ರಾಮಾಯಣ, ರಾಮಚರಿತಮಾನಸ ದ್ವೇಷ ಹರಡುವ ಪುಸ್ತಕ ಎಂದು ಹೇಳಿರುವ ಬಿಹಾರದ ಶಿಕ್ಷಣ ಸಚಿವ ಚಂದ್ರಶೇಖರ್ ವಿರುದ್ಧ ದೇಶಾದ್ಯಂತ ಭಾರೀ ಆಕ್ರೋಶ ವ್ಯಕ್ತವಾಗುತ್ತಿದೆ. ಬಿಜೆಪಿ ಇದನ್ನು ರಾಷ್ಟ್ರೀಯ ಜನತಾ ದಳದ (ಆರ್‌ಜೆಡಿ) ಓಲೈಕೆ ಮತ್ತು ವೋಟ್ ಬ್ಯಾಂಕ್ ರಾಜಕಾರಣದ ಭಾಗ ಎಂದು ಕರೆದಿದೆ. ಮತ್ತೊಂದೆಡೆ, ಅಯೋಧ್ಯೆಯ ಮಹಂತ್ ಜಗದ್ಗುರು ಪರಮಹಂಸ ಆಚಾರ್ಯ ರವರು ಚಂದ್ರಶೇಖರನ ನಾಲಿಗೆ ಕತ್ತರಿಸಿ ತಂದ ವ್ಯಕ್ತಿಗೆ 10 ಕೋಟಿ ರೂಪಾಯಿ ನೀಡುವುದಾಗಿ ಘೋಷಿಸಿದ್ದಾರೆ.
ಬಿಜೆಪಿಯ ರಾಷ್ಟ್ರೀಯ ವಕ್ತಾರ ಶಹಜಾದ್ ಪೂನವಾಲಾ ಅವರು ವಿಡಿಯೋವನ್ನು ಟ್ವೀಟ್ ಮಾಡಿ “ಬಿಹಾರದ ಶಿಕ್ಷಣ ಸಚಿವರು ರಾಮಚರಿತಮಾನಸವು ದ್ವೇಷವನ್ನು ಹರಡುವ ಪುಸ್ತಕ ಎಂದು ಹೇಳುತ್ತಾರೆ. ಕೆಲ ದಿನಗಳ ಹಿಂದೆ ಜಗದಾನಂದ್ ಸಿಂಗ್ ರಾಮ ಜನ್ಮಭೂಮಿಯನ್ನು ‘ದ್ವೇಷದ ನಾಡು’ ಎಂದು ಕರೆದಿದ್ದರು. ಇದು ಕಾಕತಾಳೀಯವಲ್ಲ, ಇದು ವೋಟ್ ಬ್ಯಾಂಕ್ ಉದ್ಯಮವಾಗಿದೆ. ಮತ ಪಡೆಯಲು ಹಿಂದೂಗಳ ಧಾರ್ಮಿಕ ನಂಬಿಕೆಗಳಿಗೆ ಧಕ್ಕೆ ತಂದರು. SIMI ಮತ್ತು PFI ಪರ ವಹಿಸಿ ಮಾತನಾಡಿದರು. ಹಿಂದೂ ನಂಬಿಕೆಗೆ ಧಕ್ಕೆ ತರುವ ಇಂಥವರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದೇ?” ಎಂದಿದ್ದಾರೆ.
बिहार के शिक्षा मंत्री “ रामचरितमानस नफ़रत फ़ैलाने वाला ग्रन्थ है”
कुछ दिन पहले जगदानंद सिंह ने राम जन्मभूमि को “नफ़रत की ज़मीन” बताया
यह संयोग नहीं यह वोट बैंक का उद्योग है
हिंदू आस्था पर करो चोट ताकि मिले वोटSIMI और PFI की पैरवी,हिंदू आस्था पर चोट
क्या कार्यवाही होगी? https://t.co/NiUrJ0Yugt pic.twitter.com/S20ODPca8l
— Shehzad Jai Hind (@Shehzad_Ind) January 11, 2023
ಪೂನಾವಾಲಾ ತಮ್ಮ ಟ್ವೀಟ್ ನಲ್ಲಿ, “ಇದು ಕಾಕತಾಳೀಯವಲ್ಲ, ವೋಟ್ ಬ್ಯಾಂಕ್ ರಾಜಕಾರಣ ಅತ್ಯಂತ ಅಸಹ್ಯಕರ ಉದ್ಯಮವಾಗಿದೆ. ಕೆಲವು ದಿನಗಳ ಹಿಂದೆ, ಆರ್‌ಜೆಡಿಯ ಬಿಹಾರ ಅಧ್ಯಕ್ಷರು ರಾಮ ಜನ್ಮಭೂಮಿಯನ್ನು ದ್ವೇಷದ ಭೂಮಿ ಎಂದು ಕರೆದಿದ್ದರು. ಭಗವಾನ್ ಶ್ರೀರಾಮನ ಬಗ್ಗೆ ಕಾಮೆಂಟ್ ಮಾಡಿದ್ದಾರೆ. ಈಗ ಬಿಹಾರದ ಶಿಕ್ಷಣ ಸಚಿವ ಮತ್ತು ಆರ್‌ಜೆಡಿ ನಾಯಕ ರಾಮಚರಿತಮಾನಸವು ದ್ವೇಷದ ಪುಸ್ತಕ ಎಂದು ಹೇಳುತ್ತಾರೆ. ಸಿಮಿ ಮತ್ತು ಪಿಎಫ್‌ಐನಲ್ಲಿ ಯಾವುದೇ ಭಯೋತ್ಪಾದಕರನ್ನು ಬೆಂಬಲಿಸಿದ್ದು ಇದೇ ಆರ್‌ಜೆಡಿ. ಇದೇ ಇಕೋ ಸಿಸ್ಟಮ್ ಹಿಂದೂ ನಂಬಿಕೆಯ ಮೇಲೆ ಪದೇ ಪದೇ ದಾಳಿ ಮಾಡುತ್ತದೆ. ಆರ್‌ಜೆಡಿ ನಾಯಕರು ಪದೇ ಪದೇ ಹಿಂದೂಗಳನ್ನು ಅವಮಾನಿಸುತ್ತಾರೆ. ಇತ್ತೀಚಿನ ಹೇಳಿಕೆಗೆ ಆರ್‌ಜೆಡಿ ನಾಯಕ ಕ್ಷಮೆಯಾಚಿಸುತ್ತಾರಾ?” ಎಂದಿದ್ದಾರೆ.
