲ್ಕ ವಿಧಿಸುವ ನಟರಿಂದ ಚಿತ್ರಗಳಿಗೆ ನಷ್ಟವಾಗಿದೆ ಎಂದಿದ್ದಾರೆ. ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ಅವರು ಈ ಬಗ್ಗೆ ಹೇಳಿಕೊಂಡಿದ್ದಾರೆ. ವಾಸ್ತವವಾಗಿ, ನವಾಜ್ ಬಾಕ್ಸ್ ಆಫೀಸ್ ನಲ್ಲಿ ಚಲನಚಿತ್ರಗಳ ಪರ್ಫಾರ್ಮೆನ್ಸ್ ಬಗ್ಗೆ ಮಾತನಾಡುತ್ತಿದ್ದರು. ಈ ಸಮಯದಲ್ಲಿ, ನಟರು ಬಾಕ್ಸ್ ಆಫೀಸ್ ನಂಬರ್ ಬಗ್ಗೆ ತಲೆ ಕೆಡಿಸಿಕೊಳ್ಳಬಾರದು, ಬದಲಿಗೆ ಅವರು ತಮ್ಮ ಕೆಲಸದ ಮೇಲೆ ಮಾತ್ರ ಗಮನ ಹರಿಸಬೇಕು ಎಂದು ಅವರು ಸ್ಪಷ್ಟಪಡಿಸಿದರು.
‘ಬಾಕ್ಸ್ ಆಫೀಸ್ ನಂಬರ್ ನೋಡೋದು ಪ್ರೊಡ್ಯೂಸರ್‌ಗಳ ಕೆಲಸ’
ಇ-ಟೈಮ್ಸ್ ಜೊತೆ ಮಾತನಾಡಿದ ನವಾಜುದ್ದೀನ್, “ಬಾಕ್ಸಾಫೀಸ್ ನಂಬರ್ ಗಳನ್ನು ನೋಡುವುದು ನಿರ್ಮಾಪಕರ ಕೆಲಸ, ಒಬ್ಬ ನಟ ಟಿಕೆಟ್ ಮಾರಾಟದ ಬಗ್ಗೆ ಚಿಂತಿಸಬಾರದು. ನಾನು ಅದನ್ನು ಕಲೆಯಲ್ಲಿನ ಭ್ರಷ್ಟಾಚಾರ ಎಂದು ನೋಡುತ್ತೇನೆ. ನಟನು ಬಾಕ್ಸ್ ಆಫೀಸ್ ಬಗ್ಗೆ ಚಿಂತಿಸಬಾರದು. ಸಂಖ್ಯೆಗಳು, ಅದರ ಬಗ್ಗೆ ಏಕೆ ಮಾತನಾಡಬೇಕು? ಚಿತ್ರಕ್ಕೆ 100 ಕೋಟಿ ಚಾರ್ಜ್ ಮಾಡುವ ನಟರು ಚಿತ್ರಕ್ಕೆ ಮಾತ್ರ ಹಾನಿ ಮಾಡುತ್ತಾರೆ. ಸಣ್ಣ ಅಥವಾ ಮಧ್ಯಮ ಬಜೆಟ್ ಚಿತ್ರ ಎಂದಿಗೂ ವಿಫಲವಾಗುವುದಿಲ್ಲ, ಪ್ರತಿ ಬಾರಿ ಚಿತ್ರದ ಬಜೆಟ್ ಮಿತಿ ಮೀರಿದಾಗ ಅದು ವಿಫಲಗೊಳ್ಳುತ್ತದೆ, ನಟರು, ನಿರ್ದೇಶಕರು, ಕಥೆಗಾರರು ಫ್ಲಾಪ್ ಆಗುವುದಿಲ್ಲ. ಚಿತ್ರದ ಬಜೆಟ್ ಅದನ್ನು ಹಿಟ್ ಅಥವಾ ಫ್ಲಾಪ್ ಮಾಡುತ್ತದೆ” ಎಂದರು.
ಫಿಲ್ಮ್‌ಗೆ ಬಿಗ್ ಬಜೆಟ್ ಮುಖ್ಯವೋ ಬಿಗ್ ಐಡಿಯಾ ಮುಖ್ಯವೋ?
ಈ ಸಂಭಾಷಣೆಯಲ್ಲಿ, ಸಿನಿಮಾಗೆ ದೊಡ್ಡ ಬಜೆಟ್ ಬೇಕೇ ಅಥವಾ ದೊಡ್ಡ ಐಡಿಯಾ ಬೇಕೇ ಎಂದು ನವಾಜ್ ಅವರನ್ನು ಕೇಳಿದಾಗ, “ಹಣವು ಯಾವಾಗಲೂ ಒಳ್ಳೆಯ ಆಲೋಚನೆಗಳು ಮತ್ತು ಉತ್ಸಾಹದ ಹಿಂದೆ ಓಡುತ್ತೆ ಎಂಬುದು ಐತಿಹಾಸಿಕ ಸತ್ಯ. ನನ್ನ ಬಳಿ ಒಂದು ಟ್ರಿಲಿಯನ್ ಡಾಲರ್ ಇರಬಹುದು. ಒಂದು ಕಲ್ಪನೆಯ ಬಗ್ಗೆ ಯೋಚಿಸುವ ಸಾಮರ್ಥ್ಯವಿಲ್ಲದಿದ್ದರೆ ನಾನು ನನ್ನ ಜೇಬಿನಿಂದ ಒಂದು ಟ್ರಿಲಿಯನ್ ಡಾಲರ್ ಅನ್ನು ಕಳೆದುಕೊಳ್ಳುತ್ತೇನೆ, ಚಿತ್ರರಂಗದ ದೃಷ್ಟಿಕೋನದಿಂದ ಒಬ್ಬ ವ್ಯಕ್ತಿ ಒಳ್ಳೆಯ ಸ್ಕ್ರಿಪ್ಟ್ ಹೊಂದಿದ್ದರೆ, ನಂತರ ನಿರ್ಮಾಪಕರು ಅನಿಯಮಿತ ಹಣದಿಂದ ಅವನ ಹಿಂದೆ ಓಡುತ್ತಾರೆ” ಎಂದರು.
1999 ರಿಂದ ಚಲನಚಿತ್ರಗಳಲ್ಲಿ ಸಕ್ರಿಯರಾಗಿದ್ದಾರೆ ನವಾಜುದ್ದೀನ್ ಸಿದ್ದಿಕಿ
48 ವರ್ಷದ ನವಾಜುದ್ದೀನ್ ಸಿದ್ದಿಕಿ 1999 ರಿಂದ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಈ ಸಮಯದಲ್ಲಿ, ಅವರು ಎಲ್ಲಾ ಮೂವರೂ ಖಾನ್‌ಗಳೊಂದಿಗೆ ಅಂದರೆ ಅಮೀರ್ ಖಾನ್, ಸಲ್ಮಾನ್ ಖಾನ್ ಮತ್ತು ಶಾರುಖ್ ಖಾನ್ ಕೆಲಸ ಮಾಡಿದ್ದಾರೆ. ಅಮೀರ್ ಖಾನ್ ಜೊತೆಗಿನ ‘ಸರ್ಫರೋಶ್’ ಚಿತ್ರದಲ್ಲಿ ಸಣ್ಣ ಪಾತ್ರ ಮಾಡಿದ್ದರೂ ಅದು ಸ್ಮರಣೀಯವಾಗಿತ್ತು. ಅವರು ಸಲ್ಮಾನ್ ಮತ್ತು ಶಾರುಖ್ ಅವರೊಂದಿಗೆ ಸಂಪೂರ್ಣ ಫ್ಲ್ಯಾಗ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ಅವರು ಸಲ್ಮಾನ್ ಖಾನ್ ಜೊತೆ ‘ಕಿಕ್’ ಮತ್ತು ‘ಬಜರಂಗಿ ಭಾಯಿಜಾನ್’ ನಲ್ಲಿ ಕಾಣಿಸಿಕೊಂಡರೆ, ಶಾರುಖ್ ಖಾನ್ ಜೊತೆ ‘ರಯೀಸ್’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಟೈಗರ್ ಶ್ರಾಫ್ ಅಭಿನಯದ ‘ಹೀರೋಪಂತಿ 2’ ನಲ್ಲಿ ಕೊನೆಯದಾಗಿ ಕಾಣಿಸಿಕೊಂಡಿದ್ದು, ನವಾಜ್ ಅವರ ಮುಂಬರುವ ಚಿತ್ರಗಳಲ್ಲಿ ‘ಅದ್ಭುತ್’, ‘ಟಿಕು ವೆಡ್ಸ್ ಶೇರು’, ‘ನೂರಾನಿ ಚೆಹ್ರಾ’, ‘ಬೋಲೆ ಚೂಡಿಯಾನ್’, ‘ಜೋಗಿರಾ ಸಾರಾ ರಾ ರಾ’, ‘ಸಂಗೀನ್’ ಮತ್ತು ‘ಅಫ್ವಾ’ ಸೇರಿವೆ.