ಮತ್ತೊಂದೆಡೆ, ಚಂದ್ರಶೇಖರ್ ಹೇಳಿಕೆಗೆ ಅಯೋಧ್ಯೆಯ ಮಹಂತ್ ಜಗತ್ಗುರು ಪರಮಹಂಸ ಆಚಾರ್ಯ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಬಿಹಾರದ ಶಿಕ್ಷಣ ಸಚಿವರ ಹೇಳಿಕೆಯು ಸನಾತನ ಧರ್ಮಕ್ಕೆ ಮಾಡಿದ ಘೋರ ಅವಮಾನ ಎಂದು ಅವರು ಹೇಳಿದ್ದಾರೆ. ಒಂದು ವಾರದೊಳಗೆ ಶಿಕ್ಷಣ ಸಚಿವರನ್ನು ಅವರ ಸ್ಥಾನದಿಂದ ವಜಾಗೊಳಿಸಬೇಕು ಮತ್ತು ಅವರು ಕ್ಷಮೆಯಾಚಿಸಬೇಕು ಎಂದು ನಾನು ಒತ್ತಾಯಿಸುತ್ತೇನೆ. ಇದು ಆಗದಿದ್ದರೆ ಬಿಹಾರದ ಶಿಕ್ಷಣ ಸಚಿವರ ನಾಲಿಗೆ ಕಡಿಯುವವರಿಗೆ 10 ಕೋಟಿ ರೂಪಾಯಿ ಬಹುಮಾನ ನೀಡುತ್ತೇನೆ. 
ಇದೇ ವೇಳೆ ರಾಮಚರಿತಮಾನಸ ವಿಭಜಿಸುವ ಪುಸ್ತಕವಲ್ಲ, ಜೋಡಿಸುವ ಪುಸ್ತಕ ಎಂದರು.
#WATCH मनुस्मृति को क्यों जलाया गया क्योंकि उसमें एक बड़े तबके के खिलाफ अनेको गालियां दी गई। रामचरितमानस का क्यों प्रतिरोध हुआ और किस अंश का प्रतिरोध हुआ?: रामचरितमानस पर बिहार के शिक्षा मंत्री चंद्रशेखर, पटना pic.twitter.com/bW2pB8Eg3P
— ANI_HindiNews (@AHindinews) January 11, 2023
‘ನಳಂದ ಓಪನ್ ಯೂನಿವರ್ಸಿಟಿ’ಯ ಘಟಿಕೋತ್ಸವ ಸಮಾರಂಭದಲ್ಲಿ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದ ಬಿಹಾರದ ಶಿಕ್ಷಣ ಸಚಿವ ಚಂದ್ರಶೇಖರ್ ರಾಮಚರಿತಮಾನಸವು ಸಮಾಜವನ್ನು ವಿಭಜಿಸುವ ಪುಸ್ತಕ ಎಂದು ಕರೆದಿದ್ದರು. ರಾಮಚರಿತಮಾನಸ್ ದಲಿತರು ಮತ್ತು ಹಿಂದುಳಿದವರು ಶಿಕ್ಷಣ ಪಡೆಯುವುದನ್ನು ತಡೆಯುತ್ತದೆ ಎಂದು ಹೇಳಿದ್ದರು. ಭಾಷಣದ ನಂತರ, ಬಿಹಾರದ ಶಿಕ್ಷಣ ಸಚಿವರು ಮಾಧ್ಯಮಗಳ ಮುಂದೆಯೂ ತಮ್ಮ ಹೇಳಿಕೆಯನ್ನು ಸಮರ್ಥಿಸಿಕೊಂಡರು.
